En Ondas especiau : de la geologia de la Vath deu Lui de Bearn tau bastit tradicionau – e de ueiaunaturau. En companhia agradabla de tres intervienent@s : Anaïs Lavielle, Clamenç Flouroux e Ivan Bareyre.A Sent Medard, lo 1èr de noveme de 2025, que devisèm de las mestiors deu sòu e de l’istòria geologica d’aqueth tròç de planeta. Sables e argelas (bigarradas compresas) qu’èran devant deus micros !
Argela mestior meravilhosa, Marcela Delpastre i comprés qui la nse hè tocar deu còr. Lo noste anar de hestejar lo centau aniversari de la soa vaduda a Marcela Delpastre [1925-1998] : procuratz-ve shens tardar lo numèro hòra seria deu Diari entà mei plan conéisher aqueth escrivan de tria de Germont en Lemosin dont l’òbra ei tant defenuda per Jan dau Melhau. D’alhors que v’i podetz abonar au Diari (en numeric 2 € per mes, au numèro 5 €, a l’an) lo n° actuau que pòrta suu Lop 🐺. https://lodiari.com/botiga/
Las musicas d’En Ondas • Jan-Mari Carlòtti Linhana | Lignane De vila vielha • Verd e Blu Musicas a dançar Dus Martine Petriat e JFT Suu camin de Sent Jaques + Be i avè 20 o 30 (extrèit) • Cocanha Puput Caro, Lila e Maud Suu camin de Sent Jaques Sonaus de Joan Francés Tisnèr Winter Surge inedit
De la geologia de la Vath deu Lui au bastit tradicionau e naturau de Sent Medard e entorns, en Vath deu Lui. D’escotar dens l’emission En Ondas de la setmana 49, qui sortirà lo diluns 1èr de deceme, en serada. En companhia agradabla de tres intervienent@s : Anaïs Lavielle, Clamenç Flouroux e Ivan Bareyre entervistats au Hestau Marteror (la dusau edicion), lo 1èr de noveme de 2025.Intervient vidèo en natura e au naturau : Ewan Plouma’ch de Campanha, un gran mercés 😊 a d’eth !
Au plaser !
De la géologie de la Vallée de Luy au bâti traditionnel et naturel de Saint-Médard et alentours À écouter dans l’émission En Ondes de la semaine 49, qui sortira le lundi 1er de décembre en soirée. En l’agréable compagnie de trois intervenants : Anaïs Lavielle, Clamenç Flouroux et Ivan Bareyre interviewés au Festival Marteror (la deuxième édition), le 1er novembre 2025. Intervenant de la vidéo en nature et au naturel : Ewan Plouma’ch de Campanha, un grand merci à lui ! Au plaisir !
L’envitada qui mercejam de transcendir la soa pena d’un dòu agut, qu’ei Nicole Peyrafitte de Banhèras de Luishon, de Borg d’Uelh com de Brooklyn e deu planeta a l’encòp. Com si ns’èram quitadas delà ger, quan probable… 145 luas se sian escorrudas despuish quan non nse parlèm mei. Dab era qu’evocam : Pierre Joris, poèta de l’engenh de tria, vadut a Luxemborg en 1946, emigrat aus Estats Units d’America en los ans 60 de l’aute sègle e qui se n’ei anat fin de heurèr d’augan. Nicole que ns’a plan volut parlar deu son companh. Poèta, traductor, antologista, escrivan, creator en quista perpetuau, òmi de ràdio de la votz unica. Ua votz qui hè ua gàbia segura e confortabla au sons perpaus, a las ideas qui l’animavan.
Las musicas d’En Ondas • Routes, no roots Pierre Joris This afternoon Dante • Las pèiras inedit Lutz en camin J. F. Tisnèr • Nicole Peyrafitte Garbure transcontinentale Passejada a la Peira hita • Michael Bisio Nicole Peyrafitte Whisk ! Don’t churn La rivière Sonaus de Joan Francés Tisnèr Winter Surge inedit
Maria Joana Verny entà Florilangues qu’ei l’envitada e que devisam mei dens En Ondas de Occitanisme1985 d’Andriu Lagarde.
