Hadiu

Au moment quan l’ASN [Agence de Sûreté Nucléaire] en sursis – pr’amor deu projècte de fusion dab l’IRSN [Institut de Recherche et de Sûreté Nucléaire] – que’s debana ua consulta publica sus aspèctes de seguretat de l’EPR de Flamanville [European pressurized reactor]. Un quite EPR adobat dab rustinas ce punteja lo Sénher Bruno Chareyron (engenhaire en fisica nucleara) de la CRIIRAD [Commission de Recherche et d’Information Indépendante sur la Radioactivité] en léger l’article « Scandale EPR ou comment faire fonctionner des réacteurs nucléaires avec des rustines” deu 15 de heurèr de 2023 e lege’n lo comunicat de premsa : https://www.criirad.org/wp-content/uploads/2023/02/2023-02-15-CP-EPR-Flamanville.pdf. La question de las vibracions – defaut de concepcion de tots los EPR – vibracions deus assemblatges dens la cuba e mei lo cubertís d’aquera qui ei non confòrme. Per darrèr la question tarritanta de la promocion deus EPR 2 « a la hussarda” e com si anavan de se, quan ei, i comprés, un destornament d’atencion : espiatz la mariolina ! en medish temps com un assecament de la ressorça financèra de tot un Estat : e la moneda de l’Estat francés que son los ciutadans qui la provedeishen.
Per rason de santat economica de quate «happy fews o few lucky winners», qu’arroeinan e qu’ipotecan l’aviéner de las generacions presentas e futura.
En Ondas que’vs convida a duas de las soas edicions dab Joan-Luc Landi. 
En sus de las soas competéncias en casalatge, en occitan e euskara ; l’astre qui a en escritura (en çò deus Reclams), qu’ei mei Joan-Luc Landi un ciutadan engatjat – e d’autant luenh que me’n posqui brembar – engatjat antinuclear. Dens aqueras emissions que devisam en la soa companhia de cèrtas fracturas sociaus o generacionaus sus la vision de l’industria nucleara en França e de l’aberranta causida hèita peus poders publics.
Joan-Luc Landi qu’ei un ciutadan qui exerceish la soa facultat de sasir lo politic qu’evocam lo son corrièr au president de la Republica e au Comissari au plan *. Qu’ei quauqu’un qui n’ei pas expèrt en nuclear mes qui s’infòrma e qui pensa !
Lo devís qu’ei dense e que’m permeti de v’ac deishar escotar dens lo son debanament naturau au moment quan avem enregistrat aqueth entertien.

« L’electricitat ne’s pesca pas dens la natura, que la cau fabricar”.

Que parla de l’ubrís (hybris, revirat per « desmesura »), nocion de la Grècia antica, qui renvia a actituds excessivas : passion, orgulh, otratge, crimi, transgression deus umans politics.

Malevil Robert Merle 1972 (Ficcion pòst-apocaliptica)
L’ulteriorament contestable Roger Garaudy dens L’appel aux vivants en fin deus ans 70, de l’aute sègle…

Que’ns deisham suu fracàs deu miralh a las alaudetas deus subergenerators… e de la paralisi | sideracion deus còs societaus cap au nuclear. Que nse podem demandar si n’ei pas de medisha natura com la de cap a tota violéncia : guèrra o forçament.
Pacientem ua setmana abans de juntar tornar a Joan-Luc Landi e de repréner sus aqueras questions.

• La soa letra qu’estó publicada notadament in l’ABC del saber n° 2 ENERGIA. Tà pagina virà’n librament un trentenat de pajas : https://reclams.org

Programes autes en companhia de Joan-Luc Landi en seguir per aquí : https://hadiu.eu/?s=Landi

Las musicas d’En Ondas
• François Dumeaux Ikarusu bruslà’s las alas a Fukushima [i comprés lo silenci] pèça inspirada de la catastròfa japonesa de març de 2011.
 Sonaus de Joan Francés Tisnèr Winter Surge inedit