Dominique Marchais qu’ei un realizator vadut en 1974, estudis a la Sorbonne Paris 4 e passatge a la Villa Medicis, que viu uei a Bordèu. Que sòrt de recéber lo prestigiós Prèmi Jean Vigo qui sòlen de dar a un realizator independent d’esperit e tà la qualitat e l’originalitat de la soa òbra.
La Rivière lo son darrèr documentari, long metratge de 104 minutas, shens d’estar singular qu’ei sustot ua òbra d’art. Au sens prumèr : ua pintrura filmica e sonòra dont lo poder deus imatges e deus perpaus s’adreça a tots los nostes sens, a la nosta atencion e qui nse hè compréner, per l’exemple de gaves pirenencs, çò qu’ei lo monde de l’arriu e lo son ròtle. Aquestes èstes vius qui, despuish sègles, èm los dits umans a cavar, dravar, espleitar, empipautir, masedar e vueitar de tot lo lor poder vitau, lo filme que’us nse hè compréner d’ua tota auta mòda. Que nse rend conscients. Lavetz que podem partvirar las certituds.
AVIS / Emissions en occitan, entervista en francés. Mes propos en occitan peuvent être traduits en français sur http://revirada.eu. Mercés https://locongres.org
Pareishut en junh de 2023 en çò de Jorn, lo son dusau recuelh qui ei illustrat a la Mina de plomb o mei prosaïcament a l’estillò per Jue. Que l’encontrèm era tanben. Un tribalh grafic emprenh de simbolica en miralh dab los poèmas o los devís poetics de Cecila. Ua auta mesa en abisme en·hadaira.
Emper-abans que partatjam informacions meilèu locaus – e perqué non ! – sus rites e visions de l’univèrs, pr’amor de l’actualitat ligada au Topin de Lenga e a mantuas autas associacions en Bearn deus Gaves.
La halha, eth haro, las fallas dens un site en occitan parièr :
Las musicas d’En Ondas • The doors Universal mind • Eths micalets Aiganèu La lua se n’ei cochada • Lua, lua Joan-Luc e Dany Madier-Dauba • Ua, miduna, mitrena 1 Lo renard dab sa gran coda • A ton cuenh Crestian Vieussens Fifres et tambours de Gascogne • Au miei deu bòsc i a nau ausèths D’en Haut Sonaus lo pianista Gérard Douvisy deu disc d’André Ricros, L’usina Dupain intro Diga Joaneta Sonaus de Joan Francés Tisnèr Winter Surge inedit
Pareishut en junh de 2023 en çò de Jorn, un dusau recuelh qui atenèvi despuish un moment. A Chara o Crotz en çò deu Camin de Sant Jaume pareishut en 2015. 103pp. 15 euros. Que parlam escritura d’abòrd, escritura tostemps. De l’encombranta femenitud… Que devisam de la fòrma papèr qui tostemps representa ua reconeishença quitament entaus quarantenaris com Cecila.
La soa actualitat : – Dinc au 30 de noveme : Mustra « Mina de plomb, mina de ren » a la Topina, Tolosa – lo 14 de novembre 2023, 18h rescontres Sauramps dab l’Universitat Pau Valery : http://www.felco-creo.org/14-11-23-universite-paul-valery-rencontre-litteraire-actualitat-de-ledicion-poetica-occitana/. – deu 6 au 31 de deceme 2023 : Mustra « Mina de plomb, mina de ren » a la libreria « Aqueras montanhas », Pau – lo 8 de deceme, dab Jue, 18h : vernissatge de la mustra Mina de plomb, mina de ren a la libreria Aqueras montanhas, Pau. – lo 24 de març, castèth de Bordelha (24) : prima deus poètas, lecturas e talhièr de serigrafia.
Las musicas d’En Ondas • Marc Mellits _ string quartet n° 2 Revolution Mara’s Toy • Francesa Etay Ab aqui paubres dròlles Vriulons lemosins Lo couth e l’irondela Jan dau Melhau • Version d’estudi e d’apréner deu Primtemps de l’Arribèra consacrat a las invencions Matiu Dufau e los collègues • PapaGahus_loba_freddy Sonaus de Joan Francés Tisnèr Winter Surge inedit
Eric Gonzalès [1964-2023] que ns’a quitat augan au mes de mai. En navèra difusion duas emissions de 2009 qui tornèi adobar en 2020. Eric qu’èra un fin coneishedor de la lenga. Que sia mercejat tà tot çò qui ns’a aportat.
