E navèra escota ua emission d’En Ondas de 2012, montada tornar au format 45′ en 2020. E se cercatz de qué har quauque presentòt cercatz per aquiu que i ei un dusau álbum : https://denhaut.bandcamp.com/&&&& de’vs senhalar la musica originau deu documentari « Ici la forêt reviendra » [Thomas e Matèu Baudoin] qui serà difusat sus TV7 lo dihaus 25 de deceme a 9h30 deu ser e 11h30.
Sols e unics envitats Romain Colautti e Thomas Baudoin tau duò D’En Haut cuvada 2012. Que’vs parli d’un temps quan los gropes entertienèvan lo lor MySpace conscienciosament. Solide uei que son passats a auta causa: https://www.facebook.com/denhautmusica/. D’En Haut que sortín en 2013 un disc eponime suu label Pagans http://hartbrut.com/den-haut/
Las musicas d’En Ondas que son trobaderas uei https://pagans.bandcamp.com/album/den-haut sus D’En Haut, lo disc en 2013 + un aute en junh de 2024 : (captacion La Centrifugeuse 8/3/2012 mercés aus tecnicians e mercés a Phills de Radio Pau d’Ousse) * Coratge ma hilha * Tres son seroletas * La batalha d’Achòs * Rondèu * Branlo * La-baish * Capitèni Salias … Sonaus de Denis Fournier e Percussions Profile Le Mystère de la Pyramide
Las musicas d’En Ondas : Erik Truffaz Arkhangelsk * Miss Kaba * Trippin’ the lovelight fantastic * Les nuits de Monsieur Naj * Akiko * Arkhangelsk * Entre le ciel et l’eau • Sonau d’En Ondas : Denis Fournier & Percussions profile Le mystère de la pyramide
Jan-Mari Carlòtti [Meknès en octobre o noveme de 1948-18/10/2025]
Nautrei Siam Tres Bomians Noëls provençauxVinile de 1980 – los dab cara A e cara B… e deu son calorós, ample – sortit quate ans arron lo prumèr àlbum Cants e musicas de Provença, dus ans arron Cançons dei fèstas provençalas, un an abans Salabrun (1981) e quate abans Lignane / Linhana (1984 – 1997) (airau de la campanha d’Ais), aqueste qu’ei un disc de Jan-Mari Carlòtti en companhia de Patrick Vaillant, Michel Marre, Joël Allouch. E tanben m’agradè tanben Littorales de Bachas / Mont Jòia (1988). « L’istoricitat, la datacion, la localizacion, lo classament qui denòtan d’ua quèsta mau plaçada de l’identitat o, sordeish, de l’autenticitat, que’m pareishen incongruas, sovent, quan tractan deu folclòre qui escapa justament a « l’ordi deus relòtges », e qui ei de l’aute costat deu temps, deu maine de l’eternitat com las èrbas sauvatjas… Aqueth « sauvatge » que desarrigan de nos, despuish tres sègles en lo quite temps com desvaloran lo folclòre e que passan au genocidi lo brave pòple de Carnaval », c’escriu Carlòtti en 2002. Cf. De la langue à la création, Guide Provence-Alpes-Côte d’Azur, Région Paca. Nòta 11au deu papèr de Frank Tenaille sus FB lo 21/10/25. YouTube officiau de l’ass. MONT-JOIA e de Jan-Mari CARLOTTI @ https://www.facebook.com/frank.tenaille
•Anita Anita (1988) • Xavier «el Coixo» (1988) • Chansons de métiers de Provence et du Comtat Venaissin (1989) • Trobar 1 (1995) • Peire e lou loup (1997) Mont-Jòia – Nautrei Siam Tres Bomians Noëls provençaux Le Chant Du Monde – LDX 74742 Vinyle, LP, Album
Las musicas d’En Ondas • Jan-Mari Carlòtti – Patrici Cònte – Choà Dupont Mont Jòia Nautrei siam tres bomians – Bon vrèspe dònas e domaisèlas – L’i a quauquarren que m’a fach paur…- Nautrei siam aicí venguts – Pastres dei montanhas – Sus levem nos bregada – Nautrei siam tres bomians – Anuech nòstrei vesins – Anem veire l’enfanton – Sus, sus companhons – Lei gràcias dei meissoniers – Auprès d’aquel estable e Sant-Jousè m’a dich Sonaus de Joan Francés Tisnèr Winter Surge inedit
En Ondas especiau : de la geologia de la Vath deu Lui de Bearn tau bastit tradicionau – e de ueiaunaturau. En companhia agradabla de tres intervienent@s : Anaïs Lavielle, Clamenç Flouroux e Ivan Bareyre.A Sent Medard, lo 1èr de noveme de 2025, que devisèm de las mestiors deu sòu e de l’istòria geologica d’aqueth tròç de planeta. Sables e argelas (bigarradas compresas) qu’èran devant deus micros !
