Month: Mai 2022

En Ondas setm. 22 Alem Surre-Garcia (2au part)

Alem Surre-Garcia,Arnaut Daniel,Ausiàs March,Brueys,cant gascon,canta occitana,Carles Ferraud,Emmanuel Le Roy Ladurie,En Ondas,gasconha,Literatura occitana,Literatura tsigana,Pèire Cardenal,poesia occitana,Provença,Raimon Llull,Ràdio podcast de resisténcia en occitan,Rotland Pecout,Sefarades

Dusau part de l’entertien en companhia d’Alem Surre-Garcia dont l’esperit e va a hutas e qui avejam au sostirar ua sòrta de palmarès de l’excellència o de la singularitat literària sus 10 sègles d’escritura occitana entaus beocians qui èm ! Parat parièr de temptar lo noste interlocutor a’s riscar a de’n dessenhar quauques tilhas majas. Qu’evocam lo tèxte occitan non signat, lo deus anonimes, de la canta de malenconia gascona o de l’escarpa provençau. Au ras deu hons gascon : la poesia tsigana i comprés ! Poesia de l’errança, l’enrasigament e lo nomadisme d’un Rotland Pecot per exemple.

En França tot çò de la sciéncia populara, deu floclòre qu’ei desvalorat.
Per autant tota literatura que vad deus contes, de las cantas, de las arts oraus e corporaus !
Alem qu’encanta aqueste desencantament qui ns’atenh tanben e deu quau avem de’ns liberar.

Que perpausa un caminament enter dessacralizar e combàter l’inferiorizacion.

Las musicas d’En Ondas
• Rosina e Martina de Pèira Cançons de femnas Lo pòrta-lieit
• Sourdure De mòrt viva Trevia
• Eric Fraj Es sus la Talvera Joan Bodon (extrèit)
• Aziz Samaoui e University of Gnawa Maktoube 
e dab extrèits de Serge Pey e André Minvielle Nous sommes cernés par les cibles Graffiti e Villa-Lobbos Chamber music Mobius Five songs.
 Sonaus de Joan Francés Tisnèr Winter Surge inedit

En Ondas setm. 21 Alem Surre-Garcia

Alem Surre-Garcia,Bernat Manciet,En Ondas,Fernando Pessoa,Franz Kafka

Qu’ei temps de’vs partatjar l’analisi, desvolopada, contrastada e nuançada d’Alem Surre-Garcia, suus dètz sègles escorruts de literatura en occitan.
« Morta diuhen qu’és, mes jo la crec viva » cau plan que sia lo catalan Victor Balaguer [Barcelona 1824-1901] per pensar la lenga sòr en paratge-partatge, dens un envèrs solidari au moment quan l’òbra e l’accion de Frederic Mistral. Non lo retien pas Alem en l’anar qui a de véder la literatura, qu’ac enteneratz.
Que temptam lo noste interlocutor a dessenhar quauques tilhas majas – qu’ei pro solet a s’i riscar – dens ua purmèra partida de l’entertien inedit enregistrat, en 2013, a Tolosa que’vs difusam uei.
La presenta edicion d’En Ondas que da tanben lo parat d’evocar ua òbra singulara d’Alem Surre-Garcia qui presi tostemps autant : lo roman Antonio Vidal, seguit de 24 poèmas revirats en occitan. [A. S.-G. en la wikipèdia en francés]

Las musicas d’En Ondas
• Nadine Gabard Erik Baron Noches Buenas Morenica sos
• Erik Trufaz Saloua Spirale
• Sam Karpiena Extatic malencònia
• Muriel Batbie-Castell Canta a capella Sonhei que estava en Portugal
 Sonaus de Joan Francés Tisnèr Winter Surge inedit

En Ondas setm. 20 Maurici Romieu, l’Elucidari

Alienòr de Comenge,Anna-Pèire Darrées,Barthelemy Langlais,Edicions de l'Escòla Gaston Fèbus,Elucidari,En Ondas,gaston fèbus,Jean-Claude Clermont,Maurici Romieu,Ràdio podcast de resisténcia en occitan

