En Ondas setm. 50 Rotland Pecot

Daniel Vissière,En Ondas,Laissarem degun,Literatura occitana,Marie-Jeanne Verny,Ostau dau País Marselhés,poesia occitana,Ràdio podcast de resisténcia en occitan,Roland Pecout | Rotland Pecot
© D. Lekuona Rotland Pecot a L’Estivada

La persona convidada aquesta setmana qu’ei lo poèta e viatjador defuntat au 28 de noveme, Rotland Pecot. Que l’an sepelit familha e amics, legidors, divés lo 8 de deceme a Montpelhièr. L’emission iniciau qua data de mai de 2009. Un ‘En Ondas’, faiçon d’adocir la pena de nse separar d’un companh atrevit e sensible en la soa musica deus mots, de la frasa e de las ideas.
* Que podetz sustot léger Rotland Pecot.
* Tà’n Saber mei https://www.univ-montp3.fr/uoh/pecout/index.php?option=com_content&view=article&id=33&Itemid=26

Tà trobar lo libe disc Laissarem degun, pareishut a l’Ostau dau País Marsilhés en 2009, 15 euros. E mercés de descobrir-las sancèras dens lo disc en crompà’u [Laissarem degun ].

Que podetz escotar tanben, un n° de Jòclong de la vòsta servitora (lo 15au) consacrat a Laissarem degun https://hadiu.eu/2014/01/06/joclong-n-15-laissarem-degun-rotland-pecot/ on deisham la largança a l’òbra discografica dens tot lo son ample.

D’autes programas dab Rotland Pecot sus Hadiu : https://hadiu.eu/?s=pecot

Las musicas d’En Ondas :
• Patrick Valhant Vanitas Lo camin d’Orongo
• Noche Criolla Jagdish e kreol konnexyon
• Los Companhs de Carrièra Daqui Dub
• Cançon de l’òrt e de la set
• Barranhadas Mossur T e lei jovent
 Sonaus de Joan Francés Tisnèr Winter Surge inedit

En Ondas setm. 49 Fred Handy tà Bernat Manciet

Bernard & Jean-Claude Marcadé,Bernat Manciet,En Ondas,Frederic Handy,Ràdio podcast de resisténcia en occitan,tauromaquia
Fotos presas a la Villa Beatrix Enea d’Anglet

Ua proposicion en quauques extrèits de la mustra apitada per Guy Latry, Bernard, Jean-Claude Marcadé e Francés Pic de la Villa Beatrix Enea d’Anglet [lo centre d’art contemporanèu sis au 2 arrua Albert-Le-Barillier 64600 Anglet] au parat deus centenari de la vaduda de Bernard Manciet.
Que’s titola «Au pays de l’esquive = Au país de l’esquiva» éditions Confluences / Cairn e que presenta en tres salas, dessenhs e pintruras qui podón rapidament arrecaptar los productors de l’exposicion a l’entorn de la dacion de M. J.-C. Marcadé. Vededera dinc au 6 de genèr de 2024.

Las musicas d’En Ondas
• Crestian Vieussens Bernat Manciet Esquiç Auròst
• Erik Truffaz Arkhangelsk Red cloud
• Vincent Courtois The Trouble With Happiness
 Sonaus de Joan Francés Tisnèr Winter Surge inedit

Curiós d’autes programas sus Bernat Manciet ? seguitz lo ligam https://hadiu.eu/?s=manciet

En Ondas setm. 48 Dominique Marchais 2/2

Camille Lotteau,Dominique Marchais,En Ondas,La Rivière,Ràdio podcast de resisténcia en occitan

Ne sèi pas a vòste… mes au Saleys, lo cinèma de Salias, que hè un carton lo filme « La Rivière » ! Lhèu pr’amor lo noste arriu Lo Salèis qu’ei dens un estat de mort imminenta…? Corretz que i ei enqüèra programat dinc au 19 de deceme.

Je ne sais pas par chez vous… Mais au Saleys, le cinéma de Salies-de-Béarn, le film « La Rivière » fait un carton ! Peut-être parce que notre rivière Le Saleys est dans un état de mort imminente…? Courrez il est encore programmé jusqu’au 19 décembre.

Mercés © Walid Salem & Rue 89 https://rue89bordeaux.com tà l’autorizacion d’utilizacion.

Que’vs perpausam d’escotar Dominique Marchais, partatjar quin concep au son cinèma. Extrèits : « Si n’avem pas moneda, qu’avem temps… si n’avem pas la moneda tà projectors qu’atenem las nublas e se n’anen o lavetz que tornam escríver la hèita ! » Inspirant. Tanben que nse ditz a perpaus d’un projècte per viéner : « Lo dobte que produseish la coneishença ».

