En Ondas setm. 17 Votz Benaset Dazeas

Besaset Dazeas, geek per l’occitan que cèrca e tròba la bona carburacion entau Congrès permanent per la Lenga occitana dont ei lo director. Encontrà’u que nse permet de dar ua uelhada suu dotzenat d’ans d’existéncia deu Congrès au parat de la presentacion de Votz.eu, l’interfàcia que permet de sintetizar l’occitan escriut en … Votz.
Que s’apèra tot simplament Votz.

Votz qu’ei l’aplicacion en linha de sintèsi vocau en occitan. Qu’ei peu moment accessibla per duas varietats occitanas : gascon e lengadocian. Que’s hasó compte tanben per hargar-la de l’environament lingüistic francés (personalitats, noms de via, etc.). Qu’ei desvolopada Votz dab las tecnologias de hialats neuronaus (intelligéncia artificiau) peu Congrès permanent de la lenga occitana e la fondacion Elhuyar (qui tau parat e transferí las soas competéncias a las entitats occitana e aragonesa) dens l’encastre deu projècte europèu LINGUATEC « Desvolopament de la cooperacion transfronterèra e deu transferiment de coneishenças en tecnologias deu lengatge ».

La setmana per viéner que daram l’aurelha au còr deu tribalh qui a demandat Votz dab Aure Seguièr e Michaël Barret, dus deus obrèrs de l’equipa.

Que podetz tanben escotar l’emission d’En Ondas en companhia de Philippe Boula de Mareüil d’octobre de 2019 au moment deus enregistraments de la votz gascona : https://hadiu.eu/2019/10/07/en-ondas-setm-41-philippe-boula-de-mareuil/

Presentacion en vidèo de Votz : https://www.youtube.com/watch?v=7GacVl3hnwg

Las musicas d’En Ondas
• Nautat en çò deu labèl Pagans Sourdure De mòrt viva L’Ivern daus Astres
• Brian Eno Music for films Empty landscape + Don’t look back (extrèits)
 Sonaus de Denis Fournier e Percussions Profile Le Mystère de la Pyramide

En Ondas setm. 14 Salles-Dazeas-Vidal-Roth-Louarn

Monde excepcionaus per ua emission en difusion tornar de començar de deceme de 2012, montada tornar au format 45′.

© fòto S. Vidal e N. Roth per Aure Seguier per La Setmana ; P. Vidal mercés a Sud-Ouest ; ELEN

Au somari en companhia d’intervienent.a.s de qualitat:
– Pierre Salles que nse parla deus sons noms pròpis, los noms de familha : Origines des Noms du Sud-Ouest Cairn éditions. 204p. 20 euros. Amorós de çò de viu : deus ausèths, deus peishs, deus ceths parièr e arpentaire gran de la montanha pirenenca, gran coneishedor deus mots e deus noms e de plen de causas qui non sèi…
– XXIIau encontres regionaus enter Bordèu-Baiona e Pau 29/11-02/12/2012 : * Presentacion per Benoît Dazeas, lo director, deu site e de las aplicacions deu Congrès per los telefonets e las tauletas tactilas https://locongres.org lançat en noveme de 2012 aus XXIIau encontres info@locongres.org ;
* Sarah Vidal e Nina Roth per Pimponet la ninoèra d’Aussau ;
* Tangi Louarn deu hialat ELEN https://elen.ngo/languages-map/ per l’egalitat de las lengas
tots qui intervienèvan au XXIIau Congrès per las lengas e culturas regionaus qui’s devanava deu 29 de noveme tau 2 de deceme de 2012.

Novèlas quasi 8 ans après :
– actualitat de Pèire Salles, per estar estarit lo libe deus noms, qu’ei a tribalhar a un libe per viéner
– lo congrès permanent per la lenga occitana que ns’auhereish bèths utís
Pimponet que ninoereja manca en temps d’embarrament e que la desiram ua bona sòrta com a tot.a.s
– lo hialat ELEN qu’a deu mau tostemps e com tots nosauts a har vàler l’equitat de las lengas e culturas en euròpa, l’equitat linguistica, sus wikipedia lo ligam de l’article en francés qui mei complet que non pas lo en occitan https://fr.wikipedia.org/wiki/%C3%89quit%C3%A9#Dans_le_domaine_linguistique.

