En Ondas setm. 03 Sèrgi Javaloyès

L’entervista a la quau e’vs convidi qu’ei cuelhuda a l’estiu de 2022. Qu’evocam solide la soa actualitat País d’exilis en çò de las edicions Reclams. Despuish, qu’a publicat L’homme est un ours qui a mal tourné, roman-bilanç en francés en çò de las edicions In8 pareishut a l’abòr de 2022. En la presenta entervista que parlam sustot inspiracion e escritura pertocant l’òbra soa. Solide que profieitam l’encontre tà parlar deus autes libes pareishuts o per paréisher que sian en francés o en occitan.

Que devisa Sèrgi Javaloyès de William Faulkner, Marguerite Yourcenar o Patrick Modiano e Eric Gonzalès, Max Rouquette, Itxaro Borda, Bernat Manciet e Joan-Ives Casanòva tà çò de l’escritura e de la critica literària. Tanben de subjèctes aus quaus e s’atèla com Bernadette Soubirous en poesia o un doble murtre a Pau suu cantèr de la sideracion deu monde.

Tà escotar d’autas emissions d’En Ondas, de Jòclong dab Sèrgi Javaloyès, seguir : https://hadiu.eu/?s=Javaloyès

Las musicas d’En Ondas
Denis Fournier, les fils du Vent deu disc le Mystère de la Pyramide
 Sonaus de Joan Francés Tisnèr Winter Surge inedit

En Ondas setm. 52 Edith Moutengou

De mòde de poder programar ua escapada en Vath d’Aspa (presentament que son barrats). Que s’ac vau ! En navèra difusion.

Uei qu’encontram a Edith Moutengou qui gereish Transhumance e Cie, ostalaria e restaurant, dont l’òmi Fabrice e s’encuenta de la taula.
Que’vs convidam a un devís de vita en loquau la Vath d’Aspa e tien ua pro bona plaça.
Qu’èm a escotar la beròja lenga aspesa d’Edith. L’estacament, l’enrasigament, la hami de realizar e de’s realizar. A lor, las crampas com lo minjar que’s disen en occitan !
Que’s tien Edith a çò que’s prometó – a contra briu deus de la soa generacion, de las qui davantejèn e de las qui an seguit tanben : «Jo que tribalharèi ací ! ».

Edith Moutengou Transhumance & Cie 8 av. Robert Balanguer Gara 64490 BEDÓS BEDOUS

D’espiar en escotar lo programa !

Las musicas d’En Ondas
• Marcel Amont canta los poètas gascons Adiu Plana de Bedós (tèxte de Xavier Navarròt)
• Joan Francés Tisnèr Transpòrts Tisnèr SA En trin que’s pòt
• Biella nuei e amics occitans O Canfranero au vriulon Crestian Lanau
 Sonaus de Denis Fournier e Percussions Profile Le Mystère de la Pyramide

En Ondas setm. 13 Anne-Pierre Darrées, Ercules l’iniciat

Que devisam mitologia dab Anne-Pierre Darrées qui signa un libe preciós en çò de Reclams edicions : Ercules, l’iniciat, liberòt bilingüe d’un centenat de paginas, illustradas en negre e blanc de la cobèrta color per Margot Raillé. Mei precisament que seràn los dotze tribalhs d’Ercules qui, destecats dens l’obratge aqueste, amuishan la madurada d’un miei diu – e òc eths tanben qu’an de vàder grans ce sembla – Eraclès (en grèc ancian Ἡρακλῆς /Hēraklês, qui vòu díser « Glòria d’Erà»), deu son nom prumèr Alcide, hilh d’Alcmèna e de Zèus, l’un deus eròis mei laudats de la Grècia antica. Qu’a las aventuras en la mitologia grèca hens lo monde coneishut deus Dorians puish dens totas la mediterranèa, a partir de l’expansion de la Grècia grana, dincaus in•hèrns. Que son condats los sons esplèits tanlèu Homère. Eraclès qu’ei dit Ercule dens la mitologia romana, identificat qu’ei au Melkart fenician, a l’Ercle estrusque e au Kakasbos en Asia minora. L’Ercule deus Romans qu’ei per còps descriut com mensh violent que non pas lo son alter ego grèc eque coneish daubuas benalejas qui’s debana enla peninsula uei dita italiana. Dens aquesta emission Anne-Pierre Darrées que nse ditz perqué a causit de’n har un libe e shens que pr’amor qu’ei a l’arrasic de la legenda de la creacion deus Pirenèus

Anne-Pierre Darrées per evocar Ercules l’iniciat que pareish en çò de Reclams Edicions.

