Category: Per Noste

Maison d’edicion basada a Ortès

En 0ndas setm. 09 Felip Biu traductor de ‘1984’

1984,En Ondas,Felip Biu,George Orwell,Letras d'òc,Per Noste,Reclams,shiular,shiular occitan gascon,Traduccion en occitan

Parucion evenement !
1984 qu’ei un libe deus arquetipaus de las cent darrèras annadas dens la literatura occidentau. Qu’ei dens tots los classaments deus libes de léger : deu Monde, au Times… Soslinhem d’alhors que Animal’s farm = La bòrda deus animaus deu quite autor que figura tanben au classament deus incontornables deu sègle XXau. Que recomandarèi mei deu quite George Orwell Homage to Catalonia : pendent la guèrra d’Espanha que s’engatgè au ras de la republica catalana en lo POUM.
George Orwell 1903-1950 qui ei lo nom de pluma d’Eric Arthur Blair.
Vadut en Índia e mort a Londres. Jornalista e escrivan.  1984 roman pareishut en 1949.
Felip Biu

L’arrevirada en occitan (modalitat gascona, chança tà la canalha !) deu mitic roman 1984 qu’ei espelida en çò de www.letrasdoc.org e qu’ei signada per un excellent autor : anglicista, ellenista, latinista e professor de shiular (occitan shiulat) distinguit Felip Biu.
1984, 352 pp. 24 euros. Per comandar tot viste : http://www.letrasdoc.org/oc/catalogue/1984/. 
En apendici : los principis de la Lenganava. Dab l’ajuda deu CNL.
Question tanben dens aquesta emission de la seria ‘La Tour sombre’ de Stephen King e allusion qui n’èi pas explicat de la referéncia au Haut-parlar (e pas Gran-parlar, lenga apeada sus un vielh francés pas mei coneishut dens aquesta enter-dus-monde de western d’anticipacion) qui solide induseish un Baish-parlar… mes que ns’aluenham deu roman d’Orwell que vs’encoratgi a léger en occitan devath lo calam de Felip Biu.

Las musicas d’En Ondas
• Alemanda e Soissa A d’arron
• Marc Mellits string quartet n° 2 revolution Mara’s toy in lo CD Lau sasuak quatuor Arnaga
• Big brother and the holding company Janis Joplin Cheaps Thrills ‘= sensacions a pas car’ Combination Of The Two
• sonaus tirats de Arild Andersen Group Electra Big bang e Loud sound
• especiau dedicaça a l’arrehilh (e solide au petiton tanben) dab la canta de Los del Sauvatèrra (paraulas e musica de Bernat Connac), aquiu dens la version de las Mondinas.
 Sonaus de Joan Francés Tisnèr Winter Surge inedit

En Ondas setm. 06 Joan-Miquèu Dordeins

Benoît Larradet,En Ondas,Joan Miquèu Dordeins,Literatura occitana,Mailís Dordeins,Miquèu Campgran,Musica occitana,Musicas occitanas,Novèlas,Per Noste,Ràdio podcast de resisténcia en occitan,Veronica Dordeins

La novèla de Joan-Miquèu Dus dias sonque que da lo nom au recuelh que pareish en çò de Per Noste en mai de 2021. Que i segueishen Lo detalh qui tua, La gamèla deu gat, La medalha, Batiadas a la bearnesa, La batalha deu Mont Guiscard e tres cantas : La canta d’Elvis, Lo dia gran e Adius qui figuran au CD Partatge de Simple Tres e drin dens la presenta edicion per fauta deu poder trobar en lo comèrci.

Suspens, umor, escritura ananta per quauquas novèlas plasentas de descobrir en çò de Joan-Miquèu Dordeins dab Dus dias sonque.
Duas dias sonque de Joan Miquèu Dordeins a Ortès en çò de Per Noste, en 2021. 163 pp., cob. color sheis novèlas e tres cantas en version bilingua. 

