Category: Ràdio podcast de resisténcia en occitan

En Ondas, Jòclong, E n’èm d’avís, capsas musicaus

En ondas setm. 03 Benoît Larradet

Benoît Larradet,En Ondas,Nepal,Ràdio podcast de resisténcia en occitan,Reclams

Encontre dab un qui’s ditz d’aquesta passa, minjat per l’escritura.
Benoît Larradet que signa, tota fin de 2023-començar de 2024, A còps las montanhas que s’encontran en çò de las edicions Reclams amantolat d’ua cobèrta color d’Anhès Lanusse, la companha. En fòrma de carnet de viatge, lo de la joena Emma, Benoît que nse hè cossirar au Machapochare e aus Annapurnas en Nepal. Un libe de 170 paginas dab quauques dessenhs en viu au gredon e mei un lexic, 17 euros.
Autant Jamei aiga non cor capsús – lo son purmèr libe -com « A còps las montanhas que s’encontran que son títols qui an lo charme misteriós de quauques dísers misteriós qui nse caleré trobar la clau. Viatges de descobèrtas qui poderén passar per futiles e Benoît qu’ei prompte a’s hicar a la plaça deus himalaians entà trobar aqueths viatjadors tan hòus de pagar entà marchar. Córrer de cap au teit deu monde (los mei de 8000m) que pòt passar a noste parièr com quauquarren hòra de tot entendement. Per tant com un conte filosofic Benoît Larradet que sap amiar lo lector cap aus umans e aus lors anars de víver e de pensar estossen hòrt diferents.

Que tornaram trobar au Benoît Larradet autanlèu com ajam lejut los libes qui seràn per paréisher.
Reclams qu’a per exemple hèit paréisher darrèraments dens la colleccion Passejadas – entaus curiós d’istòria locau – après lo Banhèras de Luishon, un passionant Lescar, capdulh istoric de Bearn devath deu calam de Maurici Romieu e de Joan-Miquèu Dordeins Lo viatge de Joan Petit : en fòrma de conte sincretic de l’imaginari mitologic gascon, un hòrt beròi obratge illustrat per Fanny Lartigot.

Las musicas d’En Ondas
• Led zeppelin 1 Black Mountain side
• National Duduk ensemble 07 Hov Arek Sarer Jan (Cool Me, Dear Mountains)
• Viatge en lenga Cançon per tustar
• Sourdure De mòrt viva Nostra foeira
• Talabrena Ragga de graulhas
 Sonaus de Joan Francés Tisnèr Winter Surge inedit

En Ondas setm. 02 Yvan Bareyre, lo collector 4/4

Òc 118,Concors bigordan,El Trabucaire,En Ondas,Ràdio podcast de resisténcia en occitan,Yvan Bareyre
 

En navèra escota : La bocada quatau de l’entervista qui m’acordè Yvan Bareyre començar de seteme de 2016. Arron lo bastidor-cantaire, lo productor ràdio, l’òmi de l’accion umanitària, adara que’s projecta l’òmi dens ua expression actuau : la collècta video.

  • 25 au concors bigordan d’escritura
  • Lo n ° 118 de la revista Òc seteme de 2016 XIVau tièra de la revista de las letras e de la pensada occitanas qui la gahadera ei « Apartienem au Monde”.
  • En çò deu Trabucaire : Lo luec d’enluec de Thierry Offre a la Coll Pròsa occitana

  • Las musicas d’En ondas :
    * Radiohead A hail of thief I will
    * May monday Midnight Karen Tweed e Timo Alakotila Midnight Macmaster
    * (inedit) No passaràn Hé Hé Ho Francis Lassus Louis Sclavis Joan Francés Tisnèr
    * (inedit) Batahòri Be i a longtemps joenessa Joan Francés Tisnèr Jakes Aymonino Roman Baudoin 
    Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission.

