Category: Primtemps de l’arribèra

En Ondas setm. 21 Martin Lassouque Contras

A.C.P.L.,A.E.P.E.M.,Alain Cadeillan,Boha,Cerc,Contra de la boha,En Ondas,Jacques Baudoin,Martin Lassouque,Miquèu Berdot,musica e dança occitanas,Musica experimentau,Musica improvizada,Primtemps de l'arribèra,R. Matta,Ràdio podcast de resisténcia en occitan,Yan Cozian

Unic envitat d’En Ondas lo bohaire e multi instrumentista Martin Lassouque.

La boha atormerada e aimada per musicians e factors d’instruments taus com Alan Cadelhan, musician e renovator de legenda, Robèrt Matta (triple CD boha e totas las cornamusas e autas cabretas), Jean-Pascal Leriche o Yan Cozian, notaument factor de la boha zèbre que tòca Martin Lassouque qu’atira musicians naus.

Contras de Martin Lassouque : bohas.
dab:
Benjamin Bouyssou  : bohassa (5)
Yan Cozian : boha (7)
Jordan Tisnèr : flabuta e tamborin de còrdas (9)
Benjamin Rouyer : presa de son
Valentin Laborde : visuau e maqueta
CD Digifile 2 volants, liberet 16 pp. 
Indicacions de las honts.
Tradicionau : Gasconha (23 títols / 11 platjas). 15 €
mailto:lassouque.m@hotmail.fr

D’arribar pro lèu : Monde de Bohas, filmat lo 12 de julh de 2018 au château d’Ars a Lourouer-Saint-Laurent de’vs procurar au prètz de 12 euros : https://pagans.bandcamp.com/merch/monde-de-bohas-dvd

Las musicas d’En Ondas
• Martin Lassouque Contras Cornemuse landaise Lo pair de la nòvia / adishatz mèste de maison / pòrti mo marit a vénder + Nau Palometas e Las hilhòtas be’n son polidas / Fotetz-me lo camp canalhas.
• Trencadit Charmantina
 Sonaus de Joan Francés Tisnèr Winter Surge inedit

En Ondas setm. 11 André Minvielle

André Minvielle,En Ondas,Jacques Grandchamp,Jacques Prévert,Juliette Minvielle,Los chancaires,main-vielle à roue,Primtemps de l'arribèra,Ràdio podcast de resisténcia en occitan,Sèrgi Javaloyès

L’André Minvielle de la «mani vièla a arròda» que s’improviza projeccionista-musician dab N’autre histoire au parat de la 16au edicion deu Primtemps de l’arribèra. Lo tèma deu hestenau augan qu’ei « Las invencions »… e l’inventivitat. « Que vivem dens lo desbromb de las nostas metamorfòsis », aquesta citacion de Paul Eluard que la nse bremba lo noste convidat. Que cad a punt mercat tà soslinhar que los artistas e crèan per contribuir a mudar la societat.
Los Chancaires e Lacaze aux Sottises que s’aligan a l’entorn d’ua invencion hòra deu comun : ua « main-vielle à roue » qui conta « N’autre histoire ». Que vira l’arròda, e l’istòria nosta, hèita d’imatges de hèstas, de dança, de vita que pren fòrma e que s’i torna a víver. Ua prumèra restitucion qu’ei perpausada tanlèu lo 14 d’abriu a Sent Pèr de Lèren chancaires@gmail.com.

Un exemple d’aquesta colleccion, realizat a Areta, Varetons : N’autre Histoire ; Lo site dedicat : http://www.lesmutins.org/la-main-vielle-a-roue-81?tab=n-autre-histoire © fòto Le populaire du centre

Dens l’emission André Minvielle ne sap pas enqüèra que la lenga que l’èi – audida mes non autorizada – d’enter Buelh e Vesing e Arròs de Nai, apresa a Ortès dab Michel Grosclaude e a Bordèu dab Jacme Boisgontier. Si m’assimila a Salias qu’ei que i vivi despuish quauques ans.
Lo Jean-François qui mentav per dus còps dens aquesta edicion qu’ei lo qui’m da regularament e d’aquesta passa tanben lo generic d’En Ondas, mercés a d’eth.

Ua entervista realizada abans la suspension de las restriccions impausadas a la poblacion au parat de la covid-19 e l’agression guerrèra de Vladimir Putin sus l’Ucraïna.

