En Ondas setm. 17 Votz Benaset Dazeas

Besaset Dazeas, geek per l’occitan que cèrca e tròba la bona carburacion entau Congrès permanent per la Lenga occitana dont ei lo director. Encontrà’u que nse permet de dar ua uelhada suu dotzenat d’ans d’existéncia deu Congrès au parat de la presentacion de Votz.eu, l’interfàcia que permet de sintetizar l’occitan escriut en … Votz.
Que s’apèra tot simplament Votz.

Votz qu’ei l’aplicacion en linha de sintèsi vocau en occitan. Qu’ei peu moment accessibla per duas varietats occitanas : gascon e lengadocian. Que’s hasó compte tanben per hargar-la de l’environament lingüistic francés (personalitats, noms de via, etc.). Qu’ei desvolopada Votz dab las tecnologias de hialats neuronaus (intelligéncia artificiau) peu Congrès permanent de la lenga occitana e la fondacion Elhuyar (qui tau parat e transferí las soas competéncias a las entitats occitana e aragonesa) dens l’encastre deu projècte europèu LINGUATEC « Desvolopament de la cooperacion transfronterèra e deu transferiment de coneishenças en tecnologias deu lengatge ».

La setmana per viéner que daram l’aurelha au còr deu tribalh qui a demandat Votz dab Aure Seguièr e Michaël Barret, dus deus obrèrs de l’equipa.

Que podetz tanben escotar l’emission d’En Ondas en companhia de Philippe Boula de Mareüil d’octobre de 2019 au moment deus enregistraments de la votz gascona : https://hadiu.eu/2019/10/07/en-ondas-setm-41-philippe-boula-de-mareuil/

Presentacion en vidèo de Votz : https://www.youtube.com/watch?v=7GacVl3hnwg

Las musicas d’En Ondas
• Nautat en çò deu labèl Pagans Sourdure De mòrt viva L’Ivern daus Astres
• Brian Eno Music for films Empty landscape + Don’t look back (extrèits)
 Sonaus de Denis Fournier e Percussions Profile Le Mystère de la Pyramide

En Ondas setm. 16 Eric Fraj 2

Que perseguim l’entertien dab Eric Fraj, artista cantaire, ensenhaire e cercaire • Nous poursuivons l’entretien avec Eric Fraj, artiste chanteur, enseignant et chercheur.
Dens aquesta edicion que devisam d’escritura. La soa e la d’autors e d’autoras com Danièle Hoursiangou-Estebe, Joan Bodon o Joan-Loís Viguièr • Dans la présente édition nous discutons d’écriture. De la sienne et de celles d’auteurs comme Danièle Hoursiangou-Estèbe, Joan Bodon ou Jean-Louis Viguier.

© Monotipe L’Arbo de vita Daidièr Mir

Apregonir e perlongar | approfondir et prolonger : https://fr.wikipedia.org/wiki/%C3%89ric_Fraj, https://oc.wikipedia.org/wiki/Eric_Fraj e https://ca.wikipedia.org/wiki/Eric_Fraj. Lo site oficiau de l’artista : qu’ac avetz entenut la soa discografia manca los dus darrèrs disques que s’i pòt escotar librament : lo site de l’artista : https://ericfraj.com/eric-fraj-parcours/ e la soscripcion per paréisher fin de 2021 https://ericfraj.com/oc/soscripcion-per-la-vida/. La magnifica portada monotipe qu’ei signada Didier Mir : http://cargocollective.com/didiermir e que serà solide en color, tanben que hè part d’un tot que descobriratz dab la soscripcion. Que receberam a Daidièr Mir d’ací quauques emissions.

Eric Fraj qu’ei un deus contra-exemples viu a aplicar a l’istoriografia, colportada per’cí, per’quiu, deu mite de la NCO. Istoriografia torcuda de la Nòva Cançon Occitana tau com se conta a mainats que non pòden verificar gran causa. Eric Fraj qu’aprèsta un doctorat suu maine de la cançon, de la votz e de la creacion enter autes.

La faiçon qui a de hestejar lo prumèr concèrt (en seteme o noveme de 1971) qu’ei d’aprestar un disc compacte doble en complicitat dab plen de companhs e companhas musicians e cantaires. De las 32 cançons, 30 son ineditas. Pas inaudidas totas puish a que’n virè un bon pro en concèrt.

