En Ondas setm. 48 Jacolet Abadie

Botanica en occitan,CLAB,En Ondas,Jacolet Abadie,Linux,Ràdio podcast de resisténcia en occitan

La proposicion d’aquesta setmana qu’ei d’encontrar a Jacolet Abadia entau libe La Chélidoine : des plantes, des femmes et des hommes en Gascogne et ailleurs dont a entinoat e gavidat la realizacion dab un onzenat d’amics [si jamei e’m perdonatz lo compte]. Dab lo concors deu CLAB Conservatòri deus legumes vielhs de Bearn qui ei un vergèr, un casau e autanplan un musèu botanic vitèc, qui trobam a Assat. Lo prètz de las ventas qu’ei sancèr barrejat a l’estructura qui n’a permetut la vaduda. Un beròi pavat de 346 pp., cob col. Ua pintrura de Marie-Claude Dutour. Illustracions dessenhs e fotografias en negre e blanc de Na Dutour e Sophie Mattiucci ; arreviradas a l’occitan de Pèire Salas, 25 euros. Libe animat per soviers, anecdòtas, recèptas. ..
Un obratge a l’encòp seriós e documentat suus sòus, las èrbas, frutas de tot escantilh e tanben bucolic qui pòrta a sortir tà véder, sentir, escotar si tot ei enqüèra en vita !

Navèth encontre tà la Hèsta de la lenga lo dissabte 5 de julhet a Salas de Baura. Tot lo dia lo CLAB que serà present dab la publicacion e los sons animators.

Anóncia en locau – e lhèu mei alargat apuish – si los convidan aqueths ahuecats de botanica en occitan e en francés (Jacolet e los sons ajudes que’s pòden desplaçar on los convidaràn). La Civada, lo C.L.A.B. e l’Ostau Bearnés qu’organizan ua batalèra sala multimèdia de Morlans, honset Senta Fe | Impasse Sainte-Foy, lo divés 29 de noveme a comptar de 6 h e mieja deu ser (arcuelh tanlèu 18 òras).
CLAB 06 15 57 93 39 https://www.helloasso.com/associations/conservatoire-des-legumes-anciens-du-bearn/evenements/la-chelidoine-2024
D’autes encontres a l’entorn deu libe que’s hasón a Morlaàs a l’entorn de La Civada, a Ortès dab Lo Topin de Lenga, a Laruenh…, lo 6 de junh a Pau en l’encontre literari a la Ciutat.

Las musicas d’En Ondas
• La Fabrique Acides folkloriques et produits dérivés Los uelhs dubèrts
• Flor envèrsa
• Pagalhós La Sobirana Garbura
 Sonaus de Joan Francés Tisnèr Winter Surge inedit

En Ondas setm. 47 Clàudia Labandés

Clàudia Labandés,Edoard Moliar,En Ondas,Ensenhament occitan,Jean Jaurès,Laura Cadaus,Occitan-gascon,Patric Guilhemjoan,Per Noste,Ràdio podcast de resisténcia en occitan

L’envitada d’En Ondas, Clàudia Labandés que nse hida qu’ei au moment de miar la soa psicanalisi que s’avisè – enter autes constats – que « n’èra pas normau de non pas conéisher la (soa) lenga” (fin de citacion).

  • D’aquesta passa de hestejar lo centenari deu transferiment deu còs de Jaurès au Panteon parisenc en 1924 – b’ei temps probable entau monde de descobrir o de léger tornar au Jean Jaurès, originari de Tarn… occitanòparlant e qui escrivó sus la lenga.

Que i seré de qué practicar ua psicanalisi en gran : la de las poblacions, deus pòbles. Ce’m sembla que d’aquesta passa que son e qu’èm mei anar mei esvarjats e shens repèris. Temps de treboladas, dont aprofieitan los poderós de malur qui jamei n’espian las causas sus las quaus e convien de tribalhar mes aubedeishen au capitau e cèrcan lo lor pròpi interès a corta vista.

De’vs recomandar, pareishut à Per Noste
Lo Matricule 1628 pendent la guèrra d’Edoard Moliar
216 paginas – 14 x 22 – 2024 – 12 €
Isabèu Carrier La Caisholeta d’Anatòli, 2022 36 pp. 13,50 euros. Un libe simple, clar e filosofic dab un personatge qui pòrta un pes, un tristèr qui pòden espravar hèra de chins en s’arrossegar situacions qui ne’us apartienen pas. La temptacion d’evitar e d’estujà’s ? Ei un camin qui cau préner ?
Entà contactar lo 11au prèmi literari Calandreta 2024-2025 premi.literari.calandreta@gmail.com

Informacions mei https://occitanica.eu/items/show/60894

https://www.libraria-occitana.org/en/illustrateur/labandes-claudia-en/

www.pernoste.com

Estudiantas deu CFPòC (lo site navèth dessenhat per Noémie Pulido) que demandèn a Clàudia Labandés lavetz formadora, de respóner aus lors questionaments. Que dà Dificultats gramaticaus dont ei la dusau edicion aumentada en 2024 en çò de Per Noste.