Las musicas d’En Ondas
• Serge Pey André Minvielle Nous sommes cernés par les cibles Lageneria
• Juliette Minvielle Lolita-Delmonteil-Ayral Camille Raibaud e qques autes dont Mamie Entalh Bèth cèu de Pau … la transmission
• Minvielle & Papanosh Prévert Parade Seganagramme
 Sonaus de Joan Francés Tisnèr Winter Surge inedit

En Ondas setm. 46 Christian Pacher

Avant-Deux,Basile Brémaud,Borreia,Christian Pacher,Ciac Boum,Les poufs à Cordes,Maraîchine,Marchoise,Parlanghe,Primtemps de l'arribèra,Ràdio podcast de resisténcia en occitan,Rond,Sam Karpiena,St Pèr de Lèren Primtemps de l'Arribèra
© Per l’excellenta gahaira de caras musicaus Véronique Chochon

La paraula au musician poliinstrumentista, cantaire, dançaire e contaire de Peitau Christian Pacher.
Qu’èm au Primtemps de l’Arribèra qui en 2021 e’s tien, per fòrça, l’estiu. Christian qui i tòca dab Ciac Boum que ns’entertien de parets de pèiras secas, d’educacion populara, de costejadas frutècas, de hèstas gaujosas tot com de bilanç carbòni deplorable puish a qu’arrens n’ei profèta au son país. E sustot de cultura e ns’avertir solide que la cultura, la poesia e la literatura : «qu’ei entaus clècos». Los puishants non vòlen sustot pas que se n’ocupem e pensem per nosautes medishes, que nse vòlen guardar descerebrats au ras de la television qui a remplaçat lo còrn deu huec. Tè un renviat, que nse vòlen au còrn deu temps : impotents a véder los trins passar. E non, n’ei pas atau qui ac enten Christian Pacher !

D’autes temps d’aqueste Primtemps de l’arribèra d’estiu : Les poufs à cordes Noélie Nioulou e Clémence Cognet un bon bal-concert e dont me guardi ua de las valsas memorablas dançada dab Basile Brémaud, meravilhós musician e vriolonaire eth tanben, De la Crau de Sam Karpiena, A tot vedent l’espectacle d’augan deus Chancaires e Dus au Casau !

Las musicas d’En Ondas Ciac Boum L’homme sans tête
• Trigou
• Les filles de Noirmoutier
• Migrateurs

Set | Soif

aiga,Primtemps de l'arribèra,St Pèr de Lèren Primtemps de l'Arribèra

Produsit per l’inauguracion confinhada o embarrada deu Primtemps de l’Arribèra.
Musica a basa d’enregistrament d’aiga de hont e d’alet de chivau, de graulhas de Sent Pèr e de musica deu gave de Gavarnia,… L’estela, Boelh,… Laruenh, Ortès, Lo bec e dinc a la Barra (reperatges Sorrom Borrom sus extrèits de la poësia epica de Sèrgi Javaloyès, ua creacion de Joan Francés Tisnèr), fòtos, coll. privada. lo tot per un diaporama que podetz escotar e véder en clicar ací baish.

Descompressem : La companhia deus medakas devath la ploja e pastas japonesas

Avec les médakas sous la pluie …. et des nouilles
Que s’i pòt har ua coregrafia sus la musica parièr non ?
Creative Commons Licence
Blog Inaca.me by Wakame Tamago is licensed under a Creative Commons Attribution-NonCommercial-NoDerivs 3.0 Unported License.
Based on a work at http://inaca.me.

Que trobèi lo blòg de Wakame Tamago mercés a las Becancaneries de Jan Pèire la Rapieta https://becancaneries.wordpress.com/, mercés a d’eth.

En Ondas setm. 15 Carole Beuste Lo Primtemps de l’Arribèra

Carole Beuste,Domenja Lekuona,En Ondas,Primtemps de l'arribèra,Ràdio podcast de resisténcia en occitan,St Pèr de Lèren Primtemps de l'Arribèra
Lo Primtemps de l’Arribèra aquesta fin de setmana 15 a St Pèr de Lèren

Encontrem a Carole Beuste deus Chancaires per parlar deu hestenau tot pròche aquesta fin de setmana Lo Primtemps de l’Arribèra : http://loprimtempsdelarribera.com

Tanben quauques anóncias de parucion

Contes d’Aubrac http://letrasdoc.org

Letra 56 de https://www.locongres.org

Mustra au Musèu d’Aquitània

Tà çò de las musicas, simple, que’s declina en dus projèctes

• Patti Smith Outside society People Have the Power (Remastered)

  • Bal Ping Pong M. Dufau, K. Iriart, J. Padovani, A. Toussaint : branlos, sauts, rondèus… de creacion parièr gessits de la comanda tau Carnaval bearnés de Pau en live ! Extrèits sonque : ça-vietz aquesta dimenjada a St Pèr !

