En Ondas setm. 46 Gilabèrt Nariòo ‘Parlar plan’ 1/2

Que seguim a Gilabèrt Nariòo suus camins deu Parlar Plan, tot un monde de descobrir ! Purmèra bocada de duas, e saborem-la de com cau.

Seguida e bibliografia per viéner la setmana per viéner.

Las musicas d’En ondas :

• Arnau Obiols Libèrrim Matinada
• Denis Fournier Percussions profile Les tambours de la nuit
• Chabenat Papazian Le traité des songes Un bruit de machine et d’eau

 Sonaus de Denis Fournier e Percussions Profile Le Mystère de la Pyramide

 

En Ondas setm. 45 D. Bidot-Germa Fèbus

Entervista dab Domenge Bidot-Germa (Director deu departament d’istòria a l’UPPA, Mèste de conferéncia en istòria de l’atge mieijancèr, Director deu percors istòria-geografia deu mastèr MEEF Second grad).

Bibliografia braca :
Hist_de_Bearn– Petite histoire de Pau, Pau, Cairn, 2013.
– (Co-dir.), Atlas historique de Pau, Bordeaux, Ausonius, 2017.
– Histoire de Béarn en coll. M. Grosclaude, D. Bidot-Germa, J.-P. Duchon, Ortès : Per Noste, 1985.
  • Paginas de l’istòria d’Occitania, escala de temps, evocat dens l’entervista qu’ei un obratge collectiu pareishut a Lescar a las edicions Vistedit en version occitan-gascon e occitan-lengadocian en 2000.

IMG_20171019_181943Qu’encontram a Domenge Bidot-Germa au parat de la sortida, en çò de talhèr In 8 a Sèrras Morlàas, de la seria de tres bendas d’imatges Fèbus. Que’u demandèi de’s har lo pòrtavotz deu collectiu d’autors.

Libe e site internet dedicat a Fèbus http://www.febusaban.fr/fr/ tanben dab ua aplicacion mobila http://www.febusaban.fr/fr/l-app per trobar lo tresaur de FEBUS ! Recercar indicis, resòlver enigmas e melhorar las aptituds, conquistar la hidança de Fèbus (pas ganhat), trobar lo tesaur de la legenda, e mercas geolocalizadas, moneda batuda, que i son solide indicis esconuts dens los comics per hicar la man suu tesaur de pèças.

Joseph Lacroix Tolosa, 1974. Lo dessenh qu’ei ua passion de mainat enlà e familhau.

Lucie Braud aliàs Catmalou Bordèu, 1975. Arron estudis d’istòria anciana, a partir de 1998 que publica dens divèrsas revistas de poesia e de novèlas. Ferdinand, l’istòria deu pair bon que pareish en çò d’In-8 en 2012.

Sus Fèbus : https://fr.wikipedia.org/wiki/Gaston_III_de_Foix-B%C3%A9arn : que i a de tot… e parièr ua bibliografia.

Sus l’istòria de Bearn e Fèbus que legeràn Histoire de Béarn Que sais-je ? 992 per P. Tucoo-Chala e tanben lo libe de Benoît Cursente Petite histoire du Béarn à l’usage des écoliers et lycééens, des origines à Gaston Febus, Ortès : Per Noste, 1973.

Las musicas d’En ondas :
• La Novem dab Companhia Chant et polyphonies en Bearn Las guèrras son cridadas
• Aronde Je me suis mis en liberté, Pastorant
• Dupain Lei Presoniers
• Dus de canta Vrenhadas Hilhòta de delà l’aiga
• Xarnege Musica de contrabanda Aqueras montinas

 Sonaus de Denis Fournier e Percussions Profile Le Mystère de la Pyramide

En Ondas setm. 44 Shiulada a Lac (etv C. Soublès e M. Rodes)

Ua edicion d’En Ondas per l’occitan

Un an e miei i a que hasom ua prumèra entervista dab Catí Soblès (tota la documentacion de lavetz per ací https://hadiu.eu/2016/05/23/en-ondas-setm-21-d-lekuona-cati-soubles-sepanso-bearn-esbangalada-sanitaria-a-lac/)

Que seguim dens aquesta edicion la protèsta co-organizada per l’Arsil Association de Riverains des Sites Industriels du Bassin de Lacq e la Sepanso deus Pirenèus Atlantics Fédération des sociétés pour l’étude, la protection et l’aménagement de la nature Sud-Ouest.

