L’escritura de La nuèit, lo jorn = la nuit, le jour, lhèu be la cau abordar com ua liberacion d’un pes – l’esglachar de «l’escrèpi jos ua pèira de garriga» – e a l’encòp un camin de trobar e de har enténer la vertat. Pausar per la fin los mots per que la(s) vertat(s) e sian ditas. Las de la mair, de la sòr e de tota la familha. Ua escritura polimorfica, metamorfica de tant e torna còser los possibles en un devís ipnotic d’introspeccion. L’editor L’Aucèu Libre qu’ei de contactar : sus Cara de boc o en Tuitejar L’Aucèu libremailto:lauceulibre@gmail.com
La nuèit, lo jorn= la nuit, le jour . – Ulisses Azibèrt . – Salinelles : l’Aucèu libre, Julh de 2020, 130p., 10 euros
Las musicas d’En Ondas • Brian Eno Marseilles • Compagnie Montanaro SerduBintou • Rolland Audà, sus un tèxte deu qui a causit de s’aperar Ulisses Azibèrt per «La nuèit, lo jorn» Lo rei dels molins Final Sonaus de Denis Fournier e Percussions Profile Le Mystère de la Pyramide
La nuèit, lo jorn= la nuit, le jour ; Salinelles : l’Aucèu libre, Julh de 2020, bilingüe. En cobèrta un detalh d’ua òbra Que Dieu est sublime de Samba Baldé pintor de Kolda au Senegau. Dens lo libe ua illustracion color, fòto d’ua pintrura murau suu camin de Dakar-Mbour sus las grossèssas precòças, presa per l’autor au Senegau, 130 p. Un obratge que parla de l’incèste, deu secret, de la familha, de l’autoritat, deu non-consentiment, de patriarcat consentit|subit e sustot d’impossibilitat au bonur e de sacamandejar. Qu’èi envejas de díser qu’ei aqueste tèxte ua Autabiografia e mei au plurau Autasbiografias, autò-ficcions escriutas per l’autor e las votz que pòrta, las de la sòr e de la mair, deus que davantejan e deus apuish vaduts. Un liberòt pareishut abans lo batatge de LaFamilia Grande que Camille Kouchner a avut lo coratge d’escríver. Tot com Ulisses Azibèrt ac gausa ! Sus cara de boc o en tuitejar L’Aucèu libre mailto:lauceulibre@gmail.com
Que recebem a Laurent Labadie per la platafòrma de filmes d’animacion, filmes, serias e documentaris Oc Vod. https://www.ocvod.fr/oc/genre/dessenhs-animats/. Laurenç qu’ei artista, comedian, director artistic en teatre, musica, video e especializat dens lo doblatge en occitan dab Contà’m (un tribalh important que lo entau site per creditar cada persona !)
« Far de poësia per estar estar traucat per l’univèrs » ce nse hida Frederic Fijac. « Geofoniar » lo monde en poèmas lhèu be seré ua de las soas ambicions : « Trigadisnar per jo amorós e ahamiat de mapas que sonava coma Tomboctó« ce’n nse ditz.
Setòrias : Setoises de Frederic Fijac editat dab suenh a l’Aucèu libre lauceulibre@gmail.com
Seta, pòrt mediterranèu esmiraglant: per pescar o mercandejar. Tèrra d’immigracion, d’escambis, sobac per refugiats e emigrants, nomats pudicament migrants uei-lo-dia, despatriats economics o d’ideas, viatjants demandaires d’asile a « nosauts qui avem lo badge » com ac ditz Frederic Fijac : quin non pas reconeishe’s dens la beutat d’escritura e d’umanitat d’aquestes poèmas !