En çò de Reclams edicions, entaus joens, un essai d’Anne Pierre Darrées : Ercules l’iniciat [3]. Los dotze tribalhs d’Ercules aliàs Eracles que son esplèits cargats d’ensenhaments. Aventuras pleas de simbèus, viscudas peu hilh de Zèus e d’Alcmèna que permeten a l’eròi dejà miei-diu de vàder un uman, de véncer l’animalitat, los truvèrs, d’alargar la consciéncia com ns’ac a partatjat Anne-Pierre Darrées. Libe de formacion se n’ei puish a que la natura d’Ercules qu’ei de dar la man aus umans com aus dius. Seguim las benalèjas extraordinàrias de l’eròi mei popular de la mitologia grèca e romana. Bilingüe occitan-francés 104p. 10 €
[3] Ercules l’iniciat. Ercules lo miei diu e Pirena la divessa, a l’origina deu Pirenèus dit per l’autora https://www.reclams.org/fr/liste-des-produits/produit/138-ercules-l-iniciat/highlight-WyJlcmN1bGVzIl0=

Las musicas d’En Ondas
• Music of the ancient world Grècia antica Dáktilos améra
• Björk Biophyllia Cosmogony
• Perlinpinpin fòlc Tenarèze E la musica passa la boca
• Music of the ancient world Grècia antica Eros
• Rosina e Martina de Pèira Chants occitans Arièja
• Transpòrts Tisnèr S.A. Amontanhas 2 arremesclada Baisha viste de la montanha shiulat
 Sonaus de Joan Francés Tisnèr Winter Surge inedit

En Ondas setm. 40 Edith Moutengou

Uei qu’encontram a Edith Moutengou qui gereish Transhumance e Cie, ostalaria e restaurant, dont l’òmi Fabrice e s’encuenta de la taula.
Que’vs convidam a un devís de vita en loquau la Vath d’Aspa e tien ua pro bona plaça.
Qu’èm a escotar la beròja lenga aspesa d’Edith. L’estacament, l’enrasigament, la hami de realizar e de’s realizar. A lor, las crampas com lo minjar que’s disen en occitan !
Que’s tien Edith a çò que’s prometó – a contra briu deus de la soa generacion, de las qui davantejèn e de las qui an seguit tanben : «Jo que tribalharèi ací ! ».

Edith Moutengou Transhumance & Cie 8 av. Robert Balanguer Gara 64490 BEDÓS BEDOUS

D’espiar en escotar lo programa !

Las musicas d’En Ondas
• Marcel Amont canta los poètas gascons Adiu Plana de Bedós (tèxte de Xavier Navarròt)
• Joan Francés Tisnèr Transpòrts Tisnèr SA En trin que’s pòt
• Biella nuei e amics occitans O Canfranero au vriulon Crestian Lanau
 Sonaus de Denis Fournier e Percussions Profile Le Mystère de la Pyramide

En Ondas setm. 04 De tot, un drin (2)

Parucions en retard, de tot un drin 2 :

Que s’agirà sustot de libes e libes disques entaus mainats. Per la lectura, la descobèrta per la lectura deus sentiments, de las emocions e per apréner cantas e frasas amusantas o susprenentas de folclòre deus mainatges, aqueste còp meilèu de Provença tota.

Tanben un libe entaus adultes dab la perseguida de la publicacion (en soscripcion) de las òbras d’Emmanuel Delbosquet a las edicions Amis du Vieux Nerac & Editions d’Albret.

mailto:asig@orange.fr A. Bianchi Lieudit Bel Air 14, chemin du Roy 47230 Barbaste
mailto:cantarloupais@gmail.com
https://www.letrasdoc.org/fr/catalogue/los-omes-petits-cd/

http://www.pernoste.com/Modules/Commandes/Commandes.aspx?RayonId=9

https://www.decouvertes-occitanes.fr /es/1218-me-triga-deman-lg-cap-oc-s-regani-9782240048592.html

https://www.decouvertes-occitanes.fr/es/1213-lo-pichot-nicolau-bil-sempe-et-goscinny- 9782915732979.html

Las musicas d’En ondas :

