Ernèst Bergès dit Sourdure (que sorduri, que sorduras…. que sorduran) e la musica qui ei la soa. E gausèssi har comparèrs reductors ? Lo Tom Waits de noste. Labèl Pagans. E cau morir tà vàder tornar ? Au moment com s’esvaneishArtús, monde de la pagèra e de l’invencion de Sourdure qu’estinglan. Que’vs perpausi de l’encontrar au destor de l’amassada generau de Hart Brut [productors d’Artús] a l’abòr de 2021 a Luc de Bearn.
complements : Dotâr – sistèma amplificator Bouyer [despuish 1933].
Las musicas d’En Ondas • Sourdure La Virée Jésus s’habille en pauvre… • Sourdure L’espròva L’escribòta • Sourdure De mòrt viva Clavar cavar • Sourdure De mòrt viva A tota pèrta e • Massilia Sound Sistem 3968CR13 Jovent • Les Poufs à cordes Clémence Cognet Borreia d’après Pierre Tourret _ La liquièra Sonaus de Joan Francés Tisnèr Winter Surge inedit
Dusau temps dab Eric Fraj entà parlar deu libe-revista L’ABC del saber : Guèrra De’vs procurar per exemple a Espaci Occitan deus Aupso libreria Aqueras montanhas a la ciutat a Pau e d’autas com la Librària occitana], tanben suu site https://reclams.org. Eric Fraj qu’ei lo cap redactor d’aquera publicacion pareishuda en çò de las edicions Reclams au començar de l’an de 2023.
L’ABC del saber Ni rire, ni plorar, comprendre : Guèrra, heurèr de 2023. Cap-redactor Eric Fraj. Maqueta e compaginacion Gilles Conte. Cob. e ill. colors, ill NB, 109p. Format magazine. Reclams. 19 euros.
La revista que dispausa parièr d’un site complementari
Las musicas d’En Ondas • Manufacture verbale Le grand combat d’Henri Michaux, Namur 1899 – Paris1984 denonciacion de l’absurditat de la guèrra, deu combat còs a còs en duèl, de la poesia cavaleirosa.
« Il l’emparouille et l’endosque contre terre; Il le rague et le roupète jusqu’à son drâle; Il le pratèle et le libucque et lui barufle les ouillais; Il le tocarde et le marmine, Le manage râpe à ri et ripe à ra. Enfin il l’écorcobalisse. L’autre hésite, s’espudrine, se défaisse, se torse et se ruine. C’en sera bientôt fini de lui…”
• Eric Fraj La Vida Faula • Jorn de Fièira Joan Bodon cantat per Fraj • Resiste, resiste, Mallacan en fabla aragonesa e la medisha comptina en gascon Ua, miduna, mitrèna 3 Sonaus de Joan Francés Tisnèr Winter Surge inedit
Que prenem un temps necessari tà parlar d’un eveniment singular autant com riale entà la lenga occitana que lo de la vaduda de la revista-libe o deu libe-revista L’ABC del saber : Guèrra a Espaci Occitan deus Aups com a la libreria Aqueras montanhas a la ciutat a Pau, tanben suu site https://reclams.org.
Publicacion pareishuda en çò de las edicions Reclams – çò qui’m da lo parat de declarar lo men conflicte d’interès (de benevòle) dab l’editor. Dens aquera prumèra emission de 4 que seram d’abòrd en companhia deu cap-redactor (entà duas emissions d’En Ondas). Puish dab ua deus collaboradors en la persona d’Anna-Pèir Darreas, tanben entà dus numèros d’En Ondas. Eric Fraj – agregat de filosofia – que nse ditz que l’occitanisme… o entà d’ac mei plan exprimir com ac hè, los occitanismes que son dejà filosofias en se e de resisténcias en especiau.
Lo libe-revista que’s hè dens ua amira de vulgarizacion non-partisana de las ideas. Duas de las soas tilhas que’n son la Vertat e la Libertat correladas au saber. Que testimonia qu’èm ua societat com las autas qui exprimeish las soas ideas dens la soa lenga. Los articles que son en grana proporcion en occitan, quauques uns que son escriuts en catalan e au briu deu centenat de paginas cada article qu’ei introdusit per tres abracat : en occitan, e tanben en francés e en anglés. —– L’ABC del saber Ni rire, ni plorar, comprendre : Guèrra, heurèr de 2023. Cap-redactor Eric Fraj. Maqueta e compaginacion Gilles Conte. Cob. e ill. colors, ill NB, 109p. Format magazine. Reclams. 19 euros.
