Category: Bastien Miquèu

En Ondas setm. 42 Pascal J. Thomas 2/2

Bastien Miquèu,Benoît Larradet,canta,Canta se gausas,Cantèra,En Ondas,Jean-Pierre Lafforgue (1867-1949),KWS,Lafforgue,Peadas,Ràdio podcast de resisténcia en occitan,Reclams,Robert Escarpit,Roger Lapassade,Sciéncia ficcion

Seguida, fin de la tempsada dab Pascal J. Thomas.
Evocacion de l’editor entau joenèr Peadas a truvèrs publicacions recentas. La vesia es amorosa de Regís Lejonc. Ei en un sens l’amor ?, E pòt estar en movement e partatjat ? Seguitz lo viatge, a partir de quate ans en un libe illustrat plan colorat. D’autes libes qu’an publicat e per exemple : Mos trufem pas tròp de las bèstias – Contes de Sava per J.-P. Lafforgue. Dètz contes de bèstias escriuts peu Joan-Pèire Lafforgue (1867-1949) au començament deu sègle XX, jamès publicats amassa, jamès prepausats en grafia classica e que s’ameritavan d’estar botats a la disposicion deus legidors de uei.

Dab Pascal J. Thomas qu’evocam Robert Escarpit, Tempèsta d’enlà per la Musnegra en çò de Reclams en 2025, 192pp., cob. col. ill. NB. Dens Tempèsta d’enlà, Pascal J. Thomas que signa un capítols e tanben se verifica – dab d’autes – la coesion d’escritura, qu’espia finament parièr l’admissibilitat de l’istòria, costat sciéncia ficcion. Que parlam parièr de creacion d’escritura.
Suu fanzine KWS (Keep watching the skies). Entà v’i abonar, un chèc de 20 euros que serà planviengut Chècs de hicar au nom de Pascal J. Thomas 7, rue des Saules 31400 Toulouse mailto:pascal.thomas@math.univ-toulouse.fr. De notar que los numèros de 1 tà 86 que son legeders e consultaders sus internet : http://www.quarante-deux.org a la rubrica, KWS [K V doble S]. Que’n son renduts au n° 96 e lhèu tau gèsto simbolic deu nombre, Pascal qu’ac deisharà a la centau liurason. Atau qu’ac sabetz tot ! E que’u desiram bona canta dab Tolosa cantèra !

Las musicas d’En Ondas
• Travel Music Michaël Bisio
• Adrià Grandià Divisa Cinemascope
• Aèdes Gaves Coma l’aiga
• André Minvielle e Serge Pey Nous sommes cernés par les cibles Chanson pour un indien mort
• Ariondela Dòna Bianca La Tabachin-a
 Sonaus de Joan Francés Tisnèr Winter Surge inedit

En Ondas setm. 19 Maurici Romieu

Abat Laborde,Arbiost,Areta,Art religiós,Aush,Bastien Miquèu,Cant de la Sibila,Edicions Escòla Gaston Febus,En Ondas,Golgòta,Gran judici,Lescar,Longin,Maurici Romieu,Passions,Queiràs,Ràdio podcast de resisténcia en occitan,St Venan en Queiràs,Varètja

Dab Maurici Romieu que perseguim d’explorar Les passions pyrénéennes chantées : Arette, Arbéost, Barèges qui anòta, presenta e arrevira en çò de las edicions de l’Escòla Gaston Fèbus en març de 2022. Un libe a l’italiana de 127 paginas, compaginadas per Maria Taïbi e ricament illustrat en color dehens, en negre e blanc en cobèrta. 19 euros.
Aqueste còp que parlam de la realizacion d’aqueste libe qui presenta tres tèxtes cuelhuts au cors deu sègle XIXau a Areta en Varetons, a Arbiost enter Vath de Ferrièras e Lavedan e Varètja en Lavedan. Per estar profanes qu’èran cantats com planhs, lo Dijaus sent au parat de las ceremonias organizadas en las glèisas. Qu’ei completat dab fòtos de la produccion artistica inspirada per la Passion: frescas, pintruras muraus, baishs relhèus, estatuas de glèisas de las vilas e deus vilatges pirenencs. Jean-Claude Clermont que dè la man entaus recèrcs e tribalh fotografics.

Dens l’emission qui seguirà qu’evocaram tanben l’edicion de l’Elucidari de las proprietatz de totas retz naturaus, mena d’enciclopedia deu sègle XIVau dont l’edicion seguirà – animada per ua mustra – tostemps en çò de las edicions de l’Escòla Gaston Fèbus.

Las musicas d’En Ondas
• Arco Alpino Patric Valhant Rigaudon Testard pr’amor Ponhatrèr com a Maurici Romieu que’n cau, aquiu recèrcs que vaden un libe remarcable
• Canti de la setimana santa (Messina Enna Catania) I doli dû Signuri + Ciangi, Ciangi Maria 1 [plora, plora Maria]
• Joan Francés Tisnèr Tralhaires La Passion de la sorcièra (extrèit tot petit d’aquesta pèça)
 Sonaus de Joan Francés Tisnèr Winter Surge inedit

En Ondas setm. 48 Era Canta, lo libe e Canta se gausas, la 1èra edicion en navèra difusion

Bastien Miquèu,cant,cant gascon,canta a capella,canta occitana,Canta se gausas,Domenja Lekuona,En Ondas,Marieta Berd,Pascau Caumont,Ràdio podcast en occitan

Lo libe deu quau e’vs vau entertiéner qu’ei ua pèira mei a d’aquesta jòlha qu’ei la canta.

  • Que’s titola Era canta actes deu collòqui de 2016 publicats en 2018 dab las contribucions de Loís Mandère (qui’s morí en genèr de 2018), Geneviève Laulhèra-Clément, Sèrgi Javaloyès, Alain Munoz, Joan Jaques Casteret e Gilabèrt Nariòo, edicion per Transmetem a Auloron. Se’vs voletz cultivar sus çò que representa la canta en occitan esitetz pas Era canta qu’ei disponible en çò de Transmetem per 20 euros transmetem@orange.fr 1, carrèra Gassion 64400 Auloron

  • Com èm la darrèra setmana deu mes e qu’èi pres costuma de har préner l’èr a reportatges anteriors – qu’n soi presentament a 37 ans de ràdio – qu’èi cavat dens la sonotèca per nse tornar a l’epòca – onze ans i a – deu prumèr Canta se gausas de 2007 a la sala Pèire Comet d’Ibòs. A d’aqueth parat qu’escotaram a Bastien Miquèu (Allegria), Pascau Caumont (Vox Bigerri) e Marieta Berd (Monesi). Canta se gausas

Las musicas d’En ondas :

  • La Novem Mon doç amic

  • Daunas de còr Airetèras Borrèias

  • Vath d’Aspa Montanha sacrata Holeta

  • Vox Bigerri Via deths aires Era cançon de Granger

  • Pagalhós La sobirana La vielha usina

  • Ardalh Tresau Augan i a un pastor

Sonaus de Denis Fournier e Percussions Profile Le Mystère de la Pyramide