Author: Hadiu de Domenja

Lo subjècte de l’emission d’aquesta setmana qu’ei lo lengatge shiulat de noste e de las Islas Canarias dens l’Atlantic quauques detzenats de quilomètres au larg de las còstas marocanas.
Las sèt Islas Canarias de climat subtropicau que hèn partida de la Macaronesia a l’ultraperiferia de l’Union Europèa com disen, qu’ei ua comunitat autonòma despuish 1982, que son canarians de nacionalitat despuish 1996. Qu’an decidit la lor adesion a l’Union europèa per referendum per exemple.{play}images/stories/dom/an/120222_shiular_eo_an.mp3{/play}

David Diaz Reyes a Aas

Avís, lo shiular/el silbo non ei pas lo hèit agradiu de musiquejar en shiular mes lo hèit de parlar un lengatge articulat en shiular.
Ua edicion especiau d’En Ondas qui nos hè tocar deu dit o meilèu de l’aurelha, l’universalitat d’aqueste tipe de comunicacion.
Ua comunicacion adaptada a avalir la distància geografica en país montanhòu que sia suus penents deu Teide o de l’Aussau, per la propagacion de las ondas vibratòrias shiuladas tà’s díser quauquarren : un salut, un messatge practic, un poèma o un mot de simpatia.

Portada de disc de Rogelio Botanz

Lo lengatge shiulat qu’ei un sistèma substitutiu a un lengatge naturau. E lo saber shiular qu’ei la capacitat universau qui propulsa lo son parlat. Los protagonistas de l’emission que son David Diaz Reyes, Gérard Puchèu e Rogelio Botanz. Blòc de « Lo Bearn Shiula » : shiulaires d’Aas, de Turquia, de las Canarias, etc.
http://sibilinguae.blog4ever.com & sibilinguae@online.fr