Jòclong 084 Margarida Pèire Boissière

« Margarida », CD solo 25 títols junh de 2007 Cinq Planètes (estarit).
PÈIRE BOISSIÈRE  Cantaire, autor-compositor, contaire, formator en cant, ua de las referéncias en mestior de cant d’inspiracion tradicionau en Occitania.

Jòclong 83 Une journée des Voix de Traverse Manufactures Verbales

Lo disc de la presenta edicion qu’ei tirat d’un liberòt d’un quarantenat de paginas dens un format cartonat singular de 30cm per 15cm, qui compren tanben lo DVD d’un filme de 37 minutas realizat per l’Atelier du Passeur : A. Saulière e E. Alexandre.

Qu’ei brac lo disc  : 29 minutas, gessit d’un tribalh de longa miat de 2006 tà 2010 per Jakes Aymonino dab Manufactures Verbales, Chantier Vocal, Alen, lo Parc Naturau de las Lanas de Gasconha, Z. Chattou, sociològue, lo fotografa S. Carlier… e hèras, hèras autas personas. Tribalh artistic e uman miat dens airaus de Gasconha e tot lo parçan de El Hajeb au pè de l’Atlàs en Maròc… Sus la memòria e l’emigracion, l’ací e l’alhors… La comunitat marocana immigrada en Lana gran entermesclada a la de Gasconha dens hèstas de cant, de dança, de paraulas, de contes, d’encontres e de musica.

Un disc riale, de mau trobar dab poètas improvizators Haïdous, Michèle Bouhet, Moktar El Moussaoui, Baadi Abdderahim, Houssa El Bazaze, dançaires, Rachid Aazab cantaires, Rachid Amhazoune, Manufactures Verbales, Afida Tahri, Abderahim Sellam, e un bon pro d’autas personas tot autant importantas las uas com las autas.
Une journée des voix de Traverse, CD libe DVD pareishut en 2010.

Disc realizat per Jakes Aymonino, Jean-Pierre Cazade e Joan Francés Tisnèr.

 

Jòclong 082 Voix du Quotidien et de l’Unique Manufactures Verbales

Lo disc generós e inspirat de Manufactures Verbales en 2002.
Ua tor de Babèl sonòra, un edifici vocau en evolucion shens cès, riale ! On parlan, chebitejan, charlatanejan, devisan, batalan, cantan, declaman… On tribalhan lo pes deus mots, exploran l’accent de las lengas, prospèctan las tradicions oraus e escriutas, obsèrvan las practicas musicaus de tot dia…

JÒCLONG 1 de Domenja Lekuona

Que’vs perpausi en aqueste 25 d’abriu de 2017 en difusion tornar l’oratòrio de Jan dau Melhau Lo diable es jos la pòrta : planhes pingadís per un país voide – coed. Chamin de St Jaume e IEO Lemosin, 2003.
Qu’ei l’òbra qui inaugurè la colleccion de musica en préner lo temps JÒCLONG lo 7/9/2013.
La colleccion JÒCLONG que difusa musica qui non passa pas a la ràdio : álbums concèptes, disques dens la lor integralitat…
Produccion e presentacion Domenja Lekuona.

© Jean-Marc Siméonin