Los 100aus participants a Zeste per Tralhaires de JF Tisnèr

En comptar los chècs non tirats enqüèra qu’ètz un bon centenat a participar au Zeste per Tralhaires de Joan Francés Tisnèr. Los centaus que son un parelh. Qu’èm hòrt urós. Lo vòste sostien preciós qu’ei de compte har ! Que n’èm au 80 % deu finançament (drin mei de 1000 euros a trobar) e que demoran 10 dias per boclar. Haseder qu’ei. Mila mercés per la vòsta hidança e las vòstas contribucions. Au plaser de vs’encontrar lo dissabte 13/01/2018 a 20:30 a la Sala Jean Monnet de Salias.

180105_zeste

Tralhaires dens D’Òc Show

https://plus.google.com/u/0/+LEKUONADomenja/posts/eePerTMa5CR

En Ondas Los castellèrs Jordi Rafols

Hola Republica catalana !

E n’ètz d’avís ? 90 Lengas 3/3

Hèm tribalhar la lenga !

En Ondas F. Biu 1èr prèmi de traduccion Pèir de Garròs

Ua segonda edicion deu prèmi Pèir de Garròs de Letras d’Òc qu’ei a s’apressar. En difusion tornar l’entervista dab Felip Biu per « Lo qui marmusava dens l’escuranha ».

Jòclong 10 Nadal encara Daga Martina Rosina e Clara de Pèira

En jòia !

E n’ètz d’avís ? 89 Lengas 2/3

en difusion tornar per acabar l’an de plan !

En Ondas setm. 51 en difusion tornar en companhia de Katy Bernard, lo Mooc deus trobadors

Que tornam sus la 1èra edicion deu Mooc suus Trobadors en companhia de Katy Bernard.

Katy Bernard, mèsta de conferéncia d’occitan a l’universitat de Bordèu Montaigne. Presidenta de l’InÒc Aquitània e de Trobadas. Que devisa deu mooc a succès (mei de 3000 inscriuts) : Les chansons des troubadours, qui’s debanè d’abriu a mai de 2015. Un Mooc (massive open online course) qui’s tienerà tornar en 2016. Que ns’entertien tanben de las soas publicacions Les mots d’Aliénor : Aliénor d’Aquitaine et son siècle publicat per Confluences e de Le Néant et la joie Chansons de Guillaume d’Aquitaine editat per Federop.

L’actualitat de Katy Bernard qu’ei tanben d’aquesta passa qu’ei un libe suu trobador Rigaud de Barbezieux deu quau e ns’entertieneram dab era en començar de 2018, prometut. La Dame-Graal, chansons de Rigaud de Barbezieux (14 €), 2017, 128p.  ISBN : 978-2-85792-235-3. Presentacion e traduccion de l’occitan per Katy Bernard. coll. Littérature occitane « Troubadours » ; 7. Federop.