Category: Reclams edicions

En Ondas setm. 14 La Passem dab Benjamin e Estève

ABC del Saber,Benjamin Bouyssou,Domenja Lekuona,En Ondas,Estève Joseau,Ethos,Jordan Tisnèr,Juliette Minvielle,Ligams - La Passem,Oc revista,Reclams edicions

En Ondas qu’encontra a Benjamin Bouyssou, artista, musician, cantaire et contaire e Estève Joseau per La Passem 2026 Bedós Vath d’Aspa 30/04 – Anglet Baish Ador 09/05/26, entertant 2000 km de viatge, d’encontres e d’arsec tà l’occitan. Vos senhalar d’abòrd un cèrt nombre de parucions importantas en aquesta edicion d’En Ondas consacrada a La Passem, la corruda per l’occitan gascon.
– Florilangues garba de literaturas en lengas de França lo noste Lagarde et Michard actuau ! qu’ei pareishut a l’Aucèu libre e qu’ei possiblament disponible en libreria per exemple : Le moment Librairie a Salias o l’Escapada a Auloron e tanben rapidament per internet https://www.libraria-occitana.org/. De har arribar dens lo vòste establiment escolar a partir deu collègi. E de’n parlar rapidament dab l@s actor@s deu collectiu per las literaturas en lengas de frança a l’escòla…
– Libe en francés recentament pareishut de David Grosclaude La diversité pour survivre (au réchauffement climatique et au refroidissement culturel)de crompar sus Helloasso 17 euros, ideas filosoficas e politicas e vision deu monde. Passionant.
– En soscripcion ua soma de non pas mancar gavidada per Un directeur de recherche exceptionnel Crestian Lagarde, un éditeur catalan Trabucaire Editions pour cet ouvrage qui fera date sur l’occitanisme [1960-1980]. Tribalh memoriau e interessant de miar com de descobrir [96 contribucions] ! Mercés a Christian Lagarde e a las Editions Trabucaire https://www.trabucaire.com/, editor de l’obratge.
– las revistas
* Òc revista n° 156 de març de 2026 lo huelheton de Florian Vernet Past Lives que n’ei a la tresau liurason… Revèst que i evòca l’artista Ben e puish Lacomba, Peiràs, Chabaud, Guilhòt-Gentialon, Venzac, Castex-Ey, Miret, Ghorbani e la poesia franco-turca de Rehal Yünlüel qui ei lo convidat.
https://www.helloasso.com/associations/association-pour-la-revue-oc
* Sud Ouest Nature revista de la federacion sepanso 209 : migracions, las resèrvas naturaus, la question deus nematòdes deu pin e alèrta sus la seuva monòcultivada e artificiau de Gasconha.
https://www.helloasso.com/associations/sepanso-64/adhesions/adhesion-annuelle e com los disi tostemps Sud Ouest de qué de París XVIau hens lo cap deus colhonizats… que deverén cambiar lo nom. S’i abonar que’s hè en aderir.
* enfin lo n° 4 de l’ABC del saber pertocant las sciéncias, produsit per las edicions reclams de las quaus e soi adara libra de tot ligam e de tota responsabilitat per consequent. https://www.reclams.org/oc/ Sciéncia e vertat : l’imbroglio ; Istòria de las sciéncia … 134pp. ill. col. e nb. 19 euros.
– Wiki Loves Folklore qu’ei un concors mediatic mondiau qui’s debana cada an sus Wikimedia Commons, dab l’objectiu de documentar las divèrsas culturas popularas de tot lo planeta. Qu’ei tròp tard tà 2026 [data de clausura 31 de març] mes aprestatz-vos per 2027 : https://wikilovesfolklore.org/
Au parat d’ua amassada de La Passem a Salias de Bearn qu’encontrèm a Estève Joseau.