Las musicas d’En Ondas
Nadine Gabard e Erik Baron Nochebuenas extrèits d’un supèrbe espectacle d’un bordalés e d’ua peitavina dens un repertòri enlobataire de cançons sefaradas qui gostèi hòrt (perdon per las copas) —> disc de 2008 N. Gabard mezzo soprano e E. Baron baisha fretless
• Nadine Gabard & Erik Baron Noches buenas Puntcha, puntcha
• Nadine Gabard & Erik Baron Noches buenas La Roza Enflorese
• Nadine Gabard & Erik Baron Noches buenas Alta va la luna
• Nadine Gabard & Erik Baron Noches buenas Morenica Sos
• Nadine Gabard & Erik Baron Noches buenas Noches Buenas
 Sonaus de Denis Fournier e Percussions Profile Le Mystère de la Pyramide

En ondas setm. 3 ~ Assier-Casteret-Dazeas

Encontre dab tres directors : Benjamin Assier e Joan Jaques Casteret per l’aligança a’s concretizar a la prima de 2018 deu Cirdòc e de l’InÒc e Benaset Dazeas peu Congrès Permanent per la Lenga Occitana.

Entervistas cuelhudas au parat – lo 14 de deceme de 2017 – de l’enregistrament deu D’Òc Show n° 27 d’Òc Tele a l’Institut Occitan Aquitània de Vilhèra en Bearn.

Las musicas d’En ondas : (duas nautats : Pagans e Aranoa)

Artús BO L’intérêt général et moi

  • Levar
  • Sound 3
  • Valsa
  • Hons

Arnaga – Rougier – Etxekopar – Indo Lau sasuak – 4 sasons 

  • Antonio Vivaldi – n° 2 Uda – L’estate Adagio – Presto – Adagio
  • Antonio Vivaldi – n° 4 Negua – L’inverno Largo
  • Antonio Vivaldi – n° 3 Larrazkena – L’autumno Allegro molto Txalapartistas
  • Antonio Vivaldi – n° 3 Larrazkena – L’autumno Allegro Mixel la frinèstra de jòia
  • Marc Mellits _ string quartet n° 2 Revolution Groove Canon
  • Marc Mellits _ string quartet n° 2 Revolution Mara’s Toy

Gran e bon tribalh de Marina Beheretche e deus collègas.

 Sonaus de Denis Fournier e Percussions Profile Le Mystère de la Pyramide

En Ondas setm. 2 Benaset Dazeas Occitan numeric 2014-2019

Us privat a gratis, us public mercés de contactar d’abòrd domenja@gmail.com En jòia
https://www.mixcloud.com/widget/iframe/?feed=http%3A%2F%2Fwww.mixcloud.com%2FHadiuPodcastsDomenjaLekuona%2Fen-ondas-de-domenja-lekuona-2-benaset-dazeas-occitan-numeric%2F&mini=1&embed_uuid=e44f36ea-df1b-4a4f-8ff9-41bd7aca13f6&replace=0&hide_cover=1&embed_type=widget_standard&hide_tracklist=1

Benaset Dazeas qu’ei lo director deu Congrès permanent per la lenga occitana http://www.locongres.org/, que ns’entertienem dab eth, dens En Ondas, de la huelha de caminar entaus 5 ans per viéner tà l’occitan numeric.
Formacion-accion de ueit mes en cooperacion dab cercaires galés, catalans, bretons e bascos http://www.elhuyar.org/
En començar d’emission qu’evocam l’escrivan-contaire-òmi d’accion Marcèu Esquieu recentament desapareishut. Com clavam qu’aprenem la despartida d’Ives Roqueta. Bon vent a tots los dus qui ns’an dat tant e hèits arríder a’n plorar !

Marcèu Esquieu, obsèquis lo dimèrcs 7 de genèr a tres òras deu vrèspe a Sant Antòni de Ficalba.
Ives Roqueta, obsèquis lo dimèrcs 7 de genèr a 11 òras deu matin a Pont de Camarés (Avairon).