Un artista deu tot que Bernat Cauhapè, entervistat per la mustra qui signava per l’Estivada Soi d’aici, installada a Rodés, en julh de 2009. Ua emission en difusion tornar e remontada entau parat. Tanben que’vs convidam a la vesita de la mustra deu K.O.P.
En navèra escota. Mercés a Guillaume Lopez per l’autorizacion d’utilizacion de la fòto !… la musica deu Bal del Lop… e lo còp de man per tornar cargar lo materiau de Lutz en camin au Primtemps de l’Arribèra.
Las musicas d’En ondas : Xavier Vidal Prigent Le Bal La ploka des Cadurques La Talvèra Occitan-Berbèr Battle Mirrored Race in Race out Suber Albèrt Tablèu d’ua mustra Verd e Blu Luc Aussibal Cada jorn Jan dau Melhau Bernat Combi Lo diable es jos la pòrta
Dens En Ondas qu’ei question d’un libe de poèmas de joenèr, d’ua mustra, d’ua serada d’ajuda solidària e de Murtres en cadena, lo libe de Joan Miquèu Dordeins pareishut aus Reclams fin de 2022. Un polar tot prestit de classicitat, un moment hòrt agradiu de lectura.
Murtres en cadena, Joan Miquèu Dordeins, Reclams edicions 2022, 261pp., cob. color, coll. Vias negras. 17 euros.
Presentacion publica AQUERAS MONTANHAS, libreria, la CIUTAT, plaça Recaborde 64000 PAU Dissabte 15/04/2023 a 11h
Lo libre de joentut 1920-1931 Henri Irénée Marrou per Felip Gardy Ed. Cahiers du carrefour Ventadour. Philippe Gardy, universitari, director de recèrca onorari au CNRS, especialista dens l’estudi de la literatura occitana, de l’atge barròc a l’epòca contemporanèa, qu’a ensenhat a las facultats de Bordèu e Montpelhièr. Poèta e novelista, qu’ei l’autor d’un detzenat d’obratges de tria en occitan.
Mentre lo maire de Rodés e tempta de massacrar l’Estivada. La mustra de Bernat Cauhapè K.O.P., un deus actors de la quita Estivada longs ans de reng, Acabatz d’entrar que serà inaugurada en preséncia de las autoritats deu departament d’Avairon, lo divés 7 d’abriu a 6 h deu vrèspe au tribunau de las arts 8 baloard Aristide Briand a Sent-Africa. Vedederas dinc au 27 d’abriu, las òbras d’un uelh, d’ua pensada e de mans singularas. De non pas mancar. Inauguracion seguida d’ua performància deu quite actor e pintor-plastician a la sala de las Colonas sala de las hèstas de Sent-Africa. Rensenhament mailto:patrick.couffin@wanadoo.fr president de l’associacion Cap l’òc.
Que s’eslissan dens En Ondas un aperet a solidaritat au cantaire Bernat Combi dab quauques uas de las soas musicas. Bernat Combi, qu’estó victima d’un Accident Vascular Cerebrau en aost passat. La condicion fisica que vien complicar mei la soa existéncia. Ua serada de sostien solidària qu’ei organizada lo divés 31 de març, sala Latreille a Tula a partir de sèt òras e mieja deu ser. Entrada 10 euros rensenhaments www.baladoctula.org dab la projeccion de Laus daus gaus (L’elògi deu pisha-au-lhèit) de Jean Louis Maury a 7h30 deu ser puish bal dab La Galoche 9h.
Las musicas d’En Ondas • Eschantis Bernat Combi e Peirat Escotas • Andreas Vollenweider Dancing with the Lion Silver Dew, Golden Grass • Jammu Africa – Ismaêl Lô • Eschantis Bernat Combi e Peirat Chant deus aulhats _ Opus H5N1 • Thomas Baudoin Roman Colautti D’en Haut Sonaus de Joan Francés Tisnèr Winter Surge inedit
Un artista deu tot que Bernat Cauhapè, entervistat per la mustra qui signava per l’Estivada Soi d’aici, installada a Rodés, en julh de 2009. Ua emission en difusion tornar e remontada entau parat. Tanben que’vs convidam a la vesita de la mustra deu K.O.P.
Las musicas d’En ondas : Xavier Vidal Prigent Le Bal La ploka des Cadurques La Talvèra Occitan-Berbèr Battle Mirrored Race in Race out Suber Albèrt Tablèu d’ua mustra Verd e Blu Luc Aussibal Cada jorn Jan dau Melhau Bernat Combi Lo diable es jos la pòrta
Que’vs perpausi en aqueste 25 d’abriu de 2017 en difusion tornar l’oratòrio de Jan dau MelhauLo diable es jos la pòrta : planhes pingadís per un país voide – coed. Chamin de St Jaume e IEO Lemosin, 2003.
Qu’ei l’òbra qui inaugurè la colleccion de musica en préner lo temps JÒCLONG lo 7/9/2013.
La colleccion JÒCLONG que difusa musica qui non passa pas a la ràdio : álbums concèptes, disques dens la lor integralitat…
Cap a Occitania nòrd, en septentrion lemosin on quauques uns dont Bernat Combi e’s presentan com Iroqués o Mohicans… occitans. Rai que da autanplan musicas de las bonas. Bernat Combi la votz… qu’ei dens lo present opus acompanhat per Olivier Peyrat a la sonsaina, au Od, au Lut ; tanben d’autes instruments suu disc : flabutas armonicas, darbocà, bendir, sanzà, acordeon diatonic, armonium indian e balafon jogats magerment per Bernat Combi. Las cançons tradicionaus que’s mesclan a tèxtes contemporanèus de Pau-Lois Granier, Jan dau Melhau, Bernat Combi e Gisèla Chretien. Un disc barrejat, quauque còp confinant « la varietat” de qualitat. Parièr qu’i ei hicat en musica un extrèit deu libe «Un paysan limousin dans les années 1950» : la vita qu’ei dura au miserós de tots los país e totas las contradas quitament o sustot en aqueths temps de similí progrès lo sortir de la dusau mondiau. Lo títol deu disc qu’ei Eschantits, huecs holets e efectivament l’encantament opèra a seguir aqueths Eschantits musicians. Un repertòri qui’s tròba parièr en DVD. https://www.mixcloud.com/widget/iframe/?feed=https%3A%2F%2Fwww.mixcloud.com%2FHadiuPodcastsDomenjaLekuona%2Fj%25C3%25B2clong-61-bernat-combi-olivier-peyrat-eschantits%2F&hide_cover=1&mini=1
Us privat a gratis. Us public mercés de contactar d’abòrd domenja@gmail.com En difusion podcàst lo prumèr numèro de seteme de 2013 de Jòclong consacrat a l’oratorio de Jan Dau Melhau Lo diable es jos la pòrta.
Qu’ei l’oratòrio de Jan dau MelhauLo diable es jos la pòrta : planhes pingadís per un país voide – coed. Chamin de St Jaume e IEO Lemosin, 2003 – qui òrb la colleccion de musica en préner lo temps de Ràdio País.
Ràdio País que difusa musica qui non passa pas a la ràdio : álbums concèptes, disques dens la lor integralitat o espectacles en viu.
Lo dijaus a 14h e lo dissabte a 16h. Produccion e presentacion Domenja Lekuona.
Hadiu 
You must be logged in to post a comment.