La Vida que n’ei lo títol, com si cantar èra un hat : a l’encòp fatalisme e neuritud prumèra.

Las musicas d’En Ondas
Lo Köln concèrt solò de Keith Jarrett en 1975 a l’opèra de Colonha, quauques extrèits parts 1 tà 3.
• Duo d’Eric Fraj dab Lluis Llach en 2005 A fòrça de nits creada tanben en 1975, paraulas e musica de Lluis Llach
 Sonaus de Denis Fournier e Percussions Profile Le Mystère de la Pyramide

En Ondas setm. 15 Eric Fraj 1

Que’vs perpausi ua capihona en entertien dab Eric Fraj, artista cantaire e cercaire ‘incansable’. |
Je vous propose de plonger dans l’entretien avec Eric Fraj, artiste chanteur et chercheur infatigable.

Installem-nse dens lo temps larg de las ideas e de la cançon occitanas contemporanèas en la soa companhia frairau. |
Installons-nous dans le temps vaste des idées et de la chanson occitane contemporaines en sa fraternelle compagnie.

Cantaré qu’ei ua de las cantas emblematicas d’un repertòri hargat en batlèu cinquanta ans. |
Cantaré (Je chanterai) est une des chansons emblématiques d’un répertoire créé en presque cinquante ans.

Marinièr que n’ei ua auta : naulejar enter cantar e escotar, escríver e composar, ensenhar e perpensar, l’ací e l’alhors b’ei la faiçon qui a d’estar au monde Eric Fraj bahida ! |
Marinièr (= Marin) en est une autre : naviguer entre chanter et écouter, écrire et composer, enseigner et générer de la pensée, l’ici et l’ailleurs, c’est bien sans doute la façon qu’a Eric Fraj d’être au monde.
https://www.mixcloud.com/widget/iframe/?feed=https%3A%2F%2Fwww.mixcloud.com%2FHadiuPodcastsDomenjaLekuona%2Fen-ondas-setm-15-eric-fraj-1%2F&hide_cover=1 Morgan Astruc e Eric Fraj © Sofia RenardDe seguir tà la setmana dab en especiau lo disc per viéner La Vida en soscripcion suu site de l’artista |
À suivre la semaine prochaine notamment avec le disque à venir
La Vida (= La vie) en souscription sur le site de l’artiste.

Morgan Astruc e Eric Fraj © Sofia Renard

Deus 14 ans e la carrèra Loís Liard a Bordèu enlà, Eric Fraj, qu’ei uei rendut a tribalhar un doctorat a Tolosa sus la cançon occitana contemporanèa com a l’enregistrament d’un doble disc. Arron d’estar regent, professor d’espanhòu e apuish de filosofia, en tot estar fidèu per la « vida » au cantar que’vs perpausam de descobrir l’artista.

Conferéncia a la mediatèca de Pau a l’abòr de 2016

Per anar mei luenh : la wikipédia francesa https://fr.wikipedia.org/wiki/%C3%89ric_Fraj,
la wikipèdia occitana https://oc.wikipedia.org/wiki/Eric_Fraj e
la viquipèdia catalana https://ca.wikipedia.org/wiki/Eric_Fraj
https://ericfraj.com

Musiques occitanes Camille Martel e Jordan Saisset, éditions : Le Mot et le Reste, 2016 https://lemotetlereste.com/musiques/musiquesoccitanes/

& – perdon de citar En Ondas – a perpaus de la sortida deu libe
a/ programa dab Jordan Saisset https://hadiu.eu/2016/12/05/en-ondas-setmana-49-musiques-occitanes-12/
b/ programa dab Camille Martel https://hadiu.eu/2016/12/16/en-ondas-setmana-51-musiques-occitanes-22/

De seguir tà la setmana dab lo disc per viéner «La Vida» en soscripcion suu site de l’artista.

Las musicas d’En Ondas
• Avishai Cohen with Nitai Hershkovits Duende Calm un extrèit sonque, ua òbra com un devís de l’entermiei : la contrabaisha dab lo piano.
• Sourdure De morta e viva La rupture
 Sonaus de Denis Fournier e Percussions Profile Le Mystère de la Pyramide

En Ondas setm. 14 Joan-Ives Casanòva 2

Qu’ac digom en la purmèra part de l’entervista que seré aqueste diari literari (que n’ei lo sos-títol) com un avertiment, un pamflet de la mediocritat, ua crida d’exigéncia e las exasperacions d’un escrivan de tria.

