Los prumèrs encontres d’En Ondas aquesta sason 2025-2026 qui s’òrb d’ací pòcs dias, en companhia notaument de : Pascau J. Thomas ~ Joan-Frederic Brun ~ Eva Cassagnet ~ Nicole Peyrahitta e parièr Joan-Ives Royer gessit d’un preciós archiu enondesc. Hurgatz dab las aurelhas e que’n serèi urosa.
Que soi urosa de v’anonciar la creacion de podcasts ràdio en occitan e en francés suu Yuan Gong qigong de Ren Xue qui practiqui despuish 9 ans e qui ensenhi que hè la cinquau annada | Je suis heureuse de vous annoncer la création de podcasts radio en occitan et en français sur le Yuan Gong qigong de Ren Xue que je pratique depuis 9 ans et que j’enseigne depuis 5 ans.
Cronicas en situacion de practica, d’un detzenat de minutas, qui voi las mei simplas de seguir, sus la toa ràdio :
Occitania a Tolosa,
Pirenèus en los pirenèus,
Radio nos cultures-Gure kulturak-Culturas nòstas sus Bordèu
…
e suu web :
• Cap a Cap webradio,
• Hapchot webradio.
E d’autas quan ne sian d’avís… que son a’s decidir 😊
En occitan gascon e en francés estandard dab punta d’accent. Chroniques tanben en escota a la demanda suu blòg Hadiu tau Yuan gong qigong [domenja].
Des chroniques en situation, que je veux les plus simples à suivre, sur ta radio : Occitania à Toulouse, Pirenèus dans les Pyrénées et jusqu’Aran, Radio nos cultures-gurekulturak-culturas nòstas sur Bordeaux… et sur internet : Cap a Cap webradio, Hapchot webradio. D’autres quand elles se seront décidées. Chroniques en écoute à la demande sur mon blog Hadiu à la page dédiée.
Au plaisir ! Au plaser !
Avís : Aquestes podcasts que son sonque un supòrt d’iniciacion a las praticas. Non son pas concebuts tà’s substituir a apréner los metòdes a de bonas. Instruccions corrèctes, detalhadas, en tot lo temps qui hè besonh, dab ensenhaires qualificats – quitament se Domenja ei qualificada au 6au e ultim grad de Ren Xue – que son determinantas tà apréner e practicar de mòde segur e eficaç tot metòde deu Yuan Gong qigong abordat hens lo present podcast.
Attention : Ces podcasts sont uniquement un support d’initiation aux pratiques. Ils ne peuvent se substituer à un apprentissage de ces méthodes pour de bon. Des instructions correctes et détaillées, dans tout le temps nécessaire, avec des enseignants qualifiés – même si Domenja est qualifiée au 6ème et ultime niveau des enseignement Ren Xue – sont déterminantes pour apprendre et pratiquer de façon sûre et efficace les méthodes Yuan Gong qigong qui ne seront qu’abordés dans les podcasts.
En Ondas qu’ei un programa consacrat màgerment a creatoras e creators, escrivanas e escrivans, editoras e editors occitans. Tanben que s’interèssa per còp a questions environamentaus o deus drets de la persona.
E lhèu v’interessarà d’escotar quauques uas de mias descobèrtas desbrombadas ! Qu’èi de qué móler e arremóler dens aqueths quaranta ans d’encontres radiofonics (ensentits vint !).
A lèu : prumèra liurason tà la setmana 41 e prumèra d’octobre.
Sus las vòstas ràdios aimadetas : Occitania, Pirenèus, Nos cultures-gure kulturak-culturas nòstas, Verdon, Cap a cap, Hapchotwebradio e Lourdes radio.
O peu podcast en escota a la demanda suu present blòg.
En Ondas est un programme consacré principalement à des créatrices et créateurs, écrivaines et écrivains, éditrices et éditeurs occitans. Le programme s’intéresse aussi parfois à des questions environnementales ou aux droits de la personne.
Et peut-être cela vous intéressera-t’il d’écouter quelques-unes de mes découvertes oubliées ! J’ai de quoi moudre et rabâcher dans ces quarante ans de rencontres radiophoniques (ressentis vingt !). À bientôt semaine 41 et première d’octobre. En podcast et écoute à la demande et sur vos radios chéries : Occitania, Pirenèus, Nos cultures-gure kulturak-culturas nòstas, Verdon, Cap a cap, Hapchotwebradio et Lourdes radio.
L’emission – qu’ei quasi tostemps la medisha… De Calams d’Occitania deus ans ueitanta a Quina fragilitat, deus navanta tà En Ondas deus ans dus mila. Que jòga las perlongacions deliciosas en 2025 e au-delà. Ne m’alassi pas d’aqueth rendetz-vos preciós. Mantuns centenats de programas dont ua bona part en lo present blòg En Ondas – Hadiu↗. Archius a fanègas de renavir !
Rendetz-vos en octobre dens la vòsta ràdio : Radio Occitània, Ràdio Cap a Cap, Ràdio Nos Cultures, Hapchot webradio, Pirenèus radio, Lourdes radio, Radio Verdon… au plaser !
L’émission – est presque toujours la même… de Calams d’Occitania des ans quatre-vingts à Quina fragilitat, des quatre-vingt-dix à En Ondas des années deux mille. Elle joue de délicieuses prolongations en 2025 et au-au-delà. Je ne me fatigue pas de ce rendez-vous précieux. Plusieurs centaines de programmes dont une bonne part dans le blog En Ondas – Hadiu↗. Des archives à profusion qu’il me reste à refaire vivre !
