En Ondas setm. 21 Matiu Baylocq, aulhèr a l’Aubisca

A la 21au setmana de l’an de 2018 qu’èi avut ganas de’vs har escotar tornar dens un navèth montatge un reportatge sonòr cuelhut lo 28 d’aost de 2011. Qu’èm – dab Joan Francés Tisnèr qui ei l’entervistaire – suus traç de Matiu Bailòc, aulhèr a l’Aubisca, com mia lo tropèth : 250 caps d’aulhas en pròpi e 300 de guarda. La montanha, lo mairam, l’aiga, lo vent, los ausèths, los cans e las bèstias deu petit ordi, e la balada commentada perpausada per Joan Francés pr’amor lavetz que tribalha sus l’espectacle Amontanhada, que son l’encastre d’aqueste moment suspenut au quau e podetz participar los uelhs miei clucats o obèrts com un temps hòra temps, ua permanéncia planvienguda. Bona escota.

https://www.mixcloud.com/HadiuPodcastsDomenjaLekuona/en-ondas-setm-21-matiu-baylocq-aulhèr-a-laubisca/

http://www.estives-bearn.com/portfolio/carine-mathieu-baylocq/

Musica Brian Eno

 

Sonaus de Denis Fournier e Percussions Profile Le Mystère de la Pyramide

En Ondas setm. 20 Uèi ~ Feiz Noz Moc’h ~ Maxence Camelin

Que’vs convidi a escotar e préner lo plaser de l’aurelha dab tres disques de descobrir tots ahars cessats : Uèi Solèu d’Argent (2018), Atau Atav Feiz Noz Moc’h (2018) e Quan la Craba crabidarà de Maxence Camelin e convidats (2016 AEPEM).

Que s’i daràn parièr quauques anóncias de parucion : Patrimòni 74 (mai-junh de 2018) e l’anóncia de Viral lo navèth roman en francés de Sèrgi Javaloyès per paréisher lèu en çò de las edicions In8.

Las musicas d’En ondas :

  • Uei Solèu d’argent

  • Feiz Noz Moc’h Atau Atav Harri Chivalet & Sorbienn an argad

  • Maxence Camelin Quan la craba crabidarà La Bufatièra (Chanson À Danser), Le Garçon Jardinier (Chanson) & Torn De Vila _ Le Filh De L’avocat (Marche _ Mélodie)

+ Goran Bregovic Weddings and Funerals Tales 7 e 1

Sonaus de Denis Fournier e Percussions Profile Le Mystère de la Pyramide

En Ondas setm. 19 J.L. Lavit-Taladèr Bèth peu de sau, blòg deu comissari Magret

* Somari n° 124 de Òc Frederic Fijac 625 la permenada 47300 Bias (abonament 25 euros) ;
* Òbra romanèsca de Bernat Manciet (arrevirada au francés de l’autor) en çò d’In8 http://editionsin8.com/catalogue/livre/895-romans 352p. 22 euros ;
* Unic convidat Joan Loís Lavit [Lavedan Lorda 1959- ], escrivan deu començar deus ans 90 de l’aute sègle. Que ns’entertien de las rasons qui’u possèn a hargar l’agusa boca qui ei lo blòg Bèth peu de sau deu Comissari Magret. Que’u neureish dab engenh l’autor despuish mantuas setmanas. Qu’ei ua beròja promessa deu roman policièr qui seguirà (en çò de Letras d’Òc). D’ausir la version tradicionau deu nadau interpretat dab la complicitat deus deu corau Arielès, a la direccion : https://comissarimagret.wixsite.com/comissarimagret/quasern-de-norbert-casteth, Norbèrt Casteth, etnològue bearnés de tria e garant scientific deu blòg. Tot aquerò a gratis: chança tà la canalha !

Las musicas d’En ondas :

  • Feiz Noz Moc’h Atau Atav Torçut
  • Vox Bigerri D’aigas e de rocas Basa Ahaide
  • Alen La Manufacture verbale Lo cant de la lana gran La Grasaca e lo gahús
  • Eklektic consòrt
    * Heart to weep
    * Baion
    * Je suis

Sonaus de Denis Fournier e Percussions Profile Le Mystère de la Pyramide

En Ondas setm. 17 Eric Gonzalès Belina

Seguida e fin de l’entervista cuelhuda en 2009 au près d’Eric Gonzalès. Subjècte màger la reedicion de Belina de Miquèu de Camelat en çò de http://www.reclams.org

En Ondas setm. 16 Eric Gonzalès, traductor d’Igièna de l’assasin

Entervista de 2009 dab Eric Gonzalès, autor e traductor qui’s hè riatle.
Ací per Igièna de l’assasin d’Amélie Nothomb qui pareishèva en 2009 en çò de Per Noste mes qui sembla non pas mei i estar disponible.

