En Ondas setm. 49 Miquèu Neumüller Aquò d’Aquí 1

Dab Miquèu Neumüller qu’obrim un cicle pertocant magazines en occitan. E qu’ei lo païsatge de la premsa en Provença màgerment qui ns’interèssa prumèr dab l’entervista de Miquèu Neumüller. Qu’ac saberam drin mei d’Aquò d’Aquíes coma ieu te disi = qu’ei atau com t’ac disi, jornau mesadèr d’opinion. 340 numèros en noveme de 2021. En cobèrta en seteme : Que se passa amb lo pass ? ; en octobre E Mistral metiá òrdre e en noveme dab un questionament Provença gran platèu de cinèma ?
Dens aquesta prumèra emission de tres puish que s’acabarà lo cicle dab Lo diari las duas prumèra que seràn dab lo cap redactor d’Aquò d’Aquí Miquèu Neumüller, la tresau dab lo deu diari, Danís Chapduèlh, au briu de l’emission dab Miquèu lo batalaire, qu’evocam lo referéndum deu 1èr d’octobre de 2017 en la Generalitat de Catalunya. (véder en çò de Vent Terral La crisi catalana de Carles Puigdemont).

Miquèu Neumüller au naturau.

Las musicas d’En Ondas
• Duo Maquet Bachelier La Pèla e lo Calamèu L’estaca canta de resisténcia de Lluis Llach
• Doctors de Trobar Flor envèrsa (que pòden estar doat entau jornalisme en tot estar artiste parièr, atau que’n va per Camilha Martèl)
 Sonaus de Denis Fournier e Percussions Profile Le Mystère de la Pyramide

En Ondas extra setm. 49 Catí Soublès Lo gas de Lac

Que’vs perpausi un subjècte cuelhut lo 2 de deceme au sol cinèma – Le Pixel a Ortès – qui a volut difusar ua unica projeccion deu documentari de 2020 – 52’ – :: GAZ DE LACQ, LE GOÛT DU SOUFRE en preséncia deu realizator Thibault FÉRIÉ, de Pierrette SAPIN de France Nature Environnement & deus membres deu grope de tribalh Ola de Lac de la SEPANSO 64. Ueitanta personas que s’èran desplaçadas.

Lo 2 de deceme au Pixel d’Ortès Thibault Férié (realizator), Catí Soublès e Patric Mauboulès (Sepanso 64) © D. Lekuona

Se voletz escotar a Catí Soublès dens En Ondas suu medish subjècte :
• en 2016 dens En Ondas qu’ei per ací : https://hadiu.eu/2016/05/23/en-ondas-setm-21-d-lekuona-cati-soubles-sepanso-bearn-esbangalada-sanitaria-a-lac/
• tanben en un reportatged’octobre de 2017 (C. Soublès e M. Rodes) : https://hadiu.eu/2017/10/29/en-ondas-setm-44-shiulada-a-lac-etv-c-soubles-e-m-rodes/
Enfin ua part documentària que’s pòt descobrir ací : https://hadiu.eu/2016/03/07/esbangalada-sanitaria-a-lac-scandale-sanitaire-a-lacq-bearn/

Las musicas d’En Ondas
• Interludi Arnau Obiols
• Le mystère de la Pyramide 

En Ondas setm. 48 Harri, Coupanè, Jordan, Maud, Lili e Jakes

Dusau part de las entervistas, deu reportatge dab captacions per la vila de Ribeirac e de la difusion d’extrèits de KanAquitània per De Bouche à Oreille à Parthenay l’estiu passat. Que discutim dab Harri deus ressòrts per emparar tot de tira e volontàriament las lengas-arradics en un monde globalizant, shens necessàriament aténer lo resultat deu referendum avançat en Kanaky au 12 de deceme a maugrat la demanda d’independentistas e de partits politics francés e europèus (véder aqueste article : Le Monde). Tanben tostemps en la soa companhia e dab Coupanè, Jordan e Maud, qu’evocam las plantas per suenhar. Enfin que raubam quauquas minutas au director artistic de La manufacture verbale, Jakes Aymonino, qui hè un bilanç intermediari deu projècte KanAquitània. Lo tot adobat dab tròces vertadèrs de musica en viu.

Mercés au passant qui prengó la fòto a Mamisan devant la mar grana.

