Category: En Ondas

En Ondas 39 esteletas • 39 épisodes En Ondas

Cap a Cap webradio,Domenja Lekuona,En Ondas,Hapchot webradio,Lourdes radio,Pirenèus ràdio (ex Val Pireneos),Radio Nos cultures-Gure kulturak-Culturas nòstas,Radio Verdon,Ràdio Occitània,Ràdio podcast de resisténcia en occitan

39 esteletas d' »En Ondas » de l’abòr de 2025 tà la fin deu 1èr semèstre de 2026.
Mei de 29h de produccion ràdio.
Estar un mèdia, dar la paraula a mas amors, com a cada còp, qu’ei aquero qui’m mav.
Aquera temporada d’En Ondas que viatja d’Australia saunejada tà Barcelona, de Provença tà Sent Pèr de Lèren e Sauvatèrra, de Tolosa tà Brooklin, de Marselha per Pau tà París, de Salvador de Bahia tà Rodés e de Bedós tà Anglet ! Bona escota : https://hadiu.eu/category/en-ondas/ •
39 épisodes d’« En Ondas » de l’automne 2025 à la fin du premier semestre 2026.
Plus de 29 heures de production radiophonique.
Être un média, donner la parole à ceux que j’aime, comme toujours, c’est ce qui me fait avancer.
Cette saison d’En Ondas nous fait voyager d’une Australie rêvée à Barcelone, de la Provence à Saint-Pé-de-Léren et Sauveterre, de Toulouse à Brooklyn, de Marseille à Paris en passant par Pau, de Salvador de Bahia à Rodez et de Bedous à Anglet ! Bonne écoute : https://hadiu.eu/category/en-ondas/ •

Mercés a Pirenèus Ràdio, Radio Verdon, Ràdio Occitania, Hapchot webradio, Radio Cap a Cap, Lourdes Radio e Radio nos cultures – gure kulturak – culturas nòstas

Sonau Winter Surge Joan Francés Tisnèr e mercés a d’eth 😉

En Ondas setm. 27 Bernat Cauhapè

Bernat Cauhapè,Bernat Combi,CORDAE-La Talvera,Domenja Lekuona,En Ondas,Guillaume Lopez,Guillaume Lopez Vidal,Jan dau Melhau,Joan Bodon,La Talvèra,Luc Aussibal,Ràdio podcast de resisténcia en occitan,Xavièr Vidal

Bernat Cauhapè que nse quitè a la prima de 2026.
Un artista deu tot que Bernat Cauhapè. Entervistat dens En Ondas per la mustra qui signava per l’Estivada Soi d’aici, installada a Rodés, en julh de 2009. Ua emission qui’vs convida prumèr a la visita de la mustra deu K.O.P., abans de batalar en la soa companhia d’amusaire !

En naveths escota e montatge en aumenatge a l’artista.
Mercés a Guillaume Lopez per l’autorizacion d’utilizacion de la fòto !… la musica deu Bal del Lop… e quauque còp de man per tornar cargar lo materiau de Lutz en camin au Primtemps de l’Arribèra en 2019 !

Myriam Petiot, Mélie Cauhapè, Michel Brassac e Bernard Cauhapè K.O.P. qu’aprestavan a 8 mans ua mustra vededera deu 3 de julhet au 13 de seteme de 2026.
Vernissatge 8 d’aost a 18h au Château Latour.
A Latour-sur-Sorgues en Avairon a Marnhagues et Latour.
Mustra mantenguda entau rénder aumenatge.

https://www.tourisme-aveyron.com/fr/diffusio/agenda/vernissage-de-l-exposition-i-a-quicom-que-truca-marnhagues-et-latour_TFO12139-FMA-20260601112046704

château de Latour sur Sorgues 12540 Marnhagues-et-Latour
lat. 43.8725 – lon. 3.0303

Las musicas d’En ondas :
Xavier Vidal Prigent Le Bal La ploka des Cadurques
La Talvèra Occitan-Berbèr
Battle Mirrored Race in Race out
Suber Albèrt Tablèu d’ua mustra
Verd e Blu
Luc Aussibal Cada jorn
Jan dau Melhau Bernat Combi Lo diable es jos la pòrta
Sonaus de Denis Fournier e Percussions Profile Le Mystère de la Pyramide

