Category: Ràdio podcast de resisténcia en occitan

En Ondas, Jòclong, E n’èm d’avís, capsas musicaus

En Ondas setm. 19 Maurici Romieu

Abat Laborde,Arbiost,Areta,Art religiós,Aush,Bastien Miquèu,Cant de la Sibila,Edicions Escòla Gaston Febus,En Ondas,Golgòta,Gran judici,Lescar,Longin,Maurici Romieu,Passions,Queiràs,Ràdio podcast de resisténcia en occitan,St Venan en Queiràs,Varètja

Dab Maurici Romieu que perseguim d’explorar Les passions pyrénéennes chantées : Arette, Arbéost, Barèges qui anòta, presenta e arrevira en çò de las edicions de l’Escòla Gaston Fèbus en març de 2022. Un libe a l’italiana de 127 paginas, compaginadas per Maria Taïbi e ricament illustrat en color dehens, en negre e blanc en cobèrta. 19 euros.
Aqueste còp que parlam de la realizacion d’aqueste libe qui presenta tres tèxtes cuelhuts au cors deu sègle XIXau a Areta en Varetons, a Arbiost enter Vath de Ferrièras e Lavedan e Varètja en Lavedan. Per estar profanes qu’èran cantats com planhs, lo Dijaus sent au parat de las ceremonias organizadas en las glèisas. Qu’ei completat dab fòtos de la produccion artistica inspirada per la Passion: frescas, pintruras muraus, baishs relhèus, estatuas de glèisas de las vilas e deus vilatges pirenencs. Jean-Claude Clermont que dè la man entaus recèrcs e tribalh fotografics.

Dens l’emission qui seguirà qu’evocaram tanben l’edicion de l’Elucidari de las proprietatz de totas retz naturaus, mena d’enciclopedia deu sègle XIVau dont l’edicion seguirà – animada per ua mustra – tostemps en çò de las edicions de l’Escòla Gaston Fèbus.

Las musicas d’En Ondas
• Arco Alpino Patric Valhant Rigaudon Testard pr’amor Ponhatrèr com a Maurici Romieu que’n cau, aquiu recèrcs que vaden un libe remarcable
• Canti de la setimana santa (Messina Enna Catania) I doli dû Signuri + Ciangi, Ciangi Maria 1 [plora, plora Maria]
• Joan Francés Tisnèr Tralhaires La Passion de la sorcièra (extrèit tot petit d’aquesta pèça)
 Sonaus de Joan Francés Tisnèr Winter Surge inedit

En Ondas setm. 18 Maurici Romieu

Arbiost,Areta,Edicions Escòla Gaston Febus,En Ondas,Golgòta,Jacques Roth,Joan-Marc Lempenhat,Maurici Romieu,Passions,Ràdio podcast de resisténcia en occitan,Varètja

Qu’ei un d’aqueste encontre tostemps esclairant, viscut en companhia de Maurici Romieu. Uei be soi contenta de’vs partatjar lo començar deu tres temps de l’entervista soa a perpaus de Les passions olgpyrénéennes chantées : Arette, Arbéost, Barèges qui Maurici Romieu anòta, presenta e arrevira en çò de las edicions de l’Escòla Gaston Fèbus en març de 2022.

© D. Lekuona

Les passions pyrénéennes chantées : Arette, Arbéost, Barèges Maurice Romieu. Libe a l’italiana de 127 paginas, compaginadas per Maria Taïbi e ricament illustrat en color dehens, en negre e blanc en cobèrta. Au prètz de 19 euros.

portada de Les Passions pyrénéenneschantées. Ed. Escòla Gaston Fèbus, 2022

La seguida, dens l’emission per viéner d’En Ondas. Qu’evocaram tanben ultimament l’edicion de l’Elucidari de las proprietatz de totas retz naturaus, mena d’enciclopedia deu sègle XIVau dont l’edicion seguirà – animada per ua mustra – tostemps en çò de las edicions de l’Escòla Gaston Fèbus.

Las musicas d’En Ondas
• Brice Duisit La Passion de Clarmont Incipit L’arribada a Bethfage
• Brice Duisit La Passion de Clarmont L’anjo e las hemnas au tombèu
• Brice Duisit La Passion de Clarmont Lo parjuri de Pèire
• Kronos quartert String quartet n° 1 , lo 25 de noveme Ichigaya e lo 3
 Sonaus de Joan Francés Tisnèr Winter Surge inedit

En Ondas setm. 17 Guy Latry per « Romans » de B. Manciet

Bernat Manciet,Domenja Lekuona,En Ondas,Guy Latry,Les éditions In8,Ràdio podcast de resisténcia en occitan

En navèra difusion, ua emission de tres ans i a.

