E n’ètz d’avís ? 184 D. Lekuona Tirem l’esponja tà de bon 2/2

Purmèr de deishar completament de crompar esponjas, que calerà essajar d’abòrd d’entertiéner corrèctament las qui avem dejà. Que consisteish en lavar-las regularament au sablon. Tanben que pòden passar a la maquina de lavar. Mes l’astúcia que serà de deishar-las secar sus un rebòrd de hièstra, a l’aire, quauque còp au só (pas tròp pr’amor lo só quáccelerarà l’envielhiment de l’esponja, per que siin sanas e que ne’s delitin pas tant viste, o que non poireishin tant rapidament com pòt arribar dab las qui crompam en magasin bio). Aquò qu’ei ua prumèra faiçon de har per ralentir lo hèit de’n crompar sovent. Si’vs parli de la man com alternativa a l’esponja qu’ei qu’ac espravi cada dia e qu’ei ua amiga qui m’a amuishat quin har.

E n’ètz d’avís ? 183 D. Lekuona Alternativas a l’esponja 1/2

Trobem alternativas a l’esponja 1/2.
L’esponja qu’ei d’abòrd un organisme naturau, en l’ocurréncia l’esquelèta d’ua bèstia, un animau dont la hont n’ei pas infinida. Qu’avem a nse demandar quin hasèvam abans la soa espleitacion de per las nostas contradas. D’autant que uei que las produseishen industriaus e hartas de produits quimics. Trobà’i alternativas qu’ei important. En dus numèros d’E n’ètz d’avís ? qu’estudiam la question.