En Ondas setm. 26 Pascal J. Thomas

Albert Uderzo,Benda d'imatges B. D.,Domenja Lekuona,Efèsa Turquia,En Ondas,Francis Saint-Martin,Franquin,Gir, Giraud, Mœbius,Literatura occitana,Marcel Gotlib,Morris,Nisin Turquia,Ortès,Pascal J. Thomas,Ràdio podcast de resisténcia en occitan,Reclams,Robert Shekley,Sciéncia ficcion,Sirince Turquia,Wuppertal Alemanha

Un entertien dab Pascal J. Thomas qu’ei tostemps o a còp segur un viatge estonant e passionant. Embarcament immediat dens l’En Ondas de la setmana ! Un haish de subjèctes qui evocam en la soa companhia de tant qui sembla aver intuicions e conneccions tà s’i hidar a’s deishar portar per çò qui arriba e com s’escad !

Aqueste que nse permet d’evocar, au briu de la convèrsa, lo n• 96 deu fanzine KWS Keep watching the Sky, ua istòria de la benda d’imatges europèa, l’aventura literària collectiva de la Musnegra per la creacion deu roman de sciéncia ficcion Tempèsta d’enlà (en çò de l’editor Reclams) e l’evocacion d’un trin especiau deu ralh suspenut en Alemanha, o la de l’extraordinari vilatge de las matematicas en Turquia. Entervista cuelhuda au pè de la Tor Moncada a Ortès començar deu mes de heurèr de 2026, vila u qui basteish la bibliotèca a mesura qui la colleccion pren endom.

Las musicas d’En Ondas
• Brice Diusit Cançons Guilhem IX d’Aquitània. Interludi musicau
• Les fils du vent + Graffiti
• François Lazarevitch A l’ombre d’un Ormeau. Brunettes et contredanses au XVIIIème siècle Joseph Bodin de Boismortier_ IV Ballet de Village en Sol Mayor – I. Rondement – Gaiment – Légérement
• Gli Incogniti Amandine Meyer Concerto grosso No. 8 in G Minor, Op. 6 ‘Fatto per la notte di Natale’_ V. Allegro – Pastorale (Largo)
 Sonaus de Joan Francés Tisnèr Winter Surge inedit

En Ondas setm. 25 David Grosclaude « La Diversité »

ADEO,David Grosclaude,Diversitat biologica,Diversitat lingüistica e culturau,Domenja Lekuona,En Ondas,glossòdiversitat,Michel Grosclaude

David Grosclaude per evocar lo son darrèr libe La diversité pour survivre au réchauffement climatique et au refroidissement culturel a l’ADEO.
David que’u recebem en tant qu’autor dont ei lo dusau obratge La Diversité pour survivre au réchauffement climatique et au refroidissement culturel en çò de l’Adeo.

Qu’estó un detzenat d’annadas president de l’Institut d’Estudis occitans e parièr elegit a la Region Aquitània, un mandat. David que pòrta la soa cultura de longa qu’estó lo cò-creator de mantuns mèdias au miei deus quaus : Ràdio País, arron aver tribalhat en los ans 80 e 90 per la television publica e passat per la casa apuish d’Òc Télé, creator deu setmanèr d’informacion despareishut en 2014 La Setmana, de revistas entaus mainats : Papagai o Plumalhon.
Dens l’entertien aqueth qu’evòca parièr lo son recent prumèr libe Los mots e lo baston (qu’ei enqüèra autor d’un obratge de recèrcs mei ancian sus La Bouts de la Tèrra en çò de Per Noste). Enfin com ei un viatjaire au long cors e de longa man, discutir dab eth qu’ei sovent ric d’ensenhaments e de reflexion.
Lo son blòg : https://david-grosclaude.com/
David Grosclaude que serà lo 9 d’aost de 2026 au Moment librairie a Salias de Bearn tà presentar mei abans lo son obratge. Dens l’encastre d’un numèro de « Salias peus salièrs”. Que son visitas atipicas de la vila a l’envit de comerçants e dab l’enquadrament amistós, tostemps passionant deu Topin de lenga. La vienguda de David per completar l’auhèrta deu talhèr d’impression botanica dirècta de Marie Baudoin lo tot dedicat a la diversitat de las plantas e de las lengas !

