Category: André Minvielle

En Ondas setm. 11 André Minvielle

André Minvielle,Domenja Lekuona,En Ondas,Jan dau Melhau,Juliette Minvielle,Marcela Delpastre,Ràdio podcast de resisténcia en occitan,Rita Macedo,Romie Esteves,Trobairitz

Ua conversacion telefonica (e en video) dab André Minvielle qu’ei de mercar dens la vita de la productora ràdio qui soi, de mercar e de remarcar ! N’èra pas la prumèra qui’n hasèvi en la soa companhia e b’ac sabèvi que non tienè pas en plaça : efervescent qu’ei, rebombant ! Boishòrlas d’ideas e d’analisis a cada instant. Gahatz ve lavetz aus escotaders. E mercés de nse seguir. Per ma fe que passèi un hòrt bon moment d’escambi, deus gaujós e neurissent.
Lexic de subervita : lo chafre d’André de quan petit – chafre en lenga de noste que designa un subernom – aqueste chafre en francés de Minvielle, qu’ei manivelle.
Que brembi a totas fins servideras qu’en occitan gascon Minvielle (derivat de Mièjaviela) que significa l’ostau au miei de la vila, çò qui n’a pas arren a véder dab manivelle. Reportatz-ve au tostemps excellent Dictionnaire patronymique des noms de famille gascons de Miquèu Grosclaude.

Dens aquera edicion d’En Ondas André Minvielle que ns’a entertienuts de çò qu’ei per eth la variacion, tanben de l’art de cantar : « Quan cantam – e que’u citi – , Quan cantam qu’èm mantuns au dehens” e ce nse hida mei « La sintaxi qu’ei un ritme!”. Bona seguida sonòra puish a que n’ei en diable !
e que comença a hutas, embarcatz dab André Minvielle…

——- En Ondas, en companhia André Minvielle qui clava la seria de tres consacrada a l’espectacle en cors « A partir de las trobairitz” de André, Juliette Minvielle e Rita Macêdo. Los perlongaments a pertocar a André Minvielle que son de seguir devath la fòrma de ligams internet dens la fica d’En Ondas de la setmana 11 sus https://hadiu.eu/category/en-ondas/ + https://fr.wikipedia.org/wiki/Andr%C3%A9_Minvielle
https://oc.wikipedia.org/wiki/Andr%C3%A9_Minvielle
hopisme.fr
https://www.laboutiquedesmutins.org/hop

© D. Lekuona

Las musicas d’En Ondas
chic d’illustracions musicaus de tant qui èra dense e per moment cantat en dirècte per l’artista ! M E R C É S
• Tots tirats deu Ti’bal tr’ibal d’André Minvielle
Cumbia Jazz + Cajuina (los dus en fòrma de sonaus) + Balagora en mei larg extrèit.
 Sonaus de Joan Francés Tisnèr Winter Surge inedit

En Ondas setm. 10 Rita Macêdo

André Minvielle,Ange B. Enjalbert,Claude Sicre,Domenja Lekuona,En Ondas,Félix Castan,Femmouzes T,Françoise Chapuis,Jacme Gaudas,Juliette Minvielle,Louis Lubat,Ràdio podcast de resisténcia en occitan,Rita Macedo,Salvador de Bahia,Trobairitz

Rita Macêdo qu’ei prumèr ua votz qui no’s desbromba pas e darrèr la votz tota l’umanitat e la saviesa qui hèn ben d’encontrar.
Femmouzes T Rita Macêdo e Françoise Chapuis (despartida en genèr de 2023), grop constituit de 1992 enlà quate albums vitaminats au gai, a l’imatge de las cantairas e musicianas.
A Françoise lo pandeiro, tambourin de l’iberia qui hasèva viravòutar, a Rita l’accordeon cromatic. Los repics, los ritmes, l’armonia e las danças ahuecadas.
https://fr.wikipedia.org/wiki/Femmouzes_T. 4 albums, l’últim e quatau qu’ei Résistantes YouTube Spotify. Que l’encontram com ei dens la familha a Salvador de Bahia