D’autas revistas : justament Reclams n° 866 on Maurici Romieu en un complement au capítol lenga e nse bremba la purga aus gasconismes en francés a partir de Malherbe qui n’acaba dab la tendéncia en francés a « dèxtra-ment causir e apropriar a la toa òbra los mots mei significatius deus dialèctes…” Pierre de Ronsard, çò qui dè l’edicion apuish de mantuns obratges de Gasconismes corregits. Tanben Andrèu Pic, Arturo Pérez-Reverte (revirat per Joaquim blasco), Julien Gracq revirat per Sèrgi Javaloyès Reclams 75pp. cap redactor M. Romieu. Cob. col., ill. NB. 10 euros Lo gai saber 567-568 que desbonda dab Joan Penent ua furiosa – aparenta mes lhèu pas devoranta qu’ei çò qui’u desiram – ràbia criticosa deus qui publican, justament dens la rubrica-tèma: Del bon usatge de la lenga occitana. Que passa notablament au son crible L’ABC del saber n°1 e a d’aqueth prisme 152p. cob. col. Cap-redactor Joan Penent. 15 euros. De i notar un article suu libe deu Robèrt Lafont per Florian Vernet Petita istòria europèa d’Occitània, Trabucaire 2003. Aquò d’aqui 352 que perpausa un n° especiau Amb Robèrt Lafont lo Risorgimento occitan au parat deu centenari de la vaduda.
Dab Eric Fraj que devisam dens En Ondas deu tèma de l’ABC del saber n° 1 Ni rire, ni plorar, comprendre : Guèrra. La guèrra ua question transistorica e permanenta qui interròga la lei deu mei hòrt a la quau los occitanismes e son sensibles. | En compagnie d’Eric Fraj nous devisons dans En Ondas du thème du 1er numéro de l’ABC del Saber : Guèrra. La guerre une question transhistorique et permanente qui interroge la loi du plus fort à laquelle les occitanismes sont sensibles.
Las musicas d’En Ondas • Pink Floyd A mountain lapse of reason The dogs of war • Artús Ors la Hòla • Kraftwerk Radioactivity • Robert Wyatt Comicopera Beautiful war • Meredith Monk Mercy Line 1 Sonaus de Joan Francés Tisnèr Winter Surge inedit
Un artista deu tot que Bernat Cauhapè, entervistat per la mustra qui signava per l’Estivada Soi d’aici, installada a Rodés, en julh de 2009. Ua emission en difusion tornar e remontada entau parat. Tanben que’vs convidam a la vesita de la mustra deu K.O.P.
En navèra escota. Mercés a Guillaume Lopez per l’autorizacion d’utilizacion de la fòto !… la musica deu Bal del Lop… e lo còp de man per tornar cargar lo materiau de Lutz en camin au Primtemps de l’Arribèra.
Las musicas d’En ondas : Xavier Vidal Prigent Le Bal La ploka des Cadurques La Talvèra Occitan-Berbèr Battle Mirrored Race in Race out Suber Albèrt Tablèu d’ua mustra Verd e Blu Luc Aussibal Cada jorn Jan dau Melhau Bernat Combi Lo diable es jos la pòrta
Entervista dab Domenge Bidot-Germa (Director deu departament d’istòria a l’UPPA, Mèste de conferéncia en istòria de l’atge mieijancèr, Director deu percors istòria-geografia deu mastèr MEEF Second grad).
EN DIFUSION TORNAR (emission en 1èra escota setmana 45 de 2017)
Bibliografia braca : – Petite histoire de Pau, Pau, Cairn, 2013. – (Co-dir.), Atlas historique de Pau, Bordeaux, Ausonius, 2017. – Histoire de Béarn en coll. M. Grosclaude, D. Bidot-Germa, J.-P. Duchon, Ortès : Per Noste, 1985.
