En Ondas setm. 16 Yannick Jaulin (en navèra escota)

  • © Y. Jaulin a Pougne en 2017 D. Lekuona

Quasi 5 ans i a au noste micro, Yannick Jaulin per Ma langue maternelle va mourir et j’ai du mal à vous parler d’amour, espectacle autant iconoclaste com ginhèc.

Per ací ua video mercés a la complicitat enter auta de Joan Pèire Lacomba, fotografa, contaire e escrivan eth tanben.

Que parlam lenga, la soa e la nosta !

La musicas d’En Ondas :
Mouth Music I Bhi A Da
Màgerment a partir deu cd collector e preciós de Yannick Jaulin Mick de Chaï
Benaese
Belebat
Tokolai
L’oie Qui Brete
Mick De Chai
Eklektic consort Cashmir Adrià Grandia sonsainista
 Sonaus de Denis Fournier e Percussions Profile Le Mystère de la Pyramide

En Ondas setm. 08 Celina e Danèu de La Talvera

en difusion tornar part 2
(e dab lo fichèr son requist… : que mequejàvi complet en 2018… que i avèvi pausat la quita emission de la setmana d’abans. Aquiu la bona version ! E mila perdons !)

  • Que’vs perpausi de trobar tornar la vòsta amna de mainatge per entrar dens la maison d’un còrn de plaça de Còrdas en Tarn aus confronts d’Avairon e de Carcin. Ua maison tota obèrta e escultada peu son proprietari deu hons dinc au bèc dens un dedale de pèças propícias au repaus, au saunei, a la pensada.

  • Dehens que i encontrèm a Danèu Loddo e Celina Ricard deu CORDAE-La Talvera, associacion preciosa qui hesteja los 40 ans en 2019.

  • Las publicacions 2017-2018 Turlututú 2 (contien 2 disques, 112p., ill. Colline Trubert, dab las particions) e Contes pebrats e salats : contes licencieux d’Occitanie, per Danèu Loddo, cobèrta « Frissons rouges” d’Anne Nourian, 528p. n° 6 de l’antologia deu conte popular occitan qui van dab lo disc de La Talvera Cançons pebradas.

https://talvera.org

Las musicas d’En ondas :

La Talvera Sopac e patac Tornam un còp de mai

Verd e Blu Baladas e danças Balada_Lo 6 De genèr_La Craba

La Talvera Sopac e patac Aboio Do Sertao (Aperet deu Sertao)

Elena Ledda Amargura Carinnus

Femmouzes T Quan vei los prats verdesir

L’una garrèla Aelís Loddo vriolonaira e cantaira Je ne peux pas te promettre

La Talvera Sopac e patac Se ieu vali pas gaire

Sonaus de Denis Fournier e Percussions Profile Le Mystère de la Pyramide

En Ondas setm. 07 Danèu e Celina de La Talvera

en difusion tornar part 1

Aquestas setmanas qu’ei temps de juntar a actors màgers de la nosta cultura aus confronts d’Avairon, de Tarn e de Carcin. Duas edicions d’En Ondas que’s consacraràn, shens poder està’n un miralh sufisent solide, au gran tribalh de CORDAE – La Talvera en companhia de Danèu Loddo e Celina Ricard. Impressionanta produccion de disques e libes, d’evenements de transmission, de lòcs de formacion, de lòc per banhà’s a la hont de la literatura e de la musica popularas, considerant l’importància deu folclòre (sciéncia deu pòble literaument) de noste com d’alhors. Que perseguiram l’auta setmana aqueste encontre passionant e agradiu deu mes d’aost de 2018.

La Talvera © Wikimedia commons

Las musicas d’En ondas :

La Talvera

Bramadís I a un prat a dalhar (impertinéncia e consciéncia)

Sopac e Patac Sardenha

Danèu Loddo e Claudi Sicre

Batèstas e cantariás (1976) Lo Babau

Efisio Melis dab Gavino de Lunas e Antonio Pisano Launeddas en Sardenha Mediana a Pipia

La Talvera

Pòble mon pòble Occitan Berbèr

Cançons pebradas Mon Berimbau (tirat deu disc de La Talvera, de senhalar lo libe de la collècta « Contes pebrats e salats” que sòrt de paréisher a CORDAE – La Talvera)

