Category: En Ondas

En Ondas setm. 21 Felix Noblia

Agroecologia,casau,En Ondas,Felix Arnaudin,Felix Noblia,lenga minoritària,Ortalatge,Ràdio podcast de resisténcia en occitan,sòu,Vergüei e Vièlanava

Aquesta emission que serà en francés màgerment : lo nivèu de lenga en occitan com en euskara de l’interlocutor extraordinari qui ei dab nosauts uei, estant egau : comprension mes pas locucion.
Que s’apèra Felix Noblia e que’s prèsta a l’exercici de la transmission regularament dens l’annada, guide sus las soas tèrras.
Que’vs convidam a un tralh (avore raportat Arnaudin) hens lo casau e per los camps de Felix a escotar idratà’s culturas, bèstias, òmis e hemnas qui seguim la visita. Qu’ei camas longas Felix b’ac cau díser.
E solide que plau !
Qu’èm en país Charnègo on se practica la mesclanha culturau sauvadora plan mei abans l’invencion deu concèpte de Melting pot. E non, tot non sorteish pas d’America (deu nòrd) !
Que nse trobam a Vergüei e Vièlanava, aqueth 21 de mai calamitós e shens que per’mor deu temps.

F. Noblia 21/05/2021 Vergüei e Vièlanava © DL

Analisi de sòu impromptua.

Las musicas d’En Ondas
• Artús Cèrc Halha e Albedo
 Sonaus de Denis Fournier e Percussions Profile Le Mystère de la Pyramide

En Ondas setm. 20 (2) Elisa Harrer

Bernat Manciet,Elisa Harrer,En Ondas,Franz Kafka,Jean Giono,Patric Guilhemjoan,Per Noste,Ràdio podcast de resisténcia en occitan

Elisa Harrer entau Diccionari occitan francés Gasconha en tres tòmes recentament pareishut a Per Noste. La conquista de la lenga qu’estó per era com : « arrecrubar un ben qui n’aví pas jamei avut ». Arron l’emission en companhia de Patric Guilhemjoan, Elisa Harrer que’ns hè part deu tribalh realizat e la faiçon qui a avut de l’envisatjar : « traçar lo camin en caminar ».
Refugis qu’ei gessit d’un procediment qui s’ei impausat a d’era. Enter dus e un dotzenat de tèxtes de pròsa poetica inspirats per tèxte o tèxte-musica d’autors com Jean Giono *, Franz Kafka, Bernat Manciet, Robèrt Burns au prisme deu compositor estonian Arvö Part, tanben Perec o Bobin, Stevenson, Thoreau o Vesaas.
Un viatge magnetic en la companhia d’Elisa Harrer hens los retortelhs de memòria.
* en exèrgue deu libe la citacion de Giono : «…los òmis ne’s pòden pas passar d’abitacions magicas »

© Elisa Harrer

Elisa Harrer que signa :
La glycine d’Hasparren, Atlantica, 2007
Diccionari intermediari occitan-francés, Gasconha, A-Z dab Patric Guilhemjoan Per Noste, 2014
En tot caminar, Tout en cheminant capvath l’òbra de Francis Jammes, bilingüe Per Noste, 2016
Lo qui plantava arbes e novèlas mei de Jean Giono, Elisa Harrer traductora, bilingüe, Per Noste, 2018
Un messatge imperiau e racontes mei de Franz Kafka, Elisa Harrer traductora, 2019
Refugis = Refuges, Elisa Harrer, Per Noste, 2020
Diccionari occitan-francés, Gasconha, tres tòmes, Patric Guilhemjoan e Elisa Harrer, Per Noste, 2021

Las musicas d’En Ondas :
• Arvo Pärt Estonian Lullaby + Triodion My heart’s in the Highlands
• Erik Satie Roland Pöntinen Six gnossiennes n° 3
• Franz Schubert Quatuor Enesco Quatuor no. 14 La jeune fille et la mort = Der Tod und das Mädchen
 Sonaus de Denis Fournier e Percussions Profile Le Mystère de la Pyramide

En Ondas setm. 20 (1) Especiau Que guaiten los espaurugalhs !

