Jòrdi Labouysse qu’ei istorian d’ua istòria desconeishuda, esconuda, e denegada, inacessibla abans d’arribar a l’atge universitari… Tant aisit que’n sia atau puish a n’ei pas ensenhada a l’escòla, la nosta istòria. En la soa companhia qu’evocam Femmes d’òc, lo son darrèr obratge pareishut peu moment. De consultar tanben dab profièit lo son blòg : Jòrdi raconte. Autas parucions : Copacap de Fabiana Vayrette-Pechali. Ua enquèsta de Judit Bonamaison a Caparrens sus hons de partvirada sociau, la descobèrta macabra de Justiniana. Copacap de F. V.-P. 240 pp., cobèrta color, Reclams edicions, prima de 2026. Tanben L’actualitat de Reclams n° 878 de la Prima dt la version papèr ei a arribar + l’ABC del saber Sciéncias n° 4. Enfin dus n° de la revista L’inventaire (15 e 11) de las Editions a Lenteur. https://www.hobo-diffusion.com/editeurs/la-lenteur/
Las musicas d’En Ondas • Adrià Grandia Divisa Cinemascope • Sam Karpiena Sòrga Un Mostre • Christian Vieussens Auròst Esquiç • Miquèu Montanaro Noir e blanc Lo paure Boier • Femmouse T Resistantes L’entrada Sonaus de Joan Francés Tisnèr Winter Surge
Ua edicion d’En Ondas tota hèita de dons, e per exemple deu don de Jòrdi Labouysse, istorian d’ua istòria desconeishuda, esconuda, e a bèths còps denegada. Tant aisit qu’ei puish a n’ei pas ensenhada a l’escòla : la nosta.
Dab quate informacions mei dens aquera emission, LA Polissa de caractèrs, polissa d’escritura Gran Biarnesa e Biarnesa Tèxte e la possibilitat de descargar-la mercés au Pays de Béarn e au son creator o aus sons creators. Trantalhetz pas qu’ei hèita tà totas e tots ce disen ! PREMETZ aquiu : un 40at de quiloctets… doble-premetz dessús e que s’installa dens las valisas de polissas. Simple e eficaç. Totun se non v’i escadèvatz pas que’m podetz contactar domenja@hadiu.eu e que v’ajudarèi. Alavetz que i son duas polissas (37ko) la Gran Biarnesa entaus vòstes logòs o tèxtes remarcables e la Biarnesatexte especiaument concebuda per la soa legibilitat e pensada parièr entaus DISLEXICS pr’amor de la soa claretat.
Qu’èi a mercejar Jòrdi Labouysse de m’aver volut acordar aquera entervista. A maugrat que sia fatigat per problèmas de còr e d’arnelhs, que persegueish lo tribalh-passion de har saber, esclairar e documentar l’istòria occitana com de s’interessar a l’istòria tota : dens aquera prumèra emission de tres qui lo son consacradas per En Ondas, que devisam superficiaument de protoïstòria, de l’apòrt visigotic e parièr d’Iran. Lo libe son e preciós Les wisigoths : peuple nomade et souverain 1er-VIIIème siècle, de la Baltique aux colonnes d’Hercule, de Toulouse à Tolède Infòc Occitània, 2024, ill., 21 euros, que’u podetz comandar dirèctament o trobar a Découvertes occitanes o la Librariá occitana per exemple. Contactar Jòrdi : mailto:georges.labouysse@wanadoo.fr Shens mancar d’anar léger lo ric blòg on conta las migracions, los escambis e la vita deus pòbles deu paleolitic dinc aus temps contemporanèus de l’espaci occitan e d’alhors.
