I am an occitan radio producer in occitan language | Que soi ua productora-ràdio de programas en occitan | Je suis une productrice de programmes radio en occitan
La paraula au musician poliinstrumentista, cantaire, dançaire e contaire de Peitau Christian Pacher. Qu’èm au Primtemps de l’Arribèra qui en 2021 e’s tien, per fòrça, l’estiu. Christian qui i tòca dab Ciac Boum que ns’entertien de parets de pèiras secas, d’educacion populara, de costejadas frutècas, de hèstas gaujosas tot com de bilanç carbòni deplorable puish a qu’arrens n’ei profèta au son país. E sustot de cultura e ns’avertir solide que la cultura, la poesia e la literatura : «qu’ei entaus clècos». Los puishants non vòlen sustot pas que se n’ocupem e pensem per nosautes medishes, que nse vòlen guardar descerebrats au ras de la television qui a remplaçat lo còrn deu huec. Tè un renviat, que nse vòlen au còrn deu temps : impotents a véder los trins passar. E non, n’ei pas atau qui ac enten Christian Pacher !
D’autes temps d’aqueste Primtemps de l’arribèra d’estiu : Les poufs à cordes Noélie Nioulou e Clémence Cognet un bon bal-concert e dont me guardi ua de las valsas memorablas dançada dab Basile Brémaud, meravilhós musician e vriolonaire eth tanben, De la Crau de Sam Karpiena, A tot vedent l’espectacle d’augan deus Chancaires e Dus au Casau !
En Ondas en reportatge a Xiru (la 31auedicion en 2021). En companhia de Mixel Etxekopar, cantaire e musician, director artistic deu hestenau, Xavier Pinon fotografa e Amaren Alabak (Maika Etxekopar e Bonbon Beltz que jògen De nos vieux a Maule lo 12/11 en francés e loi 13/11 en euskara ) qui’s hèn entau parat Amaren Baladak. Qu’i devisam de l’edicion deu mes d’aost de 2021 (de costuma qu’ei en abriu) de Xiru de secors com l’a batiada per trufà’s Mixel pr’amor qu’a bèth drin mequejat : la darrèra arròda deu carri qu’ei plan tostemps la cultura, se podem constatar…
31au edicion de Xiru consacrada aus bardes e en especiau a l’Etxahun de « GAZTELONDON ZER BERRI », barri de Barkoxe | Barcus dab l’espectacle qui’u consacrèn MIXEL ETXEKOPAR, musika, kantu, TTK REKALT testua, botza, musika, J. CHRISTIAN GALTXETABURU, esku soinua, perkusioa e un musician qui remplaçava suu pè a PIERRE VISSLER, soinu grabaketak, musika qui non volèva pas participar a un eveniment on calèva lo pass sanitari. Ua vesita de uei dens lo sègle XIXau e lo monde deu poèta Pierre Topet Etxahun. Barkoxe, peu cant, los sons e las paraulas. Bèras emocions qu’aqueste « Gastelondon zer berri » dens lo banh deus univèrs entercrotzats, escotaires beròi e emetedors de tria e de trilhas. Un espectacle hòra nòrma portat per l’expressivitat musicau, deu cant e de la votz enter lo parlar e la musicalitat tant especiau de TTK Dominique Rekalt. De mentàver en aquesta edicion de Xiru : un mei qu’excellent e enlobataire Dede Minvielle lo dimenge mieidia, Femmouze T lo vrèspe, d’on èra lo tornar… com tots d’alhors qui’s produsivan aquestes tres dias, despopats qui èran los artistas, de tocar en public pr’amor de la COVID-19.
Quauques imatges, fotografias e grafismes commentats de visionar en tot escotar l’emission. Quelques images, photographies et graphismes commentés à visionner en écoutant l’émission.