#mespresats,André Courrèges,Arricoquet,Association foncière de remembrement,Carressa e Cassabè,Carresse-Cassaber,Daniel-Dpl,En Ondas,En Plaine Vue,Ensemble pour demain Amassas per doman,Gave d'Auloron,Michel Rodes,Nicolas Benegui,Sepanso

Emission En Ondas spéciale « Que guettent les épouvantails ! »

Despuish abriu que serà lo tresau subjècte que’vs perpausi sus l’ipotetica gravèra de Daniel DPL a Cassabè (Bearn de capvath enter Salias e Sòrda).

Que sentivam, lo 15 de mai, la determinacion d’aquestes centenats de personas amassadas, totas generacions con·honudas per opausà’s au projècte de gravèra.
Après la ploja au Pont de Goat, caminada deus espaurugalhs au sec a l’Arribèra 😉

Mei de 300 opausants au projècte de gravèra Daniel a Cassabè dissabte lo 15 de mai.
En fòrma de rendut compte multimèdia.
entaus incondicionaus de la ràdio | pour les inconditionnels de la radio


Transcripion de l’emission

2120_en_ondas_extra_Gravèra_Cassabè (3)Download

Traduction de l’émission en français

2120_en_ondas_extra_gravèra_Cassabè (3) FRDownload

La gravèra prevista a Cassabè :

  • 19 ha
  • 32 ha d’empresa
  • 14 m de pregondor
  • 78 camions per dia
  • 17 ans d’espleitacion minimum

Las musicas d’En Ondas
· Au noste pomèr (branlo d’Aussau) : musica populara en vita de l’arribèra de Sent Pèr, executada en viu au moment deu seguici quan anèm plantar los espaurugalhs com autantes hantaumes dens aquesta arribèra : Espaurugalhs qui guaitaràn !
 Sonaus de Denis Fournier e Percussions Profile Le Mystère de la Pyramide

En Ondas setm. 19 Patric Guilhemjoan Diccionari occitan francés (Gascon)

Elisa Harrer,En Ondas,Maurici Romieu,Michel Grosclaude,occitan,occitan de gasconha,Occitan-gascon,Patric Guilhemjoan,Per Noste,Ràdio podcast de resisténcia en occitan,Reclams
Patric Guilhemjoan autor dab Elisa Harrer deu Diccionari occitan francés (Gasconha)

Patric Guilhemjoan que ns’ac ditz tot deu Diccionari occitan francés (Gasconha). Tres tòmes preciós en mei de dus mila paginas que sòrt de paréisher en çò de Per Noste https://pernoste.com.

2020 e 2021 que son annadas fastas per la publicacion de diccionaris de lenga. En 2020 qu’espelí l’edicion tornar deu Dictionnaire du béarnais et du gascon modernes de Simin Palay en la soa grafia d’origina en çò de Reclams edicions. Qu’aprofieitam aquesta entervista per coneishé’u un drin mei en avant. Encontre dab Elisa Harrer la setmana per viéner. Qu’ei tanben autora deu present diccionari e d’autes libes parièr ! Tots los perlongaments suu blog hadiu.eu.

Las musicas d’En Ondas
• Gli Incogniti & Amandine Beyer Scarlatti Concerto grosso No. 8 in G Minor, Op. 6 ‘Fatto per la notte di Natale’_ V. Allegro – Pastorale (Largo) extrèit 
 Sonaus de Denis Fournier e Percussions Profile Le Mystère de la Pyramide

En Ondas setm. 19 Especiau Tòques pas au Gave ! dab Carolina Du Faur

Arricoquet,Carressa e Cassabè,ecologia,En Ondas,Gave d'Auloron,Gravèra,Plaine en Vue,Ràdio podcast de resisténcia en occitan,Saleis
9 de mai de 2021 a la « Camida per l’après » a Salias

Encontrada a la caminada entau climat a Salias lo 9 de mai, Carolina Du Faur que parla deu ressentit deu monde de l’arribèra, enter Saleis e Gave d’Auloron au moment quan lo grope LD Daniel, gravassèr, encalhava e gondrona los camins de tèrra de l’arribèra, en au passatge eslargir l’empresa.

