Category: Domenja Lekuona

En Ondas setm. 17 Florilangues M. Feltin-Palas & M.-J. Verny

ADEO,Amin Maalouf,Barbara Cassin,David Grosclaude,Domenja Lekuona,En Ondas,Joan Frederic Brun,L'Aucèu Libre,Lo gai saber,Marie-Jeanne Verny,Maud Seguier,Michel Feltin-Palas,Ràdio podcast de resisténcia en occitan,Reclams

© collectiu per las literaturas en lengas non egemonicas

Quauques publicacions de compte har d’aquestes torns :
• Sul camin del feminisme, Maud Seguier, Reclams edicions 2026, essai 307 pp. 19 €, Essai per un monde mei equilibrat, egalitari e mei juste e un prumèr libe d’ua autora de seguir.
• La diversité pour survivre… au réchauffement climatique et au refroidissement culturel de David Grosclaude, prefaci deu breton Christian Guyonvar’ch a l’Adeo laboratòri d’idèas, març de 2026, 247 pp. 17 € (Helloasso). David Grosclaude qu’ei jornalista. Militant de l’occitan e de las lengas non egemonicas, l’engatjament qui ei lo son qu’ei naturaument ecologista e qu’ei solide ligat a l’engatjament per la diversitat de las lengas e de las culturas qui exprimeishen.
• Lo Gai saber 576-577 consacrat a Joan-Frederic Brun, un escrivan dins nostre sègle per Florian Vernet, Joan-Claudi Forêt, Evalina Fraisse, Danièla Julien, Joan-Pau Creissac e Franc Bardòu. Casèrn Sarah Combès e Joan Loís Cortial. Lenga : Joan Penent Quan tot semblava ganhat ; Tribuna Ctaras Jòrdi Blanc ; Lescturas : totas per Florian Vernet – Jordi Peladan, M. Fraisse, Josí Guilhòt-Gentialon, Joan Ganhaire, Raumonde Tricoire, Sèrgi Javaloyès. 126 pp. 16 €.

Miquèu Feltin-Palas, jornalista a l’Express, animator deu blog « Sur le bout des langues” e Maria-Joana Verny, professora emerita de lenga e literatura occitanas de l’Universitat Pau Valèri, dus membres deu Collectif pour les littératures régionales à l’école per evocar un libe de compte har de las literaturas en lengas non egemonicas Florilangues : de l’Alsace à Tahiti… florilège des littératures en langues de France, pareishut en heurèr-març de 2026 a l’Aucèu Libre. 16 maines lingüistic evocats (Palikur e Nengone comprés, creòles o normand e picard, occitan e basco, catalan solide…) en 35 tèxtes e lavetz 35 autoras e autors.
Que’vs shiuli que podetz trobar en Bearn per exemple Florilangues au Moment Librairie a Salias (Plaça deu Baiaà) e a l’Escapade a Auloron (plaça de la Catedrala)… e pro lèu pertot.
Qu’aperam a iniciativas similaras per l’ensenhament de la nosta istòria, Felip Martel, professor emerit d’istòria a Pau Valèri e qui participè activament a Florilangues que’n seré lo mei urós solide, tot com jo.

los imatges d'En Ondas setmana 17 de 2026
Screenshot

Las musicas d’En Ondas
• Tenarèze Aral Aqua Incognita
• Joan-Pau Verdier – Franck Luton Color Femnas Marcèla Delpastre L’Amor
• Aèdes Gaves Coma l’aiga
• Cocanha Flame folclòre Diuré Samsir cançó de nau non extractivista
 Sonaus de Joan Francés Tisnèr Winter Surge

En Ondas setm. 15 Florian Vernet 1/1 en escota navèra

Academia occitana,Al Cartero [Leonce Lacoaret],ausbau (lenga per elaboracion),Congrès permanent per la lenga occitana,Domenja Lekuona,En Ondas,Eric Gonzales,Florian Vernet,Literatura occitana,Occitan estandard-ausbau,Ràdio podcast de resisténcia en occitan,Roman policièr,Sèrgi Javaloyès

Florian Vernet e Eric Gonzalès que son dus qui òbran – e de quau faiçon de tria – tà l’occitan. Lo pont enter Gasconha e Provença o lo País niçard e enlà : Aran, Monèga, vaths deu pèmont e la Gardia piemontese italianas compresas, qu’ei la lenga d’abòrd. Quiò com de costuma l’ambicion d’En Ondas qu’ei la d’ua becuda. Tròp grana gana tau temps impartit. Ua prumèra bocada dab l’entervista de Florian Vernet. Que legeràn dab profieit la revista Plumas qui l’ei dedicada en 2025 : https://plumas.occitanica.eu/1957#ftn1

© Wikipèdia Annabelle de FC

En mei quate anóncias d’actualitat on parlam sustot d’Eric Gonzalès qui nse deishè aus 59 en mai de 2023. Que ns’ac permet ua video tota fresca pareishuda, imatges excepcionaus produsits per Riccart Le Coz introdusits per l’aumenatge deu son amic Sèrgi Javaloyès : https://youtu.be/40Zh-oKA-E0. Se vs’interèssa d’escotar a l’Eric Gonzalès que hasoi uas emissions radiofonicas d’En Ondas. En lançar aqueth recèrc que n’averatz la tièra [que son emissions en navèra difusion de 2018] : https://hadiu.eu/?s=eric+gonzales.

