I am an occitan radio producer in occitan and franch language | Que soi ua productora-ràdio de programas en occitan e en français | Je suis une productrice de programmes radio en occitan et en français
Ua proposicion en quauques extrèits de la mustra apitada per Guy Latry, Bernard, Jean-Claude Marcadé e Francés Pic de la Villa Beatrix Enea d’Anglet [lo centre d’art contemporanèu sis au 2 arrua Albert-Le-Barillier 64600 Anglet] au parat deus centenari de la vaduda de Bernard Manciet. Que’s titola «Au pays de l’esquive = Au país de l’esquiva» éditions Confluences / Cairn e que presenta en tres salas, dessenhs e pintruras qui podón rapidament arrecaptar los productors de l’exposicion a l’entorn de la dacion de M. J.-C. Marcadé. Vededera dinc au 6 de genèr de 2024.
Las musicas d’En Ondas • Crestian Vieussens Bernat Manciet Esquiç Auròst • Erik Truffaz Arkhangelsk Red cloud • Vincent Courtois The Trouble With Happiness Sonaus de Joan Francés Tisnèr Winter Surge inedit
Ne sèi pas a vòste… mes au Saleys, lo cinèma de Salias, que hè un carton lo filme « La Rivière » ! Lhèu pr’amor lo noste arriu Lo Salèis qu’ei dens un estat de mort imminenta…? Corretz que i ei enqüèra programat dinc au 19 de deceme.
Je ne sais pas par chez vous… Mais au Saleys, le cinéma de Salies-de-Béarn, le film « La Rivière »fait un carton ! Peut-être parce que notre rivière Le Saleys est dans un état de mort imminente…? Courrez il est encore programmé jusqu’au 19 décembre.
Que’vs perpausam d’escotar Dominique Marchais, partatjar quin concep au son cinèma. Extrèits : « Si n’avem pas moneda, qu’avem temps… si n’avem pas la moneda tà projectors qu’atenem las nublas e se n’anen o lavetz que tornam escríver la hèita ! » Inspirant. Tanben que nse ditz a perpaus d’un projècte per viéner : « Lo dobte que produseish la coneishença ».
Nous vous proposons d’écouter Dominique Marchais, partager sa conception du cinéma. Extraits : « Si nous n’avons pas d’argent, nous avons du temps… Si nous n’avons pas l’argent pour des projecteurs nous attendons que les nuages s’en aillent ou alors nous réécrivons l’événement ! » Inspirant. Aussi nous dit-il à propos d’un projet à venir : « Le doute produit la connaissance ».
Un cinèma atentiu e organic, sensible e porós. Que tira la soa fòrça d’aqueras capacitats e principis. Ua etica qui non pòt qu’entercalhar. La Rivière, ua òbra totau.
Un cinéma attentif et organique, sensible et poreux. Qui tire sa force de ces capacités et principes. Une éthique qui ne peut qu’interpeller. « La Rivière », de Dominique Marchais une œuvre totale.
Las musicas d’En Ondas • Dupain La Sòrga Títol eponim Dupain • Glass String Quartet #3, Mishima 1. 1957, Award Montage – La pèira qui canta composicion Joan Francés Tisnèr – Gruas ausèths Joan Francés Tisnèr – Gilles Chabenat e Edouard Papazian Le traité des songes (imprimaria e sonsaina) Sonaus de Joan Francés Tisnèr Winter Surge inedit
Dominique Marchais qu’ei un realizator vadut en 1974, estudis a la Sorbonne Paris 4 e passatge a la Villa Medicis, que viu uei a Bordèu. Que sòrt de recéber lo prestigiós Prèmi Jean Vigo qui sòlen de dar a un realizator independent d’esperit e tà la qualitat e l’originalitat de la soa òbra.
La Rivière lo son darrèr documentari, long metratge de 104 minutas, shens d’estar singular qu’ei sustot ua òbra d’art. Au sens prumèr : ua pintrura filmica e sonòra dont lo poder deus imatges e deus perpaus s’adreça a tots los nostes sens, a la nosta atencion e qui nse hè compréner, per l’exemple de gaves pirenencs, çò qu’ei lo monde de l’arriu e lo son ròtle. Aquestes èstes vius qui, despuish sègles, èm los dits umans a cavar, dravar, espleitar, empipautir, masedar e vueitar de tot lo lor poder vitau, lo filme que’us nse hè compréner d’ua tota auta mòda. Que nse rend conscients. Lavetz que podem partvirar las certituds.
AVIS / Emissions en occitan, entervista en francés. Mes propos en occitan peuvent être traduits en français sur http://revirada.eu. Mercés https://locongres.org
Pareishut en junh de 2023 en çò de Jorn, lo son dusau recuelh qui ei illustrat a la Mina de plomb o mei prosaïcament a l’estillò per Jue. Que l’encontrèm era tanben. Un tribalh grafic emprenh de simbolica en miralh dab los poèmas o los devís poetics de Cecila. Ua auta mesa en abisme en·hadaira.