L‘arrevirada occitana de L’Elucidari de las proprietaz de totas res naturals de Barthelemy Langlais, qu’estó comandada per Alienòr de Comenge, assegurant la regéncia per l’educacion d’un Gaston Fèbus, enqüèra mainat. Maurici Romieu que contextualiza lo libe, presentà’n los capítols e ne causeish extrèits significatius qui explica. Anne-Pierre Darrées que coordona, critica e sintetiza lo perpaus e Jean-Claude Clermont que s’encueda de l’iconografia. Qu’evocam dab Maurici Romieu dens aquesta fin d’entervista cuelhuda en març de 2022, la parucion per viéner de L’elucidari : l’enciclopedia de Gaston Fèbus (títol provisòri).

Illustracion captacion d’imatge video Lo congrès permanent per la lenga occitana (mercés)

Tà pacientar enqüèra drin que podetz consultar lo site de l’Escòla Gaston Fèbus devath deu calam de Maurici Romieu aquiu tanben : https://escolagastonfebus.com/litterature/lelucidari-le-wikipedia-de-gaston-febus/ « L’elucidari, lo wikipèdia de Gaston Fèbus » dab extrèits : L’extrèit De Vasconia o Gasconha, qui presenta çò qu’èra lavetz la Gasconha e d’autes qui arretrobaram dens lo libe quan sia pareishut. Çò qui non saberé tardar a las edicions de l’Escòla Gaston Fèbus.

Illustracion tirada de l‘Elucidari de las proprietaz de totas res naturals Bibliotèca Sainte Geneviève París [com la Dauna de Brasssempoi e hèra d’autas òbras de la cultura, de l’istòria e las lenga nostas, que ns’importaré que siin conservadas e amuishadas dens Musèus nostes]

Las musicas d’En Ondas
• Charles Emmanuel Borjon de Scellery_ Suite de trois Branles de village _ John Playford_ Bobbing Joe – Excuse me – Red House

• Carles Mas El Cant de la Sibil·la

• Hadouk Trio Live at Fip Alma celesta 

•  Gli Incogniti Corelli Concerto grosso No. 8 in G Minor, Op. 6 ‘Fatto per la notte di Natale’_ V. Allegro – Pastorale (Largo)

• Ad arron Vriolonaires pirenencs Craba d’Aussau

• Istuèra d’ausèths : recèrcs deus mainats dab Joan Francés Tisnèr (inedit)

 Sonaus de Joan Francés Tisnèr Winter Surge inedit

En Ondas setm. 19 Maurici Romieu

Abat Laborde,Arbiost,Areta,Art religiós,Aush,Bastien Miquèu,Cant de la Sibila,Edicions de l'Escòla Gaston Fèbus,En Ondas,Golgòta,Gran judici,Lescar,Longin,Maurici Romieu,Passions,Queiràs,Ràdio podcast de resisténcia en occitan,St Venan en Queiràs,Varètja

Dab Maurici Romieu que perseguim d’explorar Les passions pyrénéennes chantées : Arette, Arbéost, Barèges qui anòta, presenta e arrevira en çò de las edicions de l’Escòla Gaston Fèbus en març de 2022. Un libe a l’italiana de 127 paginas, compaginadas per Maria Taïbi e ricament illustrat en color dehens, en negre e blanc en cobèrta. 19 euros.
Aqueste còp que parlam de la realizacion d’aqueste libe qui presenta tres tèxtes cuelhuts au cors deu sègle XIXau a Areta en Varetons, a Arbiost enter Vath de Ferrièras e Lavedan e Varètja en Lavedan. Per estar profanes qu’èran cantats com planhs, lo Dijaus sent au parat de las ceremonias organizadas en las glèisas. Qu’ei completat dab fòtos de la produccion artistica inspirada per la Passion: frescas, pintruras muraus, baishs relhèus, estatuas de glèisas de las vilas e deus vilatges pirenencs. Jean-Claude Clermont que dè la man entaus recèrcs e tribalh fotografics.

