En Ondas setm. 22 Alem Surre-Garcia (2au part)

Dusau part de l’entertien en companhia d’Alem Surre-Garcia dont l’esperit e va a hutas e qui avejam au sostirar ua sòrta de palmarès de l’excellència o de la singularitat literària sus 10 sègles d’escritura occitana entaus beocians qui èm ! Parat parièr de temptar lo noste interlocutor a’s riscar a de’n dessenhar quauques tilhas majas. Qu’evocam lo tèxte occitan non signat, lo deus anonimes, de la canta de malenconia gascona o de l’escarpa provençau. Au ras deu hons gascon : la poesia tsigana i comprés ! Poesia de l’errança, l’enrasigament e lo nomadisme d’un Rotland Pecot per exemple.

En França tot çò de la sciéncia populara, deu floclòre qu’ei desvalorat.
Per autant tota literatura que vad deus contes, de las cantas, de las arts oraus e corporaus !
Alem qu’encanta aqueste desencantament qui ns’atenh tanben e deu quau avem de’ns liberar.

Que perpausa un caminament enter dessacralizar e combàter l’inferiorizacion.

Las musicas d’En Ondas
• Rosina e Martina de Pèira Cançons de femnas Lo pòrta-lieit
• Sourdure De mòrt viva Trevia
• Eric Fraj Es sus la Talvera Joan Bodon (extrèit)
• Aziz Samaoui e University of Gnawa Maktoube 
e dab extrèits de Serge Pey e André Minvielle Nous sommes cernés par les cibles Graffiti e Villa-Lobbos Chamber music Mobius Five songs.
 Sonaus de Joan Francés Tisnèr Winter Surge inedit

En Ondas setm. 48 Era Canta, lo libe e Canta se gausas, la 1èra edicion en navèra difusion

Lo libe deu quau e’vs vau entertiéner qu’ei ua pèira mei a d’aquesta jòlha qu’ei la canta.

  • Que’s titola Era canta actes deu collòqui de 2016 publicats en 2018 dab las contribucions de Loís Mandère (qui’s morí en genèr de 2018), Geneviève Laulhèra-Clément, Sèrgi Javaloyès, Alain Munoz, Joan Jaques Casteret e Gilabèrt Nariòo, edicion per Transmetem a Auloron. Se’vs voletz cultivar sus çò que representa la canta en occitan esitetz pas Era canta qu’ei disponible en çò de Transmetem per 20 euros transmetem@orange.fr 1, carrèra Gassion 64400 Auloron

  • Com èm la darrèra setmana deu mes e qu’èi pres costuma de har préner l’èr a reportatges anteriors – qu’n soi presentament a 37 ans de ràdio – qu’èi cavat dens la sonotèca per nse tornar a l’epòca – onze ans i a – deu prumèr Canta se gausas de 2007 a la sala Pèire Comet d’Ibòs. A d’aqueth parat qu’escotaram a Bastien Miquèu (Allegria), Pascau Caumont (Vox Bigerri) e Marieta Berd (Monesi). Canta se gausas

Las musicas d’En ondas :

  • La Novem Mon doç amic

  • Daunas de còr Airetèras Borrèias

  • Vath d’Aspa Montanha sacrata Holeta

  • Vox Bigerri Via deths aires Era cançon de Granger

  • Pagalhós La sobirana La vielha usina

  • Ardalh Tresau Augan i a un pastor

Sonaus de Denis Fournier e Percussions Profile Le Mystère de la Pyramide

Jòclong 093 Bemaniya

Uei qu’èm en Gasconha dab un grope de joens… tostemps joens a l’òra d’enregistrar l’edicion aquesta. Inacostumat puish a que lo perpaus de Jòclong ei de perpausar disques occitans de temps i a. Aqueste disc qu’ei de musica cantada e instrumentau, la de Bemaniya (prumèra sillaba deu petit nom de cada membre deu grope), musica d’aprenents ! Un disc testimòni de tot un tribalh de terrenh en Vath d’Aspa per monde atentius e neuriders de l’associacion Vath d’Aspa.