Prumèr que devisam de Lengas, lo n° 97, de junh de 2025, revista de sociòlingüistica en Open Editions Journals. Editat per C. Lagarda Lingüistica e colonialisme : navèras practicas – Occitanisme 1985 d’Andriu Lagarda. De notar que pareisherà lèu en çò deu Trabucaire las collèctas de Crestian Lagarda (lo hilh), mesas en perspectivas e contextualizadas deus actors de l’occitanisme deus ans 1960-1980. E puish qu’encontram a Maria Joana Verny : los sons univèrs, lo son anar d’estar calorós, atrevit tà evocar lo tribalh collectiu entau manuau de literatura en lengas de França Florilangues – de l’Alsacian au Tahician – qui ei per paréisher a l’Aucèu Libre.
*********************
Maria Joana Verny est notre invitée pour Florilangues. Nous évoquons ses univers dans sa façon d’être chaleureuse, vive, tout en parlant du travail collectif réalisé pour le manuel de littérature Florilangues des langues de France – de l’Alsacien au Tahitien – et qui va paraître à l’Aucèu Libre. Tout d’abord nous parlons de Lengas, le n° 97 de juin 2025, revue de sociolinguistique en Open Editions Journals. Édité par C. Lagarda Linguistique et colonialisme : nouvelles pratiques – Occitanisme 1985 d’André Lagarde. À noter que paraîtront rapidement, les collectes de Crestian Lagarda (le fils), chez Trabucaire. Collectes mises en perspective et contextualisées des acteurs de l’occitanisme des années 1960-1980.
D’autes En Ondas dab Maria Joana. Bona escota ! d’autres émissions avec Marie-Jeanne : https://hadiu.eu/?s=verny. Bonne écoute !
Las musicas d’En Ondas • André Juliette Minvielle Ti’Bal tribal Nino • Tenarèze Aral Kerala La risièra • Femmouzes T Tripopular Beiris • Jan-Mari Carlòtti – Canta Aubanel Bec Bellaud – Teodòr Aubanèl Brinde a Zani + Robèrt Lafont intro a L’èga d’amor es mòrta a l’auba long lo camin dei desiranças Sonaus de Joan Francés Tisnèr Winter Surge inedit
Que recebem a Joan-Frederic Brun (1) qui ns’entertien deu 90au congrès mondiau deu Pen International deu 2 tau 5 de seteme de 2025 a Kraków en Polonha. De l’importància d’un espaci de pensada entà las escrituras e i comprés segur tà las escrituras non-egemonicas com l’occitana. Que parlam de l’escritura curda, oïgora, de las coreanas, quechuana, catalana, saami, gallèga e basca… Prumèr, quauques anóncias : * Lo Diari 87 – de la sublima cobèrta – (de seteme-octobre de 2025) 5 euros (abonament mesadèr a 2 euros passat adara. Numèro sus las Trobairitz : raras solide mes que n’i avó parièr quitament se lo nom ei quasi unic e d’autant rar dens la literatura deu temps enter los sègles 11au e 13au. De notar l’excellent hòra seria deu Diari sus Marcèla Delpastre : https://lodiari.com/botiga/lo-diari/lo-diari-al-numero/?attribute_numero=FS+n%C2%B006+-+%22Marcela+Delpastre%22 e l’aumenatge qui la hè Elisabeth Soulassol dens lo n* 93 de décembre de Poésie/première. * En soscripcion a l’Aucèu libre de Joan Ives Casanòva : Milli de Rousset – Marquis de Sade, Adieu bel ange, correspondéncia, edicion de Jean-Yves Casanova, 2025, 290 paginas, 18 euros. D’aqueth libe, lavetz per viéner, que nse’n parlè lo darrèr còp qui l’entervistèm Joan Ives Casanòva, qu’èra suu roman occitan.