Desesperanças salutàrias = désespérances salutaires un libe bilingüe a l’Aucèu Libre – qu’ei lo dusau que publican de Joan-Ives Casanòva arron L‘eternitat estraviada. Desesperanças salutàrias, diari literari de Joan Ives Casanòva 211p. 14 euros. mailto:lauceulibre@gmail.com

Bibliografia (véder per la Poesia e la Pròsa la fica de l’emission que davanteja)
Publicacions scientificas

  • Édition critique d’un texte occitan XVIè, XVIIè siècles, réalisée d’après le manuscrit original no 382 de la bibliothèque Inguimbertine de Carpentras, « L’autounado » de Pierre Paul, 1987, 887 f. (Mémoire de maîtrise de Lettres modernes présenté par Jean-Yves Casanova sous la direction de Philippe Gardy).
  • Historiographie et littérature au XVIè siècle en Provence : L’Œuvre de Jean de Nostredame, 1990, 1423 f. (Thèse de doctorat : Langues et littératures romanes)
  • Contradiccions d’amor, Biarritz : Atlantica ; Pau : Institut occitan, 2000, 65 p.
  • Femmes en poésie : Représentations et Réécritures de la tradition : Occitanie, Catalogne, Portugal, Amérique latine, Pau : Publications de l’Université de Pau, impr. 2002, 164 p.
  • Frédéric Mistral, l’enfant, la mort et les rêves, Perpignan, Trabucaire, 2004, 420 p.
  • La Porte des anges : Guillaume Apollinaire, Vallongues, impr. 2012, 99 p.
  • Frédéric Mistral, l’ombre et l’écho : Aspects de l’œuvre littéraire mistralienne, Paris, Classiques Garnier, 2016, 396 p.
  • La Perte. Stendhal, Proust, Céline, Pau, La Pantiera, 2018, 469 p.

Las musicas d’En Ondas
• Bachas Mont Jòia Littorales La Polalhiera; Aria De Brelh; Marcia Di Carnevale
• Jan-Mari Carlòtti, Patrice Conte, François Dupont Nautrei siam trei bomians Bon vrèspe dònas e domaisèlas
• Bachas Mont Jòia Littorales Maudit Sia Tant De Ratum
 Sonaus de Denis Fournier e Percussions Profile Le Mystère de la Pyramide

En Ondas a Cassabè : Usina a calhaus, ua administracion autista au servici de projèctes d’un aute atge !

Exclusiu ! (a l’òra quan publicam) : Entortelhs miaçats e shens que peu cambiament climatic, maires a impressionar e pressionats, monde pregats de véner o de quitar… « Casser des cailloux à Cassaber = copar calhaus a cassabè ».
Deu Pont de Goat enlà,
suu Saleis a Cassabè, lo 3 d’abriu, las entervistas d’Antoine Domenech (Salmo), Jean-Paul Dufau molièr e Michel Rodes (Sepanso). Contèxte : conferéncia de premsa deu 3 d’abriu a l’iniciativa de APQV (Salias), Salmo (Sauvatèrra) e Sepanso 64 & 40 e acompanhants com Plaine Air per exemple, pertocant lo projècte de gravèra Daniel-Dpl. 

Mapa de © CL & MR Sepanso

Que son determinats los opausants au projècte a anar deféner la tèrra, lo lor utís de tribalh, dinc a en Aperet e au Conselh d’Estat, se per cas e perdèvan a Pau. Que pòt préner 10 ans.
Quan anóncia los tribalhs per l’abòr, lo Sénher Daniel que‘s vanta.

SEPANSO PYRENEES-ATLANTIQUES 
Maison de la nature et de l‘environnement Domaine de Sers 64000 PAU 
05 59 84 14 70 contact@sepanso64.org                 www.sepanso64.org 

* Alternativas a las usinas a calhaus qu’existeishen : l‘emplec tornar, conversion de materiaus, granulats reciclats,… Qu’ei la França hòrt en retard. Quin gausar uei bastir en destrusir mieis naturaus ? Qui non pas causir hialèras de bastir vertuosas ?

article en occitan

version en français

Com se i èratz estats !