Sonaus de Denis Fournier e Percussions Profile Le Mystère de la Pyramide

En Ondas setm. 51 B. Cursente Lo Libe negre de Salias

Lo Libe Negre de Salias en difusion tornar l’emission deu 17 de març de 2020 : imaginem un gran libe de memòria qui hasqui lei uei enqüèra. Libe singular, emblematic e memòria de la poblacion salièra quasi dus sègles de longa. Que l’avem adara a posita – mercés notaument a Benaset Cursente – publicat, anotat, comentat. Profieitem ! Un libe portat a mei d’ua persona : quate editors intellectuaus que son Maurici Romieu (per la lenga e la soa scripta), Jacques Pons, Jacques Staes e Benoît/Benaset de Cursente. Publicacion realizada en partir deu tribalh de Jean-Pierre Domecq (qui publiquè lo frut deus sons recèrcs tanben en 2017 Le livre noir de Salies-de-Béarn enfin révélé! a las edicions de l’Esvelhadou). L’obratge que’s titòla „Le Livre noir de Salies (1517-1684) : publication intégrale, annotée et commentée”, pareishut en 2017 a la Société des Sciences Lettres et Arts de Pau et du Béarn, e au parat aquesta edicion que pertòca la comunautat salièra. La colleccion qu’ei „D’hier à aujourd’hui”, e lo libe negre qu’ei lo ueitau volume, au prètz de 45 euros, un volume bèth de 520p.

Lo libe negre de Salias [1517 – 1684] Le Livre noir de Salies. SSLAPB, 2017.

Benoît Cursente, istorian de l´abitat, especiaument de la morfogenèsi deus vilatges en la Gasconha de l’atge miejancèr qu’estó influenciat per las problematicas e los metòdes de Charles Higounet, teorician e pratician d´ua « geo-istòria ». Arron la tèsi de cicle tresau, consacrada aus castelnaus de la Gasconha que diversifica los sons interès de cap a l´antropologia istorica. Esperit sintetic e sens istoric : jamei non har díser los documents au-delà de çò qui s’i tròba.

Suu moment n’avem pas trobat los mots
Galimatias m. : machí-machèr, nhirgo-nhargo ; galamanha f.
Gale f. : ronha, gratèra

Complements per anar mei luenh :
https://hadiu.eu/2019/02/11/en-ondas-setm-07-benoit-cursente-les-cagots-histoire-dune-segregation/

https://hadiu.eu/2019/02/18/en-ondas-setm-8-b-cursente-les-cagots-histoire-dune-segregation-2-2/

Las musicas d’En Ondas inspiradas per cantas de pont e de hont. Sonque petits extrèits que los musicians e m’ac perdonen !
• Didier Squiban Porz Gwen An dro Pont Kalleg
• André Ricros Un piano dans le pré La Font de las Amoras
• Trobadors art ensemble Gerard Zuchetto la Tròba 1 (Guilhem de Peitius – Jaufre RudelMarcabru) Quan los rius de la montanha
• Aymonino-Baudoin-Tisnèr Inedit Autorn de Pont
• Mascarimiri Dieci anni tour La Fontanella Italia en cançon
 Sonaus de Denis Fournier e Percussions Profile Le Mystère de la Pyramide

En Ondas setm. 01 Camille Prat « Qu’ei lo téisher ua dança infinida »

L’envitada qu’ei dessenhadora sus téisher, Camille Prat. Que ns’explica lo tribalh qui ei lo deu Teisheder Moutet, ua hiladera centenària. Que seguim tornar (qu’ei ua redifusion) la nosta guida tot au long de la visita especiau que reservà a En Ondas.

Que v’ac ditz tot de l’esperit a la qualitat deu tribalh !

Petit vocabulari de subervita en miei dei téisher : teisheder, ordider, ordissatge, apapichoar, hiladera…

Las musicas d’En ondas : Entrar dens un teisheder, ua hiladera qu’ei com entrar dens un saunei. L’ambient, las maquinas que’vs hèn com ua breçairòla apatziva e creatora. La musica qu’utilizi per illustrar l’emission qu’ei a la sonsaina (qui s’i prèsta perfèit) e qu’ei la de Gilles Chabenat & Edouard Papazian dens Le traité des songes. Qu’an tribalhat dens ua imprimeria. Un ambient qui’s rapressa pro deu d’ua hiladera. Que programèi :

  • L’usine
  • Un Bruit De Machine Et D’Eau
  • Couleur Par Couleur
  • Le Lavage Des Formes
  • L’oeil De La Lettre

Tanben l’emission que’s clava dab Sourdure – L’Espròva – nautat hòra temps, ovni qui ns’esclata a las aurelhas e dens l’esperit :

  • Un Jorn d’Aquesta Prima

Sonaus de Denis Fournier e Percussions Profile Le Mystère de la Pyramide

En Ondas a tornar préner

A partir deu 6 d’octobre que’vs perpausi ua conjugason corau a l’entorn de Paraulas de Hemna – de femna – de frema (Edicions Reclams, 2020) en companhia d’Anna-Pèire Darrées, de Paulina Kamakine e Tresià Pambrun.