Paginas de l’istòria d’Occitania, escala de temps, evocat dens l’entervista qu’ei un obratge collectiu pareishut a Lescar a las edicions Vistedit en version occitan-gascon e occitan-lengadocian en 2000.
Qu’encontram a Domenge Bidot-Germa au parat de la sortida, en çò de talhèr In 8 a Sèrras Morlàas, de la seria de tres bendas d’imatges Febus. Que’u demandèi de’s har lo pòrtavotz deu collectiu d’autors.
Libe, site dedicat a Febus, tanben animat dab ua aplicacion mobila per trobar lo tresaur de FEBUS ! Recercar indicis, resòlver enigmas e melhorar las aptituds, conquistar la hidança de Febus (pas ganhat), trobar lo tesaur de la legenda, e mercas geolocalizadas, moneda batuda, que i son solide indicis esconuts dens los comics per hicar la man suu tesaur de pèças.
Joseph Lacroix Tolosa, 1974. Lo dessenh qu’ei ua passion de mainat enlà e familhau.
Lucie Braud aliàs Catmalou Bordèu, 1975. Arron estudis d’istòria anciana, a partir de 1998 que publica dens divèrsas revistas de poesia e de novèlas. Ferdinand, l’istòria deu pair bon que pareish en çò d’In-8 en 2012.
Sus l’istòria de Bearn e Febus que legeràn Histoire de Béarn Que sais-je ? 992 per P. Tucoo-Chala e tanben lo libe de Benoît Cursente Petite histoire du Béarn à l’usage des écoliers et lycééens, des origines à Gaston Febus, Ortès : Per Noste, 1973. E adara deu quite D. Bidot-Germa, com ac sabetz despuish la setmana passada, Béarn [Petite histoire de] a las edicions Cairn !
Las musicas d’En ondas :
• La Novem dab Companhia Chant et polyphonies en Bearn Las guèrras son cridadas
• Aronde Je me suis mis en liberté, Pastorant
• Dupain Lei Presoniers
• Dus de canta Vrenhadas Hilhòta de delà l’aiga
• Xarnege Musica de contrabanda Aqueras montinas
Tota Istòria qu’ei l’Istòria ce nse bremba Domenge Bidot-Germa. Aqueste còp que’u recebem a perpaus la Petite histoire de Béarn, en 2021 Cairn 177 p., ill. NB e col. e cob. color, 10 euros.
Domenge Bidot-Germa qu’ei l’autor [enter autes] de : – Petite histoire de Pau, Pau, Cairn, 2013. – (Co-dir.), Atlas historique de Pau, Bordeaux, Ausonius, 2017. – Histoire de Béarn en coll. M. Grosclaude, D. Bidot-Germa, J.-P. Duchon, Ortès : Per Noste, 1985. – Paginas de l’istòria d’Occitania, escala de temps, obratge collectiu pareishut a Lescar a las edicions Vistedit en version occitan-gascon e occitan-lengadocian en 2000.
Que profieitam l’entervista de Domenge Bidot-Germa (e la soa experiéncia) tà’n saber mei sus l’estat deus recèrcs a l’UPPA – e mei largament – au moment quan i passa los sons darrèrs mes abans la retirada. De Domenge Bidot-Germa, tranquille e solar que ns’impòrta de seguir lo tribalh qui tanh tan simpaticament e tan modèstament a nse har compréner e tocar l’Istòria nosta. E qu’èi enveja de’u díser un beròi mercés !
Las musicas d’En Ondas • Roudoudou Peace to earth • Yann Van der Cruyssen • Arnaud Obiols Tòst Saba • Björk Volta Declare Independéncia • Manufacture Verbale Voix du quotidien et de l’unique Bulles • Battle Mirrored Prismism Sonaus de Joan Francés Tisnèr Winter Surge inedit
D’autes programas d’En Ondas dab o sus D. Bidot-Germa: https://hadiu.eu/?s=bidot-germa La setmana qui vien en navèra difusion l’emission de fin de 2017 en la soa companhia sus la benda d’imatges Gaston Fèbus en çò d’In8.
Dens En Ondas qu’ei question d’un libe de poèmas de joenèr, d’ua mustra, d’ua serada d’ajuda solidària e de Murtres en cadena, lo libe de Joan Miquèu Dordeins pareishut aus Reclams fin de 2022. Un polar tot prestit de classicitat, un moment hòrt agradiu de lectura.