Las musicas d’En Ondas
• Balkan Beat Box Gross Bom Pam
• Andreas Vollenweider Dancing with the Lion Silver Dew, Golden Grass
• Joan Bibiloni Ulls Verds Jona Lluna (eponim)
• Miquel Gil Katà
• Lucio Dalla Le Rondini
 Sonaus de Joan Francés Tisnèr Winter Surge inedit

En Ondas setm. 24 Clément Joseph-Alexandre Brigalhs

Cant de tribalh,Cerc,Clément Joseph-Alexandre,Domenja Lekuona,En Ondas,Ensenhament artistic,Licèu Mestièrs d'Art de Coarrasa,Lucia Longué,Martin Lassouque,Martinica,Percussions,Ràdio podcast de resisténcia en occitan,Salinas de Salias,valentin laborde

Qu’èm a l’edicion 2026 deu Primtemps de l’Arribèra – la deus 20 ans. Dens lo prat sus l’èrba : las mias questions en òc e las responsas de Clément Joseph-Alexandre en francés. Ne ve n’estonetz pas : que m’arriba quauque còp dab interlocutors qui no serén pas ad aise que dens la lor lenga, en catalan per exemple o en francés com presentament. Que m’importava de parlar de Brigalhs pr’amor la soa qualitat, lo son engatjament e las soas singularitats de creacion : percussions adobadas, cant de tribalh, relòtge intèrne, vibracions mescladas en ua pasta sonòra originau e enlusernanta.
Au Primtemps – crusòu creatiu – que i encontram alavetz a Clément Joseph-Alexandre tà Brigalhs, creat a Montardon lo 28 de heurèr de la quita annada per Clément Joseph-Alexandre (a l’iniciativa) dab Martin Lassouque e Valentin Laborde un set percussiu atormerat de boha, vriulon, sonsaina e votz.

Lo teaser Brigalhs.
Charlotte Cassagne ; montatge Valentin Laborde

Las musicas d’En Ondas
Nat extrèit de Brigalhs dab l’entervista de Clément Joseph-Alexandre mes dens la fica lo ligam suu teaser qui non mancaratz pas d’escotar.
• Arnau Obiols Tost Saba, La dida, El Cabrèr
• Sam Karpiena De la Crau Tempèri La Dralha
• Tenarèze Aral
• Kate Bush Aerial
• Matèu e Roman Baudoin Fòlc Off Quan jo èri filha a marider
 Sonaus de Joan Francés Tisnèr Winter Surge

En Ondas setm. 23 Maud Seguier e Aure Seguier

Aure Seguier,Domenja Lekuona,En Ondas,FAMDT Modal,Fantasia,Feminisme,http://www.reclams.org,Maud Seguier,Ràdio podcast de resisténcia en occitan,Reclams,Sciéncia ficcion,Solidaires

Aquesta edicion d’En Ondas que nse permet d’encontrar a duas sòrs Maud e Aure Seguier.
Maud que sorteish a la prima Sul camin del feminisme en çò de Reclams.
Aure que persegueish las soas publicacions de ficcions meilèu taus mainats, adolescents adulescents | joens adultes per la part màger tanben aus Reclams.
Dus camins d’escritura qui prometen, duas personas qui son multiplas e de competéncias largas.
Maud Seguier que perpausa un libe bilingüe, com un concentrat de nocions e lexicaus parièr pr’amor quin compréner de qué s’i parla shens coneishe’n las nocions e los mots, lo vocabulari. Un prumèr libe escadut autant com utile, servider.
Maud Seguier qu’ei artista e adara autora.
Aure Seguier, tota persona s’interessant a l’occitan qu’utiliza apèrs, aplicacions qui an contribuit a har vàder o dont ei autora au Congrès permanent per la lenga occitana. Que son apèrs d’ua potencia canalizada de cap a l’encòp la coesion lingüistica de l’occitan e parièr au servici deu respècte deus trèits de lenga de cada modalitat qui emplegam. E be’n cau imaginacion tà sortir de las convencions estossen informaticas !
Pepper e Carròt t. 2 Las broishas de Caosha & La hueita de la guerrièra. Mai autes tèxtes dens « Euròpa » e Tempèsta d’enlà » de la Musnegra tostemps en çò de Reclams.

