En Ondas setm. 16 Eric Fraj 2

Que perseguim l’entertien dab Eric Fraj, artista cantaire, ensenhaire e cercaire • Nous poursuivons l’entretien avec Eric Fraj, artiste chanteur, enseignant et chercheur.
Dens aquesta edicion que devisam d’escritura. La soa e la d’autors e d’autoras com Danièle Hoursiangou-Estebe, Joan Bodon o Joan-Loís Viguièr • Dans la présente édition nous discutons d’écriture. De la sienne et de celles d’auteurs comme Danièle Hoursiangou-Estèbe, Joan Bodon ou Jean-Louis Viguier.

© Monotipe L’Arbo de vita Daidièr Mir

Apregonir e perlongar | approfondir et prolonger : https://fr.wikipedia.org/wiki/%C3%89ric_Fraj, https://oc.wikipedia.org/wiki/Eric_Fraj e https://ca.wikipedia.org/wiki/Eric_Fraj. Lo site oficiau de l’artista : qu’ac avetz entenut la soa discografia manca los dus darrèrs disques que s’i pòt escotar librament : lo site de l’artista : https://ericfraj.com/eric-fraj-parcours/ e la soscripcion per paréisher fin de 2021 https://ericfraj.com/oc/soscripcion-per-la-vida/. La magnifica portada monotipe qu’ei signada Didier Mir : http://cargocollective.com/didiermir e que serà solide en color, tanben que hè part d’un tot que descobriratz dab la soscripcion. Que receberam a Daidièr Mir d’ací quauques emissions.

Eric Fraj qu’ei un deus contra-exemples viu a aplicar a l’istoriografia, colportada per’cí, per’quiu, deu mite de la NCO. Istoriografia torcuda de la Nòva Cançon Occitana tau com se conta a mainats que non pòden verificar gran causa. Eric Fraj qu’aprèsta un doctorat suu maine de la cançon, de la votz e de la creacion enter autes.

La faiçon qui a de hestejar lo prumèr concèrt (en seteme o noveme de 1971) qu’ei d’aprestar un disc compacte doble en complicitat dab plen de companhs e companhas musicians e cantaires. De las 32 cançons, 30 son ineditas. Pas inaudidas totas puish a que’n virè un bon pro en concèrt.

La Vida que n’ei lo títol, com si cantar èra un hat : a l’encòp fatalisme e neuritud prumèra.

Las musicas d’En Ondas
Lo Köln concèrt solò de Keith Jarrett en 1975 a l’opèra de Colonha, quauques extrèits parts 1 tà 3.
• Duo d’Eric Fraj dab Lluis Llach en 2005 A fòrça de nits creada tanben en 1975, paraulas e musica de Lluis Llach
 Sonaus de Denis Fournier e Percussions Profile Le Mystère de la Pyramide

En Ondas setm. 12 Miquèu Montanaro 2au – 2 Uman engatjat

Au somari d’En Ondas aquesta edicion : Unicament l’entertien miat au près de Miquèu Montanaro, un uman qui’s pausa questions e qui s’engatja.

Que s’òrb sus un engatjament peu tribalh que mia SOS Mediterranèa cap aus refugiats.

Puish que serà un brave moment de prospectiva politica. Chic de musica… dens aquesta edicion batalaira on devisam – començar de heurèr – suu poder de l’argent que mia a la barbaría.

La setmana per viéner la tresau part d’entervista que portarà sus KI, k, i l’àlbum deu duò Montanaro qui sorteish d’aquesta passa e que serà lo parat de dar la paraula a Miquèu e Balthazar, lo hilh, dus musicians de tria.
Las musicas d’En ondas :
  • Las quauques respiracions musicaus de l’edicion que son totas de Terje Rypdal deu disc If Mountains could sing
    * The return of Per Ulv
    * Private eye
    * If Mountains could sing
    * Lonesome guitar
 Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission