Month: Octòbre 2014

Disponible tornar en podcast
Escotar l’emission n° 2 
En Ondas de Domenja Lekuona
Que’vs convidam a la dusau part de l’entertien dab C. Milhé autora de « Comment je suis devenue anthropologue et occitane » Le bord de l’eau. NB l’emission de la setmana passada qu’ei en escota a la demanda sus la pagina d’arcuelh deu site de Ràdio País (colona de dreta tot en baish per v’i abonar)
País – paisatges de Georges Souche mustra deu fotografa plen d’engenh 10-18/03/2011 entrada deu CRDP aleia de la Ciutadèla 34000 Montpelhièr, lo blòg de G. Souche Tèrra de Lutz
Michèle Rivasi creatora de la CRIIRAD e eurodeputada que s’estona e que’s revendeish contra la decision de la comunitat de relhevar e sustot de globalizar lo taus de radioactivitat deus aliments entaus umans e peu bestiar en cas d’accident, d’incident… Agra presse & SDN
Contribucions « Roland Pécout » e « Gestions deus plurilinguismes » de l’Université Paul Valéry a l’Université Ouverte des Humanités.
Las musicas d’En ondas
* Friday Evening
* Erik Trufaz Arkangelsk Dubophone
* Didier Squiban Rorz Gwen Kastellig
* Saps Espèr (Saps lo 12/03 Bal a Marslac per Pè de Gat + 6/04 a la MDE Centrifugeuse Hestenau A Pau qu’ei e qu’ei a Pau)
* Geoffrey Oryema Listening wind
* Sponji Reggae Black

Disponible tornar en podcast

En ondas de Domenja Lekuona que recèu aquestas duas setmanas a Colette Milhé, antropològa.
Lo son libe Comment je suis devenue anthropologue et occitane que pareish a las edicions Le bord de l’eau en deceme de 2010. La prefacia qu’ei signada peu trebucat Eric Chauvier. Qu’ei lo director de la colleccion Des mondes ordinaires (de qui ei lo numèro 2) dab Bernard Traimond. Des mondes ordinaires qu’ei tanben lo nom deu hestenau d’antropologia de la còsta lanusqueta. Bernard Traimond, professor emerit a l’universitat Victor Segalen de Bordèu 2, qu’ei lo quite director de tèsi de C. Milhé.
La presenta publicacion per essajar d’inventar ua auta escritura, un entertèxte, un téisher (teishut e tèxte son lo quite medish mot) qui questiona la cercaira e la permet distanciacion e dialòga dab lo tèxte scientific.
C. Milhé qu’ei cercaira-tribalhadora, libra de la soa recèrca, de la soa pensada, deu son caminament. Qu’ei ua persona singulara qui practica ua antropologia activa, ce tà díser participativa dens lo sens on non cranh pas de s’implicar e de préner part aus quites procèssus qui analisa.
Ei la qui ei cargada de presentar un miralh, ua empachaira de virar en rond, un can dens ua glèisa, tot a l’encòp ? Lo son prètzhèit : que lo son tribalh e serveishi a quauquarren ! Ua tintèina (de joenèr ?) que la ren a còps esmaventa.
Lo son subjècte d’enquèsta qu’eslurra de « Quin vaden occitan ? » a un pretendut « Flaquèr de l’occitanisme politic en Bearn » ? Rai, que s’i hè au finau ! E aqueste hèit que vien enqüèra drin mei destorbar, questionar la cercaira sus la soa empatia dab la militança occitanista e solide la plaça soa au pregon : occitana o occitanista ?
Tota question qui renvia a l’accion que mian tot dia los militants occitanistas.
Qu’atenem dab impaciéncia la tèsi per paréisher en çò d’un director de colleccion tolosan. Ua tèsi qui la demora a escríver tornar per estar legedera.
Ua mira d’exercici d’escríver que platz au delà a C. Milhé. Que la practica dejà de faiçon hòrt escricada dens « Comment je suis devenue anthropologue et occitane ». 275 paginas, 22 euros.

Las musicas d’En Ondas
* Lhassa de Mela El Pajaro
* Tenarèze Aral Davant Bordèu
* Tinariwen Amassakoul Amidinin
* Renat Jurié, Laffitte Cants sacrats e profanes Lèva te viste Bertomiu
* Ismaêl Lô Jammu Africa
* Geoffrey Oryema Exile

© Fòto AquitaineOnLine