Escotatz a Catí Soblès e Michel Rodes de la Sepanso dar explics sus la vertadèra esbangalada sanitària qui ei a l’òbra despuish 60 ans e a’s debanar uei tostemps dens lo parçan de Lac.

Ací shiulada e batucada que prenen la plaça de las caisholadas catalanas.
Que soi especiament contenta de l’enregistrament deus shiulets dab reclam naturau per davant l’entrada deu camp de Lac que’vs dau a escotar en fin d’emission dens un montatge-reportatge.

Un bonús : petita video de la prostèsta en seguir ací

Las musicas d’En ondas :

Aunor aus qui viven adara en Republica, lo musician e compositor catalan Arnau Obiols per illustrar lo noste subjècte, tres extrèits deu disc

Llibèrim

• El cant de la Sibil·la
• Fora del sistema
• Balada per a un refugiat

 Sonaus de Denis Fournier e Percussions Profile Le Mystère de la Pyramide

 

En Ondas setm. 43 Yannick Jaulin

Au somari d’En Ondas : Yannick Jaulin per Ma langue maternelle va mourir et j’ai du mal à vous parler d’amour, tot navèth espectacle autant iconoclaste com ginhèc.

Representacion de creacion lo 19/01/2018 au Mont (-de-Marsan com disen en francés) reservar auprès de http://www.theatredegascogne.fr/lutece/jsp/site/Portal.jsp?page_id=70.

Per ací ua video mercés a la complicitat enter auta de Joan Pèire Lacomba, fotografa, contaire e escrivan eth tanben.

Que parlam lenga, la soa e la nosta !

La musicas d’En Ondas :

Mouth Music I Bhi A Da

Màgerment a partir deu cd collector e preciós de Yannick Jaulin Mick de Chaï

Benaese
Belebat
Tokolai
L’oie Qui Brete
Mick De Chai

Eklektic consort Cashmir Adrià Grandia sonsainista

 Sonaus de Denis Fournier e Percussions Profile Le Mystère de la Pyramide
© D. Lekuona

En Ondas setm. 42 Josette Renaud UPCP Métive e De Bouche à Oreille

Au somari d’En Ondas : en companhia de Josette Renaud, directora de l’UPCP Metive e deu hestenau De Bouche à Oreille http://www.metive.org/

Entervista en francés.
L’UPCP Métive qu’ei un centre de musica e dança tradicionau en Peitau-Charenta e Vendea. Qu’a lo sièti a Parthenay Mesun André Pacher, Maison des cultures de pays 1, arrua de La Vau St Jacques en la vila miejancera de Parthenay.

Per reservar tà l’espectacle de Yannick Jaulin Ma Langue maternelle va mourir et j’ai du mal à vous parler d’amour au Mont seguir : http://www.theatredegascogne.fr/lutece/jsp/site/Portal.jsp?page_id=70. E que’n tornam parlar la setmana per viéner.

L’espectacle dab Josette Renaud e dotze autes cantaires e contaires que’s titola Voix Populèr. Que’s darà au Théâtre des Quatre saisons de Gradignan lo 20 de deceme de 2017 a 20:15 http://www.t4saisons.com/programmation/umanitat-voix-popul%C3%A8res.

Las musicas d’En ondas :

  • Prismism
  • Esquiç 5 Christian Vieussens
  • The Last Door
  • Dark Waters
  • Interludi
  • One note
  • The Secret
     Sonaus de Denis Fournier e Percussions Profile Le Mystère de la Pyramide

En Ondas setm. 41 Marc Castanet per Gael-òc

Au somari d’En Ondas aquesta edicion :

Gaël-Oc lo libe en companhia de Marc Castanet

Marc Castanet qu’ei musician, contaire e intervienent pedagogic per l’occitan au departament deu Gèrs. Encontrat au parat deu hestenau DansÀneu en Esterri d’Ànèu – Catalonha, on tocava dab Verd e Blu començar de julh de 2017.

