Category: Joan Bodon

En Ondas setm. 25 Daidièr Mir

Art multimèdia,Arts plastics,Daidièr Mir,En Ondas,Eric Fraj,fotografia,Ives Roqueta,Joan Bodon,Miquèu Montanaro,Pintrura,Ràdio podcast de resisténcia en occitan,Xavièr Vidal

Didier Mir qu’ei l’artista multimèdia montaubanés qui ns’acompanha aquesta setmana dens En Ondas. Que camina, singular, inspirat a bèths còps, per praticas deu dessenh de mainat, tèxte, conte, en s’exprimir per l’aquarèla, l’escultura, la pintrura a l’òli, lo pegatge, la fotografia e lo monotip qui n’ei lhèu l’expression mei subtila… Que devira un hiu on l’azard e tien un ròtle important dens los ressòrts de la creacion. La lenga, las lengas – las romanas màgerment – e la lenga occitana reconquistada en especiau, l’escriut, la letra que son inscriuts intimament en çò que crèa. L’òbra soa qu’ei enlusernada per la de Joan Bodon [1920-1975]. Òbra-monde que’vs convidam a descobrir.

© òbras : monotip e cobèrta album de Daidièr Mir
Edite moi
Cartografia d’un sòmi = cartographie d’un songe 20 euros l’album sol, 45 euros dab un monotip de Daidièr Mir.

Per contactà’u e lo parlar de l’album didiermir@gmail.com.

1669824790250
lo flickr.com/photos/didiermir/ de Daidièr Mir
imatges de Daidièr Mir
En Aragon, Rio Vero, Alquezar… Ua serendipitat ? Que m’enviè la foto aquesta d’un lòc que compta hòrt per jo. MERCÉS ! © Daidièr Mir

Las musicas d’En Ondas
• Timo Alakotila e KarenTweed May Monday Midnight Macmaster
• Xavier Vidal (deu quau l’actualitat discografica ei Camins de Biais) dens lo disc Le Bal Polcà deus Cadurques [poblants de Carcin]
• Sam Karpiena Extatic malancòni deu disc eponim
• Eric Fraj (tèxte de Bodon) Jorn de Fièira
• E especiaument demandat per Daidièr Mir de Miquèu Montanaro La suite colombiana Campesinos
 Sonaus de Denis Fournier e Percussions Profile Le Mystère de la Pyramide

En Ondas setm. 16 Eric Fraj 2

Cançon occitana,Daidièr Mir,Danièla Estebe-Hoursiangou,En Ondas,Eric Fraj,Guillaume Lopez,Joan Bodon,Letras d'òc,Morgan Astruc,Musicas occitanas,Musiques occitanes,Novèla cançon occitana,Oc revista,occitan,occitanisme critic,quin occitan per deman ?,Ràdio podcast de resisténcia en occitan,Sergi Lopez

Que perseguim l’entertien dab Eric Fraj, artista cantaire, ensenhaire e cercaire • Nous poursuivons l’entretien avec Eric Fraj, artiste chanteur, enseignant et chercheur.
Dens aquesta edicion que devisam d’escritura. La soa e la d’autors e d’autoras com Danièle Hoursiangou-Estebe, Joan Bodon o Joan-Loís Viguièr • Dans la présente édition nous discutons d’écriture. De la sienne et de celles d’auteurs comme Danièle Hoursiangou-Estèbe, Joan Bodon ou Jean-Louis Viguier.

© Monotipe L’Arbo de vita Daidièr Mir

Apregonir e perlongar | approfondir et prolonger : https://fr.wikipedia.org/wiki/%C3%89ric_Fraj, https://oc.wikipedia.org/wiki/Eric_Fraj e https://ca.wikipedia.org/wiki/Eric_Fraj. Lo site oficiau de l’artista : qu’ac avetz entenut la soa discografia manca los dus darrèrs disques que s’i pòt escotar librament : lo site de l’artista : https://ericfraj.com/eric-fraj-parcours/ e la soscripcion per paréisher fin de 2021 https://ericfraj.com/oc/soscripcion-per-la-vida/. La magnifica portada monotipe qu’ei signada Didier Mir : http://cargocollective.com/didiermir e que serà solide en color, tanben que hè part d’un tot que descobriratz dab la soscripcion. Que receberam a Daidièr Mir d’ací quauques emissions.

Eric Fraj qu’ei un deus contra-exemples viu a aplicar a l’istoriografia, colportada per’cí, per’quiu, deu mite de la NCO. Istoriografia torcuda de la Nòva Cançon Occitana tau com se conta a mainats que non pòden verificar gran causa. Eric Fraj qu’aprèsta un doctorat suu maine de la cançon, de la votz e de la creacion enter autes.

La faiçon qui a de hestejar lo prumèr concèrt (en seteme o noveme de 1971) qu’ei d’aprestar un disc compacte doble en complicitat dab plen de companhs e companhas musicians e cantaires. De las 32 cançons, 30 son ineditas. Pas inaudidas totas puish a que’n virè un bon pro en concèrt.

La Vida que n’ei lo títol, com si cantar èra un hat : a l’encòp fatalisme e neuritud prumèra.