Rendez-vous en octobre dans votre radio : Ràdio Occitania, Radio Cap a Cap, Radio Nos Cultures, Hapchot webradio, Pyrenèus radio, Lourdes radio, Radio Verdon… Au plaisir !
Que ns’i tornam pro viste. Au plaser ! | On se retrouve bientôt. Au plaisir !
mailto:chancaires@gmail.com
mailto:domenja@renxuefrancophonie.com
Aus ueitanta-cinc, Pierre Corbefin se n’ei anat aqueth 30 de mai de 2025.
S’ei tristèr de’u dever deishar, totun l’accion e l’òbra que perduraràn e qu’influenciaràn hèra de gents au-delà deu son passatge terrèstre.
mercés a © CB de m’autorizar a utilizar la soa fòto a e Guillaume Veillet d’aver podut préner lo temps de m’indicar de qui èra aquera captura fotografica. L’auta fotografia – la deu Mixcloud de luenh shens lutz – que la gahèi a Astafòrt en 2018.
Pierre Corbefin qu’estó un gran coneishedor e passaire de la dança, de la canta e de las arts popularas occitanas (1940-2025). Dab Francesa Daga, creatora de la companhia deus Balets Occitans en 1962 – qui junta, Pierre, en 1963 – que serà un deus actius d’aquera tropa de grana qualitat, per la vision e dens las realizacions. Qu’estó de 1984 tà 2002 lo director e gavidaire deu Conservatòri occitan a Tolosa (creat en 1970).
Au micro d’En Ondas – que nse trobèm un 11 d’aost de 2018 per Astafòlk a Astafòrt – qu’avom la beròja escadença de l’enregistrar (au parat d’au mensh dus còps) e deu costejar parièr professionaument. Qu’estoi urosa en especiau d’aquera trobada, pr’amor aqueth còp qu’acceptè de que’s hasosse en occitan. Que testimonia d’ua hidança preciosa de cap tà En Ondas.
Que ns‘entertienom en la soa companhia deu tribalh de tota ua vita per la dança, la canta, la musica e las arts occitanas.
Qu’evoquèm a « Guilhem e Margalida se maridan”, lo lor espectacle de lavetz en mei deu bal a la votz que hasèvan dab Philippe Marsac. L’espectacle suu maridatge que joguèn a la glèisa d‘Astafòrt en obertura deu 1èr hestenau Astafòlk.
A la fin de l’entervista, lo son complici Philippe Marsac, que’s junta a d’eth. Philippe en tant que creator e cavilha mestressa de l’eveniment qu’èra solide… a córrer pertot.
Que’vs perpausi en navèra difusion aquera emission excepcionau de 2018, ua de las dedicada au purmèr Asta’fòlk a Astafòrt. Non manquetz pas lo hestenau en aost d’augan 08-09-10/08/25 https://sites.google.com/view/astafolk.
Qu’ei lo còr sarrat que saludam a Pierre Corbefin, l’òmi deu petit pè com ac remarcava, tostemps dab grana tendressa, Crestiana Mosquès.
Un òmi de la votz doça, pregona, grèu e la dança leugèra, leugèra, leugèra…
Que podem trobar tornar a Pierre Corbefin dens un document difusat en 1971 realizat per Jean-Paul Terray per l’ORTF de l’Institut național de l’Audiovisuel https://fresques.ina.fr/borbolh-occitan-fr/fiche-media/Occita00085/le-conservatoire-occitan-de-toulouse.html.
Las musicas d’En ondas :
• Les Voix Conservatoire occitan Lo Segader P. Corbefin Joan Luc Madier Dany Madier-Dauba Christiane Mousquès 1991
• Gabriel Valse Bal Folk Rondeau Grand’père Corbefin
• MRC de Peire e Francesa Daga Nadal encara La tèrra es freja (Lemosin)
• Perlimpinpin Fòlc TNaRez Tres sons seroletas – De mossur de maitinats
• Daunas de còr Airetèras La maridam lonlèra a n’aquela mainada
• Duo Corbefin Marsac Bal Gascon a la votz / à la voix L’auriòu qu’a nau plumetas / A Granada i a nau pins
• Xavier Vidal e Prigent Le Bal La Novia/Bourrée d’Hugon
• Les Voix Conservatoire occitan Le Joan Se’n Va A La Laura Dany Madier-Dauba, Françoise Mafrand, Christiana Mousquès 1991
Sonaus de Denis Fournier e Percussions Profile Le Mystère de la Pyramide
AFICHA DE 2018
Ensemble pour demain - Amassas per doman
Sortez des sentiers battus
Descobèrtas e autras istòrias
À vos aiguilles, Messieurs!
Ràdio Podcasts de resisténcia en occitan
Le peuple qui possède sa propre langue a son destin entre ses mains : Qui tien la lenga tien la clau
Le lieu haut de la parole et de l'écriture, le lieu dit des carnets où s'éveillent les fictions
T'i tornaràs be far un jorn, marcha !
Preserbà lou noùstẹ patrimòni culturàu
![40 lugrans radiofonics d’En Ondas [oct. 24-junh 25]](https://hadiu.eu/wp-content/uploads/2025/07/24-25_40_lugrans_den_ondas.jpg?w=924&h=0&crop=1)
![En Ondas setm. 27 Pierre Corbefin [1940-2025]](https://hadiu.eu/wp-content/uploads/2025/06/2527_pierre_corbefin.jpg?w=924&h=0&crop=1)
Hadiu 
You must be logged in to post a comment.