Nous vous proposons d’écouter Dominique Marchais, partager sa conception du cinéma. Extraits : « Si nous n’avons pas d’argent, nous avons du temps… Si nous n’avons pas l’argent pour des projecteurs nous attendons que les nuages s’en aillent ou alors nous réécrivons l’événement ! » Inspirant. Aussi nous dit-il à propos d’un projet à venir : « Le doute produit la connaissance ».

Un cinèma atentiu e organic, sensible e porós. Que tira la soa fòrça d’aqueras capacitats e principis.
Ua etica qui non pòt qu’entercalhar. La Rivière, ua òbra totau.

Un cinéma attentif et organique, sensible et poreux. Qui tire sa force de ces capacités et principes. Une éthique qui ne peut qu’interpeller.
« La Rivière », de Dominique Marchais une œuvre totale.

2003 : Lenz échappé (cort metratge)
2010 : Le Temps des grâces
2014 : La Ligne de partage des eaux
2018 : Nul homme n’est une île
2023 : La Rivière

Las musicas d’En Ondas
• Dupain La Sòrga Títol eponim Dupain
• Glass String Quartet #3, Mishima 1. 1957, Award Montage
– La pèira qui canta composicion Joan Francés Tisnèr
– Gruas ausèths Joan Francés Tisnèr
– Gilles Chabenat e Edouard Papazian Le traité des songes (imprimaria e sonsaina)
 Sonaus de Joan Francés Tisnèr Winter Surge inedit

En Ondas setm. 47 Dominique Marchais

Dominique Marchais,En Ondas,Gaves,La Rivière,No kill,Prèmi Jean Vigo,Ràdio podcast de resisténcia en occitan

Dominique Marchais qu’ei un realizator vadut en 1974, estudis a la Sorbonne Paris 4 e passatge a la Villa Medicis, que viu uei a Bordèu. Que sòrt de recéber lo prestigiós Prèmi Jean Vigo qui sòlen de dar a un realizator independent d’esperit e tà la qualitat e l’originalitat de la soa òbra.

2003 : Lenz échappé (cort metratge)
2010 : Le Temps des grâces
2014 : La Ligne de partage des eaux
2018 : Nul homme n’est une île
2023 : La Rivière

La Rivière lo son darrèr documentari, long metratge de 104 minutas, shens d’estar singular qu’ei sustot ua òbra d’art. Au sens prumèr : ua pintrura filmica e sonòra dont lo poder deus imatges e deus perpaus s’adreça a tots los nostes sens, a la nosta atencion e qui nse hè compréner, per l’exemple de gaves pirenencs, çò qu’ei lo monde de l’arriu e lo son ròtle. Aquestes èstes vius qui, despuish sègles, èm los dits umans a cavar, dravar, espleitar, empipautir, masedar e vueitar de tot lo lor poder vitau, lo filme que’us nse hè compréner d’ua tota auta mòda. Que nse rend conscients. Lavetz que podem partvirar las certituds.

AVIS / Emissions en occitan, entervista en francés.
Mes propos en occitan peuvent être traduits en français sur http://revirada.eu.
Mercés https://locongres.org

Las musicas d’En Ondas
• La honteta de JL e M
• Sorrom Borrom lo cant deu gave (inedit) JF Tisnèr
 Sonaus de Joan Francés Tisnèr Winter Surge inedit

En Ondas setm. 46 Jue e Cecila

Béarn des Gaves,Bearn deus Gaves,Cecila Chapduelh,En Ondas,Flòra deus Pireneus,Gave d'Auloron,Halha de Nadau,Jorn,Jue,Jue Dondon,poesia occitana,Quaucom - Picahòu,Ràdio podcast de resisténcia en occitan

Dusau emission en companhia de « Mina de plomb, mina de ren = Mine de plomb, mine de rien » de Cecila Chapduèlh. Cecila Chapdèlh qui podetz escotar dens l’En Ondas qui davanteja (setmana 45 de 2023).

© JUE

Pareishut en junh de 2023 en çò de Jorn, lo son dusau recuelh qui ei illustrat a la Mina de plomb o mei prosaïcament a l’estillò per Jue. Que l’encontrèm era tanben.
Un tribalh grafic emprenh de simbolica en miralh dab los poèmas o los devís poetics de Cecila. Ua auta mesa en abisme en·hadaira.

Emper-abans que partatjam informacions meilèu locaus – e perqué non ! – sus rites e visions de l’univèrs, pr’amor de l’actualitat ligada au Topin de Lenga e a mantuas autas associacions en Bearn deus Gaves.