Emper-abans que partatjam informacions meilèu locaus – e perqué non ! – sus rites e visions de l’univèrs, pr’amor de l’actualitat ligada au Topin de Lenga e a mantuas autas associacions en Bearn deus Gaves.
La halha, eth haro, las fallas dens un site en occitan parièr :
Las musicas d’En Ondas • The doors Universal mind • Eths micalets Aiganèu La lua se n’ei cochada • Lua, lua Joan-Luc e Dany Madier-Dauba • Ua, miduna, mitrena 1 Lo renard dab sa gran coda • A ton cuenh Crestian Vieussens Fifres et tambours de Gascogne • Au miei deu bòsc i a nau ausèths D’en Haut Sonaus lo pianista Gérard Douvisy deu disc d’André Ricros, L’usina Dupain intro Diga Joaneta Sonaus de Joan Francés Tisnèr Winter Surge inedit
Pareishut en junh de 2023 en çò de Jorn, un dusau recuelh qui atenèvi despuish un moment. A Chara o Crotz en çò deu Camin de Sant Jaume pareishut en 2015. 103pp. 15 euros. Que parlam escritura d’abòrd, escritura tostemps. De l’encombranta femenitud… Que devisam de la fòrma papèr qui tostemps representa ua reconeishença quitament entaus quarantenaris com Cecila.
La soa actualitat : – Dinc au 30 de noveme : Mustra « Mina de plomb, mina de ren » a la Topina, Tolosa – lo 14 de novembre 2023, 18h rescontres Sauramps dab l’Universitat Pau Valery : http://www.felco-creo.org/14-11-23-universite-paul-valery-rencontre-litteraire-actualitat-de-ledicion-poetica-occitana/. – deu 6 au 31 de deceme 2023 : Mustra « Mina de plomb, mina de ren » a la libreria « Aqueras montanhas », Pau – lo 8 de deceme, dab Jue, 18h : vernissatge de la mustra Mina de plomb, mina de ren a la libreria Aqueras montanhas, Pau. – lo 24 de març, castèth de Bordelha (24) : prima deus poètas, lecturas e talhièr de serigrafia.
Las musicas d’En Ondas • Marc Mellits _ string quartet n° 2 Revolution Mara’s Toy • Francesa Etay Ab aqui paubres dròlles Vriulons lemosins Lo couth e l’irondela Jan dau Melhau • Version d’estudi e d’apréner deu Primtemps de l’Arribèra consacrat a las invencions Matiu Dufau e los collègues • PapaGahus_loba_freddy Sonaus de Joan Francés Tisnèr Winter Surge inedit
Que perseguim la convèrsa entinoada la setmana passada dab Eric Gonzalès [1964-2023]. Ua difusion tornar tà’ns brembar lo son apòrt en la coneishença, la difusion e la creacion egaument dens la lenga occitana de noste, a las quaus e tribalhè de faiçon tant competenta, escarpa e enlusernanta.
en difusion tornar
2009 data d’aquesta entervista – que ved l’espelida de dus obratges, la soa traduccion d’Amélie Nothomb : Igièna de l’assasin (en çò de Per Noste) e de l’edicion tornar en çò de Reclams (n° 1 de la coll. Honts) de Belina de Miquèu de Camelat qui revisa la grafia classica en companhia de Jan Loís Lavit-Talader d’aquesta òbra deu gran Miquèu de Camelat que pareishó en ua edicion definitiva en 1962 e dont la prumèra edicion data de 1898. Parats d’encontrar a l’autor autant riale com preciós.
• 1996 de l’Òrra istuèra d’un hilh de Gelòs : un gojat que’s geta au Gave de Pau arron aver temptat en de batles d’assassinar aus pairs. Un 1èr roman uei estarit • 1998 Melic de Silvia Chasaus, roman policièr negre • 1999 Arantxa, roman d’amor de la tela de hons istorica e geografica: la guèrra limaishorda en Bascoat enter Etarràs e Gal • 2000 Isabèu de la Valea • 2001 LasTortoras e Dazibao • 2005 La Guèrra de Bambovila (teatre) • 2007 Entermiei lordèras • 2013 arrevirada a l’occitan gascon de l’Estranh de Camus en çò de Reclams • 2020 Uei qu’ei au nombre deus editors intellectuaus (dab Maurici Romieu, Sèrgi Javaloyès e Joan Luc Landi) de l’edicion nava deu Dictionnaire du béarnais et du gascon modernes, dit de Simin Palay dont escriu lo prefaci pertocant la grafia. Dus tòmes d’ara enlà disponibles, co-editats per Lo congrès de la lenga occitana e Reclams. En 2009 ce sembla qu’aja renonciat, Eric Gonzalès, a la soa escritura pròpia tà’s consacrar a l’escritura deus autes e a la lenga.