© RM PC

Las musicas d’En Ondas
Femmouzes T Los albums lo T de Tripopular de Trobairitz o lo de Resitentas
• Olympe de Gouges
• Résistantes
• Plage deu Capitòli
• Colorina de Ròse
• L’Entrada del temps clar
 Sonaus de Joan Francés Tisnèr Winter Surge inedit

En Ondas setm. 09 Juliette Minvielle

André Minvielle,Ausèths,Berthe Merlou,Bonbon Vodou,Domenja Lekuona,En Ondas,Francis Beigbeder,Juliette Minvielle,Ràdio podcast de resisténcia en occitan,Rita Macedo,Solo pour Gugusse,Trobairitz

Projèctes a fanègas per l’artista-cantaira-e-instrumentista Juliette Minvielle.
Qu’an per nom per exemple : Bonbon Vodou – Saraï – Ausèths – Solo pour Gugusse…

©J. Minvielle

https://julietteminvielle.com/

Solo pour Gugusse

A partir de las Trobairitz…

Ti’bal Tribal

Las musicas d’En Ondas
• Laüsa Magnific, renovelat e sensible Bèth Cèu de Pau
• Ti’Bal tribal André-Juliette Minvielle et Nino
* Nino
* La lega
* Cumbia Jazz fusion
* Cajuina
* Sacré Éole
 Sonaus de Joan Francés Tisnèr Winter Surge inedit

Per un estiu radiofonic en escota a la demanda !

1984,Adeline Yzac,Alem Surre-Garcia,André Courrèges,André Minvielle,Anne-Pierre Darrées,APQV,Aquò d'Aquí,Bassin de Lacq,Benoît Cursente,Benoît Larradet,Carressa e Cassabè,Carresse-Cassaber,Catí Soublès,Cecila Chapduelh,Celina Ricard,Christian Pacher,Danèu Barneix,Danèu Loddo,Danís Chapduelh,Danièla Estebe-Hoursiangou,Danièla Julien,Daniel-Dpl,David Khatile,En Ondas,En Plaine Vue,Escòla Gaston Febus,Felip Biu,Françoise Etay,Gave d'Auloron,George Orwell,Jacques Ellul,Joan Miquèu Dordeins,Kanaky,Katy Bernard,la manufacture verbale,La Talvèra,Lac,Letras d'Oc,Ligams - La Passem,Literatura occitana,Lo Diari,Maurici Romieu,Michel Rodes,Miquèu Montanaro,Miquèu Neumüller,Mixel Etxekopar,Oc revista,País gascons,Philippe Garcia,Pierre-Yves Gourvil,Ràdio podcast de resisténcia en occitan,Reclams,Rellyd Fischer,Salias,Sepanso,Sissy Zhou,Sourdure,Yannick Jaulin

A l’escota lo quarantenat d’emissions de la temporada escorruda :
En Ondas (10/2021-06/2022)
La quarantaine d’émissions de la période écoulée en écoute à la demande
Sengla fòto clicada que mia au programa !
Cliquer sur chaque photo pour accéder à son programe !

Mercés a las ràdios que difusan tornar, aus auditors e a la gent qui’s hèn pòrtavotz.
Merci aux radios qui (re)diffusent, aux auditeurs et aux personnes qui se font porte-voix.

