En Ondas setm. 17 Guy Latry per « Romans » de B. Manciet

En navèra difusion, ua emission de tres ans i a.

Guy Latry qu’ei un passaire.
Que l’encontram au parat de la sortida en çò de las edicions In8, de Romans (lo gojat de noveme-la pluja-lo camin de tèrra / le jeune homme de novembre-la pluie-le chemin de terre), de Bernard Manciet (1923-2005) d’ara enlà disponibles en francés dens las presentas navèras arreviradas en çò de l’editor bearnés. Lo gojat arrevirat per Estela Comellas e Guy Latry, La ploja per Guy Latry e Lo camin de tèrra per Sèrgi Javaloyès e Guy Latry. Que trobaràn las versions en lenga nosta en çò de Per Noste e Reclams.

Lo parat de vs’informar que despuish 2018 un site internet bilingüe qu’estó creat qui visitaràn dab profieit : https://bernardmanciet.com.

Cobèrta de Romans de Bernat Manciet en çò de In8 en 2018.

Romans/Bernard Manciet, trad., prefaci, notícia, bibliografia Guy Latry, coll. Estela Comellas e Sèrgi Javaloyès. Sèrra Morlaàs: In8, 2018 (Escapades, dir. coll. S. Javaloyès). 350 p. 2018. 22 euros.

Las musicas d’En ondas :
Lubat Poiesiques, St Just Blues
Crestian Vieussens Esquiç seguit d’auròst 7 e 9
Manufactures verbales : SonetsLa seda, Negue pelami, Còpa, talha, talhuca dit per Bernat Manciet.

Sonaus de Denis Fournier e Percussions Profile Le Mystère de la Pyramide

En Ondas setm. 16 Yannick Jaulin (en navèra escota)

  • © Y. Jaulin a Pougne en 2017 D. Lekuona

Quasi 5 ans i a au noste micro, Yannick Jaulin per Ma langue maternelle va mourir et j’ai du mal à vous parler d’amour, espectacle autant iconoclaste com ginhèc.

Per ací ua video mercés a la complicitat enter auta de Joan Pèire Lacomba, fotografa, contaire e escrivan eth tanben.

Que parlam lenga, la soa e la nosta !

La musicas d’En Ondas :
Mouth Music I Bhi A Da
Màgerment a partir deu cd collector e preciós de Yannick Jaulin Mick de Chaï
Benaese
Belebat
Tokolai
L’oie Qui Brete
Mick De Chai
Eklektic consort Cashmir Adrià Grandia sonsainista
 Sonaus de Denis Fournier e Percussions Profile Le Mystère de la Pyramide

En Ondas setm. 07 Danèu e Celina de La Talvera

en difusion tornar part 1

Aquestas setmanas qu’ei temps de juntar a actors màgers de la nosta cultura aus confronts d’Avairon, de Tarn e de Carcin. Duas edicions d’En Ondas que’s consacraràn, shens poder està’n un miralh sufisent solide, au gran tribalh de CORDAE – La Talvera en companhia de Danèu Loddo e Celina Ricard. Impressionanta produccion de disques e libes, d’evenements de transmission, de lòcs de formacion, de lòc per banhà’s a la hont de la literatura e de la musica popularas, considerant l’importància deu folclòre (sciéncia deu pòble literaument) de noste com d’alhors. Que perseguiram l’auta setmana aqueste encontre passionant e agradiu deu mes d’aost de 2018.

La Talvera © Wikimedia commons

Las musicas d’En ondas :

La Talvera

Bramadís I a un prat a dalhar (impertinéncia e consciéncia)

Sopac e Patac Sardenha

Danèu Loddo e Claudi Sicre

Batèstas e cantariás (1976) Lo Babau

Efisio Melis dab Gavino de Lunas e Antonio Pisano Launeddas en Sardenha Mediana a Pipia

La Talvera

Pòble mon pòble Occitan Berbèr

Cançons pebradas Mon Berimbau (tirat deu disc de La Talvera, de senhalar lo libe de la collècta « Contes pebrats e salats” que sòrt de paréisher a CORDAE – La Talvera)

Sonaus de Denis Fournier e Percussions Profile Le Mystère de la Pyramide

En Ondas ‘De tot un pauc’ Pèire Boissièra

Pèire Boissièra que sòrt de quitar aqueste monde aqueste començar de genèr de 2022.
Pensadas aus sons.

Francés Dumeaux que nse’n disèva mei en junh de 2019 suu libe-disc de Pèire Boissièra De tot un pauc en çò deu labèl Pagans.
Parièr dens l’emission lo somari deus Reclams 850 e lo menú deu dia de cultura occitana organizat per Art’Òc a Croselhas fin de junh.
En illustracion cap de capitèth escultat, situit en Auvèrnha e fotografiat per Pèire Boissièra.

