Emission En Ondas spéciale « Que guettent les épouvantails ! »
Despuish abriu que serà lo tresau subjècte que’vs perpausi sus l’ipotetica gravèra de Daniel DPL a Cassabè (Bearn de capvath enter Salias e Sòrda).
Que sentivam, lo 15 de mai, la determinacion d’aquestes centenats de personas amassadas, totas generacions con·honudas per opausà’s au projècte de gravèra. Après la ploja au Pont de Goat, caminada deus espaurugalhs au sec a l’Arribèra 😉
Mei de 300 opausants au projècte de gravèra Daniel a Cassabè dissabte lo 15 de mai. En fòrma de rendut compte multimèdia.
entaus incondicionaus de la ràdio | pour les inconditionnels de la radio
Las musicas d’En Ondas · Au noste pomèr (branlo d’Aussau) : musica populara en vita de l’arribèra de Sent Pèr, executada en viu au moment deu seguici quan anèm plantar los espaurugalhs com autantes hantaumes dens aquesta arribèra : Espaurugalhs qui guaitaràn ! Sonaus de Denis Fournier e Percussions Profile Le Mystère de la Pyramide
Exclusiu ! (a l’òra quan publicam) : Entortelhs miaçats e shens que peu cambiament climatic, maires a impressionar e pressionats, monde pregats de véner o de quitar… « Casser des cailloux à Cassaber = copar calhaus a cassabè ». Deu Pont de Goat enlà, suu Saleis a Cassabè, lo 3 d’abriu, las entervistas d’Antoine Domenech (Salmo), Jean-Paul Dufau molièr e Michel Rodes (Sepanso). Contèxte : conferéncia de premsa deu 3 d’abriu a l’iniciativa de APQV (Salias), Salmo (Sauvatèrra) e Sepanso 64 & 40 e acompanhants com Plaine Air per exemple, pertocant lo projècte de gravèra Daniel-Dpl.
Que son determinats los opausants au projècte a anar deféner la tèrra, lo lor utís de tribalh, dinc a en Aperet e au Conselh d’Estat, se per cas e perdèvan a Pau. Que pòt préner 10 ans. Quan anóncia los tribalhs per l’abòr, lo Sénher Daniel que‘s vanta.
* Alternativas a las usinas a calhaus qu’existeishen : l‘emplec tornar, conversion de materiaus, granulats reciclats,… Qu’ei la França hòrt en retard. Quin gausar uei bastir en destrusir mieis naturaus ? Qui non pas causir hialèras de bastir vertuosas ?
Secretari de la Sepanso 64, Michel Rodes qu’ei lo noste convidat au parat de la conferéncia de premsa deu 8 deu heurèr de 2021 organizada, a Navarrencs suu Gave d’Auloron, per un quinzenat d’associacions qui n’an lo pro de la pesca a las engibanas e aus hialats hens l’Ador fluviau.
Reportatge e fòto D. Lekuona. [M. Rodes qu’ei lo 5au en partint de la dreta].
Regularament envitat per En Ondas, Michel Rodes que partatja de bon grat coneishenças, analisis e engatjament que hè pròva. Qu’ei sovent hicat a contribucion. Entau seguir : Michel Rodes dens Hadiu https://hadiu.eu/?s=Michel+Rodes
Las musicas d’En Ondas [en generau extrèits, perdon aus artistas] • Jagdish et Kréol Konexyon Segatitude Konexyon musiques de l’océan indien Le grand voyage du nègre maigre • Led Zeppelin Led ZeppelinThe ocean • The VelvetUndergroundOcean • Los Aigassuts Remise en forme Saumon [M. Mafrand Nadau] • Brian Eno With John Hopkins & Leo AbrahamsSmall Craft On A Milk Sea • Philipp Glass Œuvres Majeures [Disc 2] To the Sea • The Who Quadrophenia Sea and Sand • Joan Francés Tisnèr 12 recèptas de JA Lespatlut Poth A La Gascona Sonaus de Denis Fournier e Percussions Profile Le Mystère de la Pyramide
Difusion tornar shens nostalgia e per dar arsec de l’emission de mai de 2016 dab Catí Soublès.
Catí Soublès encontrada en 2016 au parat de l’esbangalada sus l’ola de Lac que s’exprimeish sus la subermortalitat, l’omerta e la desinformacion. Com autantes sauneis d’espanta qui era com d’autes a la SEPANSO e combaten. Ligams per s’informar (sus sepanso64)
Reclams 838 qu’ei sortit en version papèr (amantolada de blau, compaginada per Maria Javaloyès) e en version electronica http://www.reclams.org creatz-i lo vòste compte qu’ei plen de ressorças literàrias lo site com la revista. Ua revista qui a besonh d’abonats : 25 euros l’adesion e l’abonament a la revista qui en 2016 (120 ans arron la soa creacion) e torna trimesadera. Esitetz pas, datz la man a la revista mei vielha de literatura enqüèra viva !