En Ondas setm. 01 Marcela Delpastre, Yvan Bareyre 3/4

AIDO,Charles Camberoque,Domenja Lekuona,En Ondas,Marcela Delpastre,Miquèla Stenta,Ràdio podcast de resisténcia en occitan,Traduccion en occitan,Vent Terral,Yvan Bareyre
Que perseguim aquesta setmana de difusar l’entertien cuelhut au près d’Yvan Bareyre : arron lo bastidor, lo productor ràdio a Radio Adour Navarre que trabucam presentament la persona engatjada dens projèctes umanitaris.
E d’abòrd de’u trobar tornar que devisam de quauques informacions literàrias e especiaument d’ua formacion a la traduccion occitana : « Enjeux et pratiques de la traduction en occitan » rens. : AIDO 06 81 30 57 67 camins.letras@orange.fr
Que devisam sustot de la parucion d’un obratge de la traca biografica a la lutz de la lectura de la soa òbra, e fotografic tanben sus Marcela Delpastre : lo diamant de la literatura occitana.
« Marcelle Delpaste, à fleur de l’âme” en çò de Vent Terral per Miquèla Stenta e las fotografias de Charles Camberoque.
Extrèits sus https://issuu.com/vent-terral/docs/de…
per comandar : http://www.vent-terral.com/blog/
ISBN 2978-2-85927-118-3 / 21 x 21 cm / 120 p. / 22 €
Éditions Vent Terral / collection « Hommes & femmes d’Occitanie »
Published Set, 2016
Las musicas d’En Ondas :
* Arild Andersen Electra Chorus I
* Olivier Peirat e Jan Dau Melhau en Concèrt captacion que realizèi a l’Estivada quauques annadas i a
* Une anche passe Nigriz Escotijo politiko
* Montanaro duo Miquèu e Balthazar Pipa d’aiga
* Tenareze Aral Evros
* Tenareze Aral Bueltea dans le gaz
Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission.

En Ondas setm. 52 Yvan Bareyre productor radio 2/4

Adishatz Monde,Domenja Lekuona,En Ondas,Georges Bourdales,Ràdio podcast de resisténcia en occitan,Resistir en occitan,Yvan Bareyre

En navèra escota ua seria radiofonica de 2016 :
Lo somari deu n° 839 de Reclams dusau trimèstre de 2016 qui sortiva de paréisher.
Que perseguim de difusar l’entervista d’Yvan Bareyre qui encontram au long de quate emissions. Qu’ei gascon d’un país d’aigas, de bartas, de cantas, de lenga : lo baish ador. Arron lo bastidor e lo cantaire, Yvan Bareyre, productor de « Adishatz monde » emissions gascona sus Radio Adour Navarre de 1978-79 dinc a 1987. Encontrem a un contrabandista ertzian.

Las musicas d’En Ondas :
• PPF Marc Perrone Toussaint Gabriel Valse Lo curèr de la Capèla
• TNarRèze Folle blanche
• Hammon Martin Sous le tilleul Venus fly trap
• Zaldibobo Basajaun Basajaun
Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission.

En Ondas setm. 51 Yvan Bareyre Bastidor-cantaire 1/4

Bastit vielh,Cantayres de Came / Cantaires de Càmer,En Ondas,Ràdio podcast de resisténcia en occitan,Yvan Bareyre

Emission en navèra escota
Lo somari deu n° 64 de Patrimòni qui sortiva de paréisher lavetz, ua ofèrta de l’editor Letras d’Òc e lo començar d’entervista de la persona qui encontram au long de quate emissions. Que s’apèra Yvan Bareyre e qu’ei gascon deu baish ador.

Las musicas d’En ondas :
* Lo Barrut L’ombra de mai
* Tenareze Aral La Velte
* Vaillant Sette Franzin La Bèla naissença Sus Sus Companhons
* Semiac en Bigòrra La plenta deu pastor
* Joan Miquèu & Felip Espinasse Nina
Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission.

En Ondas setm. 48 Jacolet Abadie

Botanica en occitan,CLAB,En Ondas,Jacolet Abadie,Linux,Ràdio podcast de resisténcia en occitan

La proposicion d’aquesta setmana qu’ei d’encontrar a Jacolet Abadia entau libe La Chélidoine : des plantes, des femmes et des hommes en Gascogne et ailleurs dont a entinoat e gavidat la realizacion dab un onzenat d’amics [si jamei e’m perdonatz lo compte]. Dab lo concors deu CLAB Conservatòri deus legumes vielhs de Bearn qui ei un vergèr, un casau e autanplan un musèu botanic vitèc, qui trobam a Assat. Lo prètz de las ventas qu’ei sancèr barrejat a l’estructura qui n’a permetut la vaduda. Un beròi pavat de 346 pp., cob col. Ua pintrura de Marie-Claude Dutour. Illustracions dessenhs e fotografias en negre e blanc de Na Dutour e Sophie Mattiucci ; arreviradas a l’occitan de Pèire Salas, 25 euros. Libe animat per soviers, anecdòtas, recèptas. ..
Un obratge a l’encòp seriós e documentat suus sòus, las èrbas, frutas de tot escantilh e tanben bucolic qui pòrta a sortir tà véder, sentir, escotar si tot ei enqüèra en vita !