Florian Vernet, vadut en 1941 a Besièrs, especialista de literatura : dogan e professor emerit de la fac de Montpelhièr Pau Valèry, doctor de la lenga, gramatician (disen lingüiste uei-le-dia) e escrivan. Dens la literatura qu’ei amator de sciéncia ficcion, d’anticipacion e de roman policièr e qu’a produsit entau Gai saber n° 566 un estudi suu polar en occitan. Duas emissions en la soa companhia a l’entorn de l’escritura e tanben deu tèma tibador de la lenga estandard [ausbau lenga per elaboracion]. Tà escotar au Florian Vernet dens d’autes programas d’En Ondas, seguitz https://hadiu.eu/?s=Florian+Vernet

En Ondas setm. 14 La Passem dab Benjamin e Estève

ABC del Saber,Benjamin Bouyssou,Domenja Lekuona,En Ondas,Estève Joseau,Ethos,Jordan Tisnèr,Juliette Minvielle,Ligams - La Passem,Oc revista,Reclams edicions

En Ondas qu’encontra a Benjamin Bouyssou, artista, musician, cantaire et contaire e Estève Joseau per La Passem 2026 Bedós Vath d’Aspa 30/04 – Anglet Baish Ador 09/05/26, entertant 2000 km de viatge, d’encontres e d’arsec tà l’occitan. Vos senhalar d’abòrd un cèrt nombre de parucions importantas en aquesta edicion d’En Ondas consacrada a La Passem, la corruda per l’occitan gascon.
– Florilangues garba de literaturas en lengas de França lo noste Lagarde et Michard actuau ! qu’ei pareishut a l’Aucèu libre e qu’ei possiblament disponible en libreria per exemple : Le moment Librairie a Salias o l’Escapada a Auloron e tanben rapidament per internet https://www.libraria-occitana.org/. De har arribar dens lo vòste establiment escolar a partir deu collègi. E de’n parlar rapidament dab l@s actor@s deu collectiu per las literaturas en lengas de frança a l’escòla…
– Libe en francés recentament pareishut de David Grosclaude La diversité pour survivre (au réchauffement climatique et au refroidissement culturel)de crompar sus Helloasso 17 euros, ideas filosoficas e politicas e vision deu monde. Passionant.
– En soscripcion ua soma de non pas mancar gavidada per Un directeur de recherche exceptionnel Crestian Lagarde, un éditeur catalan Trabucaire Editions pour cet ouvrage qui fera date sur l’occitanisme [1960-1980]. Tribalh memoriau e interessant de miar com de descobrir [96 contribucions] ! Mercés a Christian Lagarde e a las Editions Trabucaire https://www.trabucaire.com/, editor de l’obratge.
– las revistas
* Òc revista n° 156 de març de 2026 lo huelheton de Florian Vernet Past Lives que n’ei a la tresau liurason… Revèst que i evòca l’artista Ben e puish Lacomba, Peiràs, Chabaud, Guilhòt-Gentialon, Venzac, Castex-Ey, Miret, Ghorbani e la poesia franco-turca de Rehal Yünlüel qui ei lo convidat.
https://www.helloasso.com/associations/association-pour-la-revue-oc
* Sud Ouest Nature revista de la federacion sepanso 209 : migracions, las resèrvas naturaus, la question deus nematòdes deu pin e alèrta sus la seuva monòcultivada e artificiau de Gasconha.
https://www.helloasso.com/associations/sepanso-64/adhesions/adhesion-annuelle e com los disi tostemps Sud Ouest de qué de París XVIau hens lo cap deus colhonizats… que deverén cambiar lo nom. S’i abonar que’s hè en aderir.
* enfin lo n° 4 de l’ABC del saber pertocant las sciéncias, produsit per las edicions reclams de las quaus e soi adara libra de tot ligam e de tota responsabilitat per consequent. https://www.reclams.org/oc/ Sciéncia e vertat : l’imbroglio ; Istòria de las sciéncia … 134pp. ill. col. e nb. 19 euros.
– Wiki Loves Folklore qu’ei un concors mediatic mondiau qui’s debana cada an sus Wikimedia Commons, dab l’objectiu de documentar las divèrsas culturas popularas de tot lo planeta. Qu’ei tròp tard tà 2026 [data de clausura 31 de març] mes aprestatz-vos per 2027 : https://wikilovesfolklore.org/
Au parat d’ua amassada de La Passem a Salias de Bearn qu’encontrèm a Estève Joseau.