Las musicas d’En Ondas
• Viatge en lenga Au noste pomèr Collegians, Romain Baudoin, Joan Francés Tisnèr
• Violons barbar Barbar rock
• Aziz Sahmaoui & University of Gnawâ Alf Hilat
• Viatge en Lenga que preni los mots [creacion paraulas e musica de David Grosclaude deus Larvath] Collegians, Romain Baudoin, Joan Francés Tisnèr
 Sonaus de Joan Francés Tisnèr Winter Surge inedit

En Ondas setm. 46 Joan Loís Lavit

Edoard Moliar,En Ondas,Isaura Gratacòs [Suzanne Gratacos],Joan Loís Lavit,Letras d'òc,Per Noste,Ràdio podcast de resisténcia en occitan,roman,Roman occitan 1840-1930,Roman policièr,Thérèse | Tresià Pambrun

Las edicions Letras d’òc qu’an editat a la prima de 2024 Un brigalh de pèira blua, un roman d’aventura de Joan Loís Lavit. Seguida e fin de la conversacion d’aquestes torns dab l’autor.
https://tintas.home.blog
https://www.utl-tb.info/page/2238208-escota-se-ploi entrada d’aqueth 15 de noveme : « Poèmas occitans deu sègle XXau »

Las edicions Per Noste qu’editan au lor torn Lo matricule 1628 pendent la guèrra d’Edoard Moliar. 214 p., cob. color. 12 euros. Un roman viscut de qualitat, presentat dab ua introduccion deu Joan Ives Casanova, universitari, especialista de la literatura nosta qui publiquè quauques mes i a un larg article de compte har suu roman occitan de 1840 tà 1930 en çò d’Aqua Aura : Le roman en langue occitane 1840-1930. [ua entervista sus En Ondas setm. 26 de 2024].

Per noste Edicions↗

Las musicas d’En Ondas
• Adrià Grande Illuntzean
• Radiohead Amnesiac Hunting bears
• sonau Brian Eno The last door
• Joan Francés Tisnèr Camelicà Au bòi qu’ei la verdura (flabutas Mixel Etxekopar e flabuta truverssèra Cristian Vieussens)
• Eklectic consort Big Bang
 Sonaus de Joan Francés Tisnèr Winter Surge inedit

Petit essai bibliografic de las òbras de Joan Loís Lavit :
1994 – Pelòt pastorala gascona, prumèr prèmi de teatre au concors deus « Calams Biarnés » de Pau e Prèmi « Pau Froment ». Edicions Pastorala de Bigòrra.
1995 – Prumèr prèmi de pròsa aus « Calams Biarnés » entà la novèla Jan, publicada dens « País Gascons ».
1996 – En co-escritura dab Terèsa Pambrun, Baretjas pèça de teatre, comanda de la comuna de Baretjas entau cincantenari de la soa creacion.
1996 – Signatari deu manifèste Escrituras descobertistas – membre de la « Jove literatura occitana » – n° especiau 1996 de la revista « Lo Gai Saber ».
1997 – Zocalfar – Ua hèita deu comissari Magret – roman comico-policièr – Edicions PN.
2000 – Hont Blanca – roman – colleccion « Atots » ed. Institut d’Estudis Occitans.
2004 – Lo Tin-Tin d’Ergé : ua hèita deu comissari Magret – Prèmi deu raconte policièr a La Guàrdia Piemontesa, Crimis, IEO.
2004 – Las moscas – novèla d’anticipacion – ed. Pescalua, edicion bilingua.
2005 – Blind Date – roman –Tèrra Incognita, Edicions Reclams.
2009 – L’estiu deu huec gran – Edicions Per Noste – Prèmi deu raconte infàntil en 2007 au concors « Aran de literatura 2007 ».
2011 – De mot a mot – edicion d’archius gascons deu sègle XVIau – Camins, Edicions Letras d’òc.
2016 – Gargàs – Kamishibai taus mainats, illustrat per Terèsa Pambrun – Edite-moi.
2017 – Escura, la nueit – Edicions Letras d’òc.
2018 – Libe audiò : lectura integrau d’Escura, la nueit (Letras d’òc)
2018 – Bèth peu de sau ua hèita deu comissari Magret – Edicions Letras d’òc.