Las musicas d’En Ondas
• Albert Marcoeur Sports e Percussions Sport en plein air
• Antonio Placer Nomades d’Ici Tu vienes de todas partes + No sabia sulfatar
• Zaldibobo S.K.A.
• Lhèva-te imne 2026 de La Passem per Juliette Minvielle dab lo hilh Jordan <Qui aima Jordan aima son cant>)
 Sonaus de Joan Francés Tisnèr Winter Surge inedit

En Ondas setm. 17 Eric Fraj

ABC del Saber,Constantin Castoriadis,En Ondas,Eric Fraj,Erich Fromm,Fernand Vedel,http://www.reclams.org,Michel Grosclaude,Ràdio podcast de resisténcia en occitan,Reclams edicions

En aquera edicion d’En Ondas que devisam dab Eric Fraj [professor de filosofia, de castelhan, autor-compositor-interprèt…], dens l’ABC del saber n° 3, cap-redactor e autor, dab l’Editoriau, lo Lexic e un article sus l’inumanitat. L’Abc del saber n° 3 Umans tròp umans ?, 124 pp. color ; 19 euros en çò de Reclams edicions.

Articles a l’asard qui n’averam quitament pas avut lo partat d’evocar dens l’entervista :
– Alem Surre-Garcia, lo culte de Mithra, percaçat per la glèisa a Tolosa en 2024
– Jaume Jaussaud-Max Valax : ressorças « umanas” avetz dit umans ? Gestion deu personau d’autant mei violent parièr que klo personau e vad riale e mots (donc concèptes) qui passan aus oblidats : « classa obrèra”… quan precaritat, espleitacion que perduran eths !
– Sèrgi Javaloyès – en aumenatge a Itxaro Borda, l’escrivana basca – la Poste ® com antidòt d’umanitat epistolària e amistosa : un moment suspenut qui anima la revista.
– E lo passionant article d’excelléncia de Fernand Vedel deu quau parlam, especialista de l’ADN, sus las originas umanas : de las poscas d’estelas a la perfeccion autoproclamada : lo sapiens. Un Sapiens – qui n’ei pas briga savi – qui s’i escad dens lo darrèr quart d’òra deu planeta a s’ac tot destrusir… Lo Neandertal, que sabó víver en equilibri dab l’environament, que serà estat eth, luenh d’estar autant bruta que n’èm nosautes : qu’aligam demografia e creishença a contunha en un monde fenit e constrenh.

Reclams edicions 18 camin de Gasconha 31800 LANDORTHE
reclamsedicions@hadiu
Lo blòg https://abcdelsaber.fr/
Legem e tornem léger L’ABC del saber e en especiau aqueth numèro 3 Umans, trop umans ?https://www.reclams.org/fr/catalogue/produit/204-l-abc-del-saber-umans-trop-umans

Las musicas d’En Ondas
• PPF Ua botelha a la mar
• Yann van den Cruyssen Seasons after fall – Intro
• Andrea Volenweider Into the burning circle
• Arnau Obilos Els carrèrs seràn el cèl
• Arild Andersen Electra Big bang [d’alhors dens L’abc n° 3 Fernand Vedel que ns’indica que lo Big Bang ne seré pas lo generator deu noste univèrs mes meilèu la resultanta.]
• Christian Vieussens Esquiç seguit d’Auròst Esquiç 5
 Sonaus de Joan Francés Tisnèr Winter Surge inedit

En Ondas setm. 12 Joan Miquèu Dordeins

En Ondas,Fanny Lartigòt,Joan Miquèu Dordeins,Lo Topin de Lenga,Per Noste,Ràdio podcast de resisténcia en occitan,Reclams edicions,Simple tres

Deishem-nse embarcar per l’umor flegmatic de Joan Miquèu Dordeins au parat de la sortida de l’àlbum Lo Viatge de Joan Petit. Encontrem tanben a Fanny Lartigòt l’illustratora deu libe entau joenèr Lo Viatge de Joan Petit *. Dus envitats dens la presenta edicion d’En Ondas, l’autor e l’illustratora deu liberòt en çò de las edicions Reclams en 2025. Joan Miquèu Dordeins qu’ei ensenhaire a la retirada e autor. Qu’a publicat darrèrament aus Reclams lo roman policièr Murtres en cadena (2023) e un recuelh de novèlas en 2021 a Per Noste Dus dias sonque. Que se’n ditz mei suu liberòt entau joenèr qui pren per eròi un Joan Petit au quau e s’escaden plen de benalèjas.
Ua edicion drin singulara per part cuelhuda en ua crampa de convalescéncia, la vita quauque còp que resèrva causas inatendudas. Que nse permet d’evocar lo miei espitalèr, la vita e la recuperacion arron un accident vascular cerebrau. Autanplan l’importància de la lenga soa, l’occitan, dens las relacions umanas e los projèctes, la memòria… e los projèctes a maugrat que sia retrèit pro com tostemps lo Joan Miquèu entau parlar de çò qui a suu telèr.