Nous sommes cette fois-ci en Gascogne avec un groupe de jeunes… toujours jeunes au moment d’enregistrer la présente édition. Inaccoutumé puisque le propos de Jòclong est bien de proposer à l’écoute des disques occitans d’il y a longtemps. Ce disque de musique chantée et instrumentale est celui de Bemaniya (première syllabe du prenom de chaque membre du groupe), musique d’apprenants ! Un disque témoin de tout un travail de terrain en Vallée d’Aspe par des personnes attentives et nourrisseuses de l’association Vath d’Aspa.

En Ondas setm. 43 Las Mondinas : Fanny, Audrey e Amandine

  • Dusau part deu temps d’En Ondas consacrat a Las Mondinas, a las soas tres cantairas supèrbas. Que devisam professions, mainats, disc, rapòrts a la lenga e passion cantaira.

Qu’ac digoi jà, non las podoi entervistar las tres amassa, lo perqué Audrey ei au telefòne e que per fòrça la qualitat sonòra de l’enregistrament ei mendre. Lo hèit d’aver un neuriç a s’ocupar que n’ei la rason qui avem volut enténer e respectar.

L’entervista telefonica d’Audrey qu’estó cuelhuda en començar d’octobre mentre qui Fanny e Amandine que las encontrèi lo 12 d’aost a la cantina organizada dab amor peu hestenau prumèr deu nom Asta Folk a Astafòrt en Òlt e Garona.

Las Mondinas que son : Fanny Châtelain, Amandine Marie e Audrey Pemoulié

contact lasmondinas@yahoo.fr

http://www.lasmondinasjimdo.com

Las musicas d’En ondas :

Las Mondinas
En tot caminar, disc produsit per l’associacion Las Mondinas deu quau e difusem sustot las pèças mei tradicionaus. Que i son creacions que non mancaram pas de i descobrir.

• Cessatz vòste ramatge
• Lo mau d’amor
• Maudit sia l’amor
• Valentin Clastrier and C° le bûcher des silences Et la roue de la vie
• Féloche – Silbo
• Sendèrs de tèrra nera Jean-Claude Coudouy Pascal Caumont (restitucion deu talhèr de Fanny Chatelain en aost per Asta Folk la 1èra edicion a Astaffort)
• Auprès d’une fontaine (restitucion deu talhèr de Fanny Chatelain en aost per Asta Folk la 1èra edicion a Astaffort), duas de las quate cantas que lo talhèr de Fanny e balhèn dab hèra de còr en fin de hestenau.

Sonaus de Denis Fournier e Percussions Profile Le Mystère de la Pyramide

Jòclong 92 Aubestin Cauhapè, cantador aussalés

Un disc singular de musica gascona, concebut e produsit per Joan Francés Tisnèr que’vs convidi d’escotar. Pareishut en çò de Menestrèrs Gascons en 2003. Aubestin Cauhapè cantador aussalés (1914-1992) que n’ei lo títol e qu’ei lo prumèr de la colleccion Archius sonòrs. Los collectatges que son de Crestiana Mosquès 1986-1987. Qu’ei Catí Moncaubeig, productora a Ràdio País, qui mia l’entervista d’Aubestin Cauhapè per l’emission Escambis en 1987. Joan Jaques Casteret etnomusicològue que’n hè la presentacion.

Dab Aubestin Cauhapè, cant ; Suzanne e Aubestin Casaux, Jean-Gabriel Cauhapé, cant ; Crestiana Mosquès, cant e collectatge ; Joan Francés Tisnèr, director artistic.

Un disc e un liberet de 32 pp. qui non se tròban mei (a çò que constati)

De’vs senhalar que l’Escòla Occitana d’Estiu de 2018, 13 e 14 d’aost que perpausa un estagi de Pèire Boissière : https://www.eoe-oc.org/node/105

Jòclong n° 3 en difusion tornar Pagalhós Hami de Víver

Us privat a gratis, us public mercés de contactar d’abòrd domenja@gmail.com
Au parat deus 40 ans deus Pagalhós a l’abòr de 2013, escotatz o tornatz escotar a Hami de víver e prenetz plaser !
//www.mixcloud.com/widget/iframe/?feed=http%3A%2F%2Fwww.mixcloud.com%2FHadiuPodcastsDomenjaLekuona%2Fj%25C3%25B2clong-3-pagalh%25C3%25B3s-hami-de-v%25C3%25ADver%2F&embed_uuid=dbb4333c-dcbb-4c24-bc5e-28f29f02aa11&replace=0&hide_cover=1&light=1&embed_type=widget_standard&hide_tracklist=1