Category: Euskara

En Ondas setm. 11 Joan-Luc Landi e l’Euskara 2/2

En Ondas,Euskara,Joan-Luc Landi,occitan,occitan de gasconha,Occitan-gascon,Ràdio podcast de resisténcia en occitan
Viatge en Iparralde e Hegoalde en companhia de Joan-Luc Landi tà çò de l’aprentissatge de l’Euskara soletin…, los rapòrts de la version Batua, creada de l’euskara dab las variantas de la lenga e la dificultat qui ei de s’acarar a apréner aquera lenga.
Landi qu’ei autor d’un recuelh de novèlas, Manipòlis, a Reclams (2016), que publica tanben dens la revista regularament e notadament sus aquera experiéncia qui ei a víver, d’apréner la lenga deu vesin basco [Reclams n° 860 Ua Camada en Sola pp.39-46], qu’ei enfin un deus correctors entau gascon dens la quita revista. Un aprentissatge qui demanda determinacion, tribalh e ponhastrèr. Aquera 2au emission que serà ua mena de comparason – d’iniciacion – dab l’occitan que parlam en Gasconha. Que hè parièr ua part de l’atrèit qui esprava Joan-Luc tà l’Euskara. Enfin ua leçon exprès de la formacion d’ua frasa, en direccion d’ua hemna o d’un gojat..!
Lecturas conselhadas :
Poésie du Gérondif, Le tripode, J.-P. Minaudier, 2017 : https://www.libraria-occitana.org/produit/poesie-du-gerondif/
Shibumi Trevanian, 1979

apréner l’euskara ?! : mailto:xiberokolaminagaueskola@gmail.com
Trobar emissions dab Joan-Luc Landi : https://hadiu.eu/?s=landi

Las musicas d’En Ondas
• Niko Etxart Has’Dantzan
• Mixel Etxekopar Extebarre 
• The doors Morrisson Hotel The spy
 Sonaus de Joan Francés Tisnèr Winter Surge inedit

En Ondas setm. 10 Joan-Luc Landi 1/2

En Ondas,Ensenhament occitan,Euskara,Joan-Luc Landi,Ràdio podcast de resisténcia en occitan
© DR

Joan-Luc Landi qu’ei un autor, traductor, cantaire (Suber Albèrt,…), professor retirat adara de l’ensenhament.
Qu’escrivó «Manipòlis» un recuelh de novèlas en çò deus Reclams en 2016.
Quauqu’un d’engatjat qui recebem e qu’evocam – enter d’autes – lo son engatjament ensenhant, qu’avó responsabilitats en un sindicat d’ensenhaires d’occitan. Que nse partatja estrategias qui estó amiat a desvolopar tà pèhremar en mestior de difusion de la lenga, la nosta e d’autas. E en la soa companhia qu’introdusim, dens aqueth prumèr numèro d’En Ondas a d’eth consacrat, l’atrèit qui esprava tà ua formacion a l’euskara. Ua formacion a de bonas.

Las musicas d’En Ondas
• Ortzadar Librea Ninçana Sehaska kanta
• La Polla records Disco negro Europa 
 Sonaus de Joan Francés Tisnèr Winter Surge inedit

En Ondas setm. 17 Votz Benaset Dazeas

Aragonés,Aure Seguier,Benaset Dazeas,Congrès permanent per la lenga occitana,En Ondas,Euskara,Fondacion Eluyar,Gilbèrt Mercadier,Linguatec,Ràdio podcast de resisténcia en occitan,sintetizacion vocau,usatges numerics de l'occitan,votz.eu
Besaset Dazeas, geek per l’occitan que cèrca e tròba la bona carburacion entau Congrès permanent de la Lenga occitana dont ei lo director. Encontrà’u que nse permet de dar ua uelhada suu dotzenat d’ans d’existéncia deu Congrès au parat de la presentacion de Votz.eu, l’interfàcia que permet de sintetizar l’occitan escriut en … Votz.
Que s’apèra tot simplament Votz.

Votz qu’ei l’aplicacion en linha de sintèsi vocau en occitan. Qu’ei peu moment accessibla per duas varietats occitanas : gascon e lengadocian. Que’s hasó compte tanben per hargar-la de l’environament lingüistic francés (personalitats, noms de via, etc.). Qu’ei desvolopada Votz dab las tecnologias de hialats neuronaus (intelligéncia artificiau) peu Congrès permanent de la lenga occitana e la fondacion Elhuyar (qui tau parat e transferí las soas competéncias a las entitats occitana e aragonesa) dens l’encastre deu projècte europèu LINGUATEC « Desvolopament de la cooperacion transfronterèra e deu transferiment de coneishenças en tecnologias deu lengatge ».

La setmana per viéner que daram l’aurelha au còr deu tribalh qui a demandat Votz dab Aure Seguièr e Michaël Barret, dus deus obrèrs de l’equipa.