90au congrès deu Pen internacionau on adoptèn 4 resolucions los escrivans amassats. Qu’ei Joan-Frederic Brun, lo president deu Pen club occitan qui nse’n entertien e parièr deu Pen Club Occitan, associat de 1961 enlà au Pen internacionau. Si voletz aderir e/o crompar lo libe numeric e-book Lenga Maire (2023) apotjatz-ve d’aquera direccion https://www.helloasso.com/associations/pen-club-occitan. Las quate resolucions deu 90au congrès mondiau deu Pen : – Suu desordi internacionau present e e las copaduras de patz ; – Sus la justícia climatica ; – Sus la diversitat de genre, los drets umans de las personas trans-genre e de las hemnas, patz e lo calendari de la securitat ; – Sus la libra expression aus Estats-Units… e òc que’n son renduts aquiu. (1) Mantuns sites de visitar : https://jfbrun.eu/lengadoc/ + lo son site scientific personau http://jeanfrederic.brun.free.fr/ e lo d’autor J.-F. Brun https://jfbrun.eu/lengadoc/autor.htm
Bibliografia : Lo retrach dau dieu Negre (roman fantastic) (1986) Setembralas (roman) (1992) Lo temps clar de las encantadas (nòvas) (2005) Luònh (narracion) (2006) Ciutats dins l’Azur (Reclams recuelh de novèlas de 2009) Las que dançavan dins la lutz (2012) Flors d’errança (2017) Lo bales dialectic (un libe de lenga e de cultura occitana montpelhierenca) Lo viatge de Xlo (roman de sciéncia-ficcion), Orthez, Per Noste, 2021 Poèmas : Estius e Secaresas (recuelh de poèmas de 1979) Lo doç esglai (recuelh de poèmas de 2003) Legendari de las despartidas / Légendaire des départs / Legends of departure, (occitan, francés, anglés), Montpeyroux, Jorn, 2009 Flors d’errança / Wandering flowers / Fleurs d’errance (occitan, anglés, francés), Montpeyroux, Jorn, 2017
Illustracion musicau d’En Ondas, quauques sonaus de la mia discotèca notaument Gli incogniti « Concerto grosso No. 8 in G Minor, Op. 6 ‘Fatto per la notte di Natale’_ V. Allegro – Pastorale (Largo) » dont la gavidaira e viu en Galícia, que n’ei question dens l’emission de la dormança deu Pen gallèc e de Joan Francés Tisnèr Winter Surge inedit
L’envitada qu’ei Eva Cassagnet, autora, illustratora e realizatora. (2025 Lo Chivau de las espelugas a PER NOSTE, ua collaboracion au roman de sciéncia-ficcion de la Musnegra Tempèsta d’enlà e Lo Camparòu, ultime vadut peu moment, arron Paraulinas, L’Ors e las sasons en çò de RECLAMS). Descobritz aquera poliescrivana a establir la nosta sagà. Deu dessenh a l’audiovisuau en bèth passar per l’essai, que peruca au roman de sciéncia ficcion e s’i hè a de bonas au roman istoric. A tot atge que la podem seguir, sobeirana tà portar un brave bohet d’aire fresc. • Un numèro de l’emission « Artistas de noste » que l’ei dedicat sus Òc Tele : https://www.octele.com • La soa pagina d’autora sus Reclams.org : https://www.reclams.org/oc/autors/782-eva-cassagnet Qu’a publicat d’autes libes entaus petitons e entaus mei grans per exemple : D’on vienen las estelas (en occitan gascon e languedocian) a l’IEO. E i comprés dus Kamishibai en çò d’Edite-moi Edition : Mès on ei ? (e La Mosca…). En video qu’a realizat per exemple e enter autes documentaris sus Salias de Bearn : dus Descobr’aquí tà Oc Tele dab los collegians de Salias : ua visita de la Salias legendària e un documentari sus l’aur blanc de Salias. Eva qu’ei tanben l’autora realizatora deus 20 prumèrs episòdis (2024-2025) deu Clacamion [le foodtruck] (seria difusada sus TV7 e Oc Tele) e dont visionaram quauques episòdis… ua seria qui’s perseguirà. Enfin que produseish sus Art’Òc (5 filmòts) : https://indymotion.fr/a/art_oc/video-channels
Lo noste jòc deus pleonasmes (toponimics) dens aquera edicion : quau ei lo pleonasme beròi qui nse hè descobrir Evà Cassagnet arron „Le Chemin du Camin salièr” e autes „La Val d’Aran” que nse’n apren un Evà au cors de l’entervista a prepaus deu Chivau … la o lo qui ac sapia e qui ac hacia saber a domenja@hadiu.eu que ganha un quauquarren. Camparòu, Chivau, Espeluga, Tempèsta, Clacamion (un neologisme de la soa tròba) que son los mots claus.