En Ondas setm. 45 Joan Loís Lavit 1/2

emigracion,En Ondas,Joan Loís Lavit,Pirenèus gascons,Ràdio podcast de resisténcia en occitan,roman,Thérèse | Tresià Pambrun

Las edicions Letras d’òc qu’an editat a la prima de 2024, dus libes … o tres entaus mainats dont l’esmiraglant Badic badòc de Terèsa Pambrun a la colleccion deu lop aventurós, lo non mensh interessant Capitani Campani de Maria Roanet (coll. Espaci lengadocian) e Las tres auquetas per Jan Dalharí (lo quite editor que m’a assegurat tornar de la prononciacion deu nom de l’adaptator au gascon d’aqueths contes tradicionau) – tres obratges de Letras d’Òc au nombre deus qui concorren entaus prèmi literari Calandreta 2024-2025 dab hèra d’autes que sian de Per noste dab ua revirada d’Isabèu Carrièr per Clàudia Labandès La caisholeta d’Anatòli o de Reclams dab L’ors e las sasons d’Eva Cassanhet de Berdolet… per exemple.

Tirat de la letra deu Congrès permanent per la lenga occitana – qui pani shens vergonha, mila perdons – d’autes autors causits entà la seleccion deu prèmi literari Calandreta 2024-2025
Mairaus
Pichon Lop e las Estelas – Solange Tellier (texte), Astrid Moors (Ill.) – ed. Édite-moi
L’Ors e las Sasons – Eva Cassagnet – ed. Reclams
Bédélou le petit veau dans la montagne – Antoine Rauch (Ill.), collectif – ed. IEO Cantal / Ostal del libre
Badic Badòc – Tresià Pambrun – ed. Letras d’òc
Cicle 2
Sòmis de savana – Bertrand Alberge – ed. Édite-moi
Al casal de la Menina / Au casau de Menina / Au vargier de la Mainin – Cécile Serres – ed. CAP’ÒC
La Caisholeta d’Anatòli – Isabèu Carrier – ed. Édite-moi / ed. Per Noste
Las Tres Auquetas – Jan Dalharí – ed. Letras d’òc
Cicle 3
Rodeo preïstoric – Aure Séguier – ed. Reclams
Es Tresaurs deth bòsc – Pere Martí Bertran – Pagès editors
Lo Capitani Campani – Maria Roanet – ed. Pichons, vos vau contar – Aimat Tastaire
Alfà-bestiari – Alan Roch – ed. Vendemias
Collègi
Pichons, vos vau contar – Aimat Tastaire – ed. IEO Òlt
La pèira qui nada / La peira que nada / La pèira que nada – Sergi Mauhourat – ed. CANOPÉ
Los Ignorants – Étienne Davodeau, Corinne Lhéritier – ed. Terrairòl
Zibola – Robert Pastor – Nouvelle disponible dans deux éditions :
–  Lo Mescladís e Zibola – Robert Pastor – ed. Jaccon Gilbert  / diff. IEO Erau
– Acampada de Famillha e d’autres racontes – ed. CAOC

Qu’aprofieitam tanben de l’edicion aquera tà har ua adiada sus l’actualitat de Letras d’Òc

Que recebem aquesta setmana a Joan Loís Lavit entà « Un brigalh de pèira blua ».
D’autes programas d’En Ondas en companhia de Joan Loís : https://hadiu.eu/?s=Lavit

Las musicas d’En Ondas
• Serge Pey Nous sommes cernés par les cibles Chanson pour un indien mort
• Bruno Bonhoure La Camera della Lacrime La Mòrta
• Xarnege Ixo Sho Simon Guilhaumin Aireteras. Primak
• La Talvera la votz de Celina Ricard Una prada a dalhar
 Sonaus de Joan Francés Tisnèr Winter Surge inedit

En Ondas setm. 44 Matiu Baylocq, aulhèr a l’Aubisca

amontanhada,aulhada,aulhas,En Ondas,hromatge,Joan Francés Tisnèr,Mathieu Baylocq,Ràdio podcast de resisténcia en occitan,Ràdio podcast en occitan

 

 

Navèth montatge d’un reportatge sonòr cuelhut lo 28 d’aost de 2011. Lo montatge fotografic que’s trobava sus BaRuLa : http://barula.de/laubisca-en-estiu/ mes ce sembla que non sia pas mei en linha…, lavetz qu’ei adara per aquiu : https://youtu.be/_0KA9sKJ_Nk
© Domenja Lekuona