Alen & La Manufacture verbale La lana de Malet

Ua, miduna, mitrena 3, JF Tisnèr/JL Landi… Conte, Conte, liconte – Petina e Peton – Jo’n tròbi lo boc – Que vueitèri

La Talvera Quincarelet Formulas per comptar

Viatge en lenga R. Baudoin & JF Tisnèr Lo Rondèu Novèu (Carlòtti Jan Mari) – Lo Lop e l’ase

Sonaus de Denis Fournier e Percussions Profile Le Mystère de la Pyramide

En Ondas setm. 49 JL Lavit : Bèth peu de sau

Arribada qu’ei, la tresau hèita de Riton Magret (lo comissari) titolada sabrosament Bèth peu de sau e qui justament e’s debana a Pau (per part).

Bèth Peu de Sau, ua hèita deu Comissari Magret, de Joan Loís Lavit qu’ei lo libe de las interrogacions com de la maturitat, de la mestresa de la lenga possada au mei, pr’amor aquesta que l’avèva jà a man Joan Loís Lavit. Arron en 2017 – Escura, la nueit – edicions Letras d’òc un roman dret arribat deus limbes de l’istòria nosta, Lavit que torna trobar las soas amors : lo policièr… dont l’istòria la grana o la fantasmada entermescladas non son pas jamei luenh. 156pp., lexic, 16 euros.
Dens lo blòc, 27 prumèrs postats (https://comissarimagret.wixsite.com/comissarimagret)

En prima un diaporama : a basa de quauques uns deus dessenhs (© Pètro) dens lo blòc https://comissarimagret.wixsite.com/c….
En escota a la demanda https://hadiu.eu e tanben sus Pirenèus Radio, Radio Temps, Radio Verdon, Radio Saint-Affrique, Radio Hapchot… mercés a d’aquestas ràdios !

Las musicas d’En ondas :

Daunas de còr Airetèras La Ploma de Perdiu

Aqueles Punk’s not born Dobai

Raoul Petite Têt de Krân Früstuck intermezzo + Moi les avanlanches

Corau d’Arielès Truèla (cançon deus maçons, deus gacha empèga en miralh au folclòre d’aqueths marsilhés !) e Pastors suspècts. Paraulas JL. Lavit.

Eths Micalets Aiganèu Bergèrs de Gasòst

Pescalua Vent castanhèr Rota (JL. Lavit e N. Carita)

Sonaus de Denis Fournier e Percussions Profile Le Mystère de la Pyramide

En Ondas setm. 19 J.L. Lavit-Taladèr Bèth peu de sau, blòg deu comissari Magret

* Somari n° 124 de Òc Frederic Fijac 625 la permenada 47300 Bias (abonament 25 euros) ;
* Òbra romanèsca de Bernat Manciet (arrevirada au francés de l’autor) en çò d’In8 http://editionsin8.com/catalogue/livre/895-romans 352p. 22 euros ;
* Unic convidat Joan Loís Lavit [Lavedan Lorda 1959- ], escrivan deu començar deus ans 90 de l’aute sègle. Que ns’entertien de las rasons qui’u possèn a hargar l’agusa boca qui ei lo blòg Bèth peu de sau deu Comissari Magret. Que’u neureish dab engenh l’autor despuish mantuas setmanas. Qu’ei ua beròja promessa deu roman policièr qui seguirà (en çò de Letras d’Òc). D’ausir la version tradicionau deu nadau interpretat dab la complicitat deus deu corau Arielès, a la direccion : https://comissarimagret.wixsite.com/comissarimagret/quasern-de-norbert-casteth, Norbèrt Casteth, etnològue bearnés de tria e garant scientific deu blòg. Tot aquerò a gratis: chança tà la canalha !

Las musicas d’En ondas :

  • Feiz Noz Moc’h Atau Atav Torçut
  • Vox Bigerri D’aigas e de rocas Basa Ahaide
  • Alen La Manufacture verbale Lo cant de la lana gran La Grasaca e lo gahús
  • Eklektic consòrt
    * Heart to weep
    * Baion
    * Je suis

Sonaus de Denis Fournier e Percussions Profile Le Mystère de la Pyramide

En Ondas setm. 17 Eric Gonzalès Belina

Seguida e fin de l’entervista cuelhuda en 2009 au près d’Eric Gonzalès. Subjècte màger la reedicion de Belina de Miquèu de Camelat en çò de http://www.reclams.org