Las musicas d’En Ondas
• Simple tres Partatge
– Lo dia gran branlo
– Ziga-zaga
– Lo pas galant branlo
– Adius
– La canta d’Elvis
• Trencadit Trencadit Charmantina
• e Beck quauquas mesuras
 Sonaus de Joan Francés Tisnèr Winter Surge inedit

En Ondas setm. 20 (2) Elisa Harrer

Bernat Manciet,Elisa Harrer,En Ondas,Franz Kafka,Jean Giono,Patrick Guilhemjoan,Per Noste,Ràdio podcast de resisténcia en occitan

Elisa Harrer entau Diccionari occitan francés Gasconha en tres tòmes recentament pareishut a Per Noste. La conquista de la lenga qu’estó per era com : « arrecrubar un ben qui n’aví pas jamei avut ». Arron l’emission en companhia de Patric Guilhemjoan, Elisa Harrer que’ns hè part deu tribalh realizat e la faiçon qui a avut de l’envisatjar : « traçar lo camin en caminar ».
Refugis qu’ei gessit d’un procediment qui s’ei impausat a d’era. Enter dus e un dotzenat de tèxtes de pròsa poetica inspirats per tèxte o tèxte-musica d’autors com Jean Giono *, Franz Kafka, Bernat Manciet, Robèrt Burns au prisme deu compositor estonian Arvö Part, tanben Perec o Bobin, Stevenson, Thoreau o Vesaas.
Un viatge magnetic en la companhia d’Elisa Harrer hens los retortelhs de memòria.
* en exèrgue deu libe la citacion de Giono : «…los òmis ne’s pòden pas passar d’abitacions magicas »

© Elisa Harrer

Elisa Harrer que signa :
La glycine d’Hasparren, Atlantica, 2007
Diccionari intermediari occitan-francés, Gasconha, A-Z dab Patric Guilhemjoan Per Noste, 2014
En tot caminar, Tout en cheminant capvath l’òbra de Francis Jammes, bilingüe Per Noste, 2016
Lo qui plantava arbes e novèlas mei de Jean Giono, Elisa Harrer traductora, bilingüe, Per Noste, 2018
Un messatge imperiau e racontes mei de Franz Kafka, Elisa Harrer traductora, 2019
Refugis = Refuges, Elisa Harrer, Per Noste, 2020
Diccionari occitan-francés, Gasconha, tres tòmes, Patric Guilhemjoan e Elisa Harrer, Per Noste, 2021

Las musicas d’En Ondas :
• Arvo Pärt Estonian Lullaby + Triodion My heart’s in the Highlands
• Erik Satie Roland Pöntinen Six gnossiennes n° 3
• Franz Schubert Quatuor Enesco Quatuor no. 14 La jeune fille et la mort = Der Tod und das Mädchen
 Sonaus de Denis Fournier e Percussions Profile Le Mystère de la Pyramide

En Ondas setm. 19 Patric Guilhemjoan Diccionari occitan francés (Gascon)

Elisa Harrer,En Ondas,Maurici Romieu,Michel Grosclaude,occitan,occitan de gasconha,Occitan-gascon,Patrick Guilhemjoan,Per Noste,Ràdio podcast de resisténcia en occitan,Reclams
Patric Guilhemjoan autor dab Elisa Harrer deu Diccionari occitan francés (Gasconha)

Patric Guilhemjoan que ns’ac ditz tot deu Diccionari occitan francés (Gasconha). Tres tòmes preciós en mei de dus mila paginas que sòrt de paréisher en çò de Per Noste https://pernoste.com.

2020 e 2021 que son annadas fastas per la publicacion de diccionaris de lenga. En 2020 qu’espelí l’edicion tornar deu Dictionnaire du béarnais et du gascon modernes de Simin Palay en la soa grafia d’origina en çò de Reclams edicions. Qu’aprofieitam aquesta entervista per coneishé’u un drin mei en avant. Encontre dab Elisa Harrer la setmana per viéner. Qu’ei tanben autora deu present diccionari e d’autes libes parièr ! Tots los perlongaments suu blog hadiu.eu.

Las musicas d’En Ondas
• Gli Incogniti & Amandine Beyer Scarlatti Concerto grosso No. 8 in G Minor, Op. 6 ‘Fatto per la notte di Natale’_ V. Allegro – Pastorale (Largo) extrèit 
 Sonaus de Denis Fournier e Percussions Profile Le Mystère de la Pyramide

En Ondas setm. 49 Revistaira e de Nautats neurida !

Alan Roch,Aquò d'Aquí,òc,En Ondas,Frederic Fijac,http://www.reclams.org,https://ocvod.fr,Lo Diari,Lo gai saber,Marc Khanne,País gascons,Per Noste,Reclams,viàoccitanie
Revistaira e de Nautats neurida !

