E n’ètz d’avís ? 176 Domenja Lekuona Renovem cadièras longas

Solide qu’èm a la sason quan sarram meilèu los mòbles de per dehòra.

Justament qu’ei un bon moment per pausà’s las questions que cau.

Per dehòra elegim meilèu mestiors autas que los mòbles de plastic. Que nse podem fabricar mòbles en paletas, d’acacià, trenar mòbles o barrandas de castanh, d’averaèr, de bambó, de canavèra… depen d’on vivem o çò qui avem que possa au noste entorn.

L’ivèrn que cau aver un acès rudimentari per hà’us durar aqueths mòbles. Mes autanplan que pòden demorar contra ua paret acessats lo mei possible deus vents e deus plois.

Dens tots los cas que convien per exemple de tirar las telas de las cadièras longas o chilianas (qui seràn tostemps de coton e jamei de polipropilèn solide ! Simplicitat e ecologia obligan). La seguida dens la cronica !

© D. Lekuona

En Ondas setm. 41 Marc Castanet per Gael-òc

Au somari d’En Ondas aquesta edicion :

Gaël-Oc lo libe en companhia de Marc Castanet

Marc Castanet qu’ei musician, contaire e intervienent pedagogic per l’occitan au departament deu Gèrs. Encontrat au parat deu hestenau DansÀneu en Esterri d’Ànèu – Catalonha, on tocava dab Verd e Blu començar de julh de 2017.

Que’u seguim com pòrtavotz au nom de las sheis personas qui portèn aquesta realizacion. Que capihonam dab eth dens un projècte qui desvolopè ligams enter collegians gaelics (d’Escòcia e d’Irlanda) e occitans. Au-delà deu libe que s’ageish solide d’un tribalh bèth, bon e beròi de dus ans e miei d’encontres, d’escambis, de viatges, d’estudis, d’amistat, de produccion parièr d’un site internet Go to the future http://www.go-to-the-future.eu/oc que presenta aqueste tribalh au riquèr interdisciplinari gran en fòrma de maletas pedagogicas… qui seràn utilizadas au segur dab profieit dens las escòlas. Solide çò mei interessant probable per nosauts que serà d’investigar las ressorças gaelicas… http://www.go-to-the-future.eu/gaidhlig-gaeilge-english-toolkit, mes que podem tot a fèit au dia de uei desconéisher la nosta cultura e lavetz la maleta occitan-francés de lan roja e de cuèr saure http://www.go-to-the-future.eu/maleta-occitan-frances que serà ua bona iniciacion a la cultura per los que’n son despopats.

Per crompar Gael-ÒC 22 euros http://www.acppg.org.

Ua edicion d’En Ondas per l’occitan

Las musicas d’En ondas (màgerment nautats) :

  • Aronde Novissima
  • Altan Blackwater ‘Stór, A Stór, A Ghrá
  • Denis Fournier Percussions profile Les vieux royaumes du soleil
  • Cocanha I ès Jamei jo non veirèi
  • Aqueles Punk’s not born La fèsta de l’Issanka
  • Mouth music Mouth music I Bhi A Da
 Sonaus de Denis Fournier e Percussions Profile Le Mystère de la Pyramide

E n’ètz d’avís ? 175 Fondamentaus 2/2

E n’ètz d’avís ? 172 Peirassilh benefic 1/2

Be pensavi, non i ei guaire enqüèra, lo petit nom de Persil qu’èra ua invencion de Claire Brétécher entà un deus pretendents potenciaus d’Agripina, Persil Wagonnet… los mens recèrcs per E n’ètz d’avís ? que’m destrompèn… Que cad un mite.
Uei qu’ei question deus ben·hèits deu peirassilh dens la cronica 1 de duas.

En Ondas setm. 24 Aqueles – M.-M. Robin, edicions

  • Projèctes autò produsits – segon lo precèpte que los finançaments publics son en asfixia, pas per tots mes en tots los cas PAS peu manants qui èm dens aquesta republica reiau, sustot si avem quauque pretencion a pensar per nosautes medishs.

* Qu’evocam d’abòrd lo filme per viéner de la documentarista Marie-Monique Robin a M2R films.

Lo trailer de « Le juge et l’herbicide” sus Vimeo

per ajudar : https://m2rfilms.com/le-juge-et-l-herbicide

* Que s’agirà tanben deu prumèr digipack deus cantaires Aqueles Punk’s not born. Un projècte qui ei boclat e plan boclat ! Aqueles com Pieds Nickelés (Louis Forton) cantants e plan nets sus eths… aparentament…

  • Edicions passadas (e actuaus parièr) en çò de Letras d’Òc e tanben alhors qui son tostemps de bon léger.

Las musicas d’En ondas :

  • Cocanha I ès ? Saut de Garona
  • Aqueles Punk’s not born
    ° Portem lo vin
    ° Lo Rossinholet
    ° Sul camin de cantalauseta
    ° Gé la Fiaca
 Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission

E n’ètz d’avís ? 171 D. Lekuona La saga de l’Ortiga 6/6

Per clavar quauques informacions de complement sus l’ortiga.
Segon los Shamans e autes guaridors tradicionaus, l’ortiga dioica qu’ei ua planta de huec e un còp en nos que permet de lutar eficaçament contra las pensadas e las energias negativas. D’après eths qu’ei ua planta protectora l’ortiga.
Que’s pòt préner ortiga en associacion dab d’autas plantas medicinaus e qu’ei d’aquò que devisam dens aquesta edicion de E n’ètz d’avís ?

Jòclong 084 Margarida Pèire Boissière

« Margarida », CD solo 25 títols junh de 2007 Cinq Planètes (estarit).
PÈIRE BOISSIÈRE  Cantaire, autor-compositor, contaire, formator en cant, ua de las referéncias en mestior de cant d’inspiracion tradicionau en Occitania.

E n’ètz d’avís ? 170 D. Lekuona La saga de l’ortiga 5/6

L’ortiga bèra e los sons ben·hèits 5/6
Ortiga grana e efèits segondaris, contra-indicacions
L’ortiga qu’ei especiaument segura e n’a pas contra-indicacions.
Qu’ei ua planta hèra plan coneishuda e utilizada en çò deu regne animau com deu vegetau despuish milierats d’annadas. Un deus efèits constatat qu’ei l’aumentacion possibla deu volume de las urinas, pr’amor qu’ei hòrtament diüretica.
Per redusir en prova las arradics d’ortiga grana (urtica dioica) que’m serveishi d’un tot petit (qu’ei mensh desesperant) molin mecanic, de tota mòda las quantitats que son tostemps moderadas e que vau miélher har se’n a mesura : atau las qualitats que son optimaus.
© La bèra ortiga Domenja Lekuona