En Ondas setm. 15 Adelina Yzac

L’emission que s’òrb suu poèma « Dire son òc » per l’autora, Adelina Yzac. « Ecrire c’est ce grand geste d’effort » atau e’s clava la pagina d’arcuelh deu suu blòg : https://adelineyzac.wordpress.com.
Que’vs perpausi de seguir ua escrivana singulara qui legem despuish pausa dens En Ondas. La soa pagina wikipèdia en occitan : https://oc.wikipedia.org/wiki/Adelina_Yzac.

Autes mots claus : La cause freudienne, Cartel, Escòla freudiana d’Avinhon

© Sipko Stheeman

D’ua clarvedença expressiva impressionanta que vs’arrecomandam solide la soa òbra en occitan (qu’escriu parièr en francés) : D’Enfança d’en fàcia, Un trin per tu tota sola en çò de Jorn o la Drolleta de la luna, a Letras d’Òc.

Darrèrs libes pareishuts : Fille perdue, roman, éditions La Manufacture de Livres, Paris, mai 2021
De quelle couleur sera le bébé ? Anne Crahay illustratrice, album, Alice éditions, Bruxelles, mars 2021

En Ondas setm. 12 Danièle Estèbe-Hoursiangou

Encontre dab ua escrivana en dòu. Pas per un auròst de rencura, un d’amor meilèu. Danièle Estèbe-Housiangou que parla de la soa arribada a la lenga, a l’escritura, acompanhada qui estó per exemple per Bernat Manciet juste abans la soa despartida en 2005. Lo prumèr recuelh que’s titòla « Parçans esconuts ». Lo dusau que pareish, tostemps en çò de l’editor Jorn. « Qu’as dubèrt un país blanc = Tu as ouvert un pays blanc » qu’ei un recuelh bilingüe.

© Fòto D. E.-H.

Qu’as dubèrt un país blanc = Tu as ouvert un pays blanc de Danièle Estèbe-Hoursiangou. Jorn, 2022. Recuelh de dètz-e-sèt poèmas : Òda a l’absent = Ode à l’absent e d’un long poèma de pròsa Peu nom de la Trinitat = Au nom de la Trinité, tèxte sensible pertocant l’alquimia de la tresau entitat dens lo coble. 76 pp., cob. NB. En version bilingua. 12 euros.

Dens aquesta edicion que parlam parièr de Barbara Cassin (e deu hilh) dab Le bonheur, sa dent douce à la mort (títol emprontat a Rimbaud), ua autobiografia filosofica a tres dab lo hilh, en çò de Fayard en 2020 e de Vinciane Despret (qui s’interèssa tanben com Danièle Estèbe-Hoursiangou, a las bèstias) per Au bonheur des morts a La Découverte en 2016 (Les empêcheurs de penser en rond). E seré un camin obligat que de’s desbarrassar deus morts e ua injonccion absoluda que d’escapar a la dolor ?

Las musicas d’En Ondas
• Vents Solaires Valentin Clastrier
• Eric Fraj La Vida lo triple CD, amantolat d’òbras de Daidièr Mir, que sòrt d’espelir que presenta 5 poesias signadas Danièla Estèbe-Hoursiangou sus las cinquanta cantas que compta aqueth triple, qu’avem escotat Dromes dins l’òrt.
• Pèire Boissière El romance de Andaleto
• Dupain Karpiena Sòrga Beveire d’aucèus
• Copa Talha Talhuca dit peu quite Manciet dens lo disc de La Manufacture Verbale Sonets
• Lluis Llach Porrera món Pilar
• Roman Baudoin Primate Lua
 Sonaus de Joan Francés Tisnèr Winter Surge inedit

En Ondas setm. 06 Frederic Fijac (2)

« Far de poësia per estar estar traucat per l’univèrs » ce nse hida Frederic Fijac.
« Geofoniar » lo monde en poèmas lhèu be seré ua de las soas ambicions : « Trigadisnar per jo amorós e ahamiat de mapas que sonava coma Tomboctó« ce’n nse ditz.

Setòrias : Setoises de Frederic Fijac editat dab suenh a l’Aucèu libre lauceulibre@gmail.com

Seta, pòrt mediterranèu esmiraglant: per pescar o mercandejar. Tèrra d’immigracion, d’escambis, sobac per refugiats e emigrants, nomats pudicament migrants uei-lo-dia, despatriats economics o d’ideas, viatjants demandaires d’asile a « nosauts qui avem lo badge » com ac ditz Frederic Fijac : quin non pas reconeishe’s dens la beutat d’escritura e d’umanitat d’aquestes poèmas !