Las musicas d’En Ondas • Verd e Blu Musicas a dançar Dus Camparòus • Björk Volta Earth intruders • Rosina e Martina de Pèire Los dus filhets del rei • Les manufactures verbales Sonet de Bernat Manciet Mila Chivaus • The who Who ‹ s better Who’s best Picture of Lily • Brian Eno Don’t look back • Goran Bregovic Tales & Songs from weddings Hop Hop Sonaus de Joan Francés Tisnèr Winter Surge inedit
EN NAVÈRA ESCOTA, UN PROGRAMA D’OCTOBRE DE 2019 DAB GEORGES SOUCHE
La votz de Georges Souche, fotografa de tria, acompanhada de la de Joan-Claudi Forêt, escrivan d’engenh per traucar las brumas, La Traversée des Brumes qu’ei lo temps #1 de Planeta Salagon, un projècte multimèdia : mustras, àlbums fotografics, epics e poetics. Que devisam dab eths de l’àlbum espelit a las edicions Cardabèla http://www.georges-souche.com/boutique/livres-disponibles/planete-salagou-la-traversee-des-brumes/). [Avís ! Ne’n demora mei qu’un quart de cent d’aqueth beròi libe] Estètas, ascètas de l’imatge o de la frasa qu’uneish ua laca paradoxau (segon los mots de Joan Claudi Forêt) a l’encòp artificiau e vaduda, en cinquanta ans, vector de natura.
De Joan Claudi Forêt • La Vallée perdue (prumèr roman qui a per quadre los Aups) Didier Richard 1987 e 2002 • La Pèira d’asard (IEO, A Tots, 1990). Prèmi Pau Froment 1991 • Lo libre dels grands nombres o falses e us de fals (El Trabucaire, 1998). Prèmi Antigòna 2000 • Sang e saba (El Trabucaire, 2005) • Tres pòbles de la lòna (2006) etnologias imaginàrias • Cants de l’ochava, Òc, (2000) • Un grand eissam de mots, Edicions EMCC (2013) • Cinquanta cinc sonets de Shakespeare, L’aucèu libre (2018)
Jan Mari Carlòtti que se n’ei anat har topins au cèu de las e deus musician@s e de las e deus uman@s. Que nse demoran ua musica, ua votz, uas guitarras tà adocir lo despart. Tà l’escotar o tau descobrir dab los companhs musicians :
Las musicas d’En Ondas (de tots petis extrèits e perdons aus autors interprèstes) • JF Tisnèr Sorrom Borrom (extrèits de poesia epica de S. Javaloyès) Nhacar la pèth de l’aire • Erik Truffaz Face à FaceThe walk of the giant Turtle • Arnau Obiols Projècte PirèneAiga III • Valentin e Corentin Laborde IlixoL’éveil de la Salamandre • Rabih Abou-Khalil The cactus of knowledgeOne Of Those Days • Arco Alpino Violons TraditionnelsLo Bacubert+Seguida de Rigaudons Sonaus de Denis Fournier e Percussions Profile Le Mystère de la Pyramide
Au començar deu mes d’octobre, lo 5, que’s tiengó « Husta en hèsta« . Com ua impertinéncia, plea de vita e de jòia, de cara a l’empèri artificializat a Noguèras-Pardias-Morencs. Que’m vieni de trobar tornar ua capsula de fin de 2024 demorada shens publicacion e perduda hens los arcanes deu men blòg. Perdon per aquera laténcia. Que’m permet de reparar aqueth desbromb e de relaiar un aperet a aderir per 15 euros e participar a la vita de l’associacion. Lo lor blòg : https://www.moblesehustas.fr/blog + lo lor facebook : https://www.facebook.com/groups/474001381264856/
Hadiu 
You must be logged in to post a comment.