Revistas occitanas (6) peu miei de mei deu cinquantenat recensadas quauques ans i a en un site de la DGLFLF.
• Frederic Fijac Setòris Setoises 80p 10 € L’aucèu libre – 880, chemin de la gare – 30250 Salinelles lauceulibre@gmail.com o Frederic Fijac – 625 La Permenada – 47300 Biàs frederic.fijac@orange.fr
• Alan Roch Tot a l’encòp a partir de las cronicas d’Alan Roch per La Semaine du Minervois [autor tanben deu Jornalièr audenc e suplements Catarineta e la Sinsòla (Shishangla)], per sortir en decembe, lo libe ; 204 p. ; Vendémias, n° 84 ; 13 € (+ 3 € de mandadís) IEO-Aude BP 51042 11860 Carcassona Cedex.ostal.sirventes@wanadoo.fr ; ieo11@ieo-oc.org 04 68 25 19 78 occitan-aude.over-blog.com
• Lo documentari Marc Khanne Occitan, Gardarem la lenga https://viaoccitanie.tv/occitan-gardarem-la-lenga/
• Parlam gascon 1113 J.-J. Fenié in Sud Ouest Landes.
• Lo site Bernat Manciet classa e grafic, Manciet qu’èra un estilist grafic e aqueste site que’u hè aumenatge : https://bernardmanciet.fr
• Avís : auhèrta occitana en VOD video a la demanda sus ocvod.fr contact@contam.fr (a partir deu 7 de deceme).
• Soscripcion Passa aquí Tatu trio Breugnot – Guidat – Mooken.

mercés plan peus vòstes comentaris e correcions autanplan deu .pdf
« Essai de compilacion deu cinquantenat de revistas recensadas en 2014 » : https://hadiu.files.wordpress.com/2020/11/essai_lista_revistas.pdf
essai_lista_revistasDownload

Las musicas d’En Ondas :
(emission hargada per part en escotar Podwireless de Ian Anderson de deceme : https://www.mixcloud.com/frootsradio/podwireless-220-december-2020/ e las good vibrations de Cocanha e Vox Bigerri
• Cocanha Puput Au son deu vriulon
• Maurèsca fracàs Dub Contèsta Sèta
• Vox Bigerri Vias deths aires En Grenada i a nau pins
D’aigas E Rocas Polyphonies d’Europe Du Sud Issa la lerza
• Extrèit Còpa talha talhuca de Bernat Manciet Sonets de Manufactures verbales
 Sonaus de Denis Fournier e Percussions Profile Le Mystère de la Pyramide

En Ondas setm. 47 Felip Biu

Domenja Lekuona,En Ondas,Felip Biu,Letras d'òc,Per Noste

Felip Biu que nse hida, la soa escritura qu’ei intuitiva e quasi fisiologica, que descriu lo fenomèn quan l’arriba com quauquarren qui a d’espelir.

cobèrta portada : © Marie Donnot

La garba de novèlas de sciéncia ficcion, d’anticipacion que hè paréisher en çò de l’editor ortesian Per Noste que’s titola Pilula roja.
Pilula roja, Felip Biu, Ortès : Per Noste 2020, 81p., cob. Color Marie Donnot, 5,50 euros.

De guaitar dens las setmanas per viéner la revirada de Felip Biu de 1984 de George Orwell (Letras d’Òc) e la version occitana deu guide deu Castèth de Mauvesin.

E qu’aprofieitam parièr per parlar dens aquesta edicion d’En Ondas de Dora Bruder deu prèmi Nobel de literatura Patrick Modiano, qui la traduccion e pareish en çò deu quite editor, dens ua revirada occitana e ua fòto de cobèrta d’Elisa Harrer, a Ortès : Per Noste 2020, 85p. 6,50 euros.