Que podetz tanben escotar l’emission d’En Ondas en companhia de Philippe Boula de Mareüil d’octobre de 2019 au moment deus enregistraments de la votz gascona : https://hadiu.eu/2019/10/07/en-ondas-setm-41-philippe-boula-de-mareuil/

Presentacion en vidèo de Votz : https://www.youtube.com/watch?v=7GacVl3hnwg

Las musicas d’En Ondas
• Nautat en çò deu labèl Pagans Sourdure De mòrt viva L’Ivern daus Astres
• Brian Eno Music for films Empty landscape + Don’t look back (extrèits)
 Sonaus de Denis Fournier e Percussions Profile Le Mystère de la Pyramide

En Ondas setm. 48 deu Silbo au Shiular

caña canario,Canarias,danza canario,David Diaz Reyes,El silbo,En Ondas,Euskara,Gérard Puchèu,Islas canarias,Ràdio podcast de resisténcia en occitan,Rogelio Botanz,shiular,shiular occitan gascon,silbo canario,yosilbo

Lo subjècte de l’emission d’aquesta setmana qu’ei lo lengatge shiulat de las Islas Canarias dens l’Atlantic au larg de las còstas marocanas en ligam dab lo shiular de noste.

Emission remontada en dus episòdis au format 45′ [difusada peu prumèr còp lo 22 de heurèr de 2012].

Que davanteja d’abòrd l’anóncia de la soscripcion au disc GAO d’Eric Fraj (e qu’èm tostemps cap a l’Africa mes dens lo continent e mei baish) mailto:ericfraj@hotmail.fr

Lo shiular/el silbo non ei pas lo hèit agradiu de musiquejar en shiular
mes plan lo hèit de parlar un lengatge articulat en shiular.

Ua edicion especiau d’En Ondas qui nos hè tocar deu dit o meilèu de l’aurelha, l’universalitat d’aqueste tipe de comunicacion. 

Lo lengatge shiulat qu’ei un sistèma substitutiu a un lengatge naturau.

E lo saber shiular qu’ei la capacitat universau qui propulsa lo son parlat.

Los protagonistas de l’emission que son David Diaz Reyes, Gérard Puchèu e Rogelio Botanz. e en aquesta qu’ei Rogelio Botanz, la per viéner que serà en companhia de G. Puchèu e David Diaz.

Lo silbo qu’ei uei-lo-dia ua opcion obligatòria tà apréner lo Castelhan a las escòlas totas de La Gomera a las islas Canàrias. Aquesta opcion que poderé estar alargada a l’ensenhança tota de las Canàrias.

Las musicas d’En Ondas

• Eric Fraj canta Lorca Baladeta dels tres flumes
• Feloche Silbo
• Botanz Tiempo + …puntos suspensivos Bihotzean da indarra
• Benito Cabrera & cuarteto capricio Raices del mundo De Lanzarote a Texas (Benito Cabrera qu’ei lo compositor de l’imne canario)
• Rogelio Botanz Tiempo + …puntos suspensivos Maña, fuerza y corazón

David Díaz Reyes yosilbo Yosilbo qu’ei un site nau e un biais ludic per apréner la lenga shiulada : good job | beròi tribalh !

http://canarias24horas.com/index.php/2008111757946/el-hierro/el-silbo-herreno-rescatado-del-olvido.html

Rogelio Botanz Santa Cruz de Tenerife La Matanza http://www.hotsak.com/artistak/rogelio-botanz Legazpia (Guipúzcoa) en 1956 castelhan, euskara, guanche (tròçs), amazigh curso de silbo gomero organization de la part canariana dens los estudis (35%)

Patrimòni de l’umanitat

http://youtu.be/aIy8n5cUAww

Benito Cabrera compositor de l’imne canario http://www.benitocabrera.com/ el timple http://www.benitocabrera.com/timple.html

En Ondas setm. 25 Fablas d’Esòp e lo Florilègi poetic

Alsacian,Breton,catalan,Còrse,En Ondas,Esòp,Euskara,Fablas,poesia,poesia occitana

Dus obratges de tria. Fablas d’Esòp causidas e adaptadas per Jan Dalharí en çò de Camins en junh de 2019. E Par tous les chemins : Florilège poétique des langues de France en çò de las Editions le bord de l’eau en març de 2019.

darrèra emission en viu de la sason (la qui vien e clava que serà remontada)

Esòp Fablas adaptadas a l’occitan per Jan Dalharí [causida e adaptacion] en çò de l’editor Camins, en junh de 2019, Tolosa, 87 p., lexicòt occitan/francés, 14 euros. 70 fablas en occitan deu creator deu genre. LIBE FONDATOR

Par tous les chemins : Florilège poétique des langues de France alsacien, basque, breton, catalan, corse, occitan devath de la direccion e la coordinacion de Marie-Jeanne Verny e Norbert Paganelli, pref. Jean-Pierre Siméon. Coll. Documents, gavidada per Jean-Luc Veyssy. Lormont : le bord de l’eau, març de 2019, publicat dab lo concors deu CEO Centre d‘estudis occitans (la poesia occitana que representa lo tèrç de l’obratge). 473 pp. 29 euros. Indèx deus poètas. LIBE NECESSARI

Las musicas d’En Ondas

  • A d’arron Violonaires pirenencs Aulhada, Vira tas aucas + Ací qu’èm reis mossur Los Caulets A L’òli _ Los Motons Son Enrumats
  • Joan Francés Tisnèr Transpòrts Tisnèr SA Crane airways branlo en cople arremesclat
  • Roman Baudoin e JF Tisnèr Viatge en Lenga Lo Lop e l’ase
  • Patrick Valhant Ricardo Tesi Trovesi Veranda Notturno
  • Joan Pau Verdièr Frank Lutton De colors de femna libe-disc Marcèla Delpastre L’amor