Qu’èm – dab Joan Francés Tisnèr qui ei l’entervistaire – suus traç de Matiu Bailòc, aulhèr a l’Aubisca, com mia lo tropèth : 250 caps d’aulhas en pròpi e 300 de guarda. La montanha, lo mairam, l’aiga, lo vent, los ausèths, los cans e las bèstias deu petit ordi, e la balada commentada perpausada per Joan Francés pr’amor lavetz que tribalha sus l’espectacle Amontanhada, que son l’encastre d’aqueste moment suspenut au quau e podetz participar los uelhs miei clucats o obèrts com un temps hòra temps, ua permanéncia planvienguda. Bona escota.

Musica Brian Eno

Sonaus de Denis Fournier e Percussions Profile Le Mystère de la Pyramide

En Ondas setm. 43 Aurélia Lassaque

Adriana Civitarese,Aurelia Lassaque,En Ondas,Francis Boutle publisher,Julie Baugnet,Letras d'òc,poesia occitana,Ràdio podcast de resisténcia en occitan,Robert Lobet

En difusion navèra. Envitada unica, encontrada a Pau Fête le Livre en noveme de 2011 Aurélia Lassaque.
https://www.terreaciel.net/Aurelia-Lassaque
https://www.etonnants-voyageurs.com/spip.php?article21892

© Raphaël Lucas

Autas personas : Robert Lobet (França) http://www.marche-poesie.com/robert-lobet/,
Julie Baugnet (Estats-Units) http://juliebaugnet.blogspot.com/ , o https://jabaugnet.wixsite.com/books
Adriana Civitarese (Italia) http://terpress.blogspot.com/2010/01/adriana-civitarese-la-pittura-fa.html#links

…

Las musicas d’En Ondas
• Ariondela Dona bianca La tabachin’
• Björk Post Hyper ballad
• Elena Ledda Amargura In S’Ora
• Dominique Pifarely / Louis Sclavis and C° Acoustic quartet Beata
• Laurie Anderson Bright red Speak my language
• Laurie Anderson Bright red Night in Baghdad
• Erik Truffaz Saloua Dubophone
• Laurie Anderson Bright red Love among the sailors
 Sonaus de Denis Fournier e Percussions Profile Le Mystère de la Pyramide


En Ondas setm. 42 Isaure Gratacòs, estelas codivas

Cecila Chapduelh,En Ondas,Isaura Gratacòs [Suzanne Gratacos],Jan dau Melhau,Marcela Delpastre,Michèu Chapduelh,Michel Grosclaude,Miquèla Stenta,Patronimia,Ràdio podcast de resisténcia en occitan

© DL Isaure Gratacos a la Hèsta Gascona de Banhèras de Luishon aost de 2024

Dusau part de l’entervista en la passionanta e esclairanta companhia d’Isaura Gratacòs…
Tanben dens En Ondas que i convocam a Marcèla Delpastre [1925-1998].
Que las voloi associar pr’amor qu’an sòrtas de parentèla, de pontericas enter eras qui’vs partatgi e pr’amor que’n cau profieitar quan las vedem, quan las legem d’aqueras estelas codivas.

Sus Marcèla Delpastre en video e en ràdio :
• Bas les masques 1995 M. Dumas https://fb.watch/vaohP6jQ0u/ e tanben las emissions dab Bernard Pivot. Recercar au près de l’I.N.A.
• sustot Devers Germont 2024, sus Oc Tele dinc au 30 de deceme de 2024 : https://www.octele.com/Devers-germont_fiche_4652.html, realizator Renaud Fely.
Enfin d’escotar mei a Miquèla Stenta dens En Ondas : – https://hadiu.eu/2024/06/10/en-ondas-setm-24-miquela-stenta-1-2/ & – https://hadiu.eu/2024/06/17/en-ondas-setm-25-miquela-stenta-2-2/
de consultar :
Mitologia pirenenca https://oc.wikipedia.org/wiki/Mitologia_pirenenca (en francés e castelhan parièr).
Hadas : https://fr.wikipedia.org/wiki/Hadas_(folklore)
Isaure Gratacos, Femmes Pyrénéennes, un statut social exceptionnel en Europe, Toulouse, Éditions Privat,  « Pages Grand Sud », 255  (ISBN 2-7089-5817-8).

