En Ondas setm. 40 Didier Tousis « Hèstas sauvatjas »

„Per un instant perfèit qu’èm capables de suportar tots los autes” ce nse bremba Didier Tousis citant Sartre.
Hèstas sauvatjas peus mainats de l’Ecole Nidau de Soston.
L’escòla bilingua singulara, en pedagogia Montessori, en occitan gascon qu’edita lo son purmèr obratge.
Ua escòla deu dehòra, deu desvelh qui perpausa aqueth àlbum remarcable (coord. D. Tousis), tot en color dab dessenhs deus escolans, pegatges, fotografias, creacion grafica. Curiós de tot, aqueths mainats, qu’observèn au long de l’an, un dia la setmana, en la seuva. Ua escòla de la lentor, de l’observacion, de la paciéncia e de la sensibiltat. Magnific àlbum cartonat tot en color, 38 p., 15 €. Coproduccion Pit produccions-Ligams/La Passem.
Didier Tousis que nse ditz que, en companhia deus mainats, cau deishar lo temps a la vita.
«En çò deus mainats, tots los mainats deu monde, que i ei l’esper esconut d’un monde diferent». Maria Montessori

Los ligams per completar :
– Maria Montessori https://it.wikipedia.org/wiki/Maria_Montessori dens la wiki italiana
– Celestin Freinet https://ca.wikipedia.org/wiki/C%C3%A9lestin_Freinet en la wiki catalana [ ua version occitana que seré planvienguda, non trobatz pas ?]
– Rudolf Steiner https://ca.wikipedia.org/wiki/Pedagogia_Waldorf
e que v’aconselhi tanben « Printemps silencieux » de Rachel Carson, un deus documentaris mei legit au monde https://fr.wikipedia.org/wiki/Printemps_silencieux + https://fr.wikipedia.org/wiki/Rachel_Carson

Las musicas d’En Ondas
• The Crane of Akn au Duduk per Yeghish Manoukian Illuminacion Musica d’Armenia
• Issòr Ua, miduna, mitrèna 2 PS GS Issor Conte de la Maria Chorra
Pas avut lo temps de’vs passar « La Maria-Chorra e lo pinçan »
 Sonaus de Joan Francés Tisnèr Winter Surge inedit