Produccions Cordae-La Talvera
https://hadiu.eu/2022/06/13/en-ondas-setm-23-tresia-pambrun/

En Ondas setm. 11 André Minvielle

André Minvielle,En Ondas,Jacques Grandchamp,Jacques Prévert,Juliette Minvielle,Los chancaires,main-vielle à roue,Primtemps de l'arribèra,Ràdio podcast de resisténcia en occitan,Sèrgi Javaloyès

L’André Minvielle de la «mani vièla a arròda» que s’improviza projeccionista-musician dab N’autre histoire au parat de la 16au edicion deu Primtemps de l’arribèra. Lo tèma deu hestenau augan qu’ei « Las invencions »… e l’inventivitat. « Que vivem dens lo desbromb de las nostas metamorfòsis », aquesta citacion de Paul Eluard que la nse bremba lo noste convidat. Que cad a punt mercat tà soslinhar que los artistas e crèan per contribuir a mudar la societat.
Los Chancaires e Lacaze aux Sottises que s’aligan a l’entorn d’ua invencion hòra deu comun : ua « main-vielle à roue » qui conta « N’autre histoire ». Que vira l’arròda, e l’istòria nosta, hèita d’imatges de hèstas, de dança, de vita que pren fòrma e que s’i torna a víver. Ua prumèra restitucion qu’ei perpausada tanlèu lo 14 d’abriu a Sent Pèr de Lèren chancaires@gmail.com.

Un exemple d’aquesta colleccion, realizat a Areta, Varetons : N’autre Histoire ; Lo site dedicat : http://www.lesmutins.org/la-main-vielle-a-roue-81?tab=n-autre-histoire © fòto Le populaire du centre

Dens l’emission André Minvielle ne sap pas enqüèra que la lenga que l’èi – audida mes non autorizada – d’enter Buelh e Vesing e Arròs de Nai, apresa a Ortès dab Michel Grosclaude e a Bordèu dab Jacme Boisgontier. Si m’assimila a Salias qu’ei que i vivi despuish quauques ans.
Lo Jean-François qui mentav per dus còps dens aquesta edicion qu’ei lo qui’m da regularament e d’aquesta passa tanben lo generic d’En Ondas, mercés a d’eth.

Ua entervista realizada abans la suspension de las restriccions impausadas a la poblacion au parat de la covid-19 e l’agression guerrèra de Vladimir Putin sus l’Ucraïna.

Las musicas d’En Ondas
• Serge Pey André Minvielle Nous sommes cernés par les cibles Lageneria
• Juliette Minvielle Lolita-Delmonteil-Ayral Camille Raibaud e qques autes dont Mamie Entalh Bèth cèu de Pau … la transmission
• Minvielle & Papanosh Prévert Parade Seganagramme
 Sonaus de Joan Francés Tisnèr Winter Surge inedit

En Ondas setm. 45 Mixel Etxekopar

Amaren Alabak,André Minvielle,Axisteo Romeneta,Bonbon beltz,Dom Campistron,En Ondas,Fabienne Yvert,Femmouzes T,Jean-Christian Galtxetaburu,Joan Francés Tisnèr,Jordan Tisnèr,Mixel Etxekopar,Pierre Vissler,Ràdio podcast de resisténcia en occitan,TTX Rekalt,Xavier Pinon,Xiru

En Ondas en reportatge a Xiru (la 31auedicion en 2021).
En companhia de Mixel Etxekopar, cantaire e musician, director artistic deu hestenau, Xavier Pinon fotografa e Amaren Alabak (Maika Etxekopar e Bonbon Beltz que jògen De nos vieux a Maule lo 12/11 en francés e loi 13/11 en euskara ) qui’s hèn entau parat Amaren Baladak. Qu’i devisam de l’edicion deu mes d’aost de 2021 (de costuma qu’ei en abriu) de Xiru de secors com l’a batiada per trufà’s Mixel pr’amor qu’a bèth drin mequejat : la darrèra arròda deu carri qu’ei plan tostemps la cultura, se podem constatar…

D’escotar en lançar lo diaporama drin mei baish | À écouter en visionnant le diaporama ci-après.
SIATZ OPERATORS | SOYEZ OPERATEURS !
Mixel Etxekopar edicion 2021 de Xiru © D. Lekuona.