Guy Latry qu’ei un passaire.
Que l’encontram au parat de la sortida en çò de las edicions In8, de Romans (lo gojat de noveme-la pluja-lo camin de tèrra / le jeune homme de novembre-la pluie-le chemin de terre), de Bernard Manciet (1923-2005) d’ara enlà disponibles en francés dens las presentas navèras arreviradas en çò de l’editor bearnés. Lo gojat arrevirat per Estela Comellas e Guy Latry, La ploja per Guy Latry e Lo camin de tèrra per Sèrgi Javaloyès e Guy Latry. Que trobaràn las versions en lenga nosta en çò de Per Noste e Reclams.

Lo parat de vs’informar que despuish 2018 un site internet bilingüe qu’estó creat qui visitaràn dab profieit : https://bernardmanciet.com.

Cobèrta de Romans de Bernat Manciet en çò de In8 en 2018.

Romans/Bernard Manciet, trad., prefaci, notícia, bibliografia Guy Latry, coll. Estela Comellas e Sèrgi Javaloyès. Sèrra Morlaàs: In8, 2018 (Escapades, dir. coll. S. Javaloyès). 350 p. 2018. 22 euros.

Las musicas d’En ondas :
Lubat Poiesiques, St Just Blues
Crestian Vieussens Esquiç seguit d’auròst 7 e 9
Manufactures verbales : Sonets – La seda, Negue pelami, Còpa, talha, talhuca dit per Bernat Manciet.
Sonaus de Denis Fournier e Percussions Profile Le Mystère de la Pyramide

En Ondas setm. 16 Yannick Jaulin (en navèra escota)

Domenja Lekuona,En Ondas,Lengas,Parlanghe,Ràdio podcast de resisténcia en occitan,Ràdio podcast en occitan,Yannick Jaulin
  • © Y. Jaulin a Pougne en 2017 D. Lekuona

Quasi 5 ans i a au noste micro, Yannick Jaulin per Ma langue maternelle va mourir et j’ai du mal à vous parler d’amour, espectacle autant iconoclaste com ginhèc.

Per ací ua video mercés a la complicitat enter auta de Joan Pèire Lacomba, fotografa, contaire e escrivan eth tanben.

Que parlam lenga, la soa e la nosta !

La musicas d’En Ondas :
Mouth Music I Bhi A Da
Màgerment a partir deu cd collector e preciós de Yannick Jaulin Mick de Chaï
Benaese
Belebat
Tokolai
L’oie Qui Brete
Mick De Chai
Eklektic consort Cashmir Adrià Grandia sonsainista
 Sonaus de Denis Fournier e Percussions Profile Le Mystère de la Pyramide

En Ondas setm. 15 Adelina Yzac

Adeline Yzac,En Ondas,Escòla freudiana d'Avinhon,Jorn,Letras d'òc,Maëlle Dupon,Peiregòrd,poesia occitana,Psicanalisi,Ràdio podcast de resisténcia en occitan

L’emission que s’òrb suu poèma « Dire son òc » per l’autora, Adelina Yzac. « Ecrire c’est ce grand geste d’effort » atau e’s clava la pagina d’arcuelh deu suu blòg : https://adelineyzac.wordpress.com.
Que’vs perpausi de seguir ua escrivana singulara qui legem despuish pausa dens En Ondas. La soa pagina wikipèdia en occitan : https://oc.wikipedia.org/wiki/Adelina_Yzac.

Autes mots claus : La cause freudienne, Cartel, Escòla freudiana d’Avinhon

© Sipko Stheeman

D’ua clarvedença expressiva impressionanta que vs’arrecomandam solide la soa òbra en occitan (qu’escriu parièr en francés) : D’Enfança d’en fàcia, Un trin per tu tota sola en çò de Jorn o la Drolleta de la luna, a Letras d’Òc.