Maud Rebière-Duclair que miava la passejada botanica mauddouble@hotmail.com

Las musicas d’En Ondas
Tirat deu tan beròi espectacle KanAquitània que dèn lo 31 de julh de 2021 au hestenau de Bouche à Oreille a Parthenay [mercés a Jakes de m’aver hidat las ressorças], tanben quauques captacions dab los mejans deu bòrd hens ua de las tres glèisas de Ribeirac e per las carrèras de la vila de Dordonha, de KanAquitània.
De tota mòda qu’ei tot en viu.
• … captacion nau lanas
• We maris
• Datsa dab un extrèit de canta en caminament botanic
• Dom Salemigaudon
• T’èi balhat Tilana
• e tà acabar Jambé A tot l’entorn de pont 
 Sonaus de Denis Fournier e Percussions Profile Le Mystère de la Pyramide

En Ondas setm. 47 Emma & Coupanè

Kanaky que’s tròba a 16 740 quilomètres de on parlam, enter l’Ocean pacific e la Mar de coralh.
Ua isclada conquistada per la França en 1853.
En Kanakia, ua sola lenga i ei oficiau com a noste : lo francés qui avem en comun. Quaranta lengas o vint e ueit, depend de las honts, que son vivas dens l’archipèl.
Que vos perpausi d’encontrar a l’entorn de l’espectacle KanAquitània deus cantaires amassats, kanaks e manufacture verbale , a Emma la gascona e Coupanè lo kanak de l’isla de Djeo.

Entervistas e reportatge cuelhuts a Ribeirac aqueste estiu de 2021. © D. Lekuona

Per anar mei luenh : https://oc.wikipedia.org/wiki/Nòva_Caledònia + https://fr.wikipedia.org/wiki/Nouvelle-Calédonie tanben en ua version catalana, sabetz las versions ne’s recopan pas necessàriament e que son utilas tà’s har ua cultura sus la question aquesta.

Maud Rebière-Duclair que miava la passejada botanica mauddouble@hotmail.com

Que seguirà.

Las musicas d’En Ondas
Tirat de l’excepcionau espectacle que dèn au hestenau de Bouche à Oreille en julh a Parthenay, captacions de KanAquitània (mercés au grope de m’aver dat las ressorças !)
• Intro presentacion
• Malia ikoro na
 Sonaus de Denis Fournier e Percussions Profile Le Mystère de la Pyramide

En Ondas setm. 45 Mixel Etxekopar

En Ondas en reportatge a Xiru (la 31auedicion en 2021).
En companhia de Mixel Etxekopar, cantaire e musician, director artistic deu hestenau, Xavier Pinon fotografa e Amaren Alabak (Maika Etxekopar e Bonbon Beltz que jògen De nos vieux a Maule lo 12/11 en francés e loi 13/11 en euskara ) qui’s hèn entau parat Amaren Baladak. Qu’i devisam de l’edicion deu mes d’aost de 2021 (de costuma qu’ei en abriu) de Xiru de secors com l’a batiada per trufà’s Mixel pr’amor qu’a bèth drin mequejat : la darrèra arròda deu carri qu’ei plan tostemps la cultura, se podem constatar…

D’escotar en lançar lo diaporama drin mei baish | À écouter en visionnant le diaporama ci-après.
SIATZ OPERATORS | SOYEZ OPERATEURS !
Mixel Etxekopar edicion 2021 de Xiru © D. Lekuona.

31au edicion de Xiru consacrada aus bardes e en especiau a l’Etxahun de « GAZTELONDON ZER BERRI », barri de Barkoxe | Barcus dab l’espectacle qui’u consacrèn MIXEL ETXEKOPAR, musika, kantu, TTK REKALT testua, botza, musika, J. CHRISTIAN GALTXETABURU, esku soinua, perkusioa e un musician qui remplaçava suu pè a PIERRE VISSLER, soinu grabaketak, musika qui non volèva pas participar a un eveniment on calèva lo pass sanitari. Ua vesita de uei dens lo sègle XIXau e lo monde deu poèta Pierre Topet Etxahun. Barkoxe, peu cant, los sons e las paraulas. Bèras emocions qu’aqueste « Gastelondon zer berri » dens lo banh deus univèrs entercrotzats, escotaires beròi e emetedors de tria e de trilhas. Un espectacle hòra nòrma portat per l’expressivitat musicau, deu cant e de la votz enter lo parlar e la musicalitat tant especiau de TTK Dominique Rekalt.
De mentàver en aquesta edicion de Xiru : un mei qu’excellent e enlobataire Dede Minvielle lo dimenge mieidia, Femmouze T lo vrèspe, d’on èra lo tornar… com tots d’alhors qui’s produsivan aquestes tres dias, despopats qui èran los artistas, de tocar en public pr’amor de la COVID-19.

GASTELONDON ZER BERRI son

GAZTELONDON ZER BERRI video mars de 2020 1h13′

Quauques imatges, fotografias e grafismes commentats de visionar en tot escotar l’emission.
Quelques images, photographies et graphismes commentés à visionner en écoutant l’émission.