31au edicion de Xiru consacrada aus bardes e en especiau a l’Etxahun de « GAZTELONDON ZER BERRI », barri de Barkoxe | Barcus dab l’espectacle qui’u consacrèn MIXEL ETXEKOPAR, musika, kantu, TTK REKALT testua, botza, musika, J. CHRISTIAN GALTXETABURU, esku soinua, perkusioa e un musician qui remplaçava suu pè a PIERRE VISSLER, soinu grabaketak, musika qui non volèva pas participar a un eveniment on calèva lo pass sanitari. Ua vesita de uei dens lo sègle XIXau e lo monde deu poèta Pierre Topet Etxahun. Barkoxe, peu cant, los sons e las paraulas. Bèras emocions qu’aqueste « Gastelondon zer berri » dens lo banh deus univèrs entercrotzats, escotaires beròi e emetedors de tria e de trilhas. Un espectacle hòra nòrma portat per l’expressivitat musicau, deu cant e de la votz enter lo parlar e la musicalitat tant especiau de TTK Dominique Rekalt.
De mentàver en aquesta edicion de Xiru : un mei qu’excellent e enlobataire Dede Minvielle lo dimenge mieidia, Femmouze T lo vrèspe, d’on èra lo tornar… com tots d’alhors qui’s produsivan aquestes tres dias, despopats qui èran los artistas, de tocar en public pr’amor de la COVID-19.

GASTELONDON ZER BERRI son

GAZTELONDON ZER BERRI video mars de 2020 1h13′

Quauques imatges, fotografias e grafismes commentats de visionar en tot escotar l’emission.
Quelques images, photographies et graphismes commentés à visionner en écoutant l’émission.

Las musicas d’En Ondas
• En lo seguici cants d’Amaren AlabakBaladak, causits per Mixel Etxekopar
• Arnaga Rougier Etxekopar Lau Sasuak Antonio Vivaldi [1678 Venisa – 1741 Vièna]
03 n° 1 Udaberria – La primavera Allegro
10 n° 4 Negua – L’inverno Allegro non molto
Paciéncia tà un CD de GAZTELONDON ZER BERRI.
Que’vs tienerèi au chuc de la parucion solide.
 Sonaus de Denis Fournier e Percussions Profile Le Mystère de la Pyramide

En Ondas setm. 3 encontre dab Dàvid Escarpit : de non pas mancar !

André Minvielle,Camins,Concors bigordan,Francis Lassus,Passa Camin,Que soi Charlie,Serge Pey,Vent Terral

Us privat a gratis, us public mercés de contactar d’abòrd domenja@gmail.com En jòia
https://www.mixcloud.com/widget/iframe/?feed=http%3A%2F%2Fwww.mixcloud.com%2FHadiuPodcastsDomenjaLekuona%2Fen-ondas-de-domenja-lekuona-3-david-escarpit-ent%25C3%25A0-coma-un-crostet-de-pan-darr%25C3%25A8ir-deu-cr%25C3%25B2fe%2F&mini=1&embed_uuid=1743ff9e-9a8e-4e2d-8d35-c0149390d1ef&replace=0&hide_cover=1&embed_type=widget_standard&hide_tracklist=1


Coma un crostet de pan : dab Dàvid Escarpit qu’avem lo plaser de gostar la modalitat bordalesa de l’occitan, riale ! E preciós sustot. 112p., cobèrta illustrada, 14 euros en çò de Camins. 

Arreproèrs, díser, expressions : lo sabre d’ua lenga.

Mei dens l’edicion
23au concors bigordan www.cg65.fr
Nautats a Vent Terral
N’opini pas a totas las ideas charlièscas, selectivas sovent dens lo tractament de las realitats deu monde.
Per autant





Las musicas d’En Ondas
* Francis Lassus In&dit Nougaro Liberté Egalité Téléguidées
* André Minvielle e Serge Pey Nous sommes cernés par les cibles
* Passa Camin A punta d’alba Instrumentau
* Passa Camin La marèga Planh per Aishà
* Christian Vieussens Fifres et tambours de Gascogne Marche du Bazadais
* Viatge en lenga Garona