Francés Dumeaux per De tot un pauc de Pèire Boissièra au labèl Pagans

Las musicas d’En Ondas

  • Idil·li contrapassat (agost 2015 De Calaix i Carles Mas)
  • Pèire Boissièra De tot un pauc
    • Flor d’estiu
    • Alegria
    • La pastora lirís
    peu miei deus qui atormeran a Pèire Boissière solide que i ei François Dumeaux, Maria Boissièra e Jérôme Noirez
    • Quauques cants de la nòça gascona Featuring Maria Boissièra tanben que difusím
    • Per camin de Perpinha Featuring Jérôme Noirez

 Sonaus de Denis Fournier e Percussions Profile Le Mystère de la Pyramide

En Ondas setm. 43 Katy Bernard Mooc – Les chansons des troubadours

Sola e unica convidada d’En Ondas, Katy Bernard, mèsta de conferéncia d’occitan a l’universitat de Bordèu Montaigne. Presidenta lavetz en 2015 de l’InÒc Aquitània. Creatore de l’associacion Trobadas. Que devisa deu mooc a succès (mei de 3000 inscriuts) : Les chansons des troubadours, qui’s debanè d’abriu a mai de 2015. Un Mooc (massive open online course) qui’s tienerà tornar en 2016. Que ns’entertien tanben de las soas publicacions Les mots d’Aliénor : Aliénor d’Aquitaine et son siècle publicat per Confluences e de Le Néant et la joie Chansons de Guillaume d’Aquitaine editat per Federop.

[emission deu 27 de seteme de 2015 en difusion tornar – en rediffusion]

Las musicas d’En Ondas* Rosina e Martina de Pèira Cants tradicionaus Escotatz Marcabrun

* U2 Achtung baby So cruel

* T Na Rez Aral Interludio+Interludio humeur acqueuse

* Brice Duisit Guillaume IX d’Aquitaine – Las cansos del Coms de peitieus Interlude instrumentau

* T Na Rez Aral Aral

* No quarter

* Re Niliu Caravi A la calla africana

* Delphine Aguilera Christian Zagaria Amb la doçor Quan vei la lauseta mover Bernat de Ventadorn

Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission.

En Ondas setm. 51 Frederic Handy

Per clavar aquesta annada de totas las quiraulas de non pas engolir e de desesperança per l’espectacle vitèc juntas, que vos perpausi d’encontrar a Frederic Handy. Ua tota petita hièstra dens lo confinar que’m permetó de seguir la visita en occitan au Musèu Joana de Labrit a Ortès.

Frederic Handy, cantador (Arraya), guide (deu Musèu Joana de Labrit e deu protestantisme d’Ortès…, actor [de la seria Oc Kay sus òctele : en tres sasons, los mots, las recèptas de cosina, los noms de lòc per la sason per viéner: consultanta Benedicta Boyrie-Fénié] a partir deu 23/12 https://www.octele.com/Kay_323.html, mediator culturau a l’Ostau bearnés e arderós benevòle generós a Présence).

Joan Bodon centenari : espepitar los suplements au Jornalièr Audenc (per s’i adonar [sic!] clicar lo ligam e que vederatz que crosquilha !). Abeurà’s a l’òbra, ua de las mei fantastica e accessibla de l’escritura occitana: la version originau de l’òbra qu’ei de trobar a l’IEO edicions.
Junhet : Sud-Ouest et monde musulman : histoires de rencontre. Dens ua edicions d’En Ondas en difusion per viéner (pendent las vacanças) que tornarèi dab Alem Surre-Garcia suus sons Orients d’Occitania (e que serà lo parat d’escotar Martina Jòia, ua de las interprètas de la conferéncia d’Alem, parièr dens aquesta emission). A la presenta que’vs voi senhalar l’excellent obratge de Crestian Coulon, professor emerit de l’Universitat de Bordèu on obrava a l’Institut d’Etudes Politiques, especialista de l’Africa negra e de l’Islam e autanplan de la cultura soa (qu’ei Medoquin). Un libe que pareish en çò de Cairn a Pau (on ei mercat esputzat d’aquesta passa) e d’on tornaram devisar dab gran plaser en la soa companhia quan ne sia l’escadença urosa. Òc un junhet de bon léger en aquestes temps de d’arregdiments identitaris e d’intoleràncias.

Eglògas 1567 Pèir de Garròs (1525-1530? – 1581) Ortès: Per Noste ; 2011. 158pp. Glossari. Classics gascons ; 11.
De Pèir de Garròs à l»abbé Fabre Trois siècles de poésie occitane per Paul Fabre. Montpelhièr: Presses Universitaires de la Méditerranée ; 2013.