Darrèrs libes pareishuts : Fille perdue, roman, éditions La Manufacture de Livres, Paris, mai 2021
De quelle couleur sera le bébé ? Anne Crahay illustratrice, album, Alice éditions, Bruxelles, mars 2021

Las musicas d’En Ondas
• Brice Diusit Guilhem IX d’Aquitània Interludi e pòstudi instrumentaus
• Bruno Bonhoure La camera della lacrime Se canta que recanta Ti lin Ta lon 
• Armenia (Armenian Duduk) Kele Kele, Haberban
• The National Duduk Ensemble of Armenia Hov Arek Sarer Jan (Cool Me, Dear Mountains)
• Yeghish Manoukian The Crane of Akn
• Sourdure De mòrt viva L’ivèrn daus astres 
 Sonaus de Joan Francés Tisnèr Winter Surge inedit

En Ondas setm. 14 Cecila Chapduelh

Andy Warhol,Anni Albers,Cecila Chapduelh,Chamins de St Jaume,Danís Chapduelh,En Ondas,Ives Roqueta,Jan dau Melhau,Joan Rigosta,Jorn,Jue Dondon,Michèu Chapduelh,Onirografa,Ràdio podcast de resisténcia en occitan,Serigrafia

Que recebem a Cecila Chapduelh a un moment quan se deveré boclar l’edicion d’un tresau obratge (en çò de Jorn d’ací quauques setmanas). Cecila Chapduelh vaduda en 1980 qu’ei professora, musiciana, doblaira de filmes d’animacion e longs metratges, serigrafa, e escrivana polimòrfa. Per era qui declara « n’èi pas arren a díser alavetz qu’ac vau díser », la poesia n’ei pas seriós, que se’n vòu amusar lo mei que’s posca. Que nse respon en occitan gascon – competéncia aquesida pr’amor que viscó ua bona pausa en Gasconha – e que se n’explica au cors de l’emission deu son cameleonisme. Jan dau Melhau que publica lo son prumèr recuelh a las edicions deu Chamin de Sent Jaume A chara o crotz en 2015 (ill. Jan-Marc Simeonin), Volutas 2020, Chançoneta de ren e retrachs fotosensibles per paréisher a Jorn en 2022.

Dens lo present entertien, Cecila que ditz un recent poèma : Camaleon.

Per amistosà’s dab Cecila : https://www.facebook.com/cecila.chapduelh

Las musicas d’En Ondas
• Combi Peirat Eschantits Que donarai ieu a ma mia
• Camaleon de Cecila Chapduelh dit per l’autora
• Françoise Etay Ab’aquí praubes dròlles Fai anar ton violon prauba maire
• Marcela Delpastre chants de tradicion La chançon de Martisson
• Jan dau Melhau Au neissent d’un trobaire : las prumièras chançons 1972-1974 Una nuech d’estiu
• Daniel Frouvelle Aital sèm Racatau
 Sonaus de Joan Francés Tisnèr Winter Surge inedit

En Ondas setm. 13 Anne-Pierre Darrées, Ercules l’iniciat

Anne-Pierre Darrées,En Ondas,http://www.reclams.org,Joan Loís Lavit,Maurici Romieu,Mitologia antica,Ràdio podcast de resisténcia en occitan,Reclams edicions

Que devisam mitologia dab Anne-Pierre Darrées qui signa un libe preciós en çò de Reclams edicions : Ercules, l’iniciat, liberòt bilingüe d’un centenat de paginas, illustradas en negre e blanc de la cobèrta color per Margot Raillé. Mei precisament que seràn los dotze tribalhs d’Ercules qui, destecats dens l’obratge aqueste, amuishan la madurada d’un miei diu – e òc eths tanben qu’an de vàder grans ce sembla – Eraclès (en grèc ancian Ἡρακλῆς /Hēraklês, qui vòu díser « Glòria d’Erà»), deu son nom prumèr Alcide, hilh d’Alcmèna e de Zèus, l’un deus eròis mei laudats de la Grècia antica. Qu’a las aventuras en la mitologia grèca hens lo monde coneishut deus Dorians puish dens totas la mediterranèa, a partir de l’expansion de la Grècia grana, dincaus in•hèrns. Que son condats los sons esplèits tanlèu Homère. Eraclès qu’ei dit Ercule dens la mitologia romana, identificat qu’ei au Melkart fenician, a l’Ercle estrusque e au Kakasbos en Asia minora. L’Ercule deus Romans qu’ei per còps descriut com mensh violent que non pas lo son alter ego grèc e que coneish daubuas benalejas qui’s debanan en la peninsula uei dita italiana. Dens aquesta emission Anne-Pierre Darrées que nse ditz perqué a causit de’n har un libe e shens que pr’amor qu’ei a l’arrasic de la legenda de la creacion deus Pirenèus.

Anne-Pierre Darrées per evocar Ercules l’iniciat que pareish en çò de Reclams Edicions.