Que’u seguim com pòrtavotz au nom de las sheis personas qui portèn aquesta realizacion. Que capihonam dab eth dens un projècte qui desvolopè ligams enter collegians gaelics (d’Escòcia e d’Irlanda) e occitans. Au-delà deu libe que s’ageish solide d’un tribalh bèth, bon e beròi de dus ans e miei d’encontres, d’escambis, de viatges, d’estudis, d’amistat, de produccion parièr d’un site internet Go to the future http://www.go-to-the-future.eu/oc que presenta aqueste tribalh au riquèr interdisciplinari gran en fòrma de maletas pedagogicas… qui seràn utilizadas au segur dab profieit dens las escòlas. Solide çò mei interessant probable per nosauts que serà d’investigar las ressorças gaelicas… http://www.go-to-the-future.eu/gaidhlig-gaeilge-english-toolkit, mes que podem tot a fèit au dia de uei desconéisher la nosta cultura e lavetz la maleta occitan-francés de lan roja e de cuèr saure http://www.go-to-the-future.eu/maleta-occitan-frances que serà ua bona iniciacion a la cultura per los que’n son despopats.

Per crompar Gael-ÒC 22 euros http://www.acppg.org.

Ua edicion d’En Ondas per l’occitan

Las musicas d’En ondas (màgerment nautats) :

  • Aronde Novissima
  • Altan Blackwater ‘Stór, A Stór, A Ghrá
  • Denis Fournier Percussions profile Les vieux royaumes du soleil
  • Cocanha I ès Jamei jo non veirèi
  • Aqueles Punk’s not born La fèsta de l’Issanka
  • Mouth music Mouth music I Bhi A Da
 Sonaus de Denis Fournier e Percussions Profile Le Mystère de la Pyramide

En Ondas setm. 40 Cap redactor de la revista Reclams, Sèrgi Javaloyès

En Ondas sus la vòsta ràdio en modulacion de frequéncia un miei dotzenat – se s’escad que demoratz a l’entorn de Radio Temps, Radio Verdon, Radio Occitania, Radio Saint Affrique, Pirenèus Ràdio, Radio Larzac  mei ua web radio, Hapchòt radio.

Que nse chepicam de revistas literàrias en aqueth  numèro d’En Ondas e que devisam de las dificultats espravadas per cadua de las revistas occitanas Oc (ocrevista@yahoo.fr), Lo Gai saber (lo.gai.saber@free.fr) e la dogana Reclams (reclams@wanadoo.fr). Au parat de la sortida deu numèro 842 que recebem a Sèrgi Javaloyès. Que profieitèm de l’encontrar juste abans l’amassada generau extraordinària de Reclams edicions en julh passat per har lo punt sus las revistas literàrias en occitan, tanben suu contèxte qui vivem cap a la lectura e l’opression de la lenga occitana e enfin sus l’actualitat qui ei la soa a las edicions In8 on pareisherà d’ací quauquas setmanas Viral un navèth roman en francés, e mei que ns’entertienem d’un deus projèctes suu quau e tribalha d’aquesta passa.

Dab Oc, Lo Gai saber e Reclams, revistas literàrias, la lenga nosta qu’ei autanplan rica de revistas d’informacion qui cau emparar autanplan : dqu’avem La Setmana, Aquò d’aquí, País gascons, e de magazines taus mainats Plumalhon e Papagai… lista non exaustiva solide.

Las musicas d’En ondas :
  • Le traité des songes de Chabenat e Papazian a l’entorn de l’imprimeria maquinas e sonsainas
    Un bruit de machine et d’eau
    Lexique
    In Octavo
  • Nous sommes cernés par les cibles Serge Pey & André Minvielle
    Lageneria
    La Margarita
  • sonau : Interludi de Libèrim
 Sonaus d’En Ondas Denis Fournier e Percussions Profile, Le Mystère de la Pyramide

En Ondas setm. 26 Joan Loís Lavit Escura la Nueit

  • Joan Loís Lavit per Escura la nueit que pareish a Camins-Letras d’Òc
    Que juntèm per telefòne a l’autor vadut a Lorda en 1959 (me’n volerà pas de díser lo son atge qu’espèri) per devisar deu roman au moment quan sòrt d’entamenà’n a Tolosa ua virada de presentacion :

    E solide qu’evoquèm amassa dab Joan Loís Lavit, publicacions recentas Gargàs un kamishibaï qui signa o cosigna especiaument dab Tresia Pambrun, e Mot per mot, sus escriuts d’un notari lavedanés.

    Ua edicion d’En Ondas per l’occitan
    Las musicas d’En ondas :

     Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l’emission