Argela mestior meravilhosa, Marcela Delpastre i comprés qui la nse hè tocar deu còr. Lo noste anar de hestejar lo centau aniversari de la soa vaduda a Marcela Delpastre [1925-1998] : procuratz-ve shens tardar lo numèro hòra seria deu Diari entà mei plan conéisher aqueth escrivan de tria de Germont en Lemosin dont l’òbra ei tant defenuda per Jan dau Melhau. D’alhors que v’i podetz abonar au Diari (en numeric 2 € per mes, au numèro 5 €, a l’an) lo n° actuau que pòrta suu Lop 🐺. https://lodiari.com/botiga/
Las musicas d’En Ondas • Jan-Mari Carlòtti Linhana | Lignane De vila vielha • Verd e Blu Musicas a dançar Dus Martine Petriat e JFT Suu camin de Sent Jaques + Be i avè 20 o 30 (extrèit) • Cocanha Puput Caro, Lila e Maud Suu camin de Sent Jaques Sonaus de Joan Francés Tisnèr Winter Surge inedit
De la geologia de la Vath deu Lui au bastit tradicionau e naturau de Sent Medard e entorns, en Vath deu Lui. D’escotar dens l’emission En Ondas de la setmana 49, qui sortirà lo diluns 1èr de deceme, en serada. En companhia agradabla de tres intervienent@s : Anaïs Lavielle, Clamenç Flouroux e Ivan Bareyre entervistats au Hestau Marteror (la dusau edicion), lo 1èr de noveme de 2025.Intervient vidèo en natura e au naturau : Ewan Plouma’ch de Campanha, un gran mercés 😊 a d’eth !
Au plaser !
De la géologie de la Vallée de Luy au bâti traditionnel et naturel de Saint-Médard et alentours À écouter dans l’émission En Ondes de la semaine 49, qui sortira le lundi 1er de décembre en soirée. En l’agréable compagnie de trois intervenants : Anaïs Lavielle, Clamenç Flouroux et Ivan Bareyre interviewés au Festival Marteror (la deuxième édition), le 1er novembre 2025. Intervenant de la vidéo en nature et au naturel : Ewan Plouma’ch de Campanha, un grand merci à lui ! Au plaisir !
L’envitada qui mercejam de transcendir la soa pena d’un dòu agut, qu’ei Nicole Peyrafitte de Banhèras de Luishon, de Borg d’Uelh com de Brooklyn e deu planeta a l’encòp. Com si ns’èram quitadas delà ger, quan probable… 145 luas se sian escorrudas despuish quan non nse parlèm mei. Dab era qu’evocam : Pierre Joris, poèta de l’engenh de tria, vadut a Luxemborg en 1946, emigrat aus Estats Units d’America en los ans 60 de l’aute sègle e qui se n’ei anat fin de heurèr d’augan. Nicole que ns’a plan volut parlar deu son companh. Poèta, traductor, antologista, escrivan, creator en quista perpetuau, òmi de ràdio de la votz unica. Ua votz qui hè ua gàbia segura e confortabla au sons perpaus, a las ideas qui l’animavan.
Las musicas d’En Ondas • Routes, no roots Pierre Joris This afternoon Dante • Las pèiras inedit Lutz en camin J. F. Tisnèr • Nicole Peyrafitte Garbure transcontinentale Passejada a la Peira hita • Michael Bisio Nicole Peyrafitte Whisk ! Don’t churn La rivière Sonaus de Joan Francés Tisnèr Winter Surge inedit
Maria Joana Verny entà Florilangues qu’ei l’envitada e que devisam mei dens En Ondas de Occitanisme1985 d’Andriu Lagarde.
Prumèr que devisam de Lengas, lo n° 97, de junh de 2025, revista de sociòlingüistica en Open Editions Journals. Editat per C. Lagarda Lingüistica e colonialisme : navèras practicas – Occitanisme 1985 d’Andriu Lagarda. De notar que pareisherà lèu en çò deu Trabucaire las collèctas de Crestian Lagarda (lo hilh), mesas en perspectivas e contextualizadas deus actors de l’occitanisme deus ans 1960-1980. E puish qu’encontram a Maria Joana Verny : los sons univèrs, lo son anar d’estar calorós, atrevit tà evocar lo tribalh collectiu entau manuau de literatura en lengas de França Florilangues – de l’Alsacian au Tahician – qui ei per paréisher a l’Aucèu Libre.
*********************
Maria Joana Verny est notre invitée pour Florilangues. Nous évoquons ses univers dans sa façon d’être chaleureuse, vive, tout en parlant du travail collectif réalisé pour le manuel de littérature Florilangues des langues de France – de l’Alsacien au Tahitien – et qui va paraître à l’Aucèu Libre. Tout d’abord nous parlons de Lengas, le n° 97 de juin 2025, revue de sociolinguistique en Open Editions Journals. Édité par C. Lagarda Linguistique et colonialisme : nouvelles pratiques – Occitanisme 1985 d’André Lagarde. À noter que paraîtront rapidement, les collectes de Crestian Lagarda (le fils), chez Trabucaire. Collectes mises en perspective et contextualisées des acteurs de l’occitanisme des années 1960-1980.