• Setòrias = Sétoises : version francesa de l’autor. Salinèlas, L’Aucèu libre, 2020. 78pp. 10 euros. Cobèrta Gaëtan Cabannes Lèu tot s’escantís per jamai (in Sonet d’un poèta abans de s’anar negar de Pau Froment). https://www.facebook.com/lauceulibre/posts
Las musicas d’En Ondas
• Joan Pau Verdier La Vielha (Tèxtes de Miquèu Chapduèlh 1973 Occitània sempre Desemplumat, Las Maussièras, En passar, La Bona chanson ; 1974 L’exil Soi una puta, Pòrta-crotz, pòrta-bandièra, Lo vilatge Nejat, Désert ; 1975 Faits divers Preséncias). • Pirenèus Pirineos Pyrénées Chicotèn V A las Barricadas (a la demanda de Frederic Fijac com Pink Floyd e Coltrane) • Pink Floyd Cirrur Minor • John Coltrane My favourite things 1961 Sonaus de Denis Fournier e Percussions Profile Le Mystère de la Pyramide
Que vos perpausam duas edicions d’„En Ondas” dab Frederic Fijac. La soa actualitat qu’ei Setòrias, poèmas en version bilingua pareishuts a Salinèlas, a l’Aucèu libre, en mai de 2020. Que’n serà question mei abans dens la dusau part d’En Ondas la setmana per viéner. En aquesta prumèra qu’aprenem a mei plan coneishé’u e que devisam solide de „Oc” la revista mitica que pren suenh, dab d’autes companhas e companhs, d’agergar e de caminar dab.
@ Frederic Fijac « Calhaus amassat pels rius del meu païs »
Un libe singular que m’acompanhè en 2020 : l’autobiografia filosofica de Barbara Cassin co-escriuta dab lo hilh „Le bonheur, sa dent douce à la mort”* . Estomaganta de luciditat, de franquesa e de libertat, shens faussa pudor, shens temptar d’escríver tornar l’istòria mes en dar-la tota cruda. Un tribalh de memòri mair-hilh desconcertant per moment, qui agusa l’atencion a mesura de la lectura : question de lenga, de mot, de nom, d’expression : « …Tostemps ua frasa : aquò que cristalliza e qu’avita un tròç de saber d’un aute ordi, quauquarren com un concèpte, ua idea filosofica. Quin procedim quauque còp ?… Que’m brembi, ne’m brembi pas. Tant de charme i a, mes tanben tanta rusa dens çò que causim de nse brembar. Aquestas frasas que son com noms pròpis, que titolejan los soviers. Quan ne’n parli, quan parli, que compreni perqué e quin m’an hèit viver-e-pensar » (en un sol grafèma). * Le bonheur, sa dent douce à la mort Barbara (bla, bla, bla) Cassin e deu hilh son Victor Legendre. Paris, Fayard, 244pp., notes 20 euros. En exèrga los vèrs d’Arthur Rimbaud d’on ei tirat lo títol ; en cobèrta Hokus Pokus Portrèit de Baba per Hélène Caroli-Cassin. (tanben de v’aconselhar de Vinciane Desprets Au bonheur des morts [Lejut en e-book]).
• Setòrias = Sétoises : version francesa de l’autor. Salinèlas, L’Aucèu bibre, 2020. 78pp. 10 euros. Cobèrta Gaëtan Cabannes Lèu tot s’escantís per jamai (in Sonet d’un poèta abans de s’anar negar de Pau Froment).
Las musicas d’En Ondas • Joan Pau Verdier Ni Diu, ni mèstreNi Diu ni Mèstre • Françoise Etay Jan dau Melhau Vriulons lemosins Ab’aqui praubes dròllesLo cocut e l’irondela _ lo darrièr jorn de l’an • Jan Garbarek Officum novumTres morillas me n’amoran • May Monday MidnightLumen Valossa • Elena Ledda AmarguraIn’Sora • Tenarèze AralKerala La Risèra 1 e 2 Sonaus de Denis Fournier e Percussions Profile Le Mystère de la Pyramide
Hadiu 
You must be logged in to post a comment.