Dens l’emission qui seguirà qu’evocaram tanben l’edicion de l’Elucidari de las proprietatz de totas retz naturaus, mena d’enciclopedia deu sègle XIVau dont l’edicion seguirà – animada per ua mustra – tostemps en çò de las edicions de l’Escòla Gaston Fèbus.

Las musicas d’En Ondas
• Arco Alpino Patric Valhant Rigaudon Testard pr’amor Ponhatrèr com a Maurici Romieu que’n cau, aquiu recèrcs que vaden un libe remarcable
• Canti de la setimana santa (Messina Enna Catania) I doli dû Signuri + Ciangi, Ciangi Maria 1 [plora, plora Maria]
• Joan Francés Tisnèr Tralhaires La Passion de la sorcièra (extrèit tot petit d’aquesta pèça)
 Sonaus de Joan Francés Tisnèr Winter Surge inedit

Pesca a las atrunas en l’Ador fluviau… seguida

AAPPMA,AAPPMA Baisas,AAPPMA Basabürüa,AAPPMA Gaule aspoise,AAPPMA Gaule orthézinne,AAPPMA Gaule paloise,AAPPMA Gave d'Auloron,Ador fluviau,Défense des milieux aquatiques,Pesca a las atrunas,Pesca aus hilats,Salmo Tierra-Salva Tierra,Sepanso
suu men FB : http://www.paysdesgaves.com/2022/05/urt.html lo 5 de mai 2022 a URT 16 associacions de pesca e environamentauss Salmo Tierra Salva Tierra Salmo Tierra – Salva Tierra Fédération Sepanso Sepanso Landes Défense des milieux aquatique per har arrespectar las decisions : lo Prefècte deus P.-A. que s’arrefusa a d’aquò.

Lo comunicat de la Sepanso e de las partidas qui ganhèn lo 22/04/2022.

A Urt lo 5/5/2022
Fòto Jean Sarsiat --> lo son reportatge fotografic per aquiu : http://www.paysdesgaves.com/2022/05/urt.html
Fòto Jean Sarsiat –> lo son reportatge fotografic per aquiu : http://www.paysdesgaves.com/2022/05/urt.html

anteriorament sus Hadiu | previously on Hadiu : https://wordpress.com/posts/hadiu.eu?s=pesca+a+las+atrunas

En Ondas setm. 18 Maurici Romieu

Arbiost,Areta,Edicions Escòla Gaston Fèbus,En Ondas,Golgòta,Jacques Roth,Joan-Marc Lempenhat,Maurici Romieu,Passions,Ràdio podcast de resisténcia en occitan,Varètja

Qu’ei un d’aqueste encontre tostemps esclairant, viscut en companhia de Maurici Romieu. Uei be soi contenta de’vs partatjar lo començar deu tres temps de l’entervista soa a perpaus de Les passions olgpyrénéennes chantées : Arette, Arbéost, Barèges qui Maurici Romieu anòta, presenta e arrevira en çò de las edicions de l’Escòla Gaston Fèbus en març de 2022.

© D. Lekuona

Les passions pyrénéennes chantées : Arette, Arbéost, Barèges Maurice Romieu. Libe a l’italiana de 127 paginas, compaginadas per Maria Taïbi e ricament illustrat en color dehens, en negre e blanc en cobèrta. Au prètz de 19 euros.

portada de Les Passions pyrénéenneschantées. Ed. Escòla Gaston Fèbus, 2022

La seguida, dens l’emission per viéner d’En Ondas. Qu’evocaram tanben ultimament l’edicion de l’Elucidari de las proprietatz de totas retz naturaus, mena d’enciclopedia deu sègle XIVau dont l’edicion seguirà – animada per ua mustra – tostemps en çò de las edicions de l’Escòla Gaston Fèbus.

Las musicas d’En Ondas
• Brice Duisit La Passion de Clarmont Incipit L’arribada a Bethfage
• Brice Duisit La Passion de Clarmont L’anjo e las hemnas au tombèu
• Brice Duisit La Passion de Clarmont Lo parjuri de Pèire
• Kronos quartert String quartet n° 1 , lo 25 de noveme Ichigaya e lo 3
 Sonaus de Joan Francés Tisnèr Winter Surge inedit