En çò de Reclams edicions, entaus joens, un essai d’Anne Pierre Darrées : Ercules l’iniciat [3]. Los dotze tribalhs d’Ercules aliàs Eracles que son esplèits cargats d’ensenhaments. Aventuras pleas de simbèus, viscudas peu hilh de Zèus e d’Alcmèna que permeten a l’eròi dejà miei-diu de vàder un uman, de véncer l’animalitat, los truvèrs, d’alargar la consciéncia com ns’ac a partatjat Anne-Pierre Darrées. Libe de formacion se n’ei puish a que la natura d’Ercules qu’ei de dar la man aus umans com aus dius. Seguim las benalèjas extraordinàrias de l’eròi mei popular de la mitologia grèca e romana. Bilingüe occitan-francés 104p. 10 €
[3] Ercules l’iniciat. Ercules lo miei diu e Pirena la divessa, a l’origina deu Pirenèus dit per l’autora https://www.reclams.org/fr/liste-des-produits/produit/138-ercules-l-iniciat/highlight-WyJlcmN1bGVzIl0=

Las musicas d’En Ondas
• Music of the ancient world Grècia antica Dáktilos améra
• Björk Biophyllia Cosmogony
• Perlinpinpin fòlc Tenarèze E la musica passa la boca
• Music of the ancient world Grècia antica Eros
• Rosina e Martina de Pèira Chants occitans Arièja
• Transpòrts Tisnèr S.A. Amontanhas 2 arremesclada Baisha viste de la montanha shiulat
 Sonaus de Joan Francés Tisnèr Winter Surge inedit

Ercules l'iniciat cobèrta de Margot Raillé by permissions Reclams Edicions.
La cobèrta d’Ercules l’iniciat Margot Raillé by permissions Reclams Edicions

En Ondas setm. 12 Danièle Estèbe-Hoursiangou

Barbara Cassin,Bernat Manciet,Danièla Estebe-Hoursiangou,dòu,En Ondas,Guy Latry,Jorn,mort,poesia occitana,Ràdio podcast de resisténcia en occitan,Vinciane Despret

Encontre dab ua escrivana en dòu. Pas per un auròst de rencura, un d’amor meilèu. Danièle Estèbe-Housiangou que parla de la soa arribada a la lenga, a l’escritura, acompanhada qui estó per exemple per Bernat Manciet juste abans la soa despartida en 2005. Lo prumèr recuelh que’s titòla « Parçans esconuts ». Lo dusau que pareish, tostemps en çò de l’editor Jorn. « Qu’as dubèrt un país blanc = Tu as ouvert un pays blanc » qu’ei un recuelh bilingüe.

© Fòto D. E.-H.

Qu’as dubèrt un país blanc = Tu as ouvert un pays blanc de Danièle Estèbe-Hoursiangou. Jorn, 2022. Recuelh de dètz-e-sèt poèmas : Òda a l’absent = Ode à l’absent e d’un long poèma de pròsa Peu nom de la Trinitat = Au nom de la Trinité, tèxte sensible pertocant l’alquimia de la tresau entitat dens lo coble. 76 pp., cob. NB. En version bilingua. 12 euros.

Dens aquesta edicion que parlam parièr de Barbara Cassin (e deu hilh) dab Le bonheur, sa dent douce à la mort (títol emprontat a Rimbaud), ua autobiografia filosofica a tres dab lo hilh, en çò de Fayard en 2020 e de Vinciane Despret (qui s’interèssa tanben com Danièle Estèbe-Hoursiangou, a las bèstias) per Au bonheur des morts a La Découverte en 2016 (Les empêcheurs de penser en rond). E seré un camin obligat que de’s desbarrassar deus morts e ua injonccion absoluda que d’escapar a la dolor ?

Las musicas d’En Ondas
• Vents Solaires Valentin Clastrier
• Eric Fraj La Vida lo triple CD, amantolat d’òbras de Daidièr Mir, que sòrt d’espelir que presenta 5 poesias signadas Danièla Estèbe-Hoursiangou sus las cinquanta cantas que compta aqueth triple, qu’avem escotat Dromes dins l’òrt.
• Pèire Boissière El romance de Andaleto
• Dupain Karpiena Sòrga Beveire d’aucèus
• Copa Talha Talhuca dit peu quite Manciet dens lo disc de La Manufacture Verbale Sonets
• Lluis Llach Porrera món Pilar
• Roman Baudoin Primate Lua
 Sonaus de Joan Francés Tisnèr Winter Surge inedit