Las musicas d’En Ondas
• Brian Eno John Hopkins Leo Abrahams Smal craft on a milk sea Bone jump
• Otxo Kokinak Jamei
• Laurie Anderson Bright Red Beautiful pea green boat
• Camille en Bal De còr e d’aiga LADIDOM – DEMPUEI HABANA A MARSELHA PASSAT DEMAN + BOM BOM
• Brian Eno More music for films Chemin de fer + Brian Eno and Horold Budd The pearl Against the sky

En Ondas setm. 22 Lionel Dupuy

Alejo Carpentier,Domenja Lekuona,Elisèu Reclus [1830-1905],En Ondas,Frederic Mistral,Jules Verne [1828-1905],Julien Gracq,Lionel Dupuy,Ràdio podcast de resisténcia en occitan

Jules Verne 1828-1905

Qu’èm en companhia de Lionel Dupuy, doctor en geografia a l’UPPA, e qui descobreish en temps de perfeccionament de la lectura a Jules Verne [1828-1905] mercés a la mair.
Lo son editor : Pierre-Jules Hetzel qu’ei l’editor astruc qui’u publica. Qu’a trenta cinc ans Jules Verne * quan ei publicat en 1862-1863 : Cinc setmanas en balon !
Elisèu Reclus que compte hòrt dens l’aspècte geografic de l’òbre de Verne https://oc.wikipedia.org/wiki/Eliseu_Reclus [1830-1905]
Lionel Dupuy (vadut en 1974), professor en collègi, geografa HDR, qu’ei cercaire associat au laboratòri TREE (UMR 6031 CNRS – UPPA). Los sons recèrcs màgers que pòrta, suus ligams enter geografia e literatura, l’imaginari geografic dens la literatura, la representacion de l’espaci e deus lòcs dens las ficcions romanèscas (Verne, Mistral, Proust, Gracq, Carpentier).
Los sons libes : le-minot-tiers.blogspot.com.
Ligams suus escriuts disponibles de Lionel Dupuy : Recension deu volume 3 de la purmèra trilogia : https://l-or-des-livres-blog- => Roman en ligam dirècte dab las meas recèrcas sus Verne.
Recension de la 2au trilogia sancèra : https://l-or-des-livres-blog- 
=> Trilogia en ligam dirècte dab las meas recèrcas sus Proust.
=> Lo site internet de l’editor : https://lalignederre.blogspot. 

* Ací en catalan : la soa fica Wikipedia que’s tròba en 127 lengas

Las musicas d’En Ondas
• Feiz Noz Moc’h Atau Atav
• Björk Biophilia Solstice + Volta Innocence
 Sonaus de Joan Francés Tisnèr Winter Surge inedit
Que poderàn escotar per aquiu aquera execucion e interpratcion de la Simfonia deu monde nau : que’m ditz Lionel :  » Tà la musica, que pensi a la Sinfonia deu monde navèth (Antonín Dvořák 1841-1905, un aute contemporanèu de Jules Verne), los debuts notadament deus movements 3 e 4 : https://www.youtube.com/watch?« .

En Ondas setm. 21 Jòrdi Labouysse 3/3

Avèsque de Pàmias,Catarisme,Claudi Marti,Crotzada catara,Daniel Ligou,Domenja Lekuona,En Ondas,Francis Cabrel,Istòria,Jòrdi Labouysse,Martina de Pèira,Martina Jòia,Mathilde Burlion,Montalban,Olympe de Gouges [1748-1793],Ràdio podcast de resisténcia en occitan,revolucion,Villemur

Un mercés deus bèths a Jòrdi Labouysse de m’aver volut acordar aqueras entervistas preciosas.
A maugrat que sia fatigat per problèmas de còr e d’arnelhs, que persegueish lo tribalh-passion de har saber, esclairar e documentar l’istòria occitana com de s’interessar a l’istòria tota : dens aquera tresau emission e ultima de tres qui lo son consacradas per En Ondas, que devisam de : « Comtat de Tolosa, l’eradicacion : de la crotzada a la colonizacion”. Mercés a Jòrdi de hicar mots suus hèits e d’aperar un can un can, de non pas l’enviar a díser.
Contactar Jòrdi 120pp. ill. col., 18 € : mailto:georges.labouysse@wanadoo.fr
Anatz léger lo ric blòg on conta las migracions, los escambis e la vita deus pòbles deu paleolitic dinc aus temps contemporanèus de l’espaci occitan e d’alhors.
Publicacions : https://occitaniainfo.wordpress.com/category/moyen-age/

Que referim tanbem a l’article de Felip Martel « Lu chastèus catars » dens Aquò d’aquí.

Las musicas d’En Ondas
• Martina e Rosina de Pèire Los Montanhòls
• Francis Cabrel Les chevaliers cathares
• Claudi Marti Montsegur
• Femmouzes T 2 Olympe de Gouges
 Sonaus de Joan Francés Tisnèr Winter Surge