* Tà’n saber mei sus Joan Petit, lo personatge istoric deu sègle XVIIau, un petit recèrc hèit entaus talhèrs de Yuan Gong qigong en occitan qui asseguri despuish quauques annadas e qui podetz léger ací baish :

Joan Petit – Wikipèdia + version gasconaDownload

D’autes programas d’En Ondas dab Joan Miquèu Dordeins : https://hadiu.eu/?s=Dordeins

De v’indicar, per escàs, lo tresau numèro de la revista annau de l’ABC (dab ua B hauta o de Barcelona aquera) qu’ei L’ABC del saber : Umans tròp umans ?, qu’ei tot juste pareishut.

Las musicas d’En Ondas
• Manuel De Falla sortilègis
• Simple Tres La canta d’Elvís
• Gilles Chabenat Edouard Papazian Le Traité des Songes L’œil de la lettre
• Laurent Audemart Escotija politiko
• Tazzuf Camaleons Daltònics Sota Mazurca
• Chocolate Jesus
• Perlimpinpin Fòlc Ua botelha a la mar
• Aèdes – Gaves – Coma l’aiga
 Sonaus de Joan Francés Tisnèr Winter Surge inedit

En Ondas setm. 21 Jaume Jaussaud

En Ondas,energia,http://www.reclams.org,Japon,Jaume Jaussaud,Ràdio podcast de resisténcia en occitan,Reclams,Reclams edicions,Uppa
Aquesta setmana lo N° 2 de l’ABC del Saber : Energia, dens lo monde, en los sons enjòcs, i comprés geopolitics, o dens l’istòria, las solucions a l’òbra uei o enqüèra l’energia e l’uman.
Jaume Jaussaud qu’ei lo cap-redactor d’aquera liurason Energia e que ns’a plan volut respóner.
Nikola Tesla « If you want to find the secrets of the universe, think in terms of energy, frequency and vibrations.”
19 collaboradors tau n° 2 de la navèra revista l’ABC del Saber.
180pp. Tot en color. 19 euros. Reclams edicions.

L’emission que s’acaba en devisar deu Japon on se rend sovent Jaume Jaussaud per rasons professionaus : la question de l’energia qu’ei l’enjòc – per’mor la situacion geografica e istorica – de questionaments aguts e dolorós.

Las musicas d’En Ondas : 
• Manufactures verbales suite aquacole
• Rodin Solèu d’argent
• Brian Eno John Hopkins and Leo Abrahams Small craft on a milk sea Bone jump + Two forms of anger
• Battle Mirrored Prismism
• Francés Dumeaux extrèits de la creacion IKARUSU, en març de 2011 de la catastròfa – tostemps en cors – de Fukushima-Daichi
 Sonaus de Joan Francés Tisnèr Winter Surge

En Ondas setm. 43 Eric Gonzales 1

Albert Camus,Amélie Nothomb,En Ondas,Eric Gonzales,http://www.reclams.org,Miquèu de Camelat,Occitan numeric,Per Noste,Ràdio podcast de resisténcia en occitan,Ràdio podcast en occitan,Reclams,Reclams edicions,Simin Palay,Traduccion en occitan

Eric Gonzalès [1964-2023] que ns’a quitat augan au mes de mai.
En navèra difusion duas emissions de 2009 qui tornèi adobar en 2020.
Eric qu’èra un fin coneishedor de la lenga. Que sia mercejat tà tot çò qui ns’a aportat.

