Jòclong 093 Bemaniya

Uei qu’èm en Gasconha dab un grope de joens… tostemps joens a l’òra d’enregistrar l’edicion aquesta. Inacostumat puish a que lo perpaus de Jòclong ei de perpausar disques occitans de temps i a. Aqueste disc qu’ei de musica cantada e instrumentau, la de Bemaniya (prumèra sillaba deu petit nom de cada membre deu grope), musica d’aprenents ! Un disc testimòni de tot un tribalh de terrenh en Vath d’Aspa per monde atentius e neuriders de l’associacion Vath d’Aspa.

Nous sommes cette fois-ci en Gascogne avec un groupe de jeunes… toujours jeunes au moment d’enregistrer la présente édition. Inaccoutumé puisque le propos de Jòclong est bien de proposer à l’écoute des disques occitans d’il y a longtemps. Ce disque de musique chantée et instrumentale est celui de Bemaniya (première syllabe du prenom de chaque membre du groupe), musique d’apprenants ! Un disque témoin de tout un travail de terrain en Vallée d’Aspe par des personnes attentives et nourrisseuses de l’association Vath d’Aspa.

Jòclong 92 Aubestin Cauhapè, cantador aussalés

Un disc singular de musica gascona, concebut e produsit per Joan Francés Tisnèr que’vs convidi d’escotar. Pareishut en çò de Menestrèrs Gascons en 2003. Aubestin Cauhapè cantador aussalés (1914-1992) que n’ei lo títol e qu’ei lo prumèr de la colleccion Archius sonòrs. Los collectatges que son de Crestiana Mosquès 1986-1987. Qu’ei Catí Moncaubeig, productora a Ràdio País, qui mia l’entervista d’Aubestin Cauhapè per l’emission Escambis en 1987. Joan Jaques Casteret etnomusicològue que’n hè la presentacion.

Dab Aubestin Cauhapè, cant ; Suzanne e Aubestin Casaux, Jean-Gabriel Cauhapé, cant ; Crestiana Mosquès, cant e collectatge ; Joan Francés Tisnèr, director artistic.

Un disc e un liberet de 32 pp. qui non se tròban mei (a çò que constati)

De’vs senhalar que l’Escòla Occitana d’Estiu de 2018, 13 e 14 d’aost que perpausa un estagi de Pèire Boissière : https://www.eoe-oc.org/node/105

Jòclong 90 Christian Vieussens Fifres et Tambours de Gascogne

Lo disc de pifres e tabards de Gasconha de Vieussens que tien ua plaça especiau dens la mia discografia ideau per rasons personaus mes tanben pr’amor qu’ei unic e de compte har. De mei ua magnetica pintrura abstrèita de Vieussens qu’ei en portada de disc, qué demandar mei ? Composicion e adobaments  de Christian Vieussens.

Jòclong 89 Chansons de métiers de Provence et du Comtat Venaissin

Cançons de mèstia de Provença e Comtat Venaissin (e non de tribalh, nuància), editat per Ocora en junh de 1989, 13 cantas peus mèstes que son Carlòtti, Mabely, Ricard e Zagaria amassats peu noste plaser.