Las musicas d’En Ondas
• Tenarèze Aral Bueltea Rondeu Alboka
• John Greaves, Sophia Domanich, Vincent Courtois (extrèits) The Trouble With Happiness : Lucky Day + In the real world + The price we pay
• Valentin Clastrier Valentin Clastrier Au fond des temps 2
• Joan Francés Tisnèr deu darrèr disc EBTè! Mariana e de l’antepenultime Transpòrts Tisnèr S.A. Identitats Amontanhada 2 + Empensat Branlo en còrda regular de creacion de JF Tisnèr dab Manufacture Verbale per Quate e choès, pèça de dança contemporanèa, coreografa Yves Bernet per 3 dançaires tradicionaus – Claudine Delille, Marie-Claude Hourdebaigt e Lionel Dubertrand e ua dançaira contemporanèa Sonia Onckelinx, dus quilhons de nau que hèn tà de bon, l’arrasteraire de sable a l’infinit e los cantaires de Manufacture Verbale.
 Sonaus de Denis Fournier e Percussions Profile Le Mystère de la Pyramide

En Ondas setm. 25 Lionel Labòrda A l’endòsta de l’endòl 2

canta occitana,En Ondas,Lionel Labòrda,Occitan-gascon,Per Noste,poesia occitana,Saps

Que ns’installam dens l’escota per dà’ns ua docha de poesia shens l’impermeable *.
Que perseguim l’entervista de Lionel Labòrda tirats d’A l’endòsta de l’endòl. Dens aquesta edicion d’En Ondas sheis deus poèmas que son difusits dont un dit per l’autor (Sentits) e un cantat peu grop Saps dens lo disc Lo Hat. Que son La nueit, Fotografia deu miralh, Planh, Impoténcia, Damadakarianà & Sentits.

Lionel Labòrda, poète-ouvrier, orfèvre des mots, a choisi trente cinq de ses poèmes pour confectionner ce recueil. Il prit la plume au commencement du siècle.

A l’endòsta de l’endòl, Lionel Labòrda, cob. e ill. NB d el’autor, edicion bilingua oc-fr,
Ortès : Per Noste, 2020. 91p. 6 euros

Las musicas d’En Ondas [a basa deus vòts de Lionel qui ei lo prumèr bahida fan de la musica deus hilhs Valentin e Corentin]
• Camecrude Enclave 1 L’ombre de soi
• Ange Halliwell The wheel of Time Summer night fr Odete (video d’espiar !)
• Ilixo Lo desligaire Absorbance
• Saps Lo Hat Damadariakanà
 Sonaus de Denis Fournier e Percussions Profile Le Mystère de la Pyramide

Per perlongar se’vs ditz e en horucar dens los archius d’Hadiu, que’s pòden escotar entervistas realizadas en 2014 per la sortida deu disc Lo Hat de Saps :
dab Lionel Laborda : https://hadiu.eu/2014/09/17/en-ondas-setmana-38-lionel-laborda-lo-hat-de-saps/
dab Sandrina Claverie : https://hadiu.eu/2014/11/05/en-ondas-de-domenja-lekuona-setm-45-sandrina-claverie-1/ & https://hadiu.eu/2014/11/11/en-ondas-setm-46-sandrina-claverie-saps-lo-hat/

* cf a la fin deu poetic filme de Jim Jarmush titolat Paterson en 2016 https://ca.wikipedia.org/wiki/Paterson_(pel%C2%B7l%C3%ADcula)

En Ondas setm. 24 Lionel Labòrda A l’endòsta de l’endòl 1

En Ondas,Lionel Labòrda,occitan de gasconha,Occitan-gascon,Per Noste,poesia occitana

Sol e unic envitat d’En Ondas e per duas edicions, Lionel Labòrda, autor d’ A l’Endòsta de l’Endòl recuelh de poesias bilinguas que pareish a Per Noste aquestes torns.

La vertat armada d’un martinet a sortir deu putz per castigar l’umanitat. Jean-Léon Gérôme 1896 (a haut colona de gaucha de Wikimedia commons enlà e en lo maine public).

Lionel Labòrda qu’ei l’envitat de la nosta prumèra entervista de desembarrada. Lionel qu’ei paradoxaument emblematic de las professions de hèras peu parçan. Obrèr peu camp de Lac e aimador, protector e cultivator de la tèrra e de la gent qui a a d’entorns. Obrèr-poèta, possedit per la lenga.

Que nse da lo parat dens aquesta purmèra emission d’evocar Democrit e lo conte de Vertat e Mensonja.


Las musicas d’En Ondas :
• Camecrude – Enclave I. – 02 Désarticulation du Temps
• Ange Halliwell – winter day feat Malibu
• Cocanha – Puput – 07 La sovenença
• Trencadit – Trencadit – 05 Rondèus Deu Hauròt
• rodín – ARA – 05 LA FÈSTA feat. Valentin Laborde
 Sonaus de Denis Fournier e Percussions Profile Le Mystère de la Pyramide