Category: Literatura occitana

En Ondas setm. 47 Maria Joana Verny Florilangues

Amin Maalouf,Andriu Lagarda,Barbara Cassin,Belaud de la Belaudièra,Colonialisme,Cristian Lagarda,edicion occitana,El Trabucaire,En Ondas,Femmouzes T,Jan Mari Carlòtti,L'Aucèu Libre,Laberint,Literatura occitana,Marie-Jeanne Verny,Occitanisme,occitanisme critic,trabucaire,Université Paul Valéry Montpelhièr

Maria Joana Verny entà Florilangues qu’ei l’envitada e que devisam mei dens En Ondas de Occitanisme 1985 d’Andriu Lagarde.

Prumèr que devisam de Lengas, lo n° 97, de junh de 2025, revista de sociòlingüistica en Open Editions Journals. Editat per C. Lagarda Lingüistica e colonialisme : navèras practicas – Occitanisme 1985 d’Andriu Lagarda. De notar que pareisherà lèu en çò deu Trabucaire las collèctas de Crestian Lagarda (lo hilh), mesas en perspectivas e contextualizadas deus actors de l’occitanisme deus ans 1960-1980.
E puish qu’encontram a Maria Joana Verny : los sons univèrs, lo son anar d’estar calorós, atrevit tà evocar lo tribalh collectiu entau manuau de literatura en lengas de França Florilangues – de l’Alsacian au Tahician – qui ei per paréisher a l’Aucèu Libre.

*********************

Maria Joana Verny est notre invitée pour Florilangues. Nous évoquons ses univers dans sa façon d’être chaleureuse, vive, tout en parlant du travail collectif réalisé pour le manuel de littérature Florilangues des langues de France – de l’Alsacien au Tahitien – et qui va paraître à l’Aucèu Libre.
Tout d’abord nous parlons de Lengas, le n° 97 de juin 2025, revue de sociolinguistique en Open Editions Journals. Édité par C. Lagarda Linguistique et colonialisme : nouvelles pratiques – Occitanisme 1985 d’André Lagarde.
À noter que paraîtront rapidement, les collectes de Crestian Lagarda (le fils), chez Trabucaire. Collectes mises en perspective et contextualisées des acteurs de l’occitanisme des années 1960-1980.

D’autes En Ondas dab Maria Joana. Bona escota !
d’autres émissions avec Marie-Jeanne : https://hadiu.eu/?s=verny. Bonne écoute !

Las musicas d’En Ondas
• André Juliette Minvielle Ti’Bal tribal Nino
• Tenarèze Aral Kerala La risièra
• Femmouzes T Tripopular Beiris
• Jan-Mari Carlòtti – Canta Aubanel Bec Bellaud – Teodòr Aubanèl Brinde a Zani + Robèrt Lafont intro a L’èga d’amor es mòrta a l’auba long lo camin dei desiranças
 Sonaus de Joan Francés Tisnèr Winter Surge inedit

En Ondas setm. 45 Eva Cassagnet en 2025

Chivau lanusquet,Chivau Merens,En Ondas,Eva Cassagnet,Literatura occitana,Ràdio podcast de resisténcia en occitan

L’envitada qu’ei Eva Cassagnet, autora, illustratora e realizatora. (2025 Lo Chivau de las espelugas a PER NOSTE, ua collaboracion au roman de sciéncia-ficcion de la Musnegra Tempèsta d’enlà e Lo Camparòu, ultime vadut peu moment, arron Paraulinas, L’Ors e las sasons en çò de RECLAMS). Descobritz aquera poliescrivana a establir la nosta sagà. Deu dessenh a l’audiovisuau en bèth passar per l’essai, que peruca au roman de sciéncia ficcion e s’i hè a de bonas au roman istoric. A tot atge que la podem seguir, sobeirana tà portar un brave bohet d’aire fresc.
• Un numèro de l’emission « Artistas de noste » que l’ei dedicat sus Òc Tele : https://www.octele.com
• La soa pagina d’autora sus Reclams.org : https://www.reclams.org/oc/autors/782-eva-cassagnet
Qu’a publicat d’autes libes entaus petitons e entaus mei grans per exemple : D’on vienen las estelas (en occitan gascon e languedocian) a l’IEO. E i comprés dus Kamishibai en çò d’Edite-moi Edition : Mès on ei ? (e La Mosca…).
En video qu’a realizat per exemple e enter autes documentaris sus Salias de Bearn : dus Descobr’aquí tà Oc Tele dab los collegians de Salias : ua visita de la Salias legendària e un documentari sus l’aur blanc de Salias.
Eva qu’ei tanben l’autora realizatora deus 20 prumèrs episòdis (2024-2025) deu Clacamion [le foodtruck] (seria difusada sus TV7 e Oc Tele) e dont visionaram quauques episòdis… ua seria qui’s perseguirà. Enfin que produseish sus Art’Òc (5 filmòts) : https://indymotion.fr/a/art_oc/video-channels