La halha, eth haro, las fallas dens un site en occitan parièr :

Intro

D’autes ligams : mailto:lo.topin.de.lenga@gmail.com (tà estar assabentat) e https://www.facebook.com/profile.php?id=100081099690336

https://www.museedusel64.fr/

https://loprimtempsdelarribera.com

Espiem País de flors : https://youtu.be/ANDTzKdQekw?si=oxYP77EggoeAxQGR de Jacob Redman, dab la votz de Laetitia Dutech entaus poèmas occitans. La setmana per viéner e l’auta après l’entervista en francés de Dominique Marchais entà « La Rivière » https://www.meteore-films.fr/distribution-films/La-Riviere-Dominique-Marchais o quin los gaves e nse hèn sentir çò qu’ei un èste sancèr e viu com l’arriu.

Las musicas d’En Ondas
• The doors Universal mind
• Eths micalets Aiganèu La lua se n’ei cochada
• Lua, lua Joan-Luc e Dany Madier-Dauba
• Ua, miduna, mitrena 1 Lo renard dab sa gran coda
• A ton cuenh Crestian Vieussens Fifres et tambours de Gascogne
• Au miei deu bòsc i a nau ausèths D’en Haut
Sonaus lo pianista Gérard Douvisy deu disc d’André Ricros, L’usina Dupain intro Diga Joaneta
 Sonaus de Joan Francés Tisnèr Winter Surge inedit

En Ondas setm. 45 Cecila Chapduèlh

Cecila Chapduelh,Chamins de St Jaume,En Ondas,Jorn,Jue,poesia occitana,Ràdio podcast de resisténcia en occitan,Serigrafia

Prumèra de duas emissions en companhia de Cecila Chapduèlh au parat de la sortida de « Mina de plomb, mina de ren = Mine de plomb, mine de rien ».

© fòto extrèita d’ua video de Voix Vives de Reha, lo poèta deu site « bachibouzouck », (https://www.youtube.com/watch?v=Y-kkj8onYC0) 

Pareishut en junh de 2023 en çò de Jorn, un dusau recuelh qui atenèvi despuish un moment. A Chara o Crotz en çò deu Camin de Sant Jaume pareishut en 2015. 103pp. 15 euros. Que parlam escritura d’abòrd, escritura tostemps. De l’encombranta femenitud… Que devisam de la fòrma papèr qui tostemps representa ua reconeishença quitament entaus quarantenaris com Cecila.

La soa actualitat :
– Dinc au 30 de noveme : Mustra « Mina de plomb, mina de ren » a la Topina, Tolosa
– lo 14 de novembre 2023, 18h rescontres Sauramps dab l’Universitat Pau Valery : http://www.felco-creo.org/14-11-23-universite-paul-valery-rencontre-litteraire-actualitat-de-ledicion-poetica-occitana/.
– deu 6 au 31 de deceme 2023 : Mustra « Mina de plomb, mina de ren » a la libreria « Aqueras montanhas », Pau
– lo 8 de deceme, dab Jue, 18h : vernissatge de la mustra Mina de plomb, mina de ren a la libreria Aqueras montanhas, Pau.
– lo 24 de març, castèth de Bordelha (24) : prima deus poètas, lecturas e talhièr de serigrafia.

D’autes programas d’En Ondas dab Cecila : https://hadiu.eu/?s=Cecila+Chapduelh

Las musicas d’En Ondas
• Marc Mellits _ string quartet n° 2 Revolution Mara’s Toy
• Francesa Etay Ab aqui paubres dròlles Vriulons lemosins Lo couth e l’irondela Jan dau Melhau
• Version d’estudi e d’apréner deu Primtemps de l’Arribèra consacrat a las invencions Matiu Dufau e los collègues
• PapaGahus_loba_freddy
 Sonaus de Joan Francés Tisnèr Winter Surge inedit

En Ondas setm. 44 Eric Gonzalès 2

Amélie Nothomb,En Ondas,Eric Gonzales,Miquèu de Camelat,Occitan numeric,Per Noste,Ràdio podcast en occitan,Reclams

Que perseguim la convèrsa entinoada la setmana passada dab Eric Gonzalès [1964-2023].
Ua difusion tornar tà’ns brembar lo son apòrt en la coneishença, la difusion e la creacion egaument dens la lenga occitana de noste, a las quaus e tribalhè de faiçon tant competenta, escarpa e enlusernanta.

en difusion tornar

2009 data d’aquesta entervista – que ved l’espelida de dus obratges, la soa traduccion d’Amélie Nothomb : Igièna de l’assasin (en çò de Per Noste) e de l’edicion tornar en çò de Reclams (n° 1 de la coll. Honts) de Belina de Miquèu de Camelat qui revisa la grafia classica en companhia de Jan Loís Lavit-Talader d’aquesta òbra deu gran Miquèu de Camelat que pareishó en ua edicion definitiva en 1962 e dont la prumèra edicion data de 1898. Parats d’encontrar a l’autor autant riale com preciós.

