Quasi 5 ans i a au noste micro, Yannick Jaulin per Ma langue maternelle va mourir et j’ai du mal à vous parler d’amour, espectacle autant iconoclaste com ginhèc.
Per ací ua video mercés a la complicitat enter auta de Joan Pèire Lacomba, fotografa, contaire e escrivan eth tanben.
Que parlam lenga, la soa e la nosta !
La musicas d’En Ondas : Mouth MusicI Bhi A Da Màgerment a partir deu cd collector e preciós de Yannick JaulinMick de Chaï Benaese Belebat Tokolai L’oie Qui Brete Mick De Chai Eklektic consortCashmir Adrià Grandia sonsainista
Sonaus de Denis Fournier e Percussions Profile Le Mystère de la Pyramide
L’emission que s’òrb suu poèma « Dire son òc » per l’autora, Adelina Yzac. « Ecrire c’est ce grand geste d’effort » atau e’s clava la pagina d’arcuelh deu suu blòg : https://adelineyzac.wordpress.com. Que’vs perpausi de seguir ua escrivana singulara qui legem despuish pausa dens En Ondas. La soa pagina wikipèdia en occitan : https://oc.wikipedia.org/wiki/Adelina_Yzac.
Autes mots claus : La cause freudienne, Cartel, Escòla freudiana d’Avinhon
D’ua clarvedença expressiva impressionanta que vs’arrecomandam solide la soa òbra en occitan (qu’escriu parièr en francés) : D’Enfança d’en fàcia, Un trin per tu tota sola en çò de Jorn o la Drolleta de la luna, a Letras d’Òc.
Darrèrs libes pareishuts : Fille perdue, roman, éditions La Manufacture de Livres, Paris, mai 2021 De quelle couleur sera le bébé ? Anne Crahay illustratrice, album, Alice éditions, Bruxelles, mars 2021
Las musicas d’En Ondas • Brice Diusit Guilhem IX d’Aquitània Interludi e pòstudi instrumentaus • Bruno Bonhoure La camera della lacrime Se canta que recanta Ti lin Ta lon • Armenia (Armenian Duduk) Kele Kele, Haberban • The National Duduk Ensemble of Armenia Hov Arek Sarer Jan (Cool Me, Dear Mountains) • Yeghish Manoukian The Crane of Akn • Sourdure De mòrt viva L’ivèrn daus astres Sonaus de Joan Francés Tisnèr Winter Surge inedit
Que recebem a Cecila Chapduelh a un moment quan se deveré boclar l’edicion d’un tresau obratge (en çò de Jorn d’ací quauques setmanas). Cecila Chapduelh vaduda en 1980 qu’ei professora, musiciana, doblaira de filmes d’animacion e longs metratges, serigrafa, e escrivana polimòrfa. Per era qui declara « n’èi pas arren a díser alavetz qu’ac vau díser », la poesia n’ei pas seriós, que se’n vòu amusar lo mei que’s posca. Que nse respon en occitan gascon – competéncia aquesida pr’amor que viscó ua bona pausa en Gasconha – e que se n’explica au cors de l’emission deu son cameleonisme. Jan dau Melhau que publica lo son prumèr recuelh a las edicions deu Chamin de Sent Jaume A chara o crotz en 2015 (ill. Jan-Marc Simeonin), Volutas 2020, Chançoneta de ren e retrachs fotosensibles per paréisher a Jorn en 2022.
Dens lo present entertien, Cecila que ditz un recent poèma : Camaleon.
Las musicas d’En Ondas • Combi Peirat Eschantits Que donarai ieu a ma mia • Camaleon de Cecila Chapduelh dit per l’autora • Françoise Etay Ab’aquí praubes dròlles Fai anar ton violon prauba maire • Marcela Delpastre chants de tradicion La chançon de Martisson • Jan dau Melhau Au neissent d’un trobaire : las prumièras chançons 1972-1974 Una nuech d’estiu • Daniel Frouvelle Aital sèm Racatau Sonaus de Joan Francés Tisnèr Winter Surge inedit
Que devisam mitologia dab Anne-Pierre Darrées qui signa un libe preciós en çò de Reclams edicions : Ercules, l’iniciat, liberòt bilingüe d’un centenat de paginas, illustradas en negre e blanc de la cobèrta color per Margot Raillé. Mei precisament que seràn los dotze tribalhs d’Ercules qui, destecats dens l’obratge aqueste, amuishan la madurada d’un miei diu – e òc eths tanben qu’an de vàder grans ce sembla – Eraclès (en grèc ancian Ἡρακλῆς /Hēraklês, qui vòu díser « Glòria d’Erà»), deu son nom prumèr Alcide, hilh d’Alcmèna e de Zèus, l’un deus eròis mei laudats de la Grècia antica. Qu’a las aventuras en la mitologia grèca hens lo monde coneishut deus Dorians puish dens totas la mediterranèa, a partir de l’expansion de la Grècia grana, dincaus in•hèrns. Que son condats los sons esplèits tanlèu Homère. Eraclès qu’ei dit Ercule dens la mitologia romana, identificat qu’ei au Melkart fenician, a l’Ercle estrusque e au Kakasbos en Asia minora. L’Ercule deus Romans qu’ei per còps descriut com mensh violent que non pas lo son alter ego grèc e que coneish daubuas benalejas qui’s debanan en la peninsula uei dita italiana. Dens aquesta emission Anne-Pierre Darrées que nse ditz perqué a causit de’n har un libe e shens que pr’amor qu’ei a l’arrasic de la legenda de la creacion deus Pirenèus.