© E.C.

Lo noste jòc deus pleonasmes (toponimics) dens aquera edicion : quau ei lo pleonasme beròi qui nse hè descobrir Evà Cassagnet arron „Le Chemin du Camin salièr” e autes „La Val d’Aran” que nse’n apren un Evà au cors de l’entervista a prepaus deu Chivau … la o lo qui ac sapia e qui ac hacia saber a domenja@hadiu.eu que ganha un quauquarren.
Camparòu, Chivau, Espeluga, Tempèsta, Clacamion (un neologisme de la soa tròba) que son los mots claus.

Las musicas d’En Ondas
• Verd e Blu Musicas a dançar Dus Camparòus
• Björk Volta Earth intruders
• Rosina e Martina de Pèire Los dus filhets del rei
• Les manufactures verbales Sonet de Bernat Manciet Mila Chivaus
• The who Who ‹ s better Who’s best Picture of Lily
• Brian Eno Don’t look back
• Goran Bregovic Tales & Songs from weddings Hop Hop
 Sonaus de Joan Francés Tisnèr Winter Surge inedit

  • Lo chivau de las espelugas
    Lo chivau de las espelugas © Jòc
  • Lo Clacamion La Halha
    Lo Clacamion La Halha
  • Tempèsta d'enlà
    Tempèsta d’enlà
  • Lo Camparòu
    Lo Camparòu

En Ondas setm. 43 Felip Biu « 43 »

En Ondas,Ensenhament occitan,Felip Biu,KWS,Literatura occitana,occitan de gasconha,Occitan-gascon,Ràdio podcast de resisténcia en occitan

En novèla escota ua emission en companhia de Felip Biu. Lo títol deu son recuelh de novèlas que’u s’a devut causir en referéncia au site deu fanzine KWS quarante-deux.org. Parucion deu recuelh de novèlas fantasticas de Felip Biu « 43 » en çò de Per Noste, precision, claretat d’escritura per ua inspiracion despaisanta. Qu’apreciam l’escritura au scalpèl de Felip Biu e tanben la soa inspiracion.

« 43 » de Felip Biu en çò de Per Noste en junh de 2019
Lo petit talamus de Montpelhièr : https://encommun.montpellier.fr/articles/2023-12-26-le-petit-thalamus-et-les-secrets-du-temps e tanben https://pod.univ-montp3.fr/video/11489-podcast-le-petit-thalamus-de-montpellier-le-journal-dune-cite/?is_iframe=true
Lectura de « Disseccion », ua de las novèlas de « 43 ».

Vademecum per inscrive’s en estudis d’occitan a Tolosa https://occitan.univ-tlse2.fr/ o Bordèu https://formations.u-bordeaux-montaigne.fr/fr/rechercher-une-formation.html?submit-form=&user.input.criterion.common%24titleorwording%24textfield%241=occitan e solide Montpelhièr https://ufr2.www.univ-montp3.fr/fr/formations/offre-de-formation/licence-lmd-XA/arts-lettres-langues-ALL/licence-langues-litteratures-et-civilisations-etrangeres-et-regionales-llcer-hnd95m45/occitan-ICD6X2DK.html. Contactes : melanie.laupies@univ-montp3.fr o elisabeth.merlin@univ-montp3.fr o ufr2.fc@univ-montp3.fr. E òc que s’ac cau ganhar d’estudiar en e l’occitan !