Las musicas d’En Ondas • En lo seguici cants d’Amaren AlabakBaladak, causits per Mixel Etxekopar • Arnaga Rougier Etxekopar Lau Sasuak Antonio Vivaldi [1678 Venisa – 1741 Vièna] 03 n° 1 Udaberria – La primavera Allegro 10 n° 4 Negua – L’inverno Allegro non molto Paciéncia tà un CD de GAZTELONDON ZER BERRI. Que’vs tienerèi au chuc de la parucion solide. Sonaus de Denis Fournier e Percussions Profile Le Mystère de la Pyramide
En Ondas que’vs perpausa d’encontrar a Françoise Etay e David Khatile, dus musicians-dançaires. La prumèra qu’ei capdau deu departament de musica tradicionau au Conservatòri a Raionament Regionau a Lemòtges e lo dusau antropològue e cercaire de la cultura antilhesa. Qu’encontram a dus deus vint e dus intervienents au « Purmèr seminari annau en etnomusicologia de la França » qui’s tiengó los 11 e 12/11/2015 a Vilhèra (Bearn) a la mediatèca obèrta a çò qui lavetz s’aperava l’Institut Occitan d’Aquitània (Etnopòle per la lenga e la cultura occitanas) e pas enqüèra Institut occitan de cultura. Formava part dab ua auta edicion d’En Ondas d’un tot : Françoise Etay, David Khatyle, Joan Jacme Casteret, Luc Charles-Dominique e Xavier Vidal, cuelhudas au Purmèr seminari d’etnomusicologia de la França.
Las musicas d’En Ondas Ab’aquí praubes dròlles Bela Fanchon, Fai anar ton violon e Lucien Rosamond Anthologie de la musique antillaise Contredanse n° 1, 2, 3
Sola e unica convidada d’En Ondas, Katy Bernard, mèsta de conferéncia d’occitan a l’universitat de Bordèu Montaigne. Presidenta lavetz en 2015 de l’InÒc Aquitània. Creatore de l’associacion Trobadas. Que devisa deu mooc a succès (mei de 3000 inscriuts) : Les chansons des troubadours, qui’s debanè d’abriu a mai de 2015. Un Mooc (massive open online course) qui’s tienerà tornar en 2016. Que ns’entertien tanben de las soas publicacions Les mots d’Aliénor : Aliénor d’Aquitaine et son sièclepublicat per Confluences e de Le Néant et la joie Chansons de Guillaume d’Aquitaine editat per Federop.
[emission deu 27 de seteme de 2015 en difusion tornar – en rediffusion]
Las musicas d’En Ondas* Rosina e Martina de Pèira Cants tradicionaus Escotatz Marcabrun
* U2 Achtung baby So cruel
* T Na Rez Aral Interludio+Interludio humeur acqueuse
* Brice Duisit Guillaume IX d’Aquitaine – Las cansos del Coms de peitieus Interlude instrumentau
* T Na Rez Aral Aral
* No quarter
* Re Niliu Caravi A la calla africana
* Delphine Aguilera Christian Zagaria Amb la doçor Quan vei la lauseta mover Bernat de Ventadorn
Miquèu Montanaro per Lavande et Jasmin lo disc e l’espectacle en companhia de l’instrumentista chinesa Sissy Zhou, que ns’a plan volut acordar ua entervista. Lavanda e Jansemin o Jausemin que serà lhèu la part mei femenina de Miquèu Montanaro dab la grana e sensibla instrumentista de Guzhen qu’ei Sissy Zhou : escotas, fusions, expressivitats hens un trenat vegetau d’aur e de porpre.
Que’m hida Miquèu Montanaro quau liberacion esprava de poder transméter la companhia au hilh. N’a pas lo sens de la proprietat, puish a l’estructura que s’apèra adara la Companhia Baltazar Montanaro.
En Ondas de rentrada hens lo viu deu subjècte qui facha en companhia de Michel Rodes. La gravèra de Carressa e Cassabè, usina a calhaus seguida ! Lo 20 d’octobre 9h, au cap de 5 ans, l’audiéncia (la tota prumèra !) qu’ei calada au Tribunau admininistratiu 50 cr Lyautey 64010 Pau. Ce 20 octobre 9h, au bout de 5 ans, l’audience (la toute première!) est calée au TA. Las associacions e los collectius que s’amassàn per ua conferéncia de premsa lo 4 d’octobre de 2021. Associations et collectifs se sont réunies pour une conférence de presse ce 4 octobre 2021.