Tòques pas au Gave ! mes en aténer, los sentiments, los ressentits que son emmesclats.

mòde d’emplec | mode d’emploi
Lancar lo son de l’emission dens lo lector, léger en occitan o en francés lo tèxte de l’emission e puish visionar lo diaporama | Lancer l’émission dans le lecteur, lire en occitan du Béarn ou en français le texte de l’émission et puis visionner le diaporama.

tèxte de l’emission en occitanDownload
Texte de l’émission en françaisDownload
Quelques images | quauques imatges deu 8 d’abriu e deu 9 de mai

Emission precedenta | Emission précédente Usina a calhaus a Cassabè – Usine à cailloux à Cassaber

En Ondas setm. 18 Votz Aure Seguier e Michaël Barret

Aure Seguier,Clamenç Alet,Congrès permanent per la lenga occitana,En Ondas,Fondacion Eluyar,Gilbèrt Mercadier,Lingua Libre,Linguatec,Michaël Barret,Occitan-gascon,occitan-lengadocian,Philippe Boula de Mareüil,Ràdio podcast de resisténcia en occitan,usatges numerics de l'occitan,votz.eu
Arretrobar Aure Séguier dens En Ondas ; Arretrobar Michaël Barret dens En Ondas ; Arretrobar Benaset Dazeas dens En Ondas

L’entertien dab Benaset Dazeas per Votz (Votz.eu) que’s persegueish en companhia d’Aure Seguier e de Michaël Barret, dus obrèrs, tecnicians de tria, deu Congrès. Que hèn part de l’equipa creatora de l’aplicacion en linha de sintèsi vocau en occitan. Que s’ageish d’oralizar en occitan de l’escriut estant. Qu’evocam lo tribalh qui a necessitat e tanben utís per viéner de fonetizacion de la lenga entaus sites internet o de „plug-ins” per arrevirar automaticament o enténer quin parlan los sites internet, d’aplicacion d’utís comunautaris occitans o de comunautat de contributors que son a l’estudi au Congrès.

Las musicas d’En Ondas
• Francis Lassus La vie, la vie
 Sonaus de Denis Fournier e Percussions Profile Le Mystère de la Pyramide

Quauques fòtos per Votz
A l’estúdio Arbus a Pontac : Philippe Boula de Mareüil, Michaël Barret e Aure Séguier, utís d’enregistrar, Clamenç Alet, Jeannot Arbus, la vòsta servitora (e mercés au Congrès de ns’aver perpausat i comprés acrobacias lingüisticas !). http://votz.eu http://locongres.org

En Ondas setm. 17 Votz Benaset Dazeas

Aragonés,Aure Seguier,Benaset Dazeas,Congrès permanent per la lenga occitana,En Ondas,Euskara,Fondacion Eluyar,Gilbèrt Mercadier,Linguatec,Ràdio podcast de resisténcia en occitan,sintetizacion vocau,usatges numerics de l'occitan,votz.eu
Besaset Dazeas, geek per l’occitan que cèrca e tròba la bona carburacion entau Congrès permanent de la Lenga occitana dont ei lo director. Encontrà’u que nse permet de dar ua uelhada suu dotzenat d’ans d’existéncia deu Congrès au parat de la presentacion de Votz.eu, l’interfàcia que permet de sintetizar l’occitan escriut en … Votz.
Que s’apèra tot simplament Votz.

Votz qu’ei l’aplicacion en linha de sintèsi vocau en occitan. Qu’ei peu moment accessibla per duas varietats occitanas : gascon e lengadocian. Que’s hasó compte tanben per hargar-la de l’environament lingüistic francés (personalitats, noms de via, etc.). Qu’ei desvolopada Votz dab las tecnologias de hialats neuronaus (intelligéncia artificiau) peu Congrès permanent de la lenga occitana e la fondacion Elhuyar (qui tau parat e transferí las soas competéncias a las entitats occitana e aragonesa) dens l’encastre deu projècte europèu LINGUATEC « Desvolopament de la cooperacion transfronterèra e deu transferiment de coneishenças en tecnologias deu lengatge ».

