Octòbre 2017 – Pagina 2

En Ondas setm. 42 Josette Renaud UPCP Métive e De Bouche à Oreille

De Bouche à Oreille,Domenja Lekuona,En Ondas,Josette Renaud,Ràdio podcast de resisténcia en occitan,Ràdio podcast en occitan,UPCP Métive

Au somari d’En Ondas : en companhia de Josette Renaud, directora de l’UPCP Metive e deu hestenau De Bouche à Oreille http://www.metive.org/

Entervista en francés.
L’UPCP Métive qu’ei un centre de musica e dança tradicionau en Peitau-Charenta e Vendea. Qu’a lo sièti a Parthenay Mesun André Pacher, Maison des cultures de pays 1, arrua de La Vau St Jacques en la vila miejancera de Parthenay.

Per reservar tà l’espectacle de Yannick Jaulin Ma Langue maternelle va mourir et j’ai du mal à vous parler d’amour au Mont seguir : http://www.theatredegascogne.fr/lutece/jsp/site/Portal.jsp?page_id=70. E que’n tornam parlar la setmana per viéner.

L’espectacle dab Josette Renaud e dotze autes cantaires e contaires que’s titola Voix Populèr. Que’s darà au Théâtre des Quatre saisons de Gradignan lo 20 de deceme de 2017 a 20:15 http://www.t4saisons.com/programmation/umanitat-voix-popul%C3%A8res.

Las musicas d’En ondas :

Prismism
Esquiç 5 Christian Vieussens
The Last Door
Dark Waters
Interludi
One note
The Secret
 Sonaus de Denis Fournier e Percussions Profile Le Mystère de la Pyramide

E n’ètz d’avís ? 176 Domenja Lekuona Renovem cadièras longas

cadièra longa,chiliana,Domenja Lekuona,E n'ètz d'avís ?,Ràdio podcast de resisténcia en occitan,Ràdio podcast en occitan,renovacion

Solide qu’èm a la sason quan sarram meilèu los mòbles de per dehòra.

Justament qu’ei un bon moment per pausà’s las questions que cau.

Per dehòra elegim meilèu mestiors autas que los mòbles de plastic. Que nse podem fabricar mòbles en paletas, d’acacià, trenar mòbles o barrandas de castanh, d’averaèr, de bambó, de canavèra… depen d’on vivem o çò qui avem que possa au noste entorn.

L’ivèrn que cau aver un acès rudimentari per hà’us durar aqueths mòbles. Mes autanplan que pòden demorar contra ua paret acessats lo mei possible deus vents e deus plois.

Dens tots los cas que convien per exemple de tirar las telas de las cadièras longas o chilianas (qui seràn tostemps de coton e jamei de polipropilèn solide ! Simplicitat e ecologia obligan). La seguida dens la cronica !

En Ondas setm. 41 Marc Castanet per Gael-òc

Domenja Lekuona,En Ondas,Marc Castanet,Ràdio podcast de resisténcia en occitan,Ràdio podcast en occitan

Au somari d’En Ondas aquesta edicion :

Gaël-Oc lo libe en companhia de Marc Castanet

Projècte Go to the future en occitan http://www.go-to-the-future.eu/oc
Escòcia – Irlanda e Gasconha per Occitania.

Marc Castanet qu’ei musician, contaire e intervienent pedagogic per l’occitan au departament deu Gèrs. Encontrat au parat deu hestenau DansÀneu en Esterri d’Ànèu – Catalonha, on tocava dab Verd e Blu començar de julh de 2017.

Que’u seguim com pòrtavotz au nom de las sheis personas qui portèn aquesta realizacion. Que capihonam dab eth dens un projècte qui desvolopè ligams enter collegians gaelics (d’Escòcia e d’Irlanda) e occitans. Au-delà deu libe que s’ageish solide d’un tribalh bèth, bon e beròi de dus ans e miei d’encontres, d’escambis, de viatges, d’estudis, d’amistat, de produccion parièr d’un site internet Go to the future http://www.go-to-the-future.eu/oc que presenta aqueste tribalh au riquèr interdisciplinari gran en fòrma de maletas pedagogicas… qui seràn utilizadas au segur dab profieit dens las escòlas. Solide çò mei interessant probable per nosauts que serà d’investigar las ressorças gaelicas… http://www.go-to-the-future.eu/gaidhlig-gaeilge-english-toolkit, mes que podem tot a fèit au dia de uei desconéisher la nosta cultura e lavetz la maleta occitan-francés de lan roja e de cuèr saure http://www.go-to-the-future.eu/maleta-occitan-frances que serà ua bona iniciacion a la cultura per los que’n son despopats.

Per crompar Gael-ÒC 22 euros http://www.acppg.org.

Ua edicion d’En Ondas per l’occitan

Las musicas d’En ondas (màgerment nautats) :