• 1996 de l’Òrra istuèra d’un hilh de Gelòs : un gojat que’s geta au Gave de Pau arron aver temptat en de batles d’assassinar aus pairs. Un 1èr roman uei estarit
• 1998 Melic de Silvia Chasaus, roman policièr negre
• 1999 Arantxa, roman d’amor de la tela de hons istorica e geografica: la guèrra limaishorda en Bascoat enter Etarràs e Gal
• 2000 Isabèu de la Valea
• 2001 Las Tortoras e Dazibao
• 2005 La Guèrra de Bambovila (teatre)
• 2007 Entermiei lordèras
• 2013 arrevirada a l’occitan gascon de l’Estranh de Camus en çò de Reclams
• 2020 Uei qu’ei au nombre deus editors intellectuaus (dab Maurici Romieu, Sèrgi Javaloyès e Joan Luc Landi) de l’edicion nava deu Dictionnaire du béarnais et du gascon modernes, dit de Simin Palay dont escriu lo prefaci pertocant la grafia. Dus tòmes d’ara enlà disponibles, co-editats per Lo congrès de la lenga occitana e Reclams.
En 2009 ce sembla qu’aja renonciat, Eric Gonzalès, a la soa escritura pròpia tà’s consacrar a l’escritura deus autes e a la lenga.

[per referéncias web sus Eric Gonzalès visitar : https://hadiu.eu/2020/02/24/en-ondas-setm-9-eric-gonzales-1/]

Rara video dab Eric Gonzalès [Altaïr video de R. Le Coz] : https://youtu.be/40Zh-oKA-E0?si=TQJ8Q0RyZ4bEKy-I

Las musicas d’En Ondas

  • Antonio Placer Cancionista Anartista
  • Radiohead Com Lag I Will
  • Ani di Franco Knuckle down
  • Denís Frossard e Joan Francés Tisnèr Vrenhadas Hilhòta de delà l’aiga
  • Björk Volta The dull flame of desire
  • Battle Mirrored Racing

 Sonaus de Denis Fournier e Percussions Profile Le Mystère de la Pyramide

En Ondas setm. 43 Eric Gonzales 1

Albert Camus,Amélie Nothomb,En Ondas,Eric Gonzales,http://www.reclams.org,Miquèu de Camelat,Occitan numeric,Per Noste,Ràdio podcast de resisténcia en occitan,Ràdio podcast en occitan,Reclams,Reclams edicions,Simin Palay,Traduccion en occitan

Eric Gonzalès [1964-2023] que ns’a quitat augan au mes de mai.
En navèra difusion duas emissions de 2009 qui tornèi adobar en 2020.
Eric qu’èra un fin coneishedor de la lenga. Que sia mercejat tà tot çò qui ns’a aportat.

Un dia qu’avoi l’astre d’obtiéner – au telefòne – ua entervista d’Eric Gonzales. Qu’èra en 2009. Que la ve perpausi tornar dens un montatge drin abracat (la musica), au format 45’ e tostemps en duas emissions. Lo parat de tornar sus la soa destinada literara.

Au començar de 2020, Eric Gonzalès qu’ei au nombre deus editors intellectuaus – dab Maurici Romieu, Sèrgi Javaloyès e Joan Luc Landi – de l’edicion nava deu Dictionnaire du béarnais et du gascon modernes dit de Simin Palay, dont escriu lo prefaci pertocant la grafia.

Dus tòmes d’ara enlà disponibles aqueste començar de 2020, co-editats per Lo congrès de la lenga occitana e Reclams.
https://escolagastonfebus.com/langue/le-dictionnaire-de-palay-enfin-reedite/

Jouèb : http://diaperdia.centerblog.net/ dont lo darrèr article partatjat ei « Modernizar lo gascon” en data deu 17 de heurèr de 2020. http://diaperdia.centerblog.net/6488076–modernizar-la-lenga-nosta
wiki : https://fr.wikipedia.org/wiki/%C3%89ric_Gonzal%C3%A8s & https://oc.wikipedia.org/wiki/Eric_Gonzales o drin mei drin « Enquèstas linguisticas boharòcas » : http://diaperdia.centerblog.net/6488089-enquestas-linguisticas-boharocas.

Las musicas d’En Ondas

  • Wax Tailor Que serà, serà
  • Arabian music from Fez and Marroco
  • Guilhem Lopez Sòmi de Granada Granada
  • Artús Òrb ATC
  • Japanesa drums Yoyi Hirota
  • Björk Innocence