Octòbre 2019

En Ondas setm. 44 Rotland Pecout, viatjaire deus mots

Ben Vautier,Ostau dau país marsilhés,Ràdio podcast de resisténcia en occitan,Ràdio podcast en occitan,Roland Pecout

La persona convidada aquesta setmana qu’ei lo poèta e viatjador Rotland Pecot. L’emission iniciau qu’ei de mai de 2009.

Que devisam de Laissarem degun, de Rotland Pecot Poèmas / cantas, liberet bilingüe dab mesa en musica e cançon per 10 gropes o musicians occitans, Ostau dau País Marselhés, 2009.

Dins lo ventre de cada viatjaire dit per l’autor qu’òrb l’emission qu’ei tirat de Poèmas per tutejar (Mont Jòia, 1978) .

Las musicas d’En Ondas que son sanceras o per extrèits tiradas e montadas a la mia faiçon de destralaira (perdon per avança a las aurelhas musicaus) deu libe disc Laissarem degun. E mercés de descobrir-las sancèras dens lo disc en crompà’u [Laissarem degun de R. Pecout 88p., cobèrta Ben Vautier dab un CD pareishut a l’Ostau dau País Marsilhés en 2009, 22+3 euros, a 15 euros en soscripcion clavada de longa…].

Un vintenat de poèmas dits o enmusicats, e un libe meravilhós de descobrir. Tanben dens lo CD las cantas-poèmas esplendidas per Bruno Martin / Brigitte Mouchel / D’Aquí Dub / Duo Maquet – Bachevalier / Dupain / Jagdish & Kreol Konnexyon / Mauresca Fracàs Dub / Moussu T e lei jovents / Nux Vomica / Original’Occitana feat. Alèssi dell’Umbria / Patrick Vaillant e Rotland Pecot

Patrick Valhant Vanitas
Camin d’Orongo
Noche Criolla Jagdish e Kreol Konnexyon
Los Companhs de Carrièra Daqui Dub
Cançon de l’òrt e de la set
Barranhadas Mossur T e lei jovent

Que poderan escotar tanben en complement, un n° de Jòclong de la vòsta servitora (lo 15au) consacrat a Laissarem degun

https://wordpress.com/block-editor/post/hadiu.eu/699

 Sonaus de Denis Fournier e Percussions Profile Le Mystère de la Pyramide

En Ondas setm. 43 La Traversée des brumes

Edicions Cardabèla,En Ondas,fotografia,Georges Souche,Joan Claudi Forêt,Ràdio podcast de resisténcia en occitan,Salagon

La votz de Georges Souche, lo fotografa de tria, acompanhada de la de Joan-Claudi Forêt per traucar las brumas, La Traversée des Brumes qu’ei lo temps #1 de Planeta Salagon, un projècte multimèdia : mustras, àlbums fotografics, epics e poetics. Que devisam dab eths de l’òbra per espelir dont la soscripcion de l’àlbum e cor a las edicions Cardabèla http://www.georges-souche.com/boutique/livres-disponibles/planete-salagou-la-traversee-des-brumes/).
Estètas, ascètas de l’imatge o de la frasa qu’uneish ua laca paradoxau (segon los mots de Joan Claudi Forêt) a l’encòp artificiau e vaduda, en cinquanta ans, vector de natura.

mercés © Georges Souche per autoriza’m las illustracions

Georges Souche http://www.georges-souche.com/livres/

De Joan Claudi Forêt
• La Vallée perdue (prumèr roman qui a per quadre los Aups) Didier Richard 1987 e 2002
• La Pèira d’asard (IEO, A Tots, 1990). Prèmi Pau Froment 1991
• Lo libre dels grands nombres o falses e us de fals (El Trabucaire, 1998). Prèmi Antigòna 2000
• Sang e saba (El Trabucaire, 2005)
• Tres pòbles de la lòna (2006) etnologias imaginàrias
• Cants de l’ochava, Òc, (2000)
• Un grand eissam de mots, Edicions EMCC (2013)
• Cinquanta cinc sonets de Shakespeare, L’aucèu libre (2018)