Las musicas d’En Ondas • Terje Rypdal If Mountains could sing Private Eye • Music of ancient world Nomos M • Eric Fraj Es sus la Talvèra Joan Bodon • Mouth Music I A Bhi Da • Cocanha Flame folclòre Diuré Samsir • Kronos Quartet œuvres majeures Disc II Kuru Field of Justice Sonaus de Joan Francés Tisnèr Winter Surge
Silvan Chabaud qu’ei vadut a Sent Rafèu en 1980. Qu’ei cantaire [Xénofil, Mauresca fracàs dub, Doctors de trobar] e universitari especialista de la literatura occitana e deu poèta de la reviscolada literària provençau de l’epòca barròca au sègle XVIau, Loís Belaud de la Belaudièra (tèsi de doctorat en 2007). Prèmi de Provença 2023. Que hè part de la generacion navèra de poètas occitans. Poèta de la transparéncia e de la lutz, deu movement, de la vita esmiraglanta, de la natura e de la cultura, deus ligams enter lo monde. Lei illas infinidas / les îles infinies que pareishen en çò de Jorn en 2012. 103pp., 15 euros. E lo son darrèr recuelh Adotz / sources que pareish en çò deu quite editor en 2025-2026. Evocat dens l’emission lo teatre Lazarina de Manòsca. https://www.pulm.fr/index.php/default/amour-de-maire-amour-de-mere.html
Quauques publicacions de compte har d’aquestes torns : • Sul camin del feminisme,Maud Seguier, Reclams edicions 2026, essai 307 pp. 19 €, Essai per un monde mei equilibrat, egalitari e mei juste e un prumèr libe d’ua autora de seguir. • La diversité pour survivre… au réchauffement climatique et au refroidissement culturel de David Grosclaude, prefaci deu breton Christian Guyonvar’ch a l’Adeo laboratòri d’idèas, març de 2026, 247 pp. 17 € (Helloasso). David Grosclaude qu’ei jornalista. Militant de l’occitan e de las lengas non egemonicas, l’engatjament qui ei lo son qu’ei naturaument ecologista e qu’ei solide ligat a l’engatjament per la diversitat de las lengas e de las culturas qui exprimeishen. • Lo Gai saber 576-577 consacrat a Joan-Frederic Brun, un escrivan dins nostre sègle per Florian Vernet, Joan-Claudi Forêt, Evalina Fraisse, Danièla Julien, Joan-Pau Creissac e Franc Bardòu. Casèrn Sarah Combès e Joan Loís Cortial. Lenga : Joan Penent Quan tot semblava ganhat ; Tribuna Ctaras Jòrdi Blanc ; Lescturas : totas per Florian Vernet – Jordi Peladan, M. Fraisse, Josí Guilhòt-Gentialon, Joan Ganhaire, Raumonde Tricoire, Sèrgi Javaloyès. 126 pp. 16 €.
Miquèu Feltin-Palas, jornalista a l’Express, animator deu blog « Sur le bout des langues” e Maria-Joana Verny, professora emerita de lenga e literatura occitanas de l’Universitat Pau Valèri, dus membres deu Collectif pour les littératures régionales à l’école per evocar un libe de compte har de las literaturas en lengas non egemonicas Florilangues : de l’Alsace à Tahiti… florilège des littératures en langues de France, pareishut en heurèr-març de 2026 a l’Aucèu Libre. 16 maines lingüistic evocats (Palikur e Nengone comprés, creòles o normand e picard, occitan e basco, catalan solide…) en 35 tèxtes e lavetz 35 autoras e autors. Que’vs shiuli que podetz trobar en Bearn per exemple Florilangues au Moment Librairie a Salias (Plaça deu Baiaà) e a l’Escapade a Auloron (plaça de la Catedrala)… e pro lèu pertot. Qu’aperam a iniciativas similaras per l’ensenhament de la nosta istòria, Felip Martel, professor emerit d’istòria a Pau Valèri e qui participè activament a Florilangues que’n seré lo mei urós solide, tot com jo.
Screenshot
Las musicas d’En Ondas • Tenarèze Aral Aqua Incognita • Joan-Pau Verdier – Franck Luton Color Femnas Marcèla Delpastre L’Amor • Aèdes Gaves Coma l’aiga • Cocanha Flame folclòre Diuré Samsir cançó de nau non extractivista Sonaus de Joan Francés Tisnèr Winter Surge
Devisada en companhia de Florian Vernet, dusau part. La question de l’occitan estandard, comun… « Nos consideram com una colleccion de lengas » ce nse ditz Florian Vernet e aquò non lo va pas. Ua situacion pr’amor non decidim pas collectivament de tirar las conclusions de l’estat de la lenga. « Lo francés es en trin de devenir la lenga comuna de l’occitan per refús d’aver un occitan comun » ce nse previen Florian Vernet. » Escrivèvi pas, legissiái com un fòl ”. S’ei ratrapat despuish, pageratz l’òbra : https://www.idref.fr/027181790 [e tot ne i ei pas…] Un collòqui Florian Vernet qu’èra lavetz en prevision : escrivan, lingüista, pedagògue, lo 20 d’octobre de 2023 a Montpelhièr Universitat Pau Valery. Adara legetz la revista Plumas qui en 2025 l’ei dedicada : https://plumas.occitanica.eu/1957#ftn1
Contretemps GERARD TAUTIL mai de 2023 premsas federalistas Lettres sur l’Occitanie et l’occitanisme, version francesa de l’originau occitan pareishut au Cebier 300 chemin du Plan de Chibron 83870 Signes 16 + 5 € per l’exemplar en occitan (occitan + francés 38 € pòrt comprés.