Las musicas d’En Ondas
• Albert Marcoeur Sports e Percussions Sport en plein air
• Antonio Placer Nomades d’Ici Tu vienes de todas partes + No sabia sulfatar
• Zaldibobo S.K.A.
• Lhèva-te imne 2026 de La Passem per Juliette Minvielle dab lo hilh Jordan <Qui aima Jordan aima son cant>)
 Sonaus de Joan Francés Tisnèr Winter Surge inedit

En Ondas setm. 12 Lola, Nathalie e Matiu tau Primtemps de l’Arribèra aus 20

Diubiband,Domenja Lekuona,En Ondas,Lucia Longué,Matiu Dufau,Primtemps de l'arribèra,Ràdio podcast de resisténcia en occitan,St Pèr de Lèren Primtemps de l'Arribèra

Per anonciar ua edicion estiglanta deus 20 ans deu Primtemps de l’Arribèra que discutim dab Lolà Dufau-Saphores, tota recenta presidenta en segond deus Chancaires. Apuish dab Nathalie Beillé en cèrcas dab d’autes deu sostien financèr indispensable tau Primtemps : hètz bon arcuelh. E solide qu’encontram a Matiu Dufau qui pòrta, dab d’autes, la vision de l’escòla de musica e deu hestau deu Primtemps de l’Arribèra.
l’estúdio en exterior d’En Ondas qu’arcuelh parièr ahoalhs de rotohius sauvatges ondrats de quate clacassis auserèrs recurents com d’arrut avionaires. Lo primtemps de l’Arribèra aus 20 : https://loprimtempsdelarribera.com/programmation/

© Afica Zookeeper

Las musicas d’En Ondas
Mainats en holia, rotohiu, avion e ausèths
extrèits de Diubiband Apèu e L’Abat, Maxence Camelin La bufatièra
Sonaus de Joan Francés Tisnèr Winter Surge inedit

En Ondas setm. 11 André Minvielle

André Minvielle,Domenja Lekuona,En Ondas,Jan dau Melhau,Juliette Minvielle,Marcela Delpastre,Ràdio podcast de resisténcia en occitan,Rita Macedo,Romie Esteves,Trobairitz

Ua conversacion telefonica (e en video) dab André Minvielle qu’ei de mercar dens la vita de la productora ràdio qui soi, de mercar e de remarcar ! N’èra pas la prumèra qui’n hasèvi en la soa companhia e b’ac sabèvi que non tienè pas en plaça : efervescent qu’ei, rebombant ! Boishòrlas d’ideas e d’analisis a cada instant. Gahatz ve lavetz aus escotaders. E mercés de nse seguir. Per ma fe que passèi un hòrt bon moment d’escambi, deus gaujós e neurissent.
Lexic de subervita : lo chafre d’André de quan petit – chafre en lenga de noste que designa un subernom – aqueste chafre en francés de Minvielle, qu’ei manivelle.
Que brembi a totas fins servideras qu’en occitan gascon Minvielle (derivat de Mièjaviela) que significa l’ostau au miei de la vila, çò qui n’a pas arren a véder dab manivelle. Reportatz-ve au tostemps excellent Dictionnaire patronymique des noms de famille gascons de Miquèu Grosclaude.

Dens aquera edicion d’En Ondas André Minvielle que ns’a entertienuts de çò qu’ei per eth la variacion, tanben de l’art de cantar : « Quan cantam – e que’u citi – , Quan cantam qu’èm mantuns au dehens” e ce nse hida mei « La sintaxi qu’ei un ritme!”. Bona seguida sonòra puish a que n’ei en diable !
e que comença a hutas, embarcatz dab André Minvielle…

——- En Ondas, en companhia André Minvielle qui clava la seria de tres consacrada a l’espectacle en cors « A partir de las trobairitz” de André, Juliette Minvielle e Rita Macêdo. Los perlongaments a pertocar a André Minvielle que son de seguir devath la fòrma de ligams internet dens la fica d’En Ondas de la setmana 11 sus https://hadiu.eu/category/en-ondas/ + https://fr.wikipedia.org/wiki/Andr%C3%A9_Minvielle
https://oc.wikipedia.org/wiki/Andr%C3%A9_Minvielle
hopisme.fr
https://www.laboutiquedesmutins.org/hop