Las musicas d’En Ondas (de tots petis extrèits e perdons aus autors interprèstes)
• JF Tisnèr Sorrom Borrom (extrèits de poesia epica de S. Javaloyès) Nhacar la pèth de l’aire
• Erik Truffaz Face à Face The walk of the giant Turtle
• Arnau Obiols Projècte Pirène Aiga III
• Valentin e Corentin Laborde Ilixo L’éveil de la Salamandre
• Rabih Abou-Khalil The cactus of knowledge One Of Those Days
• Arco Alpino Violons Traditionnels Lo Bacubert+Seguida de Rigaudons

 Sonaus de Denis Fournier e Percussions Profile Le Mystère de la Pyramide

En Ondas setm. 42 Felip Biu Quaranta tres

David Diaz Reyes,Diu Negre,En Ondas,escritura,Felip Biu,Gérard Puchèu,lengatge,Letras d'Oc,Novèlas,Per Noste,Prèmi de traduccion Pèir de Garròs,Ràdio podcast de resisténcia en occitan,shiular,shiular occitan gascon,silbo,silbo canario,traduccion,Traduccion en occitan

Passionat de lengatges (i comprés de l’occitan shiulat: lo shiular) e deu lengatge, Felip Biu que nse liura sèt racontes bracs d’univèrs possiblament nostes, prestits d’estrange e d’anticipacion : Quaranta tres. En 2019, en çò de Per Noste a Ortès, 77p., cob. color. 5,50 €.
De recomandar per léger, apréner l’occitan e divertí’s plan solide.
Critica Christian Andreu : https://diunegre.com/2019/11/10/un-univers-oberts/

mercés au fotografa e a la maquetista Marie Donnot qui permetón lo montatge fòto

Las musicas d’En Ondas

Moby Last Night Mothers Of The Night.
Mouth Music Mouth Music I Bhi A Da.
Rogelio Botanz musician de Canarias, originari de Vascoat e professor de Silbo Tiempo + … puntos suspensivos Sirinoque de las Trícias.
Joan Francés Tisnèr Transpòrts Tisnèr SA Amontanhada 2 postlude dab lo shiular en occitan de David Diaz Reyes de Tenerife on ei qui inventa per eth lo son « U » qui n’a pas dens lo castelhan de las Canárias shiulat qui mestreja en mèste. Un disc de 2012.
Moby Play 7.
Angelique Ionatos Marie des Brumes Keravnos Iakizi_La Foudre Pilote.
Beck Sea changes It’s all in your mind.

 Sonaus de Denis Fournier e Percussions Profile Le Mystère de la Pyramide

En Ondas setm. 41 Philippe Boula de Mareüil

CNRS,Congrès permanent per la lenga occitana,En Ondas,Limsi,Lingüistica,Linguatec,occitan,occitan de gasconha,Occitan numeric,Occitan-gascon,Philippe Boula de Mareüil,Ràdio podcast de resisténcia en occitan,sintetizacion vocau,usatges numerics de l'occitan

Que vos perpausi d’encontrar a un gojat de bon conéisher, lo lingüista Philippe Boula de Mareüil.

(entervista cuelhuda en los locaus de la Libraria Marrimpouey, mercés a Jean-François Saget).

Que nse desteca lo percors qui ei son solide, mes qu’evòca mei dus projèctes, dont l’Atlas sonore des langues régionales de France, lo planisfèri parlaire que neureish.

De mei Philippe Boula de Mareüil que tribalhava dab A. Seguier, M. Barret e la vòsta servitora, en julh de 2019, a l’estúdio de Jeannot Arbus a Pontac (Bearn), a la sintèsi vocau de l’occitan gascon comandat en l’encastre deu projècte POCTEFA. Un projècte collaboratiu qu’amassa bascos, aragonés e occitans. Lo tribalh qu’ei ordiat e gavidat per lo Congrès Permanent per la lenga occitana. Qu’ei titolat mei largament Linguatec. Sabé’n + : https://linguatec-poctefa.eu/oc/sin-categoria-oc/amassada-a-tolosa-deu-projecte-linguatec/

Las musicas d’En Ondas