Las musicas d’En Ondas
• En lo seguici cants d’Amaren AlabakBaladak, causits per Mixel Etxekopar
• Arnaga Rougier Etxekopar Lau Sasuak Antonio Vivaldi [1678 Venisa – 1741 Vièna]
03 n° 1 Udaberria – La primavera Allegro
10 n° 4 Negua – L’inverno Allegro non molto
Paciéncia tà un CD de GAZTELONDON ZER BERRI.
Que’vs tienerèi au chuc de la parucion solide.
 Sonaus de Denis Fournier e Percussions Profile Le Mystère de la Pyramide

En Ondas setm. 44 F. Etay & D. Khatile Seminari etnomusicologia

En Ondas que’vs perpausa d’encontrar a Françoise Etay e David Khatile, dus musicians-dançaires. La prumèra qu’ei capdau deu departament de musica tradicionau au Conservatòri a Raionament Regionau a Lemòtges e lo dusau antropològue e cercaire de la cultura antilhesa.
Qu’encontram a dus deus vint e dus intervienents au « Purmèr seminari annau en etnomusicologia de la França » qui’s tiengó los 11 e 12/11/2015 a Vilhèra (Bearn) a la mediatèca obèrta a çò qui lavetz s’aperava l’Institut Occitan d’Aquitània (Etnopòle per la lenga e la cultura occitanas) e pas enqüèra Institut occitan de cultura.
Formava part dab ua auta edicion d’En Ondas d’un tot : Françoise Etay, David Khatyle, Joan Jacme Casteret, Luc Charles-Dominique e Xavier Vidal, cuelhudas au Purmèr seminari d’etnomusicologia de la França.

Las musicas d’En Ondas
Ab’aquí praubes dròlles Bela Fanchon, Fai anar ton violon e Lucien Rosamond Anthologie de la musique antillaise
Contredanse n° 1, 2, 3

Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission.

[Emission de fin de 2015 en difusion tornar]

En Ondas setm. 43 Katy Bernard Mooc – Les chansons des troubadours

Sola e unica convidada d’En Ondas, Katy Bernard, mèsta de conferéncia d’occitan a l’universitat de Bordèu Montaigne. Presidenta lavetz en 2015 de l’InÒc Aquitània. Creatore de l’associacion Trobadas. Que devisa deu mooc a succès (mei de 3000 inscriuts) : Les chansons des troubadours, qui’s debanè d’abriu a mai de 2015. Un Mooc (massive open online course) qui’s tienerà tornar en 2016. Que ns’entertien tanben de las soas publicacions Les mots d’Aliénor : Aliénor d’Aquitaine et son siècle publicat per Confluences e de Le Néant et la joie Chansons de Guillaume d’Aquitaine editat per Federop.

[emission deu 27 de seteme de 2015 en difusion tornar – en rediffusion]

Las musicas d’En Ondas* Rosina e Martina de Pèira Cants tradicionaus Escotatz Marcabrun

* U2 Achtung baby So cruel

* T Na Rez Aral Interludio+Interludio humeur acqueuse

* Brice Duisit Guillaume IX d’Aquitaine – Las cansos del Coms de peitieus Interlude instrumentau

* T Na Rez Aral Aral

* No quarter

* Re Niliu Caravi A la calla africana

* Delphine Aguilera Christian Zagaria Amb la doçor Quan vei la lauseta mover Bernat de Ventadorn

Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission.

En Ondas setm. 42 Miquèu Montanaro

Miquèu Montanaro per Lavande et Jasmin lo disc e l’espectacle en companhia de l’instrumentista chinesa Sissy Zhou, que ns’a plan volut acordar ua entervista.
Lavanda e Jansemin o Jausemin que serà lhèu la part mei femenina de Miquèu Montanaro dab la grana e sensibla instrumentista de Guzhen qu’ei Sissy Zhou : escotas, fusions, expressivitats hens un trenat vegetau d’aur e de porpre.

© Fòto ZHOU Youran

Que’m hida Miquèu Montanaro quau liberacion esprava de poder transméter la companhia au hilh. N’a pas lo sens de la proprietat, puish a l’estructura que s’apèra adara la Companhia Baltazar Montanaro.

Las musicas d’En Ondas
• Miquèu Montanaro Sissy Zhou extrèits (e perdon) de Lavande and Jasmin
Ah calha bèla calha, Cauchemar ailà e Cheval de Mongolie
 Sonaus de Denis Fournier e Percussions Profile Le Mystère de la Pyramide