Las musicas d’En Ondas
• Femmouzes T Olympe De Gouges
• Patti Smith Out of Society Pissing In A River (Digitally Remastered 1996)
• Ani di Franco Out of range Buildings And Bridges
• Ariondèla Dòna Bianca La Bergèra e ‘il luv’
• May Monday Moonbeam Passage
• Cocanha I ès Saut de Garona
 Sonaus de Denis Fournier e Percussions Profile Le Mystère de la Pyramide

En Ondas setm. 15 Sèrgi Javaloyès

Cristian Lagarda,En Ondas,Eric Gonzales,Literatura occitana,Ràdio podcast de resisténcia en occitan,Reclams,Sèrgi Javaloyès

Que m’agrada pro de cultivar regularament la conversacion dab los o las qui’m vòlen plan parlar. Sèrgi Javaloyès qu’ei d’aquestes qui la vòu neurir e entertiéner aquera conversacion e qui prenen la fòrma d’emission « En Ondas ».
Que l’encontram a perpaus de quate parucions :
* ua editada a Monhelios en 2024 D’un samedi à l’autre… Chroniques 2002-2024, ua seleccion peu miei deu mei de mila de cronicas setmanèras « D’ici étant” escriutas entau quotidian La République des Pyrénées sus mei de vint ans, 167pp. cob color Lo Gavisòs qui eth e jo e s’aimam plan, 16 euros.
e duas per viéner : ua version visitada tornar e titolada Que t’enviarèi tot lo men amor, per paréisher a Reclams en occitan, apeada suu roman sortit d’abòrd en francés en 2018, a In8 Viral (237 pp. cob. col, 17 euros) e mei un dusau poèma epic – après Sorrom Borrom ou le Rêve du Gave en 12 cants dont l’eroïna ei Bernadeta Sovirons qui acaba de compausar.
* enfin ua auta publicacion qui a contribuit a l’edicion e qui ei lo darrèr libe d’Eric Gonzalès qui’s morí d’abòrd que de l’aver portat a edicion, un policièr en la colleccion « Vias negras”, lo numèro 3 : Auròst entà ua escort en çò deus Reclams en 2023-2024, 170 pp. cobèrta color (en IA) e quauques plaps de tinta sus cada prumèra pagina de capítol tà animar la nosta lectura. Non dissimulam pas lo plaser de costejar lo monde plen de suspresas de Gonzalès. Com ditz Sèrgi ‘dab Auròst qu’as la mapa e la bossòla !‘

D’autes programas d’En Ondas en companhia de Sèrgi Javaloyès : https://hadiu.eu/?s=Javaloy%C3%A8s

Las musicas d’En Ondas
• Miles Davis A kind of blue All blues, s’èi bona la memòria qu’ei ua musica que la de Miles Davis qui Sèrgi aprecia au-delà (extrèit)
• Violons du Rigaudon Arco Alpino Lo Bacubèrt (extrèit)
• Kronos quartet Cry of a Lady (extrèit)
 Sonaus de Joan Francés Tisnèr Winter Surge inedit

Cobèrta de Que t’enviarèi tot lo men amor tà paréisher en çò de Reclams edicions © Maria Javaloyès Taïbi

En Ondas setm. 06 Fabiana Vayrette-Pechali

Art'Òc,CFPOC Novèla Aquitània,Collègi d'Occitania,En Ondas,Fabiana Vayrette-Pechali,Felip Espinasse,Florian Vernet,Joan Miquèu Espinasse,Literatura occitana,Ràdio podcast de resisténcia en occitan,Reclams