 Sonaus de Denis Fournier e Percussions Profile Le Mystère de la Pyramide

Lo gran tralh rondèu deu Primtemps de l’Arribèra

dança,Dança gascona,Dança tradicionau,musica e dança occitanas,Primtemps de l'arribèra,Rondas de Carcin,Rondas gasconas,Rondèu,St Pèr de Lèren Primtemps de l'Arribèra

trail-st-pc3a9-de-lc3a9ren-rondeaumercés Tai cosin, Bastien, Jordan, Lola, Carole, Maud, Thibault, Christine, Joan Francés, Mireille, Marie-Hélène, Caro, Matiu, … per aqueste moment moment (ua pausa… de cant a dançar)

via TRAIL LAN LA DERI DERI DA

En Ondas setm. 14 M. Dufau entaus ans deus Chancaires

Domenja Lekuona,En Ondas,Los chancaires,Primtemps de l'arribèra,Ràdio podcast de resisténcia en occitan,Ràdio podcast en occitan,St Pèr de Lèren Primtemps de l'Arribèra

L’unic envitat d’aquesta edicion d’En Ondas qu’ei Miquèu Dufau entaus 70 ans deus Chancaires per aquesta dotzau edicion deu Primtemps de l’Arribèra.

Los Chancaires que compausan lo grope de musica, dança e chancas de Sent Pèr de Lèren.

Lo Primtemps de l’Arribèra qu’ei lo 12au hestenau qui aprèstan los Chancaires dab amor totas e tots despuish longas setmanas.

Un deus rendetz-vos de la hèsta en Bearn, lo de la prima, de la renavida. Un programa ric e eclectic dab espectacles entaus chins, de dança, talhèrs de tot ordi, concèrts, tralh rondèus versús dança bretona e solide grans bals e tot plen de causas de i descobrir.

Lo subjècte de l’emission que l’èi volut ancrar sus l’eveniment qui an volut consacrar augan a l’entorn deus ans. Pagerar 70 ans d’un grop de musica e dança n’ei pas costumèr e qu’ei per mantes aspèctes excepcionau.

Dab vertadèrs tròçs de Radio Adour Navarre dehens. Extrèit de l’entervista de Miquèu Dufau per l’emission Adishatz monde d’Yvan Bareyre e Georges Bourdalès deu 3 d’aost de 1985.

Las musicas d’En ondas :

• Artús – Ors – 01 Desvelh per ua entrada naturau, solemna e lenta dens la prima

• Tom Waits Mule variations Filipino Box Spring Hog

• Arnau Obiols Lliberim Interludi

• La porte des secrets

• Arnau Obiols Lliberim Pregaria per la ploja (que non vienga a St Pèr aquesta dimenjada !!!)

• Lau Sasuak Marina Beheretche Quatuor Arnaga Mixel Etxekopar e qques autes
n° 1 Udaberria – La primavera Allegro
n° 1 Udaberria – La primavera Largo
n° 1 Udaberria – La primavera Allegro

Sonaus de Denis Fournier e Percussions Profile Le Mystère de la Pyramide

En Ondas setm. 13 Rodín e Manu cuvada 2009 Lo còr de la Plana

En Ondas,Lo Còr de la Plana,Manu Théron,Primtemps de l'arribèra,Ràdio podcast de resisténcia en occitan,Ràdio podcast en occitan,Rodín Kaufmann,St Pèr de Lèren Primtemps de l'Arribèra

Los deu hestenau de la prima bearnesa Lo Primtemps de l’Arribèra que’m hidan (mercés ! d’alhors la fòto deu Còr qu’ei presa au Primtemps) un talhèr per parlar de la professionalizacion en occitan a liceans.
En tot aprestar e recercar sons, illustracions, que’m soi dita que programas d’En Ondas qui realizi despuish un moment, au finau, que’n poderí perpausar a escotar tornar, arrehonuts au format qui ei lo d’En Ondas despuish quauques mes ce tà díser 45 ‘.
Qu’entinoam dab ua tripla entervista cuelhuda a ua edicion de Jazz Naturel a Ortès (La Moteta) en companhia deu grop marsilhés mitic : Lo còr de la Plana.
Qu’èm a la prima de 2009 : Rodín, Manú e drin Sebastian, tanben quauques petatums mei dens la banda sonòra de l’entervista.

Qu’existeish Lo còr de la plana despuish 2001, que’s tira lo nom d’un barri de Marsilha : La Plana.
Discografia :
Es lo titre 2003
Tant deman 2007
Marcha ! 2012
Las musicas d’En ondas :

Lo còr de la Plana Tant deman

  • Rompa Bassas
  • Tant deman
  • Bosin
  • Mi parlatz pas de tribalhar
  • Lo generic enterlardat qu’ei lo saut de creacion de Joan Francés Tisnèr, Saut de la Calor interpretat enter autes per Mixel Etxekopar per entrar e la version dab Saxifilles per sortir.

Sonaus de Denis Fournier e Percussions Profile Le Mystère de la Pyramide