Navèth encontre tà la Hèsta de la lenga lo dissabte 5 de julhet a Salas de Baura. Tot lo dia lo CLAB que serà present dab la publicacion e los sons animators.

Anóncia en locau – e lhèu mei alargat apuish – si los convidan aqueths ahuecats de botanica en occitan e en francés (Jacolet e los sons ajudes que’s pòden desplaçar on los convidaràn). La Civada, lo C.L.A.B. e l’Ostau Bearnés qu’organizan ua batalèra sala multimèdia de Morlans, honset Senta Fe | Impasse Sainte-Foy, lo divés 29 de noveme a comptar de 6 h e mieja deu ser (arcuelh tanlèu 18 òras).
CLAB 06 15 57 93 39 https://www.helloasso.com/associations/conservatoire-des-legumes-anciens-du-bearn/evenements/la-chelidoine-2024
D’autes encontres a l’entorn deu libe que’s hasón a Morlaàs a l’entorn de La Civada, a Ortès dab Lo Topin de Lenga, a Laruenh…, lo 6 de junh a Pau en l’encontre literari a la Ciutat.

Las musicas d’En Ondas
• La Fabrique Acides folkloriques et produits dérivés Los uelhs dubèrts
• Flor envèrsa
• Pagalhós La Sobirana Garbura
 Sonaus de Joan Francés Tisnèr Winter Surge inedit

En Ondas setm. 47 Clàudia Labandés

Clàudia Labandés,Edoard Moliar,En Ondas,Ensenhament occitan,Jean Jaurès,Laura Cadaus,Occitan-gascon,Patric Guilhemjoan,Per Noste,Ràdio podcast de resisténcia en occitan

L’envitada d’En Ondas, Clàudia Labandés que nse hida qu’ei au moment de miar la soa psicanalisi que s’avisè – enter autes constats – que « n’èra pas normau de non pas conéisher la (soa) lenga” (fin de citacion).

  • D’aquesta passa de hestejar lo centenari deu transferiment deu còs de Jaurès au Panteon parisenc en 1924 – b’ei temps probable entau monde de descobrir o de léger tornar au Jean Jaurès, originari de Tarn… occitanòparlant e qui escrivó sus la lenga.

Que i seré de qué practicar ua psicanalisi en gran : la de las poblacions, deus pòbles. Ce’m sembla que d’aquesta passa que son e qu’èm mei anar mei esvarjats e shens repèris. Temps de treboladas, dont aprofieitan los poderós de malur qui jamei n’espian las causas sus las quaus e convien de tribalhar mes aubedeishen au capitau e cèrcan lo lor pròpi interès a corta vista.

De’vs recomandar, pareishut à Per Noste
Lo Matricule 1628 pendent la guèrra d’Edoard Moliar
216 paginas – 14 x 22 – 2024 – 12 €
Isabèu Carrier La Caisholeta d’Anatòli, 2022 36 pp. 13,50 euros. Un libe simple, clar e filosofic dab un personatge qui pòrta un pes, un tristèr qui pòden espravar hèra de chins en s’arrossegar situacions qui ne’us apartienen pas. La temptacion d’evitar e d’estujà’s ? Ei un camin qui cau préner ?
Entà contactar lo 11au prèmi literari Calandreta 2024-2025 premi.literari.calandreta@gmail.com

Informacions mei https://occitanica.eu/items/show/60894

https://www.libraria-occitana.org/en/illustrateur/labandes-claudia-en/

www.pernoste.com

Estudiantas deu CFPòC (lo site navèth dessenhat per Noémie Pulido) que demandèn a Clàudia Labandés lavetz formadora, de respóner aus lors questionaments. Que dà Dificultats gramaticaus dont ei la dusau edicion aumentada en 2024 en çò de Per Noste.