Las musicas d’En ondas : * Rodin Kaufmann http://www.ueimusica.com Uèi Ai Mamà * Arild Andersen group Electra 7th Background * Brian Eno / John Hopkind / Leo Abraham Small craft on a milk sea Late Anthropocene * Arild Andersen group Electra Birth of the universe Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission
Michel Rodes dens un deus rendetz-vos regular qui avem en la soa companhia que parla d’abòrd de Jacques Ellul/Jacme Ellul. Dens la dusau part qu’evòca la situacion actuau dab exemples de noste : crisi civilizacionau e environamentau.
Ua entervista cuelhuda en francés au telefòne lo 8 d’octobre de 2020.
« Exister, c’est résister ». (…) Il importe avant tout de ne jamais se laisser aller à la sollicitation du milieu social. Cela veut dire que nous tentons de créer des points de refus et de contestation à l’égard de l’État. Non pas une opposition pour modifier tel ou tel élément du régime ou pour prendre telle décision mais, plus fondamentalement, pour faire apparaître des organismes, des corps, des associations, des ensembles à intérêts socio-politique, intellectuel, artistique, économique ou chrétien, totalement indépendants de l’État mais dans une situation de capacité de lui résister, refuser aussi bien ses pressions que ses contrôles ou ses dons, (…) capables de contester que la Nation devienne la valeur suprême.“ — Jacques Ellul, L’Illusion politique, 1965
Lo documentari Gaz de Lacq, le goût du soufre de Thibault Férié qu’èra disponible deu 5 de noveme e dinc au 13 de noveme sus France 3.
Las musicas d’En Ondas • Meredith MonkLine 1 • Matèu Baudoin • Tom Waits Mule variation Eyeball Kid • Michael Bisio Travel Music Linvin’large • Tenarèze Aral Aqua Incognita + Interludio Humeur Acqueuse Sonaus de Denis Fournier e Percussions Profile Le Mystère de la Pyramide
EXCLU : condemnacion de la SOBEGI deu 24/02/20 au Tribunau judiciari de Pau, estat deus lòcs dab Michel Rodes de la Sepanso-64. Michel Rodes que tien un blòg Les délices de Sa création Esaïe 58-14 https://blog.regardsprotestants.com/lesdelicesdesacreation/
Entervista de Michel Rodes, Sepanso Bearn, arron la conferéncia de premsa deu 4 de heurèr de 2020 a Anglet sus la pesca aus hialats dens lo pòrt de Baiona. Tres associacions Salmo Tierra-Salva Tierra conjuntament dab las SepansoLandes e Pyrénées-Atlantiques per har arrespectar lo dret relativament a la seguritat dens lo pòrt de Baiona e la presa en compte de la biodiversitat.
Puish dens En Ondas : lo Congrès de la lenga occitana https://www.locongres.org e l’Institut géographique national http://www.ign.fr/ que signan ua convencion per armonizar e corregir los noms de lòcs de las mapas deus 32 departament de l’Occitania lingüistica.
Las musicas d’En Ondas • Mossur T e lei jovent Mademoiselle MarseilleAs-ti pescat la serena ? • Joan Francés Tisnèr Sorrom BorromAiga 1, 3 • Arnau Obiols Projècte PirènaAigua interludi • Elektric consort Baion • Diubiband Lo rap deu gave de Pau • Trencadit TrencaditCharmantina (saut) Sonaus de Denis Fournier e Percussions Profile Le Mystère de la Pyramide
Que seguim dens aquesta edicion la protèsta co-organizada per l’Arsil Association de Riverains des Sites Industriels du Bassin de Lacq e la Sepanso deus Pirenèus Atlantics Fédération des sociétés pour l’étude, la protection et l’aménagement de la nature Sud-Ouest.
Escotatz a Catí Soblès e Michel Rodes de la Sepanso dar explics sus la vertadèra esbangalada sanitària qui ei a l’òbra despuish 60 ans e a’s debanar uei tostemps dens lo parçan de Lac.
Ací shiulada e batucada que prenen la plaça de las caisholadas catalanas.
Que soi especiament contenta de l’enregistrament deus shiulets dab reclam naturau per davant l’entrada deu camp de Lac que’vs dau a escotar en fin d’emission dens un montatge-reportatge.
Un bonús : petita video de la prostèsta en seguir ací
Las musicas d’En ondas :
Aunor aus qui viven adara en Republica, lo musician e compositor catalan Arnau Obiols per illustrar lo noste subjècte, tres extrèits deu disc
Llibèrim
• El cant de la Sibil·la
• Fora del sistema
• Balada per a un refugiat
Hadiu 
You must be logged in to post a comment.