Eric Gonzalès [1964-2023] que ns’a quitat augan au mes de mai. En navèra difusion duas emissions de 2009 qui tornèi adobar en 2020. Eric qu’èra un fin coneishedor de la lenga. Que sia mercejat tà tot çò qui ns’a aportat.
Un dia qu’avoi l’astre d’obtiéner – au telefòne – ua entervista d’Eric Gonzales. Qu’èra en 2009. Que la ve perpausi tornar dens un montatge drin abracat (la musica), au format 45’ e tostemps en duas emissions. Lo parat de tornar sus la soa destinada literara.
Au començar de 2020, Eric Gonzalès qu’ei au nombre deus editors intellectuaus – dab Maurici Romieu, Sèrgi Javaloyès e Joan Luc Landi – de l’edicion nava deu Dictionnaire du béarnais et du gascon modernes dit de Simin Palay, dont escriu lo prefaci pertocant la grafia.
Aquera edicion d’En ondas que nse da lo parat de tornar trobar – que hasèva un moment despuish lo començar de 2022 – a Mèste Ruffié e Michel Rodes, cuelhuda a Bordèu entau parat de l’audiéncia en Cort administrativa d’aperet – octobre de 2023 – audiéncia consacrada a l’examen deus recors pausats per la DREAL, lo ministèri de l’ecologia (?) e Daniel-DPL a perpaus de la carrièra de gravas a l’alanda suu Gave d’Auloron.
FR// Cette édition d’En ondas nous donne l’occasion de retrouver – cela faisait un moment depuis le début de 2022 (voir en fin d’article l’intégralité des émissions consacrées à la question) – Maître Ruffié et Michel Rodes. Interviews recueillies à Bordeaux lors de l’audience en Cour administrative d’appel – octobre 2023 – consacrée à l’examen des recours posés par la DREAL, le ministère de l’écologie (?) et Daniel-DPL à propos de la carrière de graves à ciel ouverts sur Gave d’Oloron. 8 ans de luta !
Abans dens l’emission qu’averam dat ua aurelhada a l’assecament de Gavarnia e a la distribucion de sable en l’arribèra tostemps deu Gave de Pau a Abòs fin de seteme. Que clavaram l’emission sus las entervistas cuelhudas a Bordèu com anonciat.
Ordi deus plats d’En Ondas aquera setmana : * Gavarnia assecada ! e la fòto : ua fòto de la celèbra cascada de Gavarnia publicada suu compte « X », de Météo Pyrénées (associacion a mira non lucrativa) que la cascada a desapareishut. Assecada au 9 d’octobre que chorra dètz dias après. Que ns’a grada mei de la véder atau… mes e’s cau aprestar l’an qui vien a la véder assecada mei de d’òra dens l’an ? o tà tostemps ? Acostumà’s qu’ei quauque còp renonciar a las nostas responsabilitats.
* Lo collectif S.O.S. Plaine d’Abòs, la gent qui viven ací e mei luenh, qu’avèvan aprestat panèus explicatius resumint los efèits sus l’environament de l’extension de 17,6 ha de la gravèra, dont l’empresa ei uei de 100 ha.
Audiéncia a la Cort administrativa d’aperet a Bordèu : escotatz las entervistas M. Rodes de la Sépanso e Me François Rufié
Video : aigat 10/01/2022 (arron lo deu 10/12/2021 mei hòrt)
Gaves e filmes qu’an i comprés un poder sus la nosta imaginacion e la nosta facultat a díser non. La Rivière de l’excellent documentariste qu’ei Dominique Marchais (L’homme est une île, La ligne de Partage des eaux ou Le Temps des grâces…) qu’ei programat en avant-purmèra lo dimenge 29 d’octobre au Salèirs, a 6h deu ser, a Salias. [tanben deu 18 tau 22/10 : Bordèu Fifib, retrospectiva deus sons filmes e avant-prumèra de La Rivière lo 22 a 14h, 23/10: Peçac (dab Gilles Bœuf), lo 26 : Baiona, lo 27 : Pau, lo 29 : Salias, lo 30 : Arudi, lo 31 : Maule, lo 1èr : Donapaleu, lo 2 : Donibane Lohitzun, lo 4 : Capsius]. Au cinèma a partir deu 22 de noveme de 2023 !
Las musicas d’En Ondas • Arnau Obiols Projècte Pirèna Aigua III • Patti Smith Pissing in a river (Digitally Remastered 1996) • Rotland Pecot Poèmas per tutejar Passejada long dau riu après vendemiar • JF Tisnèr Prologue 1 + Montatge (reperatge tà Sorrom Borrom, lo poèma de Sèrgi Javaloyès) Sonaus de Joan Francés Tisnèr Winter Surge inedit
You must be logged in to post a comment.