Un dia qu’avoi l’astre d’obtiéner – au telefòne – ua entervista d’Eric Gonzales. Qu’èra en 2009. Que la ve perpausi tornar dens un montatge drin abracat (la musica), au format 45’ e tostemps en duas emissions. Lo parat de tornar sus la soa destinada literara.
Au començar de 2020, Eric Gonzalès qu’ei au nombre deus editors intellectuaus – dab Maurici Romieu, Sèrgi Javaloyès e Joan Luc Landi – de l’edicion nava deu Dictionnaire du béarnais et du gascon modernes dit de Simin Palay, dont escriu lo prefaci pertocant la grafia.
Aquera edicion d’En ondas que nse da lo parat de tornar trobar – que hasèva un moment despuish lo començar de 2022 – a Mèste Ruffié e Michel Rodes, cuelhuda a Bordèu entau parat de l’audiéncia en Cort administrativa d’aperet – octobre de 2023 – audiéncia consacrada a l’examen deus recors pausats per la DREAL, lo ministèri de l’ecologia (?) e Daniel-DPL a perpaus de la carrièra de gravas a l’alanda suu Gave d’Auloron.
FR// Cette édition d’En ondas nous donne l’occasion de retrouver – cela faisait un moment depuis le début de 2022 (voir en fin d’article l’intégralité des émissions consacrées à la question) – Maître Ruffié et Michel Rodes. Interviews recueillies à Bordeaux lors de l’audience en Cour administrative d’appel – octobre 2023 – consacrée à l’examen des recours posés par la DREAL, le ministère de l’écologie (?) et Daniel-DPL à propos de la carrière de graves à ciel ouverts sur Gave d’Oloron. 8 ans de luta !
Abans dens l’emission qu’averam dat ua aurelhada a l’assecament de Gavarnia e a la distribucion de sable en l’arribèra tostemps deu Gave de Pau a Abòs fin de seteme. Que clavaram l’emission sus las entervistas cuelhudas a Bordèu com anonciat.
Ordi deus plats d’En Ondas aquera setmana : * Gavarnia assecada ! e la fòto : ua fòto de la celèbra cascada de Gavarnia publicada suu compte « X », de Météo Pyrénées (associacion a mira non lucrativa) que la cascada a desapareishut. Assecada au 9 d’octobre que chorra dètz dias après. Que ns’a grada mei de la véder atau… mes e’s cau aprestar l’an qui vien a la véder assecada mei de d’òra dens l’an ? o tà tostemps ? Acostumà’s qu’ei quauque còp renonciar a las nostas responsabilitats.
* Lo collectif S.O.S. Plaine d’Abòs, la gent qui viven ací e mei luenh, qu’avèvan aprestat panèus explicatius resumint los efèits sus l’environament de l’extension de 17,6 ha de la gravèra, dont l’empresa ei uei de 100 ha.
Audiéncia a la Cort administrativa d’aperet a Bordèu : escotatz las entervistas M. Rodes de la Sépanso e Me François Rufié
Video : aigat 10/01/2022 (arron lo deu 10/12/2021 mei hòrt)
Gaves e filmes qu’an i comprés un poder sus la nosta imaginacion e la nosta facultat a díser non. La Rivière de l’excellent documentariste qu’ei Dominique Marchais (L’homme est une île, La ligne de Partage des eaux ou Le Temps des grâces…) qu’ei programat en avant-purmèra lo dimenge 29 d’octobre au Salèirs, a 6h deu ser, a Salias. [tanben deu 18 tau 22/10 : Bordèu Fifib, retrospectiva deus sons filmes e avant-prumèra de La Rivière lo 22 a 14h, 23/10: Peçac (dab Gilles Bœuf), lo 26 : Baiona, lo 27 : Pau, lo 29 : Salias, lo 30 : Arudi, lo 31 : Maule, lo 1èr : Donapaleu, lo 2 : Donibane Lohitzun, lo 4 : Capsius]. Au cinèma a partir deu 22 de noveme de 2023 !
Las musicas d’En Ondas • Arnau Obiols Projècte Pirèna Aigua III • Patti Smith Pissing in a river (Digitally Remastered 1996) • Rotland Pecot Poèmas per tutejar Passejada long dau riu après vendemiar • JF Tisnèr Prologue 1 + Montatge (reperatge tà Sorrom Borrom, lo poèma de Sèrgi Javaloyès) Sonaus de Joan Francés Tisnèr Winter Surge inedit
e mei lo videojòc Dordogne deu quau ns’entertien Danís Chapduelh. Pensatz un videojòc en lo quau non perdem, ni morim (ni hèm morir) aquò dab lo hèit que sian aquarellas avitadas e que perpausan la version occitana, que son singularitats de saludar ! Dordogne videojòc de Cédric Babouche. Estúdio : Un Je Ne Sais Quoi, associat a Aymeric Castaing e Umanimation, basats a Bordèu, produsit per Focus entertainement. Danís Chapduelh qu’ei per alhors cap redactor deu Diari.