Anne-Pierre Darrées per evocar Ercules l’iniciat que pareish en çò de Reclams Edicions.
En çò de Reclams edicions, entaus joens, un essai d’Anne Pierre Darrées : Ercules l’iniciat [3]. Los dotze tribalhs d’Ercules aliàs Eracles que son esplèits cargats d’ensenhaments. Aventuras pleas de simbèus, viscudas peu hilh de Zèus e d’Alcmèna que permeten a l’eròi dejà miei-diu de vàder un uman, de véncer l’animalitat, los truvèrs, d’alargar la consciéncia com ns’ac a partatjat Anne-Pierre Darrées. Libe de formacion se n’ei puish a que la natura d’Ercules qu’ei de dar la man aus umans com aus dius. Seguim las benalèjas extraordinàrias de l’eròi mei popular de la mitologia grèca e romana. Bilingüe occitan-francés 104p. 10 € [3] Ercules l’iniciat. Ercules lo miei diu e Pirena la divessa, a l’origina deu Pirenèus dit per l’autora https://www.reclams.org/fr/liste-des-produits/produit/138-ercules-l-iniciat/highlight-WyJlcmN1bGVzIl0=
Las musicas d’En Ondas • Music of the ancient world Grècia antica Dáktilos améra • Björk Biophyllia Cosmogony • Perlinpinpin fòlc Tenarèze E la musica passa la boca • Music of the ancient world Grècia antica Eros • Rosina e Martina de Pèira Chants occitans Arièja • Transpòrts Tisnèr S.A. Amontanhas 2 arremescladaBaisha viste de la montanha shiulat Sonaus de Joan Francés Tisnèr Winter Surge inedit
La cobèrta d’Ercules l’iniciat Margot Raillé by permissions Reclams Edicions
Encontre dab ua escrivana en dòu. Pas per un auròst de rencura, un d’amor meilèu. Danièle Estèbe-Housiangou que parla de la soa arribada a la lenga, a l’escritura, acompanhada qui estó per exemple per Bernat Manciet juste abans la soa despartida en 2005. Lo prumèr recuelh que’s titòla « Parçans esconuts ». Lo dusau que pareish, tostemps en çò de l’editor Jorn. « Qu’as dubèrt un país blanc = Tu as ouvert un pays blanc » qu’ei un recuelh bilingüe.
Qu’as dubèrt un país blanc = Tu as ouvert un pays blanc de Danièle Estèbe-Hoursiangou. Jorn, 2022. Recuelh de dètz-e-sèt poèmas : Òda a l’absent = Ode à l’absent e d’un long poèma de pròsa Peu nom de la Trinitat = Au nom de la Trinité, tèxte sensible pertocant l’alquimia de la tresau entitat dens lo coble. 76 pp., cob. NB. En version bilingua. 12 euros.
Dens aquesta edicion que parlam parièr de Barbara Cassin (e deu hilh) dab Le bonheur, sa dent douce à la mort (títol emprontat a Rimbaud), ua autobiografia filosofica a tres dab lo hilh, en çò de Fayard en 2020 e de Vinciane Despret (qui s’interèssa tanben com Danièle Estèbe-Hoursiangou, a las bèstias) per Au bonheur des morts a La Découverte en 2016 (Les empêcheurs de penser en rond). E seré un camin obligat que de’s desbarrassar deus morts e ua injonccion absoluda que d’escapar a la dolor ?
Las musicas d’En Ondas • Vents Solaires Valentin Clastrier • Eric Fraj La Vida lo triple CD, amantolat d’òbras de Daidièr Mir, que sòrt d’espelir que presenta 5 poesias signadas Danièla Estèbe-Hoursiangou sus las cinquanta cantas que compta aqueth triple, qu’avem escotat Dromes dins l’òrt. • Pèire Boissière El romance de Andaleto • Dupain Karpiena Sòrga Beveire d’aucèus • Copa Talha Talhuca dit peu quite Manciet dens lo disc de La Manufacture Verbale Sonets • Lluis Llach Porrera món Pilar • Roman Baudoin Primate Lua Sonaus de Joan Francés Tisnèr Winter Surge inedit
L’André Minvielle de la «mani vièla a arròda» que s’improviza projeccionista-musician dab N’autre histoire au parat de la 16au edicion deu Primtemps de l’arribèra. Lo tèma deu hestenau augan qu’ei « Las invencions »… e l’inventivitat. « Que vivem dens lo desbromb de las nostas metamorfòsis », aquesta citacion de Paul Eluard que la nse bremba lo noste convidat. Que cad a punt mercat tà soslinhar que los artistas e crèan per contribuir a mudar la societat. Los Chancaires e Lacaze aux Sottises que s’aligan a l’entorn d’ua invencion hòra deu comun : ua « main-vielle à roue » qui conta « N’autre histoire ». Que vira l’arròda, e l’istòria nosta, hèita d’imatges de hèstas, de dança, de vita que pren fòrma e que s’i torna a víver. Ua prumèra restitucion qu’ei perpausada tanlèu lo 14 d’abriu a Sent Pèr de Lèren chancaires@gmail.com.
