cant occitan – Hadiu

Renat Juriè e Jean-Pierre Laffite

Qu’ei a l’ultima liurason de Jòclong – que pòrta lo numèro 99au – au quau e’vs convidi d’assistir.

Qu’èm en Lengadòc dab dus artistas excellents Renat Juriè d’Avairon e Jean-Pierre Laffite a las canavèras.

Disc brac se n’ei. Lhèu lo mei brac de la seria tota.

Entaus formats longs, lo CSA que demanda a identificar las ràdios cada 45′, alavetz mauaisit qu’ei de m’organizar per cada ràdio qui difuseish l’emission… Jòclong que passa devath las forcas caudinas deu formatatge, qui nosautas qui las volèvam partvirar.

Gauditz de l’escota d’aquesta musica sacrada e profana dab autant de bonur a la votz sapienta e escarpa en art de cantar naturau com a las canavèras sòbrias qui s’i hèn tant plan au son costat.

Anem, anem

Lèva te viste Bortomiu

Cantem encara

Dominus regit

Lo comte Arnaud

Rei gloriós

Jòclong 093 Bemaniya

Bémaniya,cant,cant gascon,cant occitan,canta,canta a capella,canta occitana,Domenja Lekuona,Jòclong,Ràdio podcast de resisténcia en occitan,Vath d'Aspa

Uei qu’èm en Gasconha dab un grope de joens… tostemps joens a l’òra d’enregistrar l’edicion aquesta. Inacostumat puish a que lo perpaus de Jòclong ei de perpausar disques occitans de temps i a. Aqueste disc qu’ei de musica cantada e instrumentau, la de Bemaniya (prumèra sillaba deu petit nom de cada membre deu grope), musica d’aprenents ! Un disc testimòni de tot un tribalh de terrenh en Vath d’Aspa per monde atentius e neuriders de l’associacion Vath d’Aspa.

Nous sommes cette fois-ci en Gascogne avec un groupe de jeunes… toujours jeunes au moment d’enregistrer la présente édition. Inaccoutumé puisque le propos de Jòclong est bien de proposer à l’écoute des disques occitans d’il y a longtemps. Ce disque de musique chantée et instrumentale est celui de Bemaniya (première syllabe du prenom de chaque membre du groupe), musique d’apprenants ! Un disque témoin de tout un travail de terrain en Vallée d’Aspe par des personnes attentives et nourrisseuses de l’association Vath d’Aspa.

En Ondas setm. 43 Las Mondinas : Fanny, Audrey e Amandine

cant gascon,cant occitan,canta,canta a capella,canta occitana,Domenja Lekuona,En Ondas,Las mondinas,Polifonias,Ràdio podcast de resisténcia en occitan

Dusau part deu temps d’En Ondas consacrat a Las Mondinas, a las soas tres cantairas supèrbas. Que devisam professions, mainats, disc, rapòrts a la lenga e passion cantaira.

Qu’ac digoi jà, non las podoi entervistar las tres amassa, lo perqué Audrey ei au telefòne e que per fòrça la qualitat sonòra de l’enregistrament ei mendre. Lo hèit d’aver un neuriç a s’ocupar que n’ei la rason qui avem volut enténer e respectar.

L’entervista telefonica d’Audrey qu’estó cuelhuda en començar d’octobre mentre qui Fanny e Amandine que las encontrèi lo 12 d’aost a la cantina organizada dab amor peu hestenau prumèr deu nom Asta Folk a Astafòrt en Òlt e Garona.

Las Mondinas que son : Fanny Châtelain, Amandine Marie e Audrey Pemoulié

contact lasmondinas@yahoo.fr

http://www.lasmondinasjimdo.com

Las musicas d’En ondas :

Las Mondinas
En tot caminar, disc produsit per l’associacion Las Mondinas deu quau e difusem sustot las pèças mei tradicionaus. Que i son creacions que non mancaram pas de i descobrir.

• Cessatz vòste ramatge
• Lo mau d’amor
• Maudit sia l’amor
• Valentin Clastrier and C° le bûcher des silences Et la roue de la vie
• Féloche – Silbo
• Sendèrs de tèrra nera Jean-Claude Coudouy Pascal Caumont (restitucion deu talhèr de Fanny Chatelain en aost per Asta Folk la 1èra edicion a Astaffort)
• Auprès d’une fontaine (restitucion deu talhèr de Fanny Chatelain en aost per Asta Folk la 1èra edicion a Astaffort), duas de las quate cantas que lo talhèr de Fanny e balhèn dab hèra de còr en fin de hestenau.

 Sonaus de Denis Fournier e Percussions Profile Le Mystère de la Pyramide

Jòclong 92 Aubestin Cauhapè, cantador aussalés

Aubestin Cauhapè,cant gascon,cant occitan,canta a capella,canta occitana,cants,Domenja Lekuona,estagi de cant,Jòclong,Ràdio podcast de resisténcia en occitan

Un disc singular de musica gascona, concebut e produsit per Joan Francés Tisnèr que’vs convidi d’escotar. Pareishut en çò de Menestrèrs Gascons en 2003. Aubestin Cauhapè cantador aussalés (1914-1992) que n’ei lo títol e qu’ei lo prumèr de la colleccion Archius sonòrs. Los collectatges que son de Crestiana Mosquès 1986-1987. Qu’ei Catí Moncaubeig, productora a Ràdio País, qui mia l’entervista d’Aubestin Cauhapè per l’emission Escambis en 1987. Joan Jaques Casteret etnomusicològue que’n hè la presentacion.

Dab Aubestin Cauhapè, cant ; Suzanne e Aubestin Casaux, Jean-Gabriel Cauhapé, cant ; Crestiana Mosquès, cant e collectatge ; Joan Francés Tisnèr, director artistic.

Un disc e un liberet de 32 pp. qui non se tròban mei (a çò que constati)

De’vs senhalar que l’Escòla Occitana d’Estiu de 2018, 13 e 14 d’aost que perpausa un estagi de Pèire Boissière : https://www.eoe-oc.org/node/105

Jòclong 89 Chansons de métiers de Provence et du Comtat Venaissin

cant occitan,Christian Zagaria,Claude Ricard,Comtat Venaissin,Jan Mari Carlòtti,Jòclong,Joan Novè Mabely,Ocora,Provença,Ràdio podcast en occitan

Cançons de mèstia de Provença e Comtat Venaissin (e non de tribalh, nuància), editat per Ocora en junh de 1989, 13 cantas peus mèstes que son Carlòtti, Mabely, Ricard e Zagaria amassats peu noste plaser.