En çò de Reclams edicions

Isabèu de la valea http://www.reclams.org/oc/catalogue/produit/16-isabeu-de-la-valea
Las tortoras http://www.reclams.org/oc/catalogue/produit/17-las-tortoras
Lo Rei malurós http://www.reclams.org/oc/component/hikashop/produit/76-lo-rei-maluros-e-autas-pecas
L’estranh http://www.reclams.org/oc/component/hikashop/produit/67-lestranh
Belina http://www.reclams.org/oc/component/hikashop/produit/53-belina

En Ondas setm. 15 Gahar tornar lo temps escorrut… si possible

Las sortidas deus editors Per Noste, Letras d’òc e Francis Boutle.

Las musicas d’En ondas :

  • Los aigassuts Remise en forme La place du Bayàa

  • Goran Bregoviç Tales and songs Hop hop hop

  • Los aigassuts Remise en forme La Calandria

  • Aqueles Punk’s not born Dobai

  • Cocanha I ès ? La Comair mosca Sus la nosta trilha

  • Los aigassuts Remise en forme Lesakako Ihauteriak

  • Sordura La virée Quan io zere chas ma maire

  • Xarnege Talka Tum Txilibrin

Sonaus de Denis Fournier e Percussions Profile Le Mystère de la Pyramide

En Ondas setm. 14 M. Dufau entaus ans deus Chancaires

L’unic envitat d’aquesta edicion d’En Ondas qu’ei Miquèu Dufau entaus 70 ans deus Chancaires per aquesta dotzau edicion deu Primtemps de l’Arribèra.

Los Chancaires que compausan lo grope de musica, dança e chancas de Sent Pèr de Lèren.

Lo Primtemps de l’Arribèra qu’ei lo 12au hestenau qui aprèstan los Chancaires dab amor totas e tots despuish longas setmanas.

Un deus rendetz-vos de la hèsta en Bearn, lo de la prima, de la renavida. Un programa ric e eclectic dab espectacles entaus chins, de dança, talhèrs de tot ordi, concèrts, tralh rondèus versús dança bretona e solide grans bals e tot plen de causas de i descobrir.

Lo subjècte de l’emission que l’èi volut ancrar sus l’eveniment qui an volut consacrar augan a l’entorn deus ans. Pagerar 70 ans d’un grop de musica e dança n’ei pas costumèr e qu’ei per mantes aspèctes excepcionau.

Dab vertadèrs tròçs de Radio Adour Navarre dehens. Extrèit de l’entervista de Miquèu Dufau per l’emission Adishatz monde d’Yvan Bareyre e Georges Bourdalès deu 3 d’aost de 1985.

Las musicas d’En ondas :

Artús – Ors – 01 Desvelh per ua entrada naturau, solemna e lenta dens la prima

Tom Waits Mule variations Filipino Box Spring Hog

Arnau Obiols Lliberim Interludi

La porte des secrets

Arnau Obiols Lliberim Pregaria per la ploja (que non vienga a St Pèr aquesta dimenjada !!!)

Lau Sasuak Marina Beheretche Quatuor Arnaga Mixel Etxekopar e qques autes
n° 1 Udaberria – La primavera Allegro
n° 1 Udaberria – La primavera Largo
n° 1 Udaberria – La primavera Allegro

Sonaus de Denis Fournier e Percussions Profile Le Mystère de la Pyramide

En Ondas setm. 13 Rodín e Manu cuvada 2009 Lo còr de la Plana

Los deu hestenau de la prima bearnesa Lo Primtemps de l’Arribèra que’m hidan (mercés ! d’alhors la fòto deu Còr qu’ei presa au Primtemps) un talhèr per parlar de la professionalizacion en occitan a liceans.
En tot aprestar e recercar sons, illustracions, que’m soi dita que programas d’En Ondas qui realizi despuish un moment, au finau, que’n poderí perpausar a escotar tornar, arrehonuts au format qui ei lo d’En Ondas despuish quauques mes ce tà díser 45 ‘.
Qu’entinoam dab ua tripla entervista cuelhuda a ua edicion de Jazz Naturel a Ortès (La Moteta) en companhia deu grop marsilhés mitic : Lo còr de la Plana.
Qu’èm a la prima de 2009 : Rodín, Manú e drin Sebastian, tanben quauques petatums mei dens la banda sonòra de l’entervista.

Qu’existeish Lo còr de la plana despuish 2001, que’s tira lo nom d’un barri de Marsilha : La Plana.
Discografia :
Es lo titre 2003
Tant deman 2007
Marcha ! 2012
Las musicas d’En ondas :

Lo còr de la Plana Tant deman

  • Rompa Bassas
  • Tant deman
  • Bosin
  • Mi parlatz pas de tribalhar
  • Lo generic enterlardat qu’ei lo saut de creacion de Joan Francés Tisnèr, Saut de la Calor interpretat enter autes per Mixel Etxekopar per entrar e la version dab Saxifilles per sortir.

Sonaus de Denis Fournier e Percussions Profile Le Mystère de la Pyramide