© D. Lekuona

Las musicas d’En Ondas
chic d’illustracions musicaus de tant qui èra dense e per moment cantat en dirècte per l’artista ! M E R C É S
• Tots tirats deu Ti’bal tr’ibal d’André Minvielle
Cumbia Jazz + Cajuina (los dus en fòrma de sonaus) + Balagora en mei larg extrèit.
 Sonaus de Joan Francés Tisnèr Winter Surge inedit

En Ondas setm. 10 Rita Macêdo

André Minvielle,Ange B. Enjalbert,Claude Sicre,Domenja Lekuona,En Ondas,Félix Castan,Femmouzes T,Françoise Chapuis,Jacme Gaudas,Juliette Minvielle,Louis Lubat,Ràdio podcast de resisténcia en occitan,Rita Macedo,Salvador de Bahia,Trobairitz

Rita Macêdo qu’ei prumèr ua votz qui no’s desbromba pas e darrèr la votz tota l’umanitat e la saviesa qui hèn ben d’encontrar.
Femmouzes T Rita Macêdo e Françoise Chapuis (despartida en genèr de 2023), grop constituit de 1992 enlà quate albums vitaminats au gai, a l’imatge de las cantairas e musicianas.
A Françoise lo pandeiro, tambourin de l’iberia qui hasèva viravòutar, a Rita l’accordeon cromatic. Los repics, los ritmes, l’armonia e las danças ahuecadas.
https://fr.wikipedia.org/wiki/Femmouzes_T. 4 albums, l’últim e quatau qu’ei Résistantes YouTube Spotify. Que l’encontram com ei dens la familha a Salvador de Bahia

© RM PC

Las musicas d’En Ondas
Femmouzes T Los albums lo T de Tripopular de Trobairitz o lo de Resitentas
• Olympe de Gouges
• Résistantes
• Plage deu Capitòli
• Colorina de Ròse
• L’Entrada del temps clar
 Sonaus de Joan Francés Tisnèr Winter Surge inedit

En Ondas setm. 09 Juliette Minvielle

André Minvielle,Ausèths,Berthe Merlou,Bonbon Vodou,Domenja Lekuona,En Ondas,Francis Beigbeder,Juliette Minvielle,Ràdio podcast de resisténcia en occitan,Rita Macedo,Solo pour Gugusse,Trobairitz

Projèctes a fanègas per l’artista-cantaira-e-instrumentista Juliette Minvielle.
Qu’an per nom per exemple : Bonbon Vodou – Saraï – Ausèths – Solo pour Gugusse…

©J. Minvielle

https://julietteminvielle.com/

Solo pour Gugusse

A partir de las Trobairitz…

Ti’bal Tribal

Las musicas d’En Ondas
• Laüsa Magnific, renovelat e sensible Bèth Cèu de Pau
• Ti’Bal tribal André-Juliette Minvielle et Nino
* Nino
* La lega
* Cumbia Jazz fusion
* Cajuina
* Sacré Éole
 Sonaus de Joan Francés Tisnèr Winter Surge inedit

En Ondas setm. 08 Lo còr de la Plana cubada 2009

Cançon occitana,Domenja Lekuona,En Ondas,Lo Còr de la Plana,Manu Théron,Musica occitana,Ràdio podcast de resisténcia en occitan,Rodín Kaufmann

En escota navèra, bona escota !

Los deu hestenau de la prima bearnesa Lo Primtemps de l’Arribèra que’m hidan – mercés ! – la fòto deu Còr qui ei presa a ua edicion deu Primtemps, au cors d’un talhèr per parlar de la professionalizacion en occitan a liceans.
Ua tripla entervista cuelhuda a ua edicion de Jazz Naturel a Ortès (La Moteta) en companhia deu grop marsilhés mitic : Lo còr de la Plana.
Qu’èm a la prima de 2009 : Rodín, Manú e drin Sebastian, tanben quauques petatums passaires mei dens la banda sonòra de l’entervista.

© Primtemps de l’Arribèra
Qu’a existit Lo còr de la plana de 2000 enlà e dinc a 2022, que’s tira lo nom d’un barri de Marsilha : La Plana. En 2009 que son au quasi mitant de lor existéncia.
Discografia :
– Es lo titre 2003
– Tant deman 2007
– Marcha ! 2012

Las musicas d’En ondas :
Lo còr de la Plana Tant deman
• Rompa Bassas
• Tant deman
• Bosin
• Mi parlatz pas de tribalhar
• Lo generic enterlardat qu’ei lo saut de creacion de Joan Francés Tisnèr, Saut de la Calor interpretat enter autes per Mixel Etxekopar per entrar e la version dab Saxifilles per sortir.
 Sonaus de Denis Fournier e Percussions Profile Le Mystère de la Pyramide