In occitan and french (locutor passiu qui s’i hè !) En occitan et français (locuteur passif en devenir actif!) La gravèra DANIEL-SAS o DPL a Carressa e Cassabè : usina a calhaus, seguida. La gravière DANIEL-SAS ou DPL à Carresse et Cassaber : usine à cailloux, suite. De notar : Lo quite dia e au quite lòc, audiéncia en aperet introdusit per Na la Maira de Sòrda (ahar de l’arrestat contra la circulacion de camions de mei de 19 tonas sus la comuna). À noter : Le même jour, au même lieu, audience en appel interjeté par Mme la Maire de Sorde-l’Abbaye (affaire de l’arrêté municipal contre la circulation de camions de plus de 19 tonnes sur la commune).
Mercés per la vòsta ajuda a har saber e difusar ! | Merci de votre aide à faire savoir et à diffuser !
Bon a saber : • En cavar la hòssa, Daniel qu’a devut estar susprés [o pas…] de la qualitat de la grava trobada : blòcs de pèira, tarròcs meilèu que grava. Que’u va caler anonciar adara l’installacion probabla d’un concassaire sus plaça. Que seré en efèit ua eresia ecologica que de har circular, sus 56,5 km anar dinc a Abòs, camions de 40 tonas (80 per dia) per concassar e susquetot tà Daniel be seré anti economic ! De mei tot aquò que semblaré que sia estat anticipat per las autoritats e l’industriau, puish a, lo miei escambiaire de Sòrda l’abadia, qu’ei virat cap a Baiona per alimentar los projèctes de la còsta basca e landesa ! • A Erfstatdt Blessem en julh de 2021 un aigat monstre – com n’i averà mei anar mei pr’amor de çò d’aperat pudicament « lo cambiament climatic » – que hasó explosar la gravèra en amont e que destrusí tot ua part d’aquesta vila de 50000 poblants en Alemanha dens lo parçan de Köln (Colonha). Si dèishan har aqueste projècte qui sap çò qui s’i passarà a Cassabè ?
Erfstatdt Blessem (Alemanha) 07/2021
De tot aquò que s’entertienem en occitan e en francés puish a Michel Rodes qu’ei un locutor passiu (pas tostemps d’alhors). En mei dens l’emission : lo brut blanc, la canta deu Gave de Pau qui serví a l’espectacle Sorrom Borrom de Joan Francés Tisnèr apeat sus estrèits de l’òbra eponima de poesia epica de Sèrgi Javaloyès. Tanben un jòc concors per arrevirar au francés aquestes tres mots occitans : trebós, dobtós e traficant bòrni. Aus diccionaris vòstes !
Las musicas d’En Ondas • d’aiga e de calhau : Jos l’aiga Guillaume Lopez, Crestian Vieussens Redon d’aiga & Esquiç, Joan Francés Tisnèr Aiga 1 e brut blanc de Gave de Sorrom Borrom Sonaus de Denis Fournier e Percussions Profile Le Mystère de la Pyramide
Uei qu’encontram a Edith Moutengou qui gereish Transhumance e Cie, ostalaria e restaurant, dont l’òmi Fabrice e s’encuenta de la taula. Que’vs convidam a un devís de vita en loquau la Vath d’Aspa e tien ua pro bona plaça. Qu’èm a escotar la beròja lenga aspesa d’Edith. L’estacament, l’enrasigament, la hami de realizar e de’s realizar. A lor, las crampas com lo minjar que’s disen en occitan ! Que’s tien Edith a çò que’s prometó – a contra briu deus de la soa generacion, de las qui davantejèn e de las qui an seguit tanben : «Jo que tribalharèi ací ! ».
Edith Moutengou Transhumance & Cie 8 av. Robert Balanguer Gara 64490 BEDÓS BEDOUS
D’espiar en escotar lo programa !
Las musicas d’En Ondas • Marcel Amont canta los poètas gascons Adiu Plana de Bedós (tèxte de Xavier Navarròt) • Joan Francés Tisnèr Transpòrts Tisnèr SA En trin que’s pòt • Biella nuei e amics occitans O Canfranero au vriulon Crestian Lanau Sonaus de Denis Fournier e Percussions Profile Le Mystère de la Pyramide
Hadiu 
You must be logged in to post a comment.