Lo Marius, libe de Dominique Commet 12 cronicas bilinguas e en version audio tà Radio Cap a Cap, ill. Phil Castaza, ençò de Plume libre www.lacieckc.fr
Letras d’Oc http://www.letrasdoc.org/oc/ la profession d’editor a l’aunor : publicar e fabricar al país. Istòria d’un sauvatjòt de Sèrgi Carles, Passejadas toponimicas de Pau Fabre, Contes del mèrle devinhaire de Maria-Odila Dumeaux, Seme de hemna de l’aranesa Tòni Escala, Tu de J.-L. Viguier (traduccion francesa d’Eric Fraj), anonciats Sinèra d’Andrieu Lagarda e Mudadas de Joan-Pèire Lacomba.
Las musicas d’En Ondas • Crestian Vieussens Esquiç 5 • Deodat de Severac • Velvet underground I cant’it stand it • Kronos quartet A thousand thoughts Tusen Tankar + Dark was the night Cold was the ground + La Sidounak Sayyada • Joni Mitchell The beginning of survival The Beat Of Black Wings Sonaus de Joan Francés Tisnèr Winter Surge inedit
Florian Vernet e Eric Gonzalès que son dus qui òbran – e de quau faiçon de tria – tà l’occitan. Lo pont enter Gasconha e Provença o lo País niçard e enlà : Aran, Monèga, vaths deu pèmont e la Gardia piemontese italianas compresas, qu’ei la lenga d’abòrd. Quiò com de costuma l’ambicion d’En Ondas qu’ei la d’ua becuda. Tròp grana gana tau temps impartit. Ua prumèra bocada dab l’entervista de Florian Vernet. Que legeràn dab profieit la revista Plumas qui l’ei dedicada en 2025 : https://plumas.occitanica.eu/1957#ftn1
En mei quate anóncias d’actualitat on parlam sustot d’Eric Gonzalès qui nse deishè aus 59 en mai de 2023. Que ns’ac permet ua video tota fresca pareishuda, imatges excepcionaus produsits per Riccart Le Coz introdusits per l’aumenatge deu son amic Sèrgi Javaloyès : https://youtu.be/40Zh-oKA-E0. Se vs’interèssa d’escotar a l’Eric Gonzalès que hasoi uas emissions radiofonicas d’En Ondas. En lançar aqueth recèrc que n’averatz la tièra [que son emissions en navèra difusion de 2018] : https://hadiu.eu/?s=eric+gonzales.
Florian Vernet, vadut en 1941 a Besièrs, especialista de literatura : dogan e professor emerit de la fac de Montpelhièr Pau Valèry, doctor de la lenga, gramatician (disen lingüiste uei-le-dia) e escrivan. Dens la literatura qu’ei amator de sciéncia ficcion, d’anticipacion e de roman policièr e qu’a produsit entau Gai saber n° 566 un estudi suu polar en occitan. Duas emissions en la soa companhia a l’entorn de l’escritura e tanben deu tèma tibador de la lenga estandard [ausbau lenga per elaboracion]. Tà escotar au Florian Vernet dens d’autes programas d’En Ondas, seguitz https://hadiu.eu/?s=Florian+Vernet
En Ondas qu’encontra a Benjamin Bouyssou, artista, musician, cantaire et contaire e Estève Joseau per La Passem 2026 Bedós Vath d’Aspa 30/04 – Anglet Baish Ador 09/05/26, entertant 2000 km de viatge, d’encontres e d’arsec tà l’occitan. Vos senhalar d’abòrd un cèrt nombre de parucions importantas en aquesta edicion d’En Ondas consacrada a La Passem, la corruda per l’occitan gascon. – Florilangues garba de literaturas en lengas de França lo noste Lagarde et Michard actuau ! qu’ei pareishut a l’Aucèu libre e qu’ei possiblament disponible en libreria per exemple : Le moment Librairie a Salias o l’Escapada a Auloron e tanben rapidament per internet https://www.libraria-occitana.org/. De har arribar dens lo vòste establiment escolar a partir deu collègi. E de’n parlar rapidament dab l@s actor@s deu collectiu per las literaturas en lengas de frança a l’escòla… – Libe en francés recentament pareishut de David Grosclaude La diversité pour survivre (au réchauffement climatique et au refroidissement culturel)de crompar sus Helloasso 17 euros, ideas filosoficas e politicas e vision deu monde. Passionant. – En soscripcion ua soma de non pas mancar gavidada per Un directeur de recherche exceptionnel Crestian Lagarde, un éditeur catalan Trabucaire Editions pour cet ouvrage qui fera date sur l’occitanisme [1960-1980]. Tribalh memoriau e interessant de miar com de descobrir [96 