Setòrias = Sétoises : version francesa de l’autor. Salinèlas, L’Aucèu libre, 2020. 78pp. 10 euros. Cobèrta Gaëtan Cabannes Lèu tot s’escantís per jamai (in Sonet d’un poèta abans de s’anar negar de Pau Froment). https://www.facebook.com/lauceulibre/posts

Las musicas d’En Ondas

• Joan Pau Verdier La Vielha (Tèxtes de Miquèu Chapduèlh 1973 Occitània sempre Desemplumat, Las Maussièras, En passar, La Bona chanson ; 1974 L’exil Soi una puta, Pòrta-crotz, pòrta-bandièra, Lo vilatge Nejat, Désert ; 1975 Faits divers Preséncias).
• Pirenèus Pirineos Pyrénées Chicotèn V A las Barricadas (a la demanda de Frederic Fijac com Pink Floyd e Coltrane)
• Pink Floyd Cirrur Minor
• John Coltrane My favourite things 1961
 Sonaus de Denis Fournier e Percussions Profile Le Mystère de la Pyramide

En Ondas setm. 42 Paulina Kamakine

Paulina Kamakine qu’incarna lo dusau temps d’encontre a perpaus de Paraulas de hemnas [edicions Reclams]. Que n’ei la cercaira acarnassida e la coordinatora. Que perseguim la quista per saber se i ei ua escritura per « esséncia » femenina o si lo femenin ei en cadun de nosauta.e.s.

Dusau votz deu corau

Paulina Kamakine qu’ei ua escrivana e glòbetrotaira bigordano-carcassonesa-russa… aus trenta. Que compren un vintenat de lengas dont lo portugués, castelhan, rus, anglés, aleman, italian autanplan com l’occitan, l’alsacian o lo friulan – lenga deu poèta, escrivan e cineasta Pier Paolo Pasolini. Primada mantuns còps tau tribalh en francés o en occitan, que receb en 2020 lo prèmi Trobairitz « JUSTINA  », categoria Lettre (Trobairitz qu’ei l’equivalent femenin deu mot trobador).

Istòria d’ua complida « per la lenga, peu camin de desvelh qui ei l’escriut poetic e l’afirmacion de l’èste sensible » segon las pròpias paraulas de Paulina.

Arron Color femna, florilègi occitan (43 poèmas) pareishut en 2012 en àlbum sonòr e version bilingua d’un quarantenat de poetessas de las trobairitz enlà e dinc a l’epòca contemporanèa, que pareish adara, de poetessas vivas, produccions d’un petit quarantenat d’autoras entau tòme 1 e mei de 70 au totau a parucion deu dusau, sian mei d’un centenat de tèxtes qui testimònian deu poder creator de l’escríver au femenin.

Langues et cultures
La poesia Que t’espèri qu’ei de descobrir dens lo numèro 855 deus Reclams e per En Ondas Paulina que ditz Oumpre e luts.

Lo prèmi NOSSIDE de poesia deu quau ei question dens l’emission (mercés Liò) :
https://fr.wikipedia.org/wiki/Premio_Internazionale_di_Poesia_Nosside
https://www.nosside.org/

Las musicas d’En Ondas
Ani di Franco Out of renge Buildings ans bridges
May monday Midnight Hope_ Gerry Commane’s _ Back Home At Onsbäcken _ Beoga _ Sam’s Tune + Reverof _ Lusignac + So Now Joe _ Triolipolska + Timo’s Jig
Nadau Olimpia de 2005 Qu’èm çò qui èm
Aude e Coline La montanha que se m’apèra
+ Oumpre e luts Lo petit ausèth dit per l’autora P. Kamakine
 Sonaus de Denis Fournier e Percussions Profile Le Mystère de la Pyramide

En Ondas setm. 25 Lionel Labòrda A l’endòsta de l’endòl 2

Que ns’installam dens l’escota per dà’ns ua docha de poesia shens l’impermeable *.
Que perseguim l’entervista de Lionel Labòrda tirats d’A l’endòsta de l’endòl. Dens aquesta edicion d’En Ondas sheis deus poèmas que son difusits dont un dit per l’autor (Sentits) e un cantat peu grop Saps dens lo disc Lo Hat. Que son La nueit, Fotografia deu miralh, Planh, Impoténcia, Damadakarianà & Sentits.

Lionel Labòrda, poète-ouvrier, orfèvre des mots, a choisi trente cinq de ses poèmes pour confectionner ce recueil. Il prit la plume au commencement du siècle.