D’autes En Ondas dab Maria Joana. Bona escota ! d’autres émissions avec Marie-Jeanne : https://hadiu.eu/?s=verny. Bonne écoute !
Las musicas d’En Ondas • André Juliette Minvielle Ti’Bal tribal Nino • Tenarèze Aral Kerala La risièra • Femmouzes T Tripopular Beiris • Jan-Mari Carlòtti – Canta Aubanel Bec Bellaud – Teodòr Aubanèl Brinde a Zani + Robèrt Lafont intro a L’èga d’amor es mòrta a l’auba long lo camin dei desiranças Sonaus de Joan Francés Tisnèr Winter Surge inedit
Que recebem a Joan-Frederic Brun (1) qui ns’entertien deu 90au congrès mondiau deu Pen International deu 2 tau 5 de seteme de 2025 a Kraków en Polonha. De l’importància d’un espaci de pensada entà las escrituras e i comprés segur tà las escrituras non-egemonicas com l’occitana. Que parlam de l’escritura curda, oïgora, de las coreanas, quechuana, catalana, saami, gallèga e basca… Prumèr, quauques anóncias : * Lo Diari 87 – de la sublima cobèrta – (de seteme-octobre de 2025) 5 euros (abonament mesadèr a 2 euros passat adara. Numèro sus las Trobairitz : raras solide mes que n’i avó parièr quitament se lo nom ei quasi unic e d’autant rar dens la literatura deu temps enter los sègles 11au e 13au. De notar l’excellent hòra seria deu Diari sus Marcèla Delpastre : https://lodiari.com/botiga/lo-diari/lo-diari-al-numero/?attribute_numero=FS+n%C2%B006+-+%22Marcela+Delpastre%22 e l’aumenatge qui la hè Elisabeth Soulassol dens lo n* 93 de décembre de Poésie/première. * En soscripcion a l’Aucèu libre de Joan Ives Casanòva : Milli de Rousset – Marquis de Sade, Adieu bel ange, correspondéncia, edicion de Jean-Yves Casanova, 2025, 290 paginas, 18 euros. D’aqueth libe, lavetz per viéner, que nse’n parlè lo darrèr còp qui l’entervistèm Joan Ives Casanòva, qu’èra suu roman occitan.
90au congrès deu Pen internacionau on adoptèn 4 resolucions los escrivans amassats. Qu’ei Joan-Frederic Brun, lo president deu Pen club occitan qui nse’n entertien e parièr deu Pen Club Occitan, associat de 1961 enlà au Pen internacionau. Si voletz aderir e/o crompar lo libe numeric e-book Lenga Maire (2023) apotjatz-ve d’aquera direccion https://www.helloasso.com/associations/pen-club-occitan. Las quate resolucions deu 90au congrès mondiau deu Pen : – Suu desordi internacionau present e e las copaduras de patz ; – Sus la justícia climatica ; – Sus la diversitat de genre, los drets umans de las personas trans-genre e de las hemnas, patz e lo calendari de la securitat ; – Sus la libra expression aus Estats-Units… e òc que’n son renduts aquiu. (1) Mantuns sites de visitar : https://jfbrun.eu/lengadoc/ + lo son site scientific personau http://jeanfrederic.brun.free.fr/ e lo d’autor J.-F. Brun https://jfbrun.eu/lengadoc/autor.htm
Bibliografia : Lo retrach dau dieu Negre (roman fantastic) (1986) Setembralas (roman) (1992) Lo temps clar de las encantadas (nòvas) (2005) Luònh (narracion) (2006) Ciutats dins l’Azur (Reclams recuelh de novèlas de 2009) Las que dançavan dins la lutz (2012) Flors d’errança (2017) Lo bales dialectic (un libe de lenga e de cultura occitana montpelhierenca) Lo viatge de Xlo (roman de sciéncia-ficcion), Orthez, Per Noste, 2021 Poèmas : Estius e Secaresas (recuelh de poèmas de 1979) Lo doç esglai (recuelh de poèmas de 2003) Legendari de las despartidas / Légendaire des départs / Legends of departure, (occitan, francés, anglés), Montpeyroux, Jorn, 2009 Flors d’errança / Wandering flowers / Fleurs d’errance (occitan, anglés, francés), Montpeyroux, Jorn, 2017
Illustracion musicau d’En Ondas, quauques sonaus de la mia discotèca notaument Gli incogniti « Concerto grosso No. 8 in G Minor, Op. 6 ‘Fatto per la notte di Natale’_ V. Allegro – Pastorale (Largo) » dont la gavidaira e viu en Galícia, que n’ei question dens l’emission de la dormança deu Pen gallèc e de Joan Francés Tisnèr Winter Surge inedit
![En Ondas setm. 50 Jan-Mari Carlòtti [1948-2025]](https://hadiu.eu/wp-content/uploads/2025/12/2550_mont-joia-nautrei-siam-tres-bomians.jpg?w=924&h=0&crop=1)
Hadiu 
You must be logged in to post a comment.