Murtres en cadena, Joan Miquèu Dordeins, Reclams edicions 2022, 261pp., cob. color, coll. Vias negras. 17 euros.
Presentacion publica AQUERAS MONTANHAS, libreria, la CIUTAT, plaça Recaborde 64000 PAU Dissabte 15/04/2023 a 11h
Lo libre de joentut 1920-1931 Henri Irénée Marrou per Felip Gardy Ed. Cahiers du carrefour Ventadour. Philippe Gardy, universitari, director de recèrca onorari au CNRS, especialista dens l’estudi de la literatura occitana, de l’atge barròc a l’epòca contemporanèa, qu’a ensenhat a las facultats de Bordèu e Montpelhièr. Poèta e novelista, qu’ei l’autor d’un detzenat d’obratges de tria en occitan.
Mentre lo maire de Rodés e tempta de massacrar l’Estivada. La mustra de Bernat Cauhapè K.O.P., un deus actors de la quita Estivada longs ans de reng, Acabatz d’entrar que serà inaugurada en preséncia de las autoritats deu departament d’Avairon, lo divés 7 d’abriu a 6 h deu vrèspe au tribunau de las arts 8 baloard Aristide Briand a Sent-Africa. Vedederas dinc au 27 d’abriu, las òbras d’un uelh, d’ua pensada e de mans singularas. De non pas mancar. Inauguracion seguida d’ua performància deu quite actor e pintor-plastician a la sala de las Colonas sala de las hèstas de Sent-Africa. Rensenhament mailto:patrick.couffin@wanadoo.fr president de l’associacion Cap l’òc.
Que s’eslissan dens En Ondas un aperet a solidaritat au cantaire Bernat Combi dab quauques uas de las soas musicas. Bernat Combi, qu’estó victima d’un Accident Vascular Cerebrau en aost passat. La condicion fisica que vien complicar mei la soa existéncia. Ua serada de sostien solidària qu’ei organizada lo divés 31 de març, sala Latreille a Tula a partir de sèt òras e mieja deu ser. Entrada 10 euros rensenhaments www.baladoctula.org dab la projeccion de Laus daus gaus (L’elògi deu pisha-au-lhèit) de Jean Louis Maury a 7h30 deu ser puish bal dab La Galoche 9h.
Las musicas d’En Ondas • Eschantis Bernat Combi e Peirat Escotas • Andreas Vollenweider Dancing with the Lion Silver Dew, Golden Grass • Jammu Africa – Ismaêl Lô • Eschantis Bernat Combi e Peirat Chant deus aulhats _ Opus H5N1 • Thomas Baudoin Roman Colautti D’en Haut Sonaus de Joan Francés Tisnèr Winter Surge inedit
Gran plaser d’estar lo temps d’aqueth programa d’En Ondas, en companhia de Silvan Chabaud e de la soa escritura. Que’vs perpausi d’encontrar a un Gullivèr mieigterranèu, un arpentaire doblat d’un corredor de hons ce ns’explica Silvan Chabaud. Aperabans que vs’averèi destecat lo somari d’Aquò d’Aquí n° 352, tostemps en Provença e mei enlà.
Silvan Chabaud, autor de Montar, Aubres… e Lei Islas infinidas = Les Iles infinies Jorn, 2012 Serranas = Sérannes, Jorn, 2019, 120 p. reviradas de S. Chabaud, J.-C. Forêt, P. Gardy, F. Vernet Pèira seca = Pierre sèche, L’aucèu libre, 2022
Las musicas d’En Ondas • Mauresca Fracas Dub Contèsta Estanhs e Garriga • Sam Karpiena Dupain Lei presonièrs • Sourdure L’Espròva Un jorn d’aquesta prima • Pèira Joan Francés Tisnèr • Marcèla Delpastre Cant de tradicion La Guilhaumèla • Doctors de trobar Larguesa clips e extrèits de canta Sonaus de Joan Francés Tisnèr Winter Surge inedit
– Petite histoire de Pau, Pau, Cairn, 2013.
Qu’encontram a Domenge Bidot-Germa au parat de la sortida, en çò de talhèr 
Hadiu 
You must be logged in to post a comment.