A l’endòsta de l’endòl, Lionel Labòrda, cob. e ill. NB d el’autor, edicion bilingua oc-fr,
Ortès : Per Noste, 2020. 91p. 6 euros

Las musicas d’En Ondas [a basa deus vòts de Lionel qui ei lo prumèr bahida fan de la musica deus hilhs Valentin e Corentin]
• Camecrude Enclave 1 L’ombre de soi
• Ange Halliwell The wheel of Time Summer night fr Odete (video d’espiar !)
Ilixo Lo desligaire Absorbance
Saps Lo Hat Damadariakanà
 Sonaus de Denis Fournier e Percussions Profile Le Mystère de la Pyramide

Per perlongar se’vs ditz e en horucar dens los archius d’Hadiu, que’s pòden escotar entervistas realizadas en 2014 per la sortida deu disc Lo Hat de Saps :
dab Lionel Laborda : https://hadiu.eu/2014/09/17/en-ondas-setmana-38-lionel-laborda-lo-hat-de-saps/
dab Sandrina Claverie : https://hadiu.eu/2014/11/05/en-ondas-de-domenja-lekuona-setm-45-sandrina-claverie-1/ & https://hadiu.eu/2014/11/11/en-ondas-setm-46-sandrina-claverie-saps-lo-hat/

* cf a la fin deu poetic filme de Jim Jarmush titolat Paterson en 2016 https://ca.wikipedia.org/wiki/Paterson_(pel%C2%B7l%C3%ADcula)

En Ondas setm. 24 Lionel Labòrda A l’endòsta de l’endòl 1

Sol e unic envitat d’En Ondas e per duas edicions, Lionel Labòrda, autor d’ A l’Endòsta de l’Endòl recuelh de poesias bilinguas que pareish a Per Noste aquestes torns.

La vertat armada d’un martinet a sortir deu putz per castigar l’umanitat. Jean-Léon Gérôme 1896 (a haut colona de gaucha de Wikimedia commons enlà e en lo maine public).

Lionel Labòrda qu’ei l’envitat de la nosta prumèra entervista de desembarrada. Lionel qu’ei paradoxaument emblematic de las professions de hèras peu parçan. Obrèr peu camp de Lac e aimador, protector e cultivator de la tèrra e de la gent qui a a d’entorns. Obrèr-poèta, possedit per la lenga.

Que nse da lo parat dens aquesta purmèra emission d’evocar Democrit e lo conte de Vertat e Mensonja.


Las musicas d’En Ondas :
Camecrude – Enclave I. – 02 Désarticulation du Temps
Ange Halliwell – winter day feat Malibu
Cocanha – Puput – 07 La sovenença
Trencadit – Trencadit – 05 Rondèus Deu Hauròt
rodín – ARA – 05 LA FÈSTA feat. Valentin Laborde
 Sonaus de Denis Fournier e Percussions Profile Le Mystère de la Pyramide

En Ondas setm. 18 Aurélia Lassaque

Envitada unica, encontrada a Pau Fête le Livre en noveme de 2011 Aurélia Lassaque.
https://www.terreaciel.net/Aurelia-Lassaque
https://www.etonnants-voyageurs.com/spip.php?article21892

© Raphaël Lucas

Autas personas : Robert Lobet (França) http://www.marche-poesie.com/robert-lobet/,
Julie Baugnet (Estats-Units) http://juliebaugnet.blogspot.com/ ,
Adriana Civitarese (Italia) http://terpress.blogspot.com/2010/01/adriana-civitarese-la-pittura-fa.html#links

Las musicas d’En Ondas
Ariondela Dona bianca La tabachin’
Björk Post Hyper ballad
Elena Ledda Amargura In S’Ora
Dominique Pifarely / Louis Sclavis and C° Acoustic quartet Beata
Laurie Anderson Bright red Speak my language
Laurie Anderson Bright red Night in Baghdad
Erik Truffaz Saloua Dubophone
Laurie Anderson Bright red Love among the sailors
 Sonaus de Denis Fournier e Percussions Profile Le Mystère de la Pyramide


En Ondas setm. 18 Aurelia Lassaca (anóncia d’epòca)

Que vos perpausi aquesta setmana d’encontrar a Aurelia Lassaque, poetessa, (entervista 2011, emission de genèr de 2012, montada tornar au format 45′ per 2020).

Generic d’En Ondas en començar de 2012, musica per entrar
Lo Saut de la calor de Joan Francés Tisnèr feat. Mixel Etxekopar a la flabuta de tres horats.