Las musicas d’En Ondas
• Uèi Rodin Kaufmann Soleu d’argent Manténguer Riòta (Pèir de Garròs)
• Laüsa Entalh Bèth cèu de Pau (Darrichon)
• Joan Francés Tisnèr EBTè! Epistòli (Pèir de Garròs)
 Sonaus de Denis Fournier e Percussions Profile Le Mystère de la Pyramide

En Ondas setm. 47 Felip Biu

Felip Biu que nse hida, la soa escritura qu’ei intuitiva e quasi fisiologica, que descriu lo fenomèn quan l’arriba com quauquarren qui a d’espelir.

cobèrta portada : © Marie Donnot

La garba de novèlas de sciéncia ficcion, d’anticipacion que hè paréisher en çò de l’editor ortesian Per Noste que’s titola Pilula roja.
Pilula roja, Felip Biu, Ortès : Per Noste 2020, 81p., cob. Color Marie Donnot, 5,50 euros.

De guaitar dens las setmanas per viéner la revirada de Felip Biu de 1984 de George Orwell (Letras d’Òc) e la version occitana deu guide deu Castèth de Mauvesin.

E qu’aprofieitam parièr per parlar dens aquesta edicion d’En Ondas de Dora Bruder deu prèmi Nobel de literatura Patrick Modiano, qui la traduccion e pareish en çò deu quite editor, dens ua revirada occitana e ua fòto de cobèrta d’Elisa Harrer, a Ortès : Per Noste 2020, 85p. 6,50 euros.

Las musicas d’En Ondas
• Tenarèze Aral Bueltea Rondeu Alboka
• John Greaves, Sophia Domanich, Vincent Courtois (extrèits) The Trouble With Happiness : Lucky Day + In the real world + The price we pay
• Valentin Clastrier Valentin Clastrier Au fond des temps 2
• Joan Francés Tisnèr deu darrèr disc EBTè! Mariana e de l’antepenultime Transpòrts Tisnèr S.A. Identitats Amontanhada 2 + Empensat Branlo en còrda regular de creacion de JF Tisnèr dab Manufacture Verbale per Quate e choès, pèça de dança contemporanèa, coreografa Yves Bernet per 3 dançaires tradicionaus – Claudine Delille, Marie-Claude Hourdebaigt e Lionel Dubertrand e ua dançaira contemporanèa Sonia Onckelinx, dus quilhons de nau que hèn tà de bon, l’arrasteraire de sable a l’infinit e los cantaires de Manufacture Verbale.
 Sonaus de Denis Fournier e Percussions Profile Le Mystère de la Pyramide

En Ondas setm. 27 Joan Pèire Lacomba

L’envitat d’En Ondas qu’ei Joan Pèire Lacomba, autor, fotografa. Que signa en companhia de Yves Lavaladade un libe d’etnografia deu dehens, lo Pays de Bòrt, terre d’oc que pareish au Carrefour Ventadorn aquesta prima.


Pays de Bòrt, terre d’oc 714 pp. ill. color, CD d’acompanhament 65′ prefàcia Jean-Claude Sangoi, dessenhs e aquarellas Marie-Louise Antraigue e dab un hèish d’informators collectats e de contribuidors qui non poderam nomar tots ací. Mei indèx mapa e lexic. Lo prètz en dehòra de tota concurréncia qu’ei de 39 euros per un obratge realizat dab gran suenh e de grana qualitat grafica.
Ua soma que representa probable la mesa en abisme etnografic deu rapòrt a la lenga e au país de l’ excellent autor deu Dever del Vaure (Letras d’òc) com lo traductor de La Pèrla de John Steinbeck en çò deu quite editor.
https://www.ventadour.net/achat-le-pays-de-bort-151677-151677.html
Escotar e véder mei la gent deu País de Bòrt : https://biaca.occitanica.eu

Las musicas d’En Ondas
• La novia_Bourrée d’Hugon
• Basile Brémaud – Basile Brémaud, Violon, Musique traditionnelle d’Auvergne et du Limousin – Marche de noce-Bourrée de Chabaud-Bourrée du grand-père Ythier
• La Cleda – La Cleda – Marche de noces de Chabaud – Bourrée de l’hopital
• Basile Brémaud – Basile Brémaud, Violon, Musique traditionnelle d’Auvergne et du Limousin – Trois bourrées selon Jean-Marie Tournadre
• deu CD d’acompanhament Quan la Catí e la faula Lo Lop e lo chin
 Sonaus de Denis Fournier e Percussions Profile Le Mystère de la Pyramide