Dens l’emission André Minvielle ne sap pas enqüèra que la lenga que l’èi – audida mes non autorizada – d’enter Buelh e Vesing e Arròs de Nai, apresa a Ortès dab Michel Grosclaude e a Bordèu dab Jacme Boisgontier.Si m’assimila a Salias qu’ei que i vivi despuish quauques ans. Lo Jean-François qui mentav per dus còps dens aquesta edicion qu’ei lo qui’m da regularament e d’aquesta passa tanben lo generic d’En Ondas, mercés a d’eth.
Ua entervista realizada abans la suspension de las restriccions impausadas a la poblacion au parat de la covid-19 e l’agression guerrèra de Vladimir Putin sus l’Ucraïna.
Las musicas d’En Ondas • Serge Pey André Minvielle Nous sommes cernés par les cibles Lageneria • Juliette Minvielle Lolita-Delmonteil-Ayral Camille Raibaud e qques autes dont Mamie Entalh Bèth cèu de Pau … la transmission • Minvielle & Papanosh Prévert Parade Seganagramme Sonaus de Joan Francés Tisnèr Winter Surge inedit
Que juntam a Danèu Barneix un deus creators de la corruda La Passem tà la lenga occitana. Ua persona que costegi despuish quauques detzenats d’annadas. La corruda relai de la quau ei un deus creators que’s tien deu dijaus 2 tau dimenge 5 de junh en Baish Ador, Lanas, Bigòrra e Bearn. En linha sus https://lapassem.com/oc/edicion-2022-2/ lo percors precís dab las òras de passatge la possibilitat de crompar dirèctament quilomètres e tot rensenhament servider dens un mòde d’emplec : https://lapassem.com/la-passem-et-ligams/.
Arribada 2018 a Pau
Las musicas d’En Ondas • Yan Cozian Sergi Cladèras Passem creat per La Passem 2020 • Trencadit Córrer Mars e Monts 2020 creat per La Passem 2020 • Joan Francés Tisnèr Transpòrts La corruda Rondèu en cadena regular • Ua, miduna, mitrena 3 Passa piga • Matiu Dufau Ua lenga tà tots 2020 creat per La Passem 2020 • Luc Aussibal Carnaval e quauques sonaus mei Sonaus de Joan Francés Tisnèr Winter Surge inedit
Parucion evenement ! 1984 qu’ei un libe deus arquetipaus de las cent darrèras annadas dens la literatura occidentau. Qu’ei dens tots los classaments deus libes de léger : deu Monde, au Times… Soslinhem d’alhors queAnimal’s farm = La bòrda deus animaus deu quite autorque figura tanben au classament deus incontornables deu sègle XXau. Que recomandarèi mei deu quite George Orwell Homage toCatalonia : pendent la guèrra d’Espanha que s’engatgè au ras de la republica catalana en lo POUM. George Orwell 1903-1950 qui ei lo nom de pluma d’Eric Arthur Blair. Vadut en Índia e mort a Londres. Jornalista e escrivan. 1984 roman pareishut en 1949.
Felip Biu
L’arrevirada en occitan (modalitat gascona, chança tà la canalha !) deu mitic roman 1984 qu’ei espelida en çò de www.letrasdoc.org e qu’ei signada per un excellent autor : anglicista, ellenista, latinista e professor de shiular (occitan shiulat) distinguit Felip Biu. 1984, 352 pp. 24 euros. Per comandar tot viste : http://www.letrasdoc.org/oc/catalogue/1984/. En apendici : los principis de la Lenganava. Dab l’ajuda deu CNL. Question tanben dens aquesta emission de la seria ‘La Tour sombre’ de Stephen King e allusion qui n’èi pas explicat de la referéncia au Haut-parlar (e pas Gran-parlar, lenga apeada sus un vielh francés pas mei coneishut dens aquesta enter-dus-monde de western d’anticipacion) qui solide induseish un Baish-parlar… mes que ns’aluenham deu roman d’Orwell que vs’encoratgi a léger en occitan devath lo calam de Felip Biu.
Las musicas d’En Ondas • Alemanda e Soissa A d’arron • Marc Mellits string quartet n° 2 revolution Mara’s toy in lo CD Lau sasuak quatuor Arnaga • Big brother and the holding company Janis Joplin Cheaps Thrills ‘= sensacions a pas car’ Combination Of The Two • sonaus tirats de Arild Andersen Group Electra Big bang e Loud sound • especiau dedicaça a l’arrehilh (e solide au petiton tanben) dab la canta de Los del Sauvatèrra (paraulas e musica de Bernat Connac), aquiu dens la version de las Mondinas. Sonaus de Joan Francés Tisnèr Winter Surge inedit
Hadiu 
You must be logged in to post a comment.