La setmana per viéner que daram l’aurelha au còr deu tribalh qui a demandat Votz dab Aure Seguièr e Michaël Barret, dus deus obrèrs de l’equipa.

Que podetz tanben escotar l’emission d’En Ondas en companhia de Philippe Boula de Mareüil d’octobre de 2019 au moment deus enregistraments de la votz gascona : https://hadiu.eu/2019/10/07/en-ondas-setm-41-philippe-boula-de-mareuil/

Presentacion en vidèo de Votz : https://www.youtube.com/watch?v=7GacVl3hnwg

Las musicas d’En Ondas
• Nautat en çò deu labèl Pagans Sourdure De mòrt viva L’Ivern daus Astres
• Brian Eno Music for films Empty landscape + Don’t look back (extrèits)
 Sonaus de Denis Fournier e Percussions Profile Le Mystère de la Pyramide

En Ondas setm. 16 Eric Fraj 2

Cançon occitana,Daidièr Mir,Danièla Estebe-Hoursiangou,En Ondas,Eric Fraj,Guillaume Lopez,Joan Bodon,Letras d'òc,Morgan Astruc,Musicas occitanas,Musiques occitanes,Novèla cançon occitana,Oc revista,occitan,occitanisme critic,quin occitan per deman ?,Ràdio podcast de resisténcia en occitan,Sergi Lopez

Que perseguim l’entertien dab Eric Fraj, artista cantaire, ensenhaire e cercaire • Nous poursuivons l’entretien avec Eric Fraj, artiste chanteur, enseignant et chercheur.
Dens aquesta edicion que devisam d’escritura. La soa e la d’autors e d’autoras com Danièle Hoursiangou-Estebe, Joan Bodon o Joan-Loís Viguièr • Dans la présente édition nous discutons d’écriture. De la sienne et de celles d’auteurs comme Danièle Hoursiangou-Estèbe, Joan Bodon ou Jean-Louis Viguier.

© Monotipe L’Arbo de vita Daidièr Mir

Apregonir e perlongar | approfondir et prolonger : https://fr.wikipedia.org/wiki/%C3%89ric_Fraj, https://oc.wikipedia.org/wiki/Eric_Fraj e https://ca.wikipedia.org/wiki/Eric_Fraj. Lo site oficiau de l’artista : qu’ac avetz entenut la soa discografia manca los dus darrèrs disques que s’i pòt escotar librament : lo site de l’artista : https://ericfraj.com/eric-fraj-parcours/ e la soscripcion per paréisher fin de 2021 https://ericfraj.com/oc/soscripcion-per-la-vida/. La magnifica portada monotipe qu’ei signada Didier Mir : http://cargocollective.com/didiermir e que serà solide en color, tanben que hè part d’un tot que descobriratz dab la soscripcion. Que receberam a Daidièr Mir d’ací quauques emissions.

Eric Fraj qu’ei un deus contra-exemples viu a aplicar a l’istoriografia, colportada per’cí, per’quiu, deu mite de la NCO. Istoriografia torcuda de la Nòva Cançon Occitana tau com se conta a mainats que non pòden verificar gran causa. Eric Fraj qu’aprèsta un doctorat suu maine de la cançon, de la votz e de la creacion enter autes.

La faiçon qui a de hestejar lo prumèr concèrt (en seteme o noveme de 1971) qu’ei d’aprestar un disc compacte doble en complicitat dab plen de companhs e companhas musicians e cantaires. De las 32 cançons, 30 son ineditas. Pas inaudidas totas puish a que’n virè un bon pro en concèrt.

La Vida que n’ei lo títol, com si cantar èra un hat : a l’encòp fatalisme e neuritud prumèra.

Las musicas d’En Ondas
• Lo Köln concèrt solò de Keith Jarrett en 1975 a l’opèra de Colonha, quauques extrèits parts 1 tà 3.
• Duo d’Eric Fraj dab Lluis Llach en 2005 A fòrça de nits creada tanben en 1975, paraulas e musica de Lluis Llach
 Sonaus de Denis Fournier e Percussions Profile Le Mystère de la Pyramide