Lo parat de descobrir on son las hemnas qui tantes e deploram la supausada abséncia dens las questions de lenga, de cultura e d’escritura occitanas… de poder probable.

I èm ? Eras que i son.

En Ondas setm. 21 Miquèu Baris Potingas deu posoèr de Gasconha

Contenta de’vs perpausar aquesta darrèra entervista deu temps de confinhar de Miquèu Baris. Que sorteishen a l’IEO de las Lanas dus ebooks bilingues e tanben en version audio.

Miquèu Baris Las Potingas deu posoèr de Gasconha IEO Lanas

Per léger los libes :

Miquèu Baris Las potingas deu posoèr de Gasconha lo tòme 1
Miquèu Baris Las potingas deu posoèr de Gasconha lo tòme 2

Que’u mercegi hòrt de tot lo tribalh qui horní per respóner a d’aquesta entervista. Quitament que responó per escriut e ne voletz la version en francés aquiu mei baish que la podetz teledescargar.

Entà contactar l’IEO de las Lanas :ieo40@ieo-oc.org
Facebook : @IEOLanas
Site internet : http://ieo40lanas.e-monsite.com/ + http://ieo40lanas.e-monsite.com/boutique/livre-gratuit-a-telecharger/

Las musicas d’En Ondas
Ad’Arron Ací qu’èm reis mossur Shovada, shovada
Miles Davis Kind of blue Blue in green
L’Occidentale de fanfare Omar le chauve Rondeau de l’an 2000
Trencadit Trencadit Congò de Mossur Lagardère
Tenarèze Aral Interludio Humeur Acqueuse + Astarac Suqtutra
Ilixo Salamandre Lo Desligaire
Les manufactures verbales Sonets de Bernat Manciet Negue Pelami
Trencadit Trencadit Escotisha Rocahòrt
Sons de copa Dark waters de Brian Eno e Graulhas de St Pèr
 Sonaus de Denis Fournier e Percussions Profile Le Mystère de la Pyramide

En Ondas setm. 20 Roman Baudoin per Cerc d’Artús (2)

Temps d’escotar la dusau part de l’encontre dab lo sonsainista d’Artús, lo qui desvira ribans de musica a l’infinit, Roman Baudoin. Cerc, l’àlbum sheisau d’Artús http://familha.artus.free.fr/, pareishut en març au labèl Pagans, de trobar a https://pagans.bandcamp.com/album/cerc.

òbra de la cobèrta Lydie Aryckx

Ribans de sonsaina, de devís d’istòria cantada en ua saga montanhòla, ua legenda pirenenca musicau a córrer a l’endevath dita per votz acordadas, shucosas, aerianas o terrianas, iconoclastas de la prononciacion a bèth còps – çò que’n da un sentit d’antic o de futur – e lo solide pavat de percussions : bateria, tamborin de còrdas, baisha, d’envoladas de guitarra electricas, de vriulon o de sons sintetizats. Musica-sèrp atormerada a l’infinit qui non sabem si’s devèrz era medisha com apareish en temps de fins de mondes com de començar.

### ARTÚS (Rock In Opposition) ###
Matèu Baudoin : violon, cant
Romain Baudoin : sonsaina
Thomas Baudoin : tamborin de còrdas, sintèsi analogica, cant
Romain Colautti : baisha, cant
Nicolas Godin : guitara electrica, percussions, efèits, cant
Benjamin Rouyer : sonorizacion
Alexis Toussaint : bateria

La musica d’En Ondas
Artús Cerc
Lepineux
Faust
Albedo
Sons de copa Brian Eno « Big Bang » e « Empty Landscape » e Vieussens « Esquiç 2 ».
 Sonaus de Denis Fournier e Percussions Profile Le Mystère de la Pyramide