© DR

Dens E víver Fabiana Vayrette-Pechali qu’explòra los possibles en escritura. La vita n’ei pas de papèr mes qu’ei en escritura, en inspiracion, en grafisme… e en libertat : Fabiana Vayrette-Pechali que signa en çò de Reclams ‘E víver’. Bona descobèrta !
E víver (Tèrra incognita n° 18) 111 p. Reclams 15 euros
15 novèlas e nòtas de baish de pagina entà explicar los mots : dab ua video de presentacion.
Un companhonatge singular dab Florian Vernet qui en 2023 e nse disè jà que i avè ua autora en Fabiana Vayrette-Pechali.
RESF en Gèrs qui a contribuit a crear Fabiana (e d’autes) : https://reseau-resf.fr/-32-Gers-
Pareishut precedentament : ligams entá léger los albums peus mainats (disponibles en linha a gratis) :
1/ Lo gat de Xhoanna
https://read.bookcreator.com/N2KUwnNHGOdYh1GQZCtqIOI3hQH2/Ox2wB3sFTQC9AaqfSim8Fw/Qg61_652SdyhXAShOECbWQ-right
2/Los hius invisibles
https://read.bookcreator.com/N2KUwnNHGOdYh1GQZCtqIOI3hQH2/Tcqh7F07SzOSrru1jBXVjQ/zzeucMNYSNWWjGzygqczDA
3/ Ua leçon de vita
https://read.bookcreator.com/N2KUwnNHGOdYh1GQZCtqIOI3hQH2/dt9p8NAzSk-aZZji_FJrNg/hyfJIiGvS12n8fm2ty6LDQ-right
La video Shens papèrs, « La vita n’ei pas de papèr »
https://indymotion.fr/w/eYyrsR3HHnpWnBxA1zdRoK

Art’Òc
Per art_oc@indymotion.fr

Shens papèrs qu'ei ua produccion Art'Òc, prèmi deu public au Consonance Music & Dance Film Festival (Los Angeles, Etats Unis) seteme de 2018, 2au prèmi deu filme experiumentau au 12 Month Film Festival de Cluj-Napoca (Romania) 2018, ...
Privacy Public
Instància d’origina indymotion.fr
Categoria Films
Licéncia Atribucion - Pas comercial - Cap de derivacion
Lenga Occitan
Durada 6min 39sec

Las musicas d’En Ondas
• Hilhas deu Vent Cants occitans e Berbères Ay Madre e La Prima votz d’Amel Duret e de Fabiana Vayrette-Pechali
• Shens Papèrs Felip Espinasse Canta dab Fabiana enter autas e dans la video qu’ei ua istòria en rondèus dab plen d’amics qui dançan e Anafi qui hè partida deu public, pensada a Paulette Faucon-Marty qui trobam de manca.
• JM P Espinasse Camins extrèit
 Sonaus de Joan Francés Tisnèr Winter Surge inedit

En Ondas setm. 52 Bernat Manciet 2/2

Bernat Manciet,En Ondas,Literatura occitana,Ràdio podcast de resisténcia en occitan,Sèrgi Javaloyès,Teatre occitan

Bernat Manciet dusau part d’entervista, cuelhuda per Sèrgi Javaloyès en març de 2005 mercés aus mejans tecnics de France Bleu Bearn : un gran mercés enqüèra. Aquesta part d’entervista qu’ei consacrada sustot au teatre : Ifigenia, Orfèu, Roncesvaus o Ulisse au flume, tanben a Elena.

© B. Manciet


Per las musicas qu’ei la soa poesia e la soa votz qui ns’an màgerment guidats :
• B. Lubat & B. Manciet compilacion CRA Lo hen & sonets segrestins
• Manufacture Verbale Sonets de Bernat Manciet Fenix
• Christian Vieussens e Bernat Manciet Esquiç seguit d’auròst Auròst
• Manufacture Verbale Sonets de Bernat Manciet Mila chivaus
• Christian Vieussens e Bernat Manciet Esquiç seguit d’auròst Esquiç 4
• Manufacture Verbale Sonets de Bernat Manciet Leugèiras duas e duas

En Ondas setm. 51 Bernat Manciet 1/2

Bernat Manciet,En Ondas,Literatura occitana,Ràdio podcast de resisténcia en occitan,Sèrgi Javaloyès

A c a b a r l ‘ a n d a b d u a s e d i c i o n s    e x c e p c i o n a u s
Tà aunorar lo poèta, l’escrivan, lo vociferator o tanplan lo dessenhador e mercés ua entervista de Bernat Manciet (27 de seteme de 1923 – 2 de junh de 2005) miada per Sèrgi Javaloyès en març de 2005, dus mes abans la desapareishuda de l’escrivan, que ns’embevem de l’esperit agut e aset de Manciet. Ua navèra difusion d’ua emission En Ondas de 2011.