contribucions] ! Mercés a Christian Lagarde e a las Editions Trabucaire https://www.trabucaire.com/, editor de l’obratge. – las revistas * Òc revista n° 156 de març de 2026 lo huelheton de Florian Vernet Past Lives que n’ei a la tresau liurason… Revèst que i evòca l’artista Ben e puish Lacomba, Peiràs, Chabaud, Guilhòt-Gentialon, Venzac, Castex-Ey, Miret, Ghorbani e la poesia franco-turca de Rehal Yünlüel qui ei lo convidat. https://www.helloasso.com/associations/association-pour-la-revue-oc * Sud Ouest Nature revista de la federacion sepanso 209 : migracions, las resèrvas naturaus, la question deus nematòdes deu pin e alèrta sus la seuva monòcultivada e artificiau de Gasconha. https://www.helloasso.com/associations/sepanso-64/adhesions/adhesion-annuelle e com los disi tostemps Sud Ouest de qué de París XVIau hens lo cap deus colhonizats… que deverén cambiar lo nom. S’i abonar que’s hè en aderir. * enfin lo n° 4 de l’ABC del saber pertocant las sciéncias, produsit per las edicions reclams de las quaus e soi adara libra de tot ligam e de tota responsabilitat per consequent. https://www.reclams.org/oc/ Sciéncia e vertat : l’imbroglio ; Istòria de las sciéncia … 134pp. ill. col. e nb. 19 euros. – Wiki Loves Folklore qu’ei un concors mediatic mondiau qui’s debana cada an sus Wikimedia Commons, dab l’objectiu de documentar las divèrsas culturas popularas de tot lo planeta. Qu’ei tròp tard tà 2026 [data de clausura 31 de març] mes aprestatz-vos per 2027 : https://wikilovesfolklore.org/ Au parat d’ua amassada de La Passem a Salias de Bearn qu’encontrèm a Estève Joseau.
Las musicas d’En Ondas • Albert Marcoeur Sports e Percussions Sport en plein air • Antonio Placer Nomades d’Ici Tu vienes de todas partes + No sabia sulfatar • Zaldibobo S.K.A. • Lhèva-te imne 2026 de La Passem per Juliette Minvielle dab lo hilh Jordan <Qui aima Jordan aima son cant>) Sonaus de Joan Francés Tisnèr Winter Surge inedit
Poèmas de veire de Tresià Pambrun que son ua garba generosa en version bilingua en çò deus reclams : https://www.reclams.org/fr/accueil/actualites/828-nouveautes-reclams-janvier-2026 Tresià Pambrun qu’ei estada conselhèra pedagogica, autora – que nse brembam de l’excellenta novèla singular Sho ! (la gitana qui a en era o l’indiana en fusion empatica de Chicoutimi, Quebèc on anè) o lo son Memòria de Pèira, e solide la seria deus Òmis petits en çò de Letras d’òc. Qu’ei pintra, grafista, contaira, cantaira, conferencièra e qu’estó la mairina de La Passem, la corruda relai per l’occitan, en 2024.
A la fin de l’entervista e tirat deu disc que realizè Tresià Pambrun dab Nadeta Carita Pescalua : en aumenatge a Jean DELAPERSONNE qui’ns deishè non i a pas guaire, Eths mots perduts. Qu’incarna dens lo conte lo poder telluric deus mots a voler sortir entau gigant de la part envèrsa. Non coneishi pas nat aute enregistrament d’eth, que perdonen la mia ignorància, que los de Rose des Sons la soa emission de ràdio on partatjava l’immensa discotèca amassada de longa. Bon viatge a Jean, lo mossur Sent Pançard oficiau de longa dab Peireta Bòrdanava, la caronha e lo cople oficiau de la nosta ràdio. Eth qui ns’a educat en musicas popularas com sapientas, qu’èm generacions d’auditors e d’organizators de ràdios libras qui lo devem hèra. Mercés Jean.
Se voletz ensentir l’efèit de l’aiga torada de las cascadas pirenencas a truvèrs l’escritura de Tresià Pambrun, corretz trobar aus reclams los sons Poèmas de veire, dentelats, ciselats de transparéncia : com si non i volèva pas nada termièra enter çò que vòu escríver e la recepcion peu lector. Se podetz crotzar lo son camin esitetz pas a l’anar visitar ! Un avant gost dab lo son blòg partatjat : https://tintas.home.blog/
Las musicas d’En Ondas Pescalua Tresià Pambrun e Nadeta Carita • Un jorn la mair e la hilha • Eths mots perduts (feat Jean DELAPERSONNE) Sonaus de Joan Francés Tisnèr Winter Surge
Hadiu 
You must be logged in to post a comment.