Las musicas d’En Ondas
• Viatge en lenga Au noste pomèr Collegians, Romain Baudoin, Joan Francés Tisnèr
• Violons barbar Barbar rock
• Aziz Sahmaoui & University of Gnawâ Alf Hilat
• Viatge en Lenga que preni los mots [creacion paraulas e musica de David Grosclaude deus Larvath] Collegians, Romain Baudoin, Joan Francés Tisnèr
 Sonaus de Joan Francés Tisnèr Winter Surge inedit

En Ondas setm. 46 Joan Loís Lavit

Edoard Moliar,En Ondas,Isaura Gratacòs [Suzanne Gratacos],Joan Loís Lavit,Letras d'òc,Per Noste,Ràdio podcast de resisténcia en occitan,roman,Roman occitan 1840-1930,Roman policièr,Thérèse | Tresià Pambrun

Las edicions Letras d’òc qu’an editat a la prima de 2024 Un brigalh de pèira blua, un roman d’aventura de Joan Loís Lavit. Seguida e fin de la conversacion d’aquestes torns dab l’autor.
https://tintas.home.blog
https://www.utl-tb.info/page/2238208-escota-se-ploi entrada d’aqueth 15 de noveme : « Poèmas occitans deu sègle XXau »

Las edicions Per Noste qu’editan au lor torn Lo matricule 1628 pendent la guèrra d’Edoard Moliar. 214 p., cob. color. 12 euros. Un roman viscut de qualitat, presentat dab ua introduccion deu Joan Ives Casanova, universitari, especialista de la literatura nosta qui publiquè quauques mes i a un larg article de compte har suu roman occitan de 1840 tà 1930 en çò d’Aqua Aura : Le roman en langue occitane 1840-1930. [ua entervista sus En Ondas setm. 26 de 2024].

Per noste Edicions↗

Las musicas d’En Ondas
• Adrià Grande Illuntzean
• Radiohead Amnesiac Hunting bears
• sonau Brian Eno The last door
• Joan Francés Tisnèr Camelicà Au bòi qu’ei la verdura (flabutas Mixel Etxekopar e flabuta truverssèra Cristian Vieussens)
• Eklectic consort Big Bang
 Sonaus de Joan Francés Tisnèr Winter Surge inedit

Petit essai bibliografic de las òbras de Joan Loís Lavit :
1994 – Pelòt pastorala gascona, prumèr prèmi de teatre au concors deus « Calams Biarnés » de Pau e Prèmi « Pau Froment ». Edicions Pastorala de Bigòrra.
1995 – Prumèr prèmi de pròsa aus « Calams Biarnés » entà la novèla Jan, publicada dens « País Gascons ».
1996 – En co-escritura dab Terèsa Pambrun, Baretjas pèça de teatre, comanda de la comuna de Baretjas entau cincantenari de la soa creacion.
1996 – Signatari deu manifèste Escrituras descobertistas – membre de la « Jove literatura occitana » – n° especiau 1996 de la revista « Lo Gai Saber ».
1997 – Zocalfar – Ua hèita deu comissari Magret – roman comico-policièr – Edicions PN.
2000 – Hont Blanca – roman – colleccion « Atots » ed. Institut d’Estudis Occitans.
2004 – Lo Tin-Tin d’Ergé : ua hèita deu comissari Magret – Prèmi deu raconte policièr a La Guàrdia Piemontesa, Crimis, IEO.
2004 – Las moscas – novèla d’anticipacion – ed. Pescalua, edicion bilingua.
2005 – Blind Date – roman –Tèrra Incognita, Edicions Reclams.
2009 – L’estiu deu huec gran – Edicions Per Noste – Prèmi deu raconte infàntil en 2007 au concors « Aran de literatura 2007 ».
2011 – De mot a mot – edicion d’archius gascons deu sègle XVIau – Camins, Edicions Letras d’òc.
2016 – Gargàs – Kamishibai taus mainats, illustrat per Terèsa Pambrun – Edite-moi.
2017 – Escura, la nueit – Edicions Letras d’òc.
2018 – Libe audiò : lectura integrau d’Escura, la nueit (Letras d’òc)
2018 – Bèth peu de sau ua hèita deu comissari Magret – Edicions Letras d’òc.