Las musicas d’En Ondas • Tre Fontane Bertran de Bòrn J.-L. Madier Ai ! Lemosin • Valhant e companhia Veranda Sestrina e Peirigurdin sonaus : Marseilles, Le retour des Muletiers Aldo Ciccolini Deodat de Severac Sonaus de Joan Francés Tisnèr Winter Surge inedit
„Per un instant perfèit qu’èm capables de suportar tots los autes” ce nse bremba Didier Tousis citant Sartre. Hèstas sauvatjas peus mainats de l’Ecole Nidau de Soston. L’escòla bilingua singulara, en pedagogia Montessori, en occitan gascon qu’edita lo son purmèr obratge. Ua escòla deu dehòra, deu desvelh qui perpausa aqueth àlbum remarcable (coord. D. Tousis), tot en color dab dessenhs deus escolans, pegatges, fotografias, creacion grafica. Curiós de tot, aqueths mainats, qu’observèn au long de l’an, un dia la setmana, en la seuva. Ua escòla de la lentor, de l’observacion, de la paciéncia e de la sensibiltat. Magnific àlbum cartonat tot en color, 38 p., 15 €. Coproduccion Pit produccions-Ligams/La Passem. Didier Tousis que nse ditz que, en companhia deus mainats, cau deishar lo temps a la vita. «En çò deus mainats, tots los mainats deu monde, que i ei l’esper esconut d’un monde diferent». Maria Montessori
Las musicas d’En Ondas • The Crane of Akn au Duduk per Yeghish Manoukian Illuminacion Musica d’Armenia • Issòr Ua, miduna, mitrèna 2 PS GS Issor Conte de la Maria Chorra Pas avut lo temps de’vs passar « La Maria-Chorra e lo pinçan » Sonaus de Joan Francés Tisnèr Winter Surge inedit
Devisada en companhia de Florian Vernet, dusau part. La question de l’occitan estandard, comun… « Nos consideram com una colleccion de lengas » ce nse ditz Florian Vernet e aquò non lo va pas. Ua situacion pr’amor non decidim pas collectivament de tirar las conclusions de l’estat de la lenga. « Lo francés es en trin de devenir la lenga comuna de l’occitan per refús d’aver un occitan comun » ce nse previen Florian Vernet. » Escrivèvi pas, legissiái com un fòl ”. S’ei ratrapat despuish, pageratz l’òbra : https://www.idref.fr/027181790 [e tot ne i ei pas…] Un collòqui Florian Vernet en prevision : escrivan, lingüista, pedagògue, lo 20 d’octobre de 2023 a Montpelhièr Universitat Pau Valery.
Contretemps GERARD TAUTIL mai de 2023 premsas federalistas Lettres sur l’Occitanie et l’occitanisme, version francesa de l’originau occitan pareishut au Cebier 300 chemin du Plan de Chibron 83870 Signes 16 + 5 € per l’exemplar en occitan (occitan + francés 38 € pòrt comprés.
Lo Marius, libe de Dominique Commet 12 cronicas bilinguas e en version audio tà Radio Cap a Cap, ill. Phil Castaza, ençò de Plume libre www.lacieckc.fr
Letras d’Oc http://www.letrasdoc.org/oc/ la profession d’editor a l’aunor : publicar e fabricar al país. Istòria d’un sauvatjòt de Sèrgi Carles, Passejadas toponimicas de Pau Fabre, Contes del mèrle devinhaire de Maria-Odila Dumeaux, Seme de hemna de l’aranesa Tòni Escala, Tu de J.-L. Viguier (traduccion francesa d’Eric Fraj), anonciats Sinèra d’Andrieu Lagarda e Mudadas de Joan-Pèire Lacomba.
Las musicas d’En Ondas • Crestian Vieussens Esquiç 5 • Deodat de Severac • Velvet underground I cant’it stand it • Kronos quartet A thousand thoughts Tusen Tankar + Dark was the night Cold was the ground + La Sidounak Sayyada • Joni Mitchell The beginning of survival The Beat Of Black Wings Sonaus de Joan Francés Tisnèr Winter Surge inedit
Hadiu 
You must be logged in to post a comment.