La problematica de subervita de las ràdios : la miaça de supression deu tèrç de las ajudas FSER – lo subvencionament estatau obtiengut après 1981 entà las ràdios, apeat sus las honts publicitàrias, decorrelat despuish pausa… https://www.telerama.fr/radio/budget-2025-un-coup-de-massue-pour-les-radios-associatives-qui-perdent-un-tiers-de-leurs-aides-7022528.php e comunicat SNRL CNRA Les locales.

Communique Presse_Les Locales_PLF2025_2024 10 11Download

ESCRIVEM AUS DEPUTATS, SENATORS E A NA LA MINISTRA DE LA CULTURA : dens un budget mantengut e per tant qui sia modèste, lo FSER que perderé lo tèrç de las soas ressorças ? Un modèla de letra [ací après] a adaptar a las vòstas situacions e especificitats. Las radios associativas que 770 servicis en França e milierats d’emplecs.

Modele-de-courrier-pour-parlementairesDownload

Ua entervista en video (30′) conjunta enter SNRL, CNRA e Les Locales de seguir se voletz har còrda : https://www.youtube.com/watch?v=kHldF7i145M
Un punt sus çò que representan las 780 radios associativas de categoria A e a quau saussa e serén adobadas la baisha deu FSER hons de sostien qui en mejana e baisharé deu 40%. Escotatz l’emission qui esclareish las ideas e partatjatz : hèit remarcable qu’ei la votz unanima de tots los servicis ràdios en 30′ CNRA SNRL Les locales.

Las musicas d’En Ondas
• Meredith Monk Line 1
• Terje Rypdal If Mountains could sing
• Le Travail Casablanca Fes Meknès Agurai poètas berbèrs improvizators Haïdous e La Manufeacture verbale
• Elegias vengudas de negre e de mar (Joan-Ives Casanòva) per Joan Francés Tisnèr e Jakes Aymonino capítol Femna de Lutz en camin [inedit].
 Sonaus de Joan Francés Tisnèr Winter Surge inedit

En Ondas setm. 41 Isaure Gratacos

Antropologia,arqueologia,Claude Lévy-Strauss,climatologia,En Ondas,etnologia occitana,geografia,geomorfologia,Idrologia,Isaura Gratacòs [Suzanne Gratacos],Istòria,Jacques Allières,Joan Coromines,Joan-Pau Ferré,La Hèsta gascona,Magdalenian,Mitologia pirenenca,Protoaquitans,Ràdio podcast de resisténcia en occitan,Sistèma a ostau

© Fòto DL

Isaura Gratacòs qu’a panat l’alet a l’auditòri numerós viengut au teatre a l’italiana de Banhèras de Luishon. Que’s passava dens aurs e ondradas, lo velós emporprat drin fanit deus siètis – en l’encastre de la Hèsta gascona organizada per Era Pastorala. B’èra ua sala conhida e atentiu. Solide pr’amor que n’anavam apréner sus nosautes medishes : los Vascons.
E la hemnòta sus l’empont a dar tot çò qui podèva entà neurir lo monde !
Isaura Gratacòs que devisa au noste micro. Solide pas lo centau de tot çò qui a podut dar aqueth 17 d’aost de 2024 au matin. Totun que nse permet, mercés l’entermiei de Bernat Arrós qui facilitè l’encontre, de miélher compréner lo sens deu son tribalh e la valor qui representa.

De consultar : https://fr.wikipedia.org/wiki/Syst%C3%A8me_familial_pyr%C3%A9n%C3%A9en
Lo sistèma a Ostau pirenenc : « l’ostau qu’ei ua persona morau, detentora d’un maine, compausat a l’encòp per bens materiaus e immateriaus e qui’s perpetua per la transmission deu son nom, de la soa fortuna e deus sons títols en linha reau o fictiva » Claude Lévy-Straus.
De léger :
* Isaure Gratacos : Femmes pyrénéennes Un statut social exceptionnel en Europe, Éd Privat, 2003
* Jacques Allières, Les Basques, Paris, Presses universitaires de France, coll. « Que sais-je ? », mars 2003 (1re éd. 1997), 127 p.
* Xavier Ravier, Le récit mythologique en Haute-Bigorre, Aix en Provence, Edisud / Éditions du CNRS, 1986, p. 148.

Seguida e fin au numèro seguent d’En Ondas. A lèu !

Las musicas d’En Ondas
• Otxo Kokinak Jamei
• Gianmaria Testa Dentro la tasca
• Brian Eno More music for film Empty landscape
• Talabrene Terraine Nòu le Chant de Syrinx
• Martina [de Pèire] Cançons de hemnas Escotatz
• Joni Mitchell The beginning of survival The Beat Of Black Wings e Passion Play
 Sonaus de Joan Francés Tisnèr Winter Surge inedit