© B. Manciet

Bernat Manciet qu’ei au perhons un contaire, mena de becut contaire, shens pietat, lucide au possible, dab lo quau e gaham un verdigòu de lenga. L’entervista qu’estó realizada mercés aus mejans tecnics de France Bleu Bearn (que siin mercejats de ns’autorizar a difusar l’entervista qui n’estó pas jamei finalizada per lor antena). Mercés sustot a Sèrgi Javaloyès de s’i estat hidat pro tà nse perméter de montar e presentar aquesta entervista.
L’illustracion d’En Ondas qu’ei tirada de Los impromptús de Bernat Manciet que sorteishen de paréisher en çò de Reclams en aquera annada deu centenari de la vaduda, 2023. En quate trèits un còrps en moviment.

Las musicas d’En Ondas
 * Johann Sebastian Bach Concertos for two violins Hilary Hanh Los Angeles Chamber Orchestra dir. Jeffrey Kahane
 * Manufacture Verbale Voix du Quotidien et de l’unique Amor Claudio Monteverdi
* Manufacture Verbale Sonets de Bernat Manciet Au barrei
* Manufacture Verbale Sonets de Bernat Manciet Còpa, talha, talhuca per Bernat Manciet
* Olivier Messiaen Les corps glorieux Force et agilité Louis Thiry
* Béla Bartók Piano music Romanian Christmas Carols Jenõ Jandó
* Christian Vieussens Esquiç seguit d’Auròst Esquiç 9
* Manufacture Verbale Sonets de Bernat Manciet

Seguida e fin de l’entervista de Bernat Manciet per Sèrgi Javaloyès la setmana per viéner.

En Ondas setm. 50 Rotland Pecot

Daniel Vissière,En Ondas,Laissarem degun,Literatura occitana,Marie-Jeanne Verny,Ostau dau País Marselhés,poesia occitana,Ràdio podcast de resisténcia en occitan,Roland Pecout | Rotland Pecot
© D. Lekuona Rotland Pecot a L’Estivada

La persona convidada aquesta setmana qu’ei lo poèta e viatjador defuntat au 28 de noveme, Rotland Pecot. Que l’an sepelit familha e amics, legidors, divés lo 8 de deceme a Montpelhièr. L’emission iniciau qua data de mai de 2009. Un ‘En Ondas’, faiçon d’adocir la pena de nse separar d’un companh atrevit e sensible en la soa musica deus mots, de la frasa e de las ideas.
* Que podetz sustot léger Rotland Pecot.
* Tà’n Saber mei https://www.univ-montp3.fr/uoh/pecout/index.php?option=com_content&view=article&id=33&Itemid=26

Tà trobar lo libe disc Laissarem degun, pareishut a l’Ostau dau País Marsilhés en 2009, 15 euros. E mercés de descobrir-las sancèras dens lo disc en crompà’u [Laissarem degun ].

Que podetz escotar tanben, un n° de Jòclong de la vòsta servitora (lo 15au) consacrat a Laissarem degun https://hadiu.eu/2014/01/06/joclong-n-15-laissarem-degun-rotland-pecot/ on deisham la largança a l’òbra discografica dens tot lo son ample.

D’autes programas dab Rotland Pecot sus Hadiu : https://hadiu.eu/?s=pecot

Las musicas d’En Ondas :
• Patrick Valhant Vanitas Lo camin d’Orongo
• Noche Criolla Jagdish e kreol konnexyon
• Los Companhs de Carrièra Daqui Dub
• Cançon de l’òrt e de la set
• Barranhadas Mossur T e lei jovent
 Sonaus de Joan Francés Tisnèr Winter Surge inedit