Las musicas d’En Ondas
• Lo Köln concèrt solò de Keith Jarrett en 1975 a l’opèra de Colonha, quauques extrèits parts 1 tà 3.
• Duo d’Eric Fraj dab Lluis Llach en 2005 A fòrça de nits creada tanben en 1975, paraulas e musica de Lluis Llach
 Sonaus de Denis Fournier e Percussions Profile Le Mystère de la Pyramide

En Ondas setm. 51 Frederic Handy

Domenja Lekuona,En Ondas,Frederic Handy,Joan Bodon,Joana de Labrit,Jornalièr audenc,Musée du protestantisme Jeanne d'Albret,Ostau Bearnés,Ràdio podcast de resisténcia en occitan

Per clavar aquesta annada de totas las quiraulas de non pas engolir e de desesperança per l’espectacle vitèc juntas, que vos perpausi d’encontrar a Frederic Handy. Ua tota petita hièstra dens lo confinar que’m permetó de seguir la visita en occitan au Musèu Joana de Labrit a Ortès.

Frederic Handy, cantador (Arraya), guide (deu Musèu Joana de Labrit e deu protestantisme d’Ortès…, actor [de la seria Oc Kay sus òctele : en tres sasons, los mots, las recèptas de cosina, los noms de lòc per la sason per viéner: consultanta Benedicta Boyrie-Fénié] a partir deu 23/12 https://www.octele.com/Kay_323.html, mediator culturau a l’Ostau bearnés e arderós benevòle generós a Présence).

Joan Bodon centenari : espepitar los suplements au Jornalièr Audenc (per s’i adonar [sic!] clicar lo ligam e que vederatz que crosquilha !). Abeurà’s a l’òbra, ua de las mei fantastica e accessibla de l’escritura occitana: la version originau de l’òbra qu’ei de trobar a l’IEO edicions.
Junhet : Sud-Ouest et monde musulman : histoires de rencontre. Dens ua edicions d’En Ondas en difusion per viéner (pendent las vacanças) que tornarèi dab Alem Surre-Garcia suus sons Orients d’Occitania (e que serà lo parat d’escotar Martina Jòia, ua de las interprètas de la conferéncia d’Alem, parièr dens aquesta emission). A la presenta que’vs voi senhalar l’excellent obratge de Crestian Coulon, professor emerit de l’Universitat de Bordèu on obrava a l’Institut d’Etudes Politiques, especialista de l’Africa negra e de l’Islam e autanplan de la cultura soa (qu’ei Medoquin). Un libe que pareish en çò de Cairn a Pau (on ei mercat esputzat d’aquesta passa) e d’on tornaram devisar dab gran plaser en la soa companhia quan ne sia l’escadença urosa. Òc un junhet de bon léger en aquestes temps de d’arregdiments identitaris e d’intoleràncias.

Eglògas 1567 Pèir de Garròs (1525-1530? – 1581) Ortès: Per Noste ; 2011. 158pp. Glossari. Classics gascons ; 11.
De Pèir de Garròs à l»abbé Fabre Trois siècles de poésie occitane per Paul Fabre. Montpelhièr: Presses Universitaires de la Méditerranée ; 2013.

Las musicas d’En Ondas
• Uèi Rodin Kaufmann Soleu d’argent Manténguer Riòta (Pèir de Garròs)
• Laüsa Entalh Bèth cèu de Pau (Darrichon)
• Joan Francés Tisnèr EBTè! Epistòli (Pèir de Garròs)
 Sonaus de Denis Fournier e Percussions Profile Le Mystère de la Pyramide

En Ondas setm. 50 Alan Roch

Alan Roch,CAOC,Cirdoc Institut occitan de cultura,comdt,Cosina,En Ondas,Frederic Mistral,IEO-Aude,insèctes,Joan Bodon,Jornalièr audenc,reptiles,rugbi a XIII,Tresor deu felibritge

Que devisam en la companhia d’Alan Roch deus multiples jornalets electronics qui produseish cada dia – quauque còp mantuns còps lo dia – e autanplan de las rubricas especificas qui perpausa dab. Que s’escad que sia au quite moment quan pareishen las cronicas [2017-2019] arrecaptadas dens Tot a l’encòp, cronicas deu Papieròt Menerbés, a la Semaine du Minervois. Per adonà’s cada dia, mantuns còps lo dia au Jornalièr Audenc (clicar suu ligam).

Emplear lo vueit d’informacion qu’espravam, com ua Agéncia occitana de premsa culturau, tau ei la tòca qui ambiciona Alan Roch, tostemps dab arsec e umor !

https://www.mixcloud.com/HadiuPodcastsDomenjaLekuona/en-ondas-setm-50-alan-roch/
Alan Roch au ras deu bust de Prospèr Estieu

Tanben bracas :
* Familhas web doc deu COMDT sus los arcanes de la musica : transmission o reproduccion ? https://www.familhas.org/
* Celebrem lo centenari d’un gran de l’escritura nosta : Joan Bodon, vadut lo 11 de deceme de 1920.
* solide Tot a l’encòp que pareish a l’IEO-Aude, compilacion de cronicas d’Alan Roch de 2017 dinc a 2019.
208 pp. 13 € + 3€ de mandadís de comandar a l’Ostal Sirventés
ostal.sirventes@wanadoo.fr
04 68 25 19 78
occitan-aude.over-blog.com
IEO-Aude BP 51042 11860-Carcassona Cedex

Las musicas d’En Ondas
• a basa màgerment (e que’m perdone de me’n servir en hons…) de la musica de Laurenç Cavalié
Harri, harri de la sal ; Lo rambalh ; Ma bruna ; Una Branca De Fenolh
• André Minvielle & Serge Pey Nous sommes cernés par les cibles Graffiti
• Bachas Mont Jòia Litoralas Jan de Corgonièr
• André Ricros Laurenç Cavalié Nuit Luna o sorelh
 Sonaus de Denis Fournier e Percussions Profile Le Mystère de la Pyramide