Dab Caroline Dufau que discutim de l’actualitat de las geniaus, sensiblas cantairas-musicianas e parièr engatjadas de Cocanha.
En duas tempsadas : Carolina aqueste còp e Lilà l’aute còp. Tanben qu’evocam lo somari de la revista Patrimòni, n° 115. Patrimòni, 2 Lassis 12430 Alrança, 05 65 61 63 74, patrimoni.com@orange.fr
© Amic Bedel
https://cocanha.bandcamp.com/track/diur-samsir
Diuré Samsir, qu’ei lo 1èr single d’album a viéner Flame Folclòre, qui sortirà en 2026. Qu’ei objècte d’un clip qui’vs dèisha de camas en-sus. La cançon que merca tanben lo començar de la collaboracion dab Bongo Joe. Produsit peu duo, l’album que contunha de revendicar lo folclòre occitan com espaci politic e incarnat, on la votz e los tamborins de còrdas e mian la dança, la resisténcia e la narracion. Mesclant la polifonia ipnotica de Lila Fraysse e Carolina Dufau, « Diuré Samsir » qu’exprimeish ua susmauta contemporanèa contra los paisatges abismats, las narracions impausadas e l’erosion deus bens comuns. Diuré Samsir qu’ei un prumèr apercebut minimaliste, hòrt e prigondament enrasigat de l’album a arribar. (presentacion de Diuré Samsir). Qu’evocam tanben un drin Serpente, cort-metratge dont participèn a l’elaboracion de la banda musicau.
Las musicas d’En Ondas
• Cocanha Puput Quauque còp
• Cocanha I ès ? Saut de Garona e Dempuèi Aurilhac
• Cocanha – Serpente (Bande Originale) – 01 Adiu Colobrina
• Cocanha – Diuré Samsir
Sonaus de Joan Francés Tisnèr Winter Surge inedit
Hadiu 