Un dia qu’avoi l’astre d’obtiéner – au telefòne – ua entervista d’Eric Gonzales. Qu’èra en 2009. Que la ve perpausi tornar dens un montatge drin abracat (la musica), au format 45’ e tostemps en duas emissions. Lo parat de tornar sus la soa destinada literara.

Au començar de 2020, Eric Gonzalès qu’ei au nombre deus editors intellectuaus – dab Maurici Romieu, Sèrgi Javaloyès e Joan Luc Landi – de l’edicion nava deu Dictionnaire du béarnais et du gascon modernes dit de Simin Palay, dont escriu lo prefaci pertocant la grafia.

Dus tòmes d’ara enlà disponibles aqueste començar de 2020, co-editats per Lo congrès de la lenga occitana e Reclams.
https://escolagastonfebus.com/langue/le-dictionnaire-de-palay-enfin-reedite/

Jouèb : http://diaperdia.centerblog.net/ dont lo darrèr article partatjat ei « Modernizar lo gascon” en data deu 17 de heurèr de 2020. http://diaperdia.centerblog.net/6488076–modernizar-la-lenga-nosta
wiki : https://fr.wikipedia.org/wiki/%C3%89ric_Gonzal%C3%A8s & https://oc.wikipedia.org/wiki/Eric_Gonzales o drin mei drin « Enquèstas linguisticas boharòcas » : http://diaperdia.centerblog.net/6488089-enquestas-linguisticas-boharocas.

Las musicas d’En Ondas

  • Wax Tailor Que serà, serà
  • Arabian music from Fez and Marroco
  • Guilhem Lopez Sòmi de Granada Granada
  • Artús Òrb ATC
  • Japanesa drums Yoyi Hirota
  • Björk Innocence

En Ondas colleccion 22-23

ABC del Saber,Academia occitana,Adeline Yzac,Al Cartero [Leonce Lacoaret],Alan Abadia,Anne-Pierre Darrées,Aquò d'Aquí,Aure Seguier,ausbau (lenga per elaboracion),Baruch Spinoza,Bearn,Bernat Cauhapè,Bernat Combi,Bernat Manciet,Domenge Bidot-Germa,Elisa Harrer,En Ondas,Eric Fraj,Eric Gonzales,Florian Vernet,Frederic Fijac,Gaston Febus,Joan Loís Lavit,Joan Miquèu Dordeins,Joan-Ives Casanòva,Joan-Jacme Casteret,Konrad Harrer,Lo gai saber,Louisà Paulin,Maëlle Dupon,Magali Mariaud,Martin Lassouque,Miquèu Baris,Nancy R. Lange,Oc revista,País gascons,Patric Guilhemjoan,Patrick Lavaud,Reclams,Reclams edicions,Revirada.eu,Sèrgi Javaloyès,Silvan Chabaud,Stéphane Linou,Thérèse | Tresià Pambrun,ubèrt dutech
La sason 22-23 d'En Ondas. Los visuaus e los ligams tà escotar. Bona escota ! Saison 22-23 d'En Ondas. Les visuels et les liens pour écouter. Bonne écoute !

En Ondas setm. 13 Joan Miquèu Dordeins

Bernat Cauhapè,Bernat Combi,En Ondas,Felip Gardy,Henri Irénée Marrou,http://www.reclams.org,Joan Miquèu Dordeins,Reclams edicions

Dens En Ondas qu’ei question d’un libe de poèmas de joenèr, d’ua mustra, d’ua serada d’ajuda solidària e de Murtres en cadena, lo libe de Joan Miquèu Dordeins pareishut aus Reclams fin de 2022. Un polar tot prestit de classicitat, un moment hòrt agradiu de lectura.

Murtres en cadena, Joan Miquèu Dordeins, Reclams edicions 2022, 261pp., cob. color, coll. Vias negras. 17 euros.

© JM Dordeins per D. Lekuona a Salias

Presentacion publica
AQUERAS MONTANHAS, libreria, la CIUTAT, plaça Recaborde 64000 PAU
Dissabte 15/04/2023 a 11h

Lo libre de joentut 1920-1931 Henri Irénée Marrou per Felip Gardy Ed. Cahiers du carrefour Ventadour.
Philippe Gardy, universitari, director de recèrca onorari au CNRS, especialista dens l’estudi de la literatura occitana, de l’atge barròc a l’epòca contemporanèa, qu’a ensenhat a las facultats de Bordèu e Montpelhièr. Poèta e novelista, qu’ei l’autor d’un detzenat d’obratges de tria en occitan.

Mentre lo maire de Rodés e tempta de massacrar l’Estivada. La mustra de Bernat Cauhapè K.O.P., un deus actors de la quita Estivada longs ans de reng, Acabatz d’entrar que serà inaugurada en preséncia de las autoritats deu departament d’Avairon, lo divés 7 d’abriu a 6 h deu vrèspe au tribunau de las arts 8 baloard Aristide Briand a Sent-Africa. Vedederas dinc au 27 d’abriu, las òbras d’un uelh, d’ua pensada e de mans singularas. De non pas mancar. Inauguracion seguida d’ua performància deu quite actor e pintor-plastician a la sala de las Colonas sala de las hèstas de Sent-Africa. Rensenhament mailto:patrick.couffin@wanadoo.fr president de l’associacion Cap l’òc.

Que s’eslissan dens En Ondas un aperet a solidaritat au cantaire Bernat Combi dab quauques uas de las soas musicas. Bernat Combi, qu’estó victima d’un Accident Vascular Cerebrau en aost passat. La condicion fisica que vien complicar mei la soa existéncia. Ua serada de sostien solidària qu’ei organizada lo divés 31 de març, sala Latreille a Tula a partir de sèt òras e mieja deu ser. Entrada 10 euros rensenhaments www.baladoctula.org dab la projeccion de Laus daus gaus (L’elògi deu pisha-au-lhèit) de Jean Louis Maury a 7h30 deu ser puish bal dab La Galoche 9h.

Las musicas d’En Ondas 
• Eschantis Bernat Combi e Peirat Escotas
• Andreas Vollenweider Dancing with the Lion Silver Dew, Golden Grass
• Jammu Africa – Ismaêl Lô
• Eschantis Bernat Combi e Peirat Chant deus aulhats _ Opus H5N1
• Thomas Baudoin Roman Colautti D’en Haut 
 Sonaus de Joan Francés Tisnèr Winter Surge inedit

En Ondas setm. 03 Sèrgi Javaloyès

Argeria,Bernat Manciet,En Ondas,Eric Gonzales,http://www.reclams.org,Joan Loís Lavit,Joan-Ives Casanòva,Les éditions In8,Literatura occitana,Max Rouquette,Oran,poesia occitana,Ràdio podcast de resisténcia en occitan,Reclams edicions,roman,Sèrgi Javaloyès

L’entervista a la quau e’vs convidi qu’ei cuelhuda a l’estiu de 2022. Qu’evocam solide la soa actualitat País d’exilis en çò de las edicions Reclams. Despuish, qu’a publicat L’homme est un ours qui a mal tourné, roman-bilanç en francés en çò de las edicions In8 pareishut a l’abòr de 2022. En la presenta entervista que parlam sustot inspiracion e escritura pertocant l’òbra soa. Solide que profieitam l’encontre tà parlar deus autes libes pareishuts o per paréisher que sian en francés o en occitan.

Que devisa Sèrgi Javaloyès de William Faulkner, Marguerite Yourcenar o Patrick Modiano e Eric Gonzalès, Max Rouquette, Itxaro Borda, Bernat Manciet e Joan-Ives Casanòva tà çò de l’escritura e de la critica literària. Tanben de subjèctes aus quaus e s’atèla com Bernadette Soubirous en poesia o un doble murtre a Pau suu cantèr de la sideracion deu monde.

Tà escotar d’autas emissions d’En Ondas, de Jòclong dab Sèrgi Javaloyès, seguir : https://hadiu.eu/?s=Javaloyès

Las musicas d’En Ondas
Denis Fournier, les fils du Vent deu disc le